إقتباس الرسالة الأصلية كتبت بواسطة القاضي بأمره مشكور اخي النديم الشيء المحير ان لاعب ماله اى قيمه فنيه ومسجل هدف واحد فقط طول مشاركاته مع النصر وهدفين فقط طول مشاركاته مع فريقه الاول نجران صار الان مهم ولا بعد عمره 29 سنه وموقعين معه حتى يصير عمره 32 سنه ياسبحان الله .. بدل مانشكر امير النصر الى انقذنا هالمقلب اشوف الجمهور يطلب من الاداره الرد والتصعيد

نطالب بالرد و التصعيد

حفظا لكرامة النادي و الزعيم طول عمرة زعيم

ما يجي في الاخر و نكون ملطشة للي يسوى و ما يسوى

الزعيم له حق و نطالب باخذ الحق و حفظ كرامة النادي


لا اكثر ولا اقل

لان عوض مصيرة الايقاف و غرامة
و الفقر حرمان من التسجيل فترتين + غرامة مالية تدفع للزعيم

النصر راح يتوقف عن التسجيل مدة موسمين إذا تحركت الإدارة الهلالية في تقديم شكوى

إقتباس الرسالة الأصلية كتبت بواسطة جمهور الغضب النصر راح يتوقف عن التسجيل مدة موسمين إذا تحركت الإدارة الهلالية في تقديم شكوى

يعني من حق الجمهور الازرق المطالبة بنسيان الموضوع
و تهميشة بحجة ان عوض لاعب اقل من عادي !!!!!!!!؟

بالعكس المفروض جمهور الزعيم يطالب و يضغط على الادارة و شكوى الفقر

مثل ما تفضل اخوي نطالب الادارة بالتحرك

منها عقوبات على الفقر

مالية و حرمان من التسجيل
و الزعيم راح يستفيد ماديا من الشكوى

الغريب ان الكل يتلكم عن بطولة وفوز النصر باللاعب والامر المضحك انه صفعه في جبين الفكر النصراوي النصر كسب اعلاميا واما جماهيره هذا صحيح
اما الامور االخرى لنتمعن مالذي حدث
لو فرضنا ان النصر قد عرض على خميس مبلغ 4 مليون ريال ورفض الللاعب فكان الاولى واجدر بادارة ناديه رفع المبلغ قليلا ولكن ماذا حدث تدخل الهلال ورفع من قيمة اللاعب وطبعا عندما اراد النصر استرجاعه فانه دفع له اكثر من قيمة العرض الهلالي ليغريه بالرجوع ليكسب القضيه الاعلاميه اي انها ملايين وذهبت في الهواء
الشي الثاني ان اللاعب ومع ارتفاع قيمته السوقيه سيتم ايقافه تقريبا لموسم كامل بداية من تاريخ بداية عقده مع الهلال وهذه طامة اخرى ستتحملها ادارة النصر
الثالث ما سيصدر في حق النصر من منع لفترتي تسجيل وهذه طامه اخرى
ان كانت الامور تدار لديهم بهذه الطريقه فهنيئا لهم هذا الفكر الغريب ان اشتري لا عبا نصراويا واكون سببا في ايقافه لدة عام وامنع الفريق من استقطاب اي لاعب خلال فتره عام كامل هنئا لهم المعركه الاعلاميه وهياط الاطفال وان قرر النصر ان يستغني عن كل شي وان يترك اللاعب للهلال فتك مصيبه اكبر
اما من يظن ان النصر سيتقدم بشكوى بان الهلال رفع من السعر المتفق عليه فالهلال رفع عقده للجان وهو يعلم كم المبلغ المكتوب فيه واما ما يدفع من تحت الطاوله فليس لاحد الحق في البحث فيه وان تم البحث فوليد عبدالله والعويس سيوقفون ايضا

إقتباس الرسالة الأصلية كتبت بواسطة القاضي بأمره الاخ العزيزmxs اخوي انا لم اتناول القضيه ولا تهمني ولايهمنى الخوض فيها هي كلها على بعض خطاء من البدايه الطرح واضح التعاقد مع لاعب غير ذا قيمه هو مايهمني حرام يدفع ريال واحد في لاعب عمره 29 وبدون قيمه فنيه لافي فريقه ولا في المنتخب عندك لاعبنا الجديد النجراني وين الاعب الان ؟؟؟ هو افضل واصغر سن من عوض خميس الاعب حتى التشكيله مايطبها ياليت من الاخون قراءة الموضوع ....الهدف من الطرح واضح وليس الخوض في تفاصيل القضيه

انا عارف قصدك يا اخي
لكن كلامي كان عام لجميع الاخوان
ليش نترك حقنا
لو كانت الغاء العقود بهذه السهولة كان
الغينا عقود بعض اللاعبين اللي تورطنا فيهم
ولا كان وقعنا عقد مع اي لاعب مميز وهو يلعب بفريقه
لذلك انا لا اتمنى اننا نركز على مستوى اللاعب وعمره
ومدى فائدته
ونترك المهم
وهو
حقوقنا + عقوبة المخالفين

وليش الهلال ما يصعد الموقف ؟؟

انا معاك ان الجمهور ما يركز على هالموضوع عشان لايشتتون تركيز الفريق بالدوري لكن على الادارة البحث عن حقوق النادي محنا مطيه للنصر وغيره

ترا النادي دافع له ستة ملايين مو موقع ببلاش خليه يرجع اللي عليه وياليت لو كان فيه شرط جزائي وخل بنو فقر يتعاقبون من التسجيل

بكذا نكون مردغنا بهم التراب

اعتقد الادارة سكتت عن الغامدي اللي وقع لهم ورجع ووقع للفقر وهذا هو يقولك كان وسيط بين الاعب والفقر شاف الدعوة عاديه جدا

وهذي حركات لاعبي الفقر ماوقعوا للهلال عشان الهلال وقعوا عشان يآخذون حقوقهم من خبيلان لكن الله عليهم عساه مايدفع لهم ويمرمطهم مرمطه

يعطيك العافية

عتيبي مطنوخ اسمع يا أبن عمي والكلام للجميع
يا اخوان هاذي كرة قدم والمشجع الى مثلي مايهمه غير لاعب مميز يجي للفريق ويشكل اضافه
وهذا الاعب المستهلك لو جانا والله انه ليجلس عاله على الفريق حنا نعرفه .. هو حتى في فريقه احتياط
السؤال للجميع... الان هم ضرونا يوم استرجعوه ولانفعونا؟؟؟؟؟؟

انت ياهلالي لو راح لاعب من الفريق ووقع للنصر ورجع بعد كم يوم ووقع لك بالله بتحترمه؟؟؟

اما بخصوص الحقوق والمطالبات بالانتقام للكرامه والاثاره الى مالها داعي والله انها
كبيره علينا نجاري الردي في رداه والخسيس في خسته ماتجي منا

القاصي قبل الداني يعرف ان اغلب النصراويين وليس كلهم يفرحون ويتنومسون بالعلم الردي
وهم اهلً له مكاسبهم كلها في العلوم الرديه وخصوصا ادارتة
وخصوصا سالفة سدني ونشمورا الى فرحو وههللو عليها كم يوم الان الخلق كلهم يمقتون افعالهم
حتى انهم صارو مضرب مثل في الأساليب الرخيصه
قبل فتره في قناة الكاس وفي برنامج المجلس كان فيه مباراه بين فريق قطري واماراتي على ما اذكر الجيش والعين المباراة في قطر مقدم البرنامج يطالب جماهير الانديه تقف مع الجيش
رد عليه احد الموجودين قال ما اتوقع يحضرون جمهور الانديه الاخرى رد المقدم قال الحمدالله حنا ماعندنى في قطر مثل غيرنا وقادهم سياق الحديث الى سلوك النصراويين المخزي في مباراة سدني
حتى انهم اعتبروه مثل سيء للخلق الرياضي ودخيل على المجتمع الخليجي
يعني صارو مضرب مثل في العلوم الرديه
وهاذي سابقه للنصراويين لم يسبقهم عليها احد
والحق يقال ان العقلا في النصر وهم قله يرفضون سلوك العامه منهم
والله ثم والله وعلى حد معرفتي في الناس ان اغلب جماهير الانديه تمقت تصرفات واساليب رائسهم
وجمهورهم وهذا ماجاء من فراغ جاء من تراكمات تصرفاتهم السافره وخصوصا بعد سالفة سدني ونيشمورا الخلق احتقرت تصرفاتهم الرخيصه
اخواني حنا من الصعب نجاريهم في الرخص هم اهله وهم عرابينه ترى هي ثقافه عندهم صعبه علينا حتى لو اجتهدنا ههههه استغفر الله

انتم تتوهمون فيه احد عاقل متزن يحترم تصرف عوض خميس حتى العقلا في النصر والله انهم يحتقرونه الان الى فرحان ويطقطق هاذول مجرد سفها بكره تروح السالفه ولايبقى غير العلم الردي الى كسبوه هم ولاعبهم الفلته

الخلاصه
الشباب الى يتكلمون عن الكرامه والتعدي عليها وسمعة النادي
لاعب وقع للهلال في الظهر وفي الليل وقع مع فريقه وش دخل الكرامه والسمعه في الموضوع
هذا تصرف رخيص من الاعب وراح يظل ملازم اللاعب طول بقائه في الملاعب
الان حنا وش دخل كرامتنا في الموضوع!!!!!!!!
الى عنده ازمة كرامه لايتابع السفهاء في مواقعهم ومنتدياتهم
ترى مثله مثل الى يدخل بار او كبريه يستاهل مايجيه واحشمو انفسكم وناديكم عن المهاترات الى مالها داعي
ولعلمكم والله النصر اقل بكثير من انه ينال من كرامة اصغر مشجع
شوفو ضعافة العقل شوفو كيف فراحنين ومحتفلين بالاعب وحاطين كيكه على اساس انهم كاسبين نوماس كبير ومهولين السالفه عايشين جوهم رغم ان هذا لاعبهم اصلاً لاراح ولاجاء وبكره يرجع مكانه على الدكه اذا نقصت خانه يرقعونه فيها
واذا صارت مبارتنا معهم ينزلونه اساسي علشان عامل النفسيه ... هم الكوره كذا عندهم
الله يصلح الحال

الاخوان الى تكلمو عن الشكوى انا اتفق معهم هذا حق مكفول للاداره
اذا كان الاعب تقضاى مقدم عقد بموجب شيك مصدق او مبلغ كاش
اما اذا الاعب ما أخذ ولا ريال لاوالله فكةً من جحا غنيمه

لا بيتعاقب النصر ولا بيصير عليه غرامات و لا هم يحزنون، تدرون ليش؟
لأن ولد عم هذاك بيحب خشم ولد عم هذاك و عمهم الكبير يقول لهم انهوا الموضوع بشكل ودي لا يكبر..
لذلك طالما ما حنا من عيال عم ذولاك او من (عائلتهم) خلنا ساكتين و كلها كورة في الاخير و بالطقاق يا المشجع العادي.. أصلاً هي جت على الكورة ؟ كل مفاصل الحياه متحكمين فيها فئة معينه اللي هم ...............
>>>> ركبت جمس اسود مدري وشو .. راجع قريب ان شالله

إقتباس الرسالة الأصلية كتبت بواسطة القاضي بأمره القاصي قبل الداني يعرف ان اغلب النصراويين وليس كلهم يفرحون ويتنومسون بالعلم الردي وهم اهلً له مكاسبهم كلها في العلوم الرديه وخصوصا ادارتة

اما هذي انا اشهد انك صدقت فيها

إقتباس الرسالة الأصلية كتبت بواسطة حرف ازرق لا بيتعاقب النصر ولا بيصير عليه غرامات و لا هم يحزنون، تدرون ليش؟ لأن ولد عم هذاك بيحب خشم ولد عم هذاك و عمهم الكبير يقول لهم انهوا الموضوع بشكل ودي لا يكبر.. لذلك طالما ما حنا من عيال عم ذولاك او من (عائلتهم) خلنا ساكتين و كلها كورة في الاخير و بالطقاق يا المشجع العادي.. أصلاً هي جت على الكورة ؟ كل مفاصل الحياه متحكمين فيها فئة معينه اللي هم ............... >>>> ركبت جمس اسود مدري وشو .. راجع قريب ان شالله

هذاك مع عبدالرحمن بن مساعد مو مع نواف بن سعد

الله يعطيك العافية
وبالتوفيق للهلال الزعيم الملكي