| إقتباس | | | | |
الرسالة الأصلية كتبت بواسطة هلالي مغترب USA | | | | | | | |
يااخي انا مااستانس وحوي يروق الا باللعب بصفة الهاوي هو جونا
طيب افترض البلوي شرى الهلال واستثمرفيه وجته عوائد ورجع دراهمه كلها ثم اهمل الهلال حتى ينزل للدرجات الاقل للاولى ويدحدر بعدها ....خل هي مفيده هالخصخصه | | | | | |
معليش وش هالشطحه .. وش هالتفكير .. ووش هالتاجر اللي ما تهمه الفلوس وشي يجيب لاستثماراته مردود وبس عشانه يكره الهلال بيخليه ينزل درجه اولى .. ووش الاستثمار المعكوس .. ابشرك بتشوف مستثمرين عندك اتحاديه ونصراويه واهلاويه وناس تكره الهلال .. وبتشوف هلالية بالنصر والاتحاد والاهلي والشباب .. الدعوى الآن أن أدفع وش المقابل اللي بيرجع لي .. سابقا التجار تدفع لانديتها حب واستثمار دعائي لتجارتها .. فمنصور والبلطان التجار غير بعد ما دخلوا الرياضه ودفعوا لهم 400 مليون وأكثر لو ترجع لدفاترهم المحاسبية بتلقاهم سووا استثمارات عائدها المادي عليهم 3 اضعاف ما دفعوا بالرياضة وممكن اكثر ..
حاتم باعشن قال كلمة صح عليه (الريال عزيز على صاحبه) .. والتاجر لما يدفع (ريال) إذا ما يرجع له عشره يعتبر نفسه خسران ..
عموما يالغالي الأندية كلها تمتلك رجال أعمال ممكن يدفعون فيها مليارات وبالراحة وبتشوف وضع الكرة السعودية غير .. ونادي تشلسي بعد رومان أبراموفيتش غير قبله وتأثير ملياراته مازالت مع النادي حتى الآن ..
بتشوف باكر اسم الاتحاد اقوى واسم النصر اقوى واسم الاهلي اقوى واسم أندية كثيرة راح تطلع من الشمال من الجنوب من الشرق من الغرب ..
أما تاجر بيجي يدفع مليارات عشان يدمر تاريخ نادي معين أو ينزله درجه أولى معليش هذه سواليف استراحات وانت جالس مع الشباب عند الضويّه وتأثير الحليب مع الزنجبيل يجيب مثل هالحكي.
وعموما لو انا مستثمر وأبي أدخل مجال الرياضه باستثماراتي .. وكهلالي لو مالقيت فرصه أكون أحد ملاك نادي الهلال .. وعندي دراسات واستشارات مالية تثبت أن ربحي 80% تتوقع أني مالقيت فرصه بالهلال ولقيتها بالنصر أو غيره من الأندية الجماهيرية بقول لا والله نادي منافس وما ابيه!!؟؟ أو خلني أدخل عشان ادمره وادمر استثماراتي وأموالي معه !!؟؟