حاولت اكبر الجمجمة .. لين ما صرت اقدر البس كاب من التفكير بعمق 3 ونص متر
وجدت ان الفكر الى هم يفكرونه صح .. على قد فلوسنا نتعاقد
ورخيص نعرفه .( العاهات الى تم شراء عقودهم ) .. ولا غالي مانقدر نصرفه ( الشمراني )
نعم تراكم .. ملفات قديمة اجبرت الادارة الحالية والقادمة على التفكير بعمق
اعمق من عمق تفكيري وتفكيرك .. ايه انت يالي تقرا
وش تفكر نفسك محلل في قناة ولا خبير كروي متبطح على النت وتكتب ( هذا تفكيرهم )
كبرنا الجمجمة اكبر شوي طيب الديون كيف بتتصرفوا فيها الفزعة اشوفها بدت تقل .. والديون بدت تثقل
اعملوا عملية تقنين .. للاعبين الغير مفيدين .. انت وش فهمك انا اخطينا بتنسيق المؤشر
وشوف مستواه الان .. طيب خطا سابق وخايفين نكرره من عندي
واتوقع كلكم معاي ( بيع عقود او اعارة للتالية اسماهم )
1- عزوز 2- القرني 3- احمد شراحيلي 4- فيصل درويش 5- حمد و الدعيع والشامخ ويونس لا ترجعهم
اكمل مشوار الاعارة .. يمكن يقتنعوا اندية الوسط في مستواهم ويشترونهم بنصف المبلغ
لاعبين الغي عقودهم :
1- كواك النكبة 2- ديقاوو ( صديق نفيز ) 3- ادواردو ( الباحث عن عقد افضل ) 4- الميدا ( المتقلب )
وعليك بلاعبين افارقة .. ارخص وغير مكلف وغير مشهور بعدين ضد الكسر ( دوريس لاعب الفتح )
وافولو لاعب التعاون .. الظاهر بعقود قيمة كامري اكبر همه ابي فيزة عمره لبوي وامي
بكبر الجمجمة شوي : بالعقود مع الشركات التجارية صدقني انقلبت فنيلة النادي كانها سيارات الرالي
شعارات من جميع الجهات دون فائدة تذكر .. عقد او عقدين وكفاية لكن عليها الكلام
اخاف يوم نشوف فنايل الهلال كانها فنايل لاعبين الطائرة بالدوري الايطالي ماتعرف وش لون النادي
الا من الجمهور بالاعلام
كبرنا الجمجة .. والظاهر ما عاد اقدر البس فنيلتي الجديدة ولا افصخ القديمة .. بسوي رجيم
للجمجمة .. لا اخيس بملابسي والا ارمي نفسي بالغسالة
خربشة قبل الفجر
![Naughty](images/smilies/ani/naughty.gif)