|
ومن قال لك اننا نفكر او نريد التفريط بهم؟ نحن نتمنى-على الاقل راءيي الشخصي-تصعيد ابرز4 لاعبين من الاولومبي واغلبهم بالوسط ووضع العابد والفرج وسالم احتياط لهؤلاء...هذا من افضل الحلول |
ما اعتقد الاداره تتعاطى علشان تبيع العابد والفرج والدوسري ممكن تبيع احدهم لتسديد الديون اما تبيعهم لأنهم فاشلين ما اعتقد فيه احد صاحي بيفكر هالتفكير هاللاعبين علاجهم بسيط هات لاعب ينافسهم على نفس المركز وبيرجعون مثل اول |
انا ما ابيهم .. هم ماعندهم لا روح ولا مسؤولية ولا يمتع المباراة اصلا .. شكلهم مالهم نفس يلعبون .. اكرشوهم ولن اندم بعد اليوم |
جيب ناس تنافسهم على الخانه وشوف كيف الفريق وبعدين المفروض فيه تققيم للاعبين عزوز والسالم وكريري والقرني وكريري والاجانب منتهين |
طيب السلام عليكم كما عهدت جماهير الهلال جمهور عاطفي او كما اجد البعض جمهور جحا فعلا صدقت ياعبد الكريم الجاسر نعم اقولها ولا اخشى احد ان كان نقدكم بهذه العشوائيه فتستاهلون اي كلمه تقال اين المنطق والصواب في فسخ عقودهم او حتى بيع عقودهم او حتى اعارتهم هل كان غلط سالم الدوسري ان يلعب ظهير ايمن او صانع لعب سالم جرد من صلاحياته داخل الملعب اصبح يلعب وفق تكتيك المدرب اي قيد سالم الدوسري كان يمتع ويبدع عندما كان يستخدم الفرديه وكان يخطئ في التمرير في النهايه والان حرب على الفرديه واصبح لاعب جماعي وهو نفسه ذاك الذي يخطئ في التمرير اتركو سالم الدوسري واعطوه الثقه كالسابق وستجدون سالم الذي عهدتموه ممتع حد الثماله 2سلمان الفرج لاعب متقدم وسط صانع ليس محور ولا ظهير ايسر ان كان يخطئ كثيرا فالعيب في المدرب الذي يصر على اشراكه في خانة المحور 3 نواف العابد من اصابه الى اخرى وفي حال كان نواف مصاب تجد الجماهير بعد المباراه تطلب من الله ان يشفي نواف حتى يعود سريعا تحس بغيابه داخل الملعب نواف موهبة الجيل الحالي شاء من شاء ابا من ابا __ ايها العاطفيون هل تتذكرون نادي الاتحاد قبل سته مواسم بالتحديد كان البطل وكان ينافس على جميع البطولات وبعدها طالب الجماهير بتسريح العجايز وكبار السن من بعدها الى الان والاتحاد ضايع بين الاولمبي والتعاقدات هناك درووب وهناك ربما لاعب واحد عديم خبره يحبط اللاعبين عمليات التدوير +اصابات كيف تردون من اللاعب ان يبقى على مستواه جنبو عواطفكم وتحدثو بعقل العيب ليس في العابد وسالم والفرج بل في دكة البدلاء محمد القرني احمد شراحيلي يوسف السالم عبد الكريم القحطاني خالد الكعبي عبد العزيز الدوسري اسالكم بالله هل هذه دكة بدلاء تستطيع جلب بطوله ادعمو الهلال فقط واتركو انتقاد اللاعبين للاداره |
غلطان اسوء لاعبين في الهلال والاهلي يملك الافضل طبعا الدليل ج دا واضح مشكله بعض الجمهور انه لازال يردد مقوله الهلال يملك افصل اللاعبين المقهوي افضل من نواف المؤشر اللي فرطنا فيه افضل من سالم باخشوين و الجبرين افضل من الفرج عواجي وفلاته التعاون افضل من السالم والاحصائيات تثبت ذلك الهلال ماعنده نجوم عنده زلايب واطفال مايحسون بالمسؤليه وتكريشهم افضل بدال ما يشوهو سمعه الهلال |
الهلال مايندم على احد هم الي بيندموون |
بالنسبه للفرج فهو نجم لكنه مركزه ماهومحور تراه انظلم بالمحور مركزه وسط ايسر اماسالم الدوسري مانبغاه مع السلامه والرقاصه العابد مع السلامه خله ينقلع الله لايرده ان شاء الله لاعبين الاولومبي نصعدهم ويبدعون |
النجم لما يكون ع الدكه وينزل مكانه لاعب صغير ويبدع وقتها بيحس ان الخانه طارت عليه وأولمبي الهلال اللاعبين اللي فيه ينتظرون هالفرصه وهم قدها اتفق معك اخوي , ومن وجة نظري " من الغباء بيع عقودهم " لاهنت يارب وفق الزعيم ~ |
احسنت هذا الكلام العقلاني المؤشر أكبر دليل |
إقتباس:
اللاعب الغير مؤهل اللاعب الي ما يلتزم بالاحتراف اللاعب الي لا يحاسب في نزول مستواه اللاعب الي يضم لاكبر اندية المملكة وهو ما تدرج بالفئات السنية |
الهلال مو هلال سالم ولا العابد أو الفرج ... الهلال متاح لمن يعرف كيف يرد الجميل للنادري والجمهور. |
إقتباس:
راح من افضل منهم ومن اكثر اخلاص منهم وما تغير الهلال استمر في حصد البطولات |
لن يتركوهم الانديه الاخرى الكبيره ..انتم صاحيين هذولي ماهوب كبار في السن او لاعبين مبتدئين هذولي انديه كثيره تبيهم ... لكن مع ذلك انا اشوف ان استمرارهم لابد منه مع التخلص من الشامخ الكعبي السالم الشلهوب درويش القرني ..كل اللاعبين العاديين |
هذا طبع عند الجماهير السعودية وخصوصا الهلاليه الله يهدينا ويهديهم ...في نقدهم للفريق ...اللاعب اللي يشوفونه مجتهد وشجاع في محاولاته في المباراه واخفق ينتقدونه بشده ... مايقولون له كنت تحاول بكل مالله اعطاك ...وكنت شجاع ومتحمل المسئوليه .... لا ..للأسف ينتقدونه ....! كانهم يقولون ليش كنت مجتهد .. اما اللاعب اللي مندس ومتخلي عن المسئوليه وهارب ومثل مايقولون تارك الحبل على الغارب .....مالي دخل فيهم ... ...مثل الزوري وادواردوا والفرج ..آخر مباراة مع الاوزبك يتفرجون ...!! الغريب ان هؤلاء يتم تجاهلهم من النقد تماما ويخرجون وكانهم ابلوا بلاء حسنا وعملوا اللي عليهم ..!!؟؟ ... ادواردوا والزوري كانوا يلعبون ببرود والفرج متخوف ومتوتر ومتخلي عن المسئولية ...واضح هذا اثناء المباراة ...اما سالم والعابد اكثر اللاعبين حرثوا الملعب وقاتلوا واجتهدوا وتحملوا المسئولية لم يهربوا ..ومع ذلك تجد الجماهير تركز عليهم وتكيلهم بالنقد الجارح وتترك البقيه ؟! صراحة معادله خطيره ...تجعل اللاعبين الهلاليين في المستقبل يقولون احسن لنا نتهرب ونعطي كورللي جنبنا ولا لنا دخل ...مثل أسلوب عبدالعزيز الدوسري الدائم . لانهم ان اجتهدوا وتحمسوا وتحملوا المسئولية بيكون النقد عليهم اعنف من غيرهم ...لذلك الفكه والتفرج اسلم . انظروا كيف ان كثير من مفاهيمنا خاطئه ..! انا اعرف زين ان مستويات سالم والعابد ليست ف مستوى الطموح وسيئه ..لكن أتكلم عن من يتحمل المسئولية ومن يتخلى عنها ..ايهما اسوء واولى بالنقد من الآخر ؟؟ المسئلة ممكن ان تكون خطيره على مستوى الفريق في المستقبل من جراء هذا النقد الغريب من الجماهير والاعلام ...؟؟؟! |
| الوقت المعتمد في المنتدى بتوقيت جرينتش +3.
الوقت الان » 04:56 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd