|
عزيزي لهم خمس سنين وكل موسم يعتذرون خصوصا ابو اسوار وصبغات وقزع والله ما شفنا إلا الدحدرة اخوي لعيبة بدون مخ ولا وعي هل تتوقع يتحسنون إنك لا تجني من الشوك العنب لا بد من الحزم الهلال طير نجوم مثل الغشيان والجمعان وعزيز فما بالك بالسلاتيح اما قولتك كل اللاعبين كذا مو صحيح شف حماس هتان باهبري وروح المقهوي وبصاص والسومة وباجندوح والشلهوب مع كبر سنه شف عويس الشباب معتز الأهلي والمسيليم وفيصل درويش مع محدودية امكانياته ياسر الشهراني روح لعيبة التعاون نحن نريد روح لستر ستي جاب دوري بالروح والاخلاص خذها مني بعد سنة اذا الله احيانا راح ترجع تكتب نفسك موضوعك عزيزي فاقدي الاخلاص كالتفاحة الفاسدة إما ان تتخلص منها او يتعفن بقية التفاح |
ركنهم بالدكه ماينفع ياخذ راتبه وهو قاعد ... الحل المعسكر يكون بالصمان وبالقيض ... بلا اوربا بلا خرابيط ... هم والعساكر واحد بالعكس العساكر ابرك |
الحل تهديدهم بإعادة النظر في عقودهم ورواتبهم وتخفيضها بنسبة 50% المادة هي اللي تادبهم وتخليهم يتعدلوا وبعدها ركنهم على الدكة |
لابد من اعاراة المستهلكين والمستهترين العابد وسالم وسالم والفرج وعزوز والقرني مكانهم اعاراة للانديه الضعيفه كالمجزل والباطن عشان يحسون بقيمة الهلال واتمنى التعاقد مع مدرب نفسي و تكتيكي مثل المدرب صبري اللموشي الفرنسي من اصل جزائري مدرب الجيش القطري الحالي مدرب حماسي وشديد , وايضا جمال بالماضي مدرب طموح وحماسي مدرب اللخويا لكني أرى صبري اللموشي أفضل |
هههههههه نسقوهم واطردوهم برا النادي وما جاكم عندي يارجل انت تقولها مقتنع فيها الهلال راح منه الغشيان اللي الثلاثي المرح هذا ما يساوون قدمه ما تأثر راح سامي ويوسف والدعيع ما توقف يبي يتوقف على هالمبزرة بعدين وش اكبر انجازاتهم؟؟؟ وش باقي اردى من كذا؟ علمني خمس سنوات بدون دوري آسيا مابقي فريق كبير او صغير الا ومسخرنا في اسيا بوجود هالمتخاذلين الله لايوفقهم عبثوا في الهلال |
ببساطة شديدة ،،، عقودهم مرتفعه جدا ولا يقدمون مستوى يوازي هذي العقود ،،، احنا مثل اللي يحط نصف مليون في كامري يبون العقود الجديدة اللي تناسب مستوياتهم والا الله يوفقهم |
صح يحتاجون مكاشفه وعقاب لكن اذا تنازلت عنهم ولا نسقتهم قفل النادي ورح دور لاعبين ياناس عقيلة اللاعب السعودي تحتاج عنايه ولازم يكون هناك فصول دراسيه ومحاضرات لهم دام يدفعون لهم هالمبالغ ويفهمونه ترى وظيفه يعني دوام صباح وتمارين مساء ووقتها ابشروا بالخير |
العابد والفرج وسالم الدوسري .. هؤلاء خط أحمر .. مهما حصل منهم ومهما أنتقدنا آدائهم ومهما قلنا عنهم .. مستحيل أن نفرّط فيهم .. صحح الوضع في النادي من إدارة كرة ومن مجلس الإدارة نفسها وعلى رأسها رئيس النادي .. وبعدين تعال حاسب مثل هالنجوم .. هناك خلال واضح إدارياً وفنياً لاإدارة واعية ومدركة لما يحدث في الفريق ولا جهاز فني قوي .. شكراً لك. |
هاردلك مرات عديدة ماأشبه الليلة بالبارحة الفرج لاعب مخترق وأمن العقوبة لاعب مستهتر من رأى مباراة طشقند لايصدق بأن هذا الهلال وهؤلاء يمثلون زعيم العابد لاعب مزاجي لأبعد حد بالمزاجية ماقدمه بتلك المباراة لايشفع له حتى أن يكون بديل الدوسري خذ الكورة وأمش طيب أرفع رأسك شوف من تسلم له للأسف لا يوجد بأنديتنا عقوبات على المستهترين وأشدها الخصم من الراتب هذا غير الثقافة الغائبة عن لاعبينا في كل شيء هاردلك لكل محب للكيان الأزرق العظيم ونرجع ونقول قادمون يا آسيا |
لن نندم على رحيلهم اكثر من ندمنا على فقدان البطولات والروح بوجودهم |
ياصاحبي اعارة او انتقال طفشنا منهم كم سنة واحنا نتحمل سماجتهم وغرورهم الى متى عمر الهلال ماوقف على لاعب عييييييييييييييييييييييب اللي يحصل في الهلال من اشباه اللاعبين بتوع الملايين كل كلامهم كذب في كذب اقسم بالله لافكروا بالفريق ولا بالجمهور |
اتفق معك بالكلام في حالة ان عقود هولاء على مستواهم لكن للاسف انهم يستنزفون الخزينه ويكبدونها بديون عاااليه. بيع عقود العابد وسالم وعزوز والشمراني لها عدة فوئد ومنها ان البيئه الصحيه ستعود وبنستفيد من بيع عقودهم لا يقل عن 60 مليون والاعتماد على الاولمبي في المستقبل القريب والنشى على المستوى البعيد. |
قصدك الدكـه تربي اللي ماتربـى .. وتصعيد الاولمبي ... وجلب محترفين اجانب زي العالم والناس يرفعون مستوى اداء السبايك .. وسنتغلهم كا اوراق رابحـه .. |
إقتباس:
ليش التناقض تتكلم عن القصات والقزع عند لعيبتنا ثم ترجع تستشهد بلعيبه اخترعوا وتفننوا في جميع انواع القزع مثل هتان و... |
من يقول ان على الجمهور ان يخف على هاالاعبين ويدعمهم لا اوافقه الراي ليست السنه الاولى لهم او باقي صغار مفروض هذه المرحله هي قمة نضج الاعب ويعطي أقصى ماعنده حيويه ونشاط مع خبره وتعود ع المباريات الحساسه والبطولات يستطيع ان يبرز تحت الضغط لا ان يختفي في المباريات الكبيره فهذا دليل ع ضعف شخصية الاعب الفنيه وعدم تركيزه واستفادته من السنوات التي قضاها (محلك سر) من يعزي الأسباب للاداريه او الفنيه فهو يطبطب ويختلق الاعذار مع من برز هؤلاء الاعبين بذات العابد وسالم وعزوز مر علينا كثير من المدربين والاداريين لم يبرزو او يكونو نجوم موسم يشيلون الفريق هم نجوم مباريات من العيار الخفيف لا تتعدى أصابع اليد الواحده ولو كانت عقودهم تساوي حجم عطاءهم فنياً لهانة بل بنفس القيمه تأتي بافضل منهم الفرج يحتاج جلسه معه وخاصة انه في اخر عقده وهو الي ممكن يعطي ويعود لمستواه قد يكون تاثر هذا الموسم وتشبع من كثرة المشاركه او أرهق ففقد الكثير من تركيزه في بعض المباريات مع وضعه في خانته الأساسيه وبعقد مدته سنه مع افضلية التجديد بمميزات ان تغيير مستواه وتلافى أخطاءه وانتبه لنفسه خارج الملعب مما يؤثر عليه . اما العابد وسالم يحتاجون أعاره او مخالصه فنياً اتكلم لم يصنعو الفارق للهلال ولا يشيلون الوسط ولا يمكن الاعتماد عليهم موسم كامل في فريق كلهلال ينافس ع البطولات ومطالب بها العابد كثير إصابات من كم موسم ولا يثبت اساسي عندما يرتفع مستواه يصاب بسبب عدم انضباطه واحترافيته ويتأثر بضغوطات اما سالم فهو لاعب يفتقد للاساسيات وهذه مشكله كبيره خصوصاً في اسيا عندما تلعب مع فريق تكتيكها عالي يضيع أضافه الى انه قليل التسجيل واصناعه فقد ركض وتسجيب لا يفيد حتى الضغط لا يستطيع استخلاص كوره بدون فاول الا ماندر ويجتمع هو والعابد في نقطه وهي الاعتقاد انهم لاعبين كبار فكيف للاعب ان يصرح مثل سالم لاني لاعب كبير التقييم للجمهور والفنيين حتى مسي لم يصرح هكذا وكذلك العابد فقط لانه ابدع الموسم الماضي في كم مباراه وسجل هدف جميل في (الرائد فريق ضعيف ومباراه دوريه ليست نهائي اسيا) صرح ترى انا لاعب ماني بسهل فماذا نسمي هذه التصرفات والعقليه ع ماذا تدل الشلهوب مركون مع كوزمين موسم كامل بكل امكانياته وهو منضبط وكان يثني ع كوزمين وعندما لعب مع قريتس كان نجم الموسم والهداف لم يمدح نفسه ويطلق الألقاب ولو فعل فهو يستحق ونبصم له بلعشره هؤلاء هم النجوم الحقيقين. وبالتوفيق لعملاق اسيا وزعيمها الهلال الملكي. |
| الوقت المعتمد في المنتدى بتوقيت جرينتش +3.
الوقت الان » 10:44 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd