إقتباس الرسالة الأصلية كتبت بواسطة THE FUGITIVE من البداية وانت تحاول تطلع بالموضوع عن سياقه واعترف انك نجحت وانا كذلك ساعدتك بهالشيء . الان بعد هالدردشة والاخذ والرد (بغض النظر هل اقتنعت او لا) اسمح لي بسؤال واحد يردنا الى بيت القصيد وينهي كل هالجدل : هل احصائيات اللاعبين الهلاليين المذكورين في الموضوع الاساسي مرضية لك كمحب للزعيم أم لا ..؟

ماطلعنا من سياقه الموضوع كله يدور حول دونيس ومصايبه وهي كثيره لو بنكتب عنها كلها يبي لها سنه واعتقد انك اكتشفت هالشي

اما عن اللاعبين اعلاه
انا موب مرضيني اساسا
انهم يلعبون ع حساب عطيف والشمراني وكعبي ودرويش
وبما انك كتبت عنهم معناته موب مرضيك ادائهم
طيب من يتحمل وجودهم في كل مباراه وابعاد من هم افضل منهم ؟!

كل ما أخفق هذا المتدرب قالوا السبب اللاعبين وكأن اللاعبين هم من يضعوا التكتيك في الملعب وكأن اللاعبين هم من يغيروا مراكزهم ويلعبوا في مراكز أخرى من تلقاء انفسهم وكأن اللاعبين هم المطلوب منهم قراءة الخصم في المبارايات وكأن اللاعبين هم من يفرضوا التشكيلة ويقوموا بالتغييرات السلبية أجل هو حل من الاثنين ياننسق اللاعبين جميعا لعيون دونيس او الأفضل اننا نلعب بدون مدرب طالما الغيتوا دور المدرب نهائيا واصبح اللاعب هو من يمتلك زمام الأمور بالكامل وذلك ارضاء لقناعاتكم

امركم عجيب ماهذا المدرب اللي نصبتم جميع اللاعبين أعداء له!!!!!

اختصار لكل ماقيل المدرب ليس كفو للهلال والنتائج اكبر دليل لعدم كفاته لتدريب فريق بحجم الهلال
وياليت الهلال يبحث عن مدرب ارجنتيني لكي تتوحد المدرسه التدريبيه وحتى الفريق الاولمبي إن شاءالله يتعاقدون مع مدرب ارجنتيني في الموسم القادم بدال المدرب الروماني وبحول الله وقوته حتشوفوا الفرقه الهلاليه بجميع مراحله تسر الناظرين

ان اكون تيس على شلة اسود خير من ان اكون اسد على شلة تيوس
دونيس استأسد على لعيبتنا وحولهم لضعفاء
ولو تعقل وقدم مصلحة الفريق لوجدت ان اللاعبين اسود

إقتباس الرسالة الأصلية كتبت بواسطة alqadm ان اكون تيس على شلة اسود خير من ان اكون اسد على شلة تيوس دونيس استأسد على لعيبتنا وحولهم لضعفاء ولو تعقل وقدم مصلحة الفريق لوجدت ان اللاعبين اسود

والله ياانت اعدمت ابو المثل واسأت من حيث اردت ان تمدح

الشاعر يمثل نفسه بالاسد في الحالتين وانت مثلت نفسك با........ في الحاتين
عيشتي مابين اسود ولو ماني رئيس
خير من كوني رئيس على شلقة تيوس

لا انكر نزول مستويات لاعبين يعتبرون اعمدة الفريق عندنا
بس دونيس لازم يطير اليوم قبل بكره لاسباب عده

ومقارنتك عن صناعة الفرص
متى دونيس اعتمد على صناعة الفرص من الوسط ؟
كل صناعة الفرص معتمده على الاظهره على العرضيات معتمده على الزوري والبريك والشهراني
م عمره اعتمد على صناعة الفرص من الوسط الا نادرا
وبالنسبه للقحطاني وكريري والشلهوب
اما الشلهوب م عمره نزل لارض الملعب و م عمل الفارق بالنص
مباريات كثييرالنص يكون ضايع ولما ينزل الشلهوب يضبط الوضع
فـ الشلهوب كلاعب دكه ارشح بقائه كريري كذلك
وعزوز يحتاج يخرج اعاره موسم كامل وبعدها نحكم يرجع ولالا
القحطاني لا ينفع افضل خروجه ويحفظ ماء الوجه ويعتزل هذا حال الكوره

عبد العزيز الدووسري وسالم المفروض من زمان وهم خارج التشكيلة او النادي بشكل اصح الاثنين هذولي اكثر من رفع ضغطي هذا الموسم لا لعب ولا مستوى ولا اي شي ركض على الفاضي سلمان الفرج خله يرجع لمركزه الاساسي ويترك الفلسفة الزايدة وبيرجع كما كان افضل لاعب سعودي الميدا خروج نهائي خالد شراحيلي عرضه على قائمة الانتقالات ومعه السديري والاعتماد على الواكد او الحيدري او الثنيان ياسر وكريري ماقصرتوا الله يعطيكم العافية الشلهوب على كبر سنه لكنه مازال يقدم مستوى جيد جداً ديقاو يلحق الميدا اما تصعيد لاعبين من الاولمبي او التعاقد مع لاعبين يسدون الخانات اللي يعاني منها الفريق واخر شي انهاء التعاقد مع المدرب دونيس لاننكر انه حقق بطولات لكن 2 منها بطولة نفس قصير كاس السوبر وكاس ولي العهد وكاس الملك تحقق بالصدفة بعد ماصقعت الكورة بوجه جحفلي

إذا كانت نظرتك عن أي رد يختلف معاك في الرأي والتوجه
بأنه مع الخيل يا شقرا .. فإسمح لي بأنك أيضاً وقياساً على رأيك
في هؤلاء .. بأنك أيضاً مع الخيل ي شقرا ..
الشلهوب محور .. وهو في الأصل لاعب وسط أيسر وصانع ألعاب ..
ضعيف جداً في الإلتحامات وإفتكاك الكرة ..
ألميدا لاعب طرف وليس رأس حربة حقيقي وبإعتراف اللاعب نفسه ..
إدواردو .. شاهدناه يلعب وحيداً رأس حربة وهو في الأصل لاعب وسط حر أو
خلف المهاجمين ..
الفرج .. لاعب محور هجومي أو وسط أيسر .. وشاهدناه يلعب
محور دفاعي وحيد وجاب العيد وتكررت في كثير من المباريات
لين إفتقد اللاعب للثقة في نفسه .. والجمهور فقد الثقة فيه !!
شراحيلي .. أين هو من التدوير .. لين كثرت أخطاءه وصار مصدر
ضعف بعد ماكان مصدر قوة .. إنعدمت المنافسه في مركز حراسة
المرمى .. فهبط مستواه ومركزه مضمووون !!
سالم الدوسري .. هبوط حاد .. أين البديل ( الكعبي ) لماذا لا يتم
إشراكه حتى تكون هناك منافسة على المركز !!
عطني لاعب تطور مستواه مع دونيس ،،
أين عطيف ؟؟ حتى وهو جاهز لا نشاهده مع أنه الأفضل ..
إشراك لاعبين دون المستوى وأخص ( السالم ) الذي لايمت لكرة القدم
بصلة ،،!!


.. ومع الخيل ي شقرا !!

..

إقتباس الرسالة الأصلية كتبت بواسطة أبو الزعامة المدرب هو الذي يرفع اداء اللاعبين المدرب هو الذي يثبت على تشكيلة واحدة المدرب هو الذي يعالج الأخطاء في المباريات السابقة ولا يكررها ، أين السباك دونيس من كل هذا

ابو الزعامه ......... باختصار افضل الردور

كالدرون جاهز الان بعد اقالته من نادي الوصل الاماراتي

بعض المواضيع تركها ابرك من مناقشة أصحابها

اربعين مباراة في الموسم كحد اقصى
وتستغرق ثلاثين اسبوع كحد اقصى
وتطالبون بالتدوير ..
اعتقد ان اللاعب الذي يلعب اقل من ثلاثين
مباراة في الموسم سيفقد تركيزه وحساسيته
وربما يفقد الرغبه في اللعب
يجب وضع لائحه مكافئات وعقوبات تضع بالاعتبار
النسبه المئويه لظهور اللاعب ونسبه صناعته للفرص
والتسجيل والحصول على الانذارات واخطاء التمرير
والاخطاء الدفاعية والمسافة المقطوعه في كل مباراة
كلاًبحسب مركزه ويراعا في ذلك تغيير مركز اللاعب
من قبل المدرب .. لربما ستتغير طريقه تفكير اللااعبين
ونخرج من دائرة الاستهتار والعقلية الهاوية
وايضا سنضع المحترفين الاجانب امام التزام حقيقي
لاننا نلاحظ فقدان الكثير منهم لبريقهم ولاهتمامهم
مع مرور المباريات

طرح جميل ولم نقل اللوم كله على المدرب انت بنفسك ذكرت الاحصائية طيب مدرب يفترض يشوف الاحصائية عنده درويش الكعبي كريري اقسم بالله اصرف الفين مرة من هالجنوط المتكسرة ثانيا هل هو مضطر لعزوزي الشلهوب اصرف منه الف مرة
ثالثا قدامه الاولمبي الشريد عن ثلاثين
من نوعية الفرج
نعم فريق يعاني بس ما شفنا اي حلول
الهلال مشكلته الحقيقة باربعة هم اخيس جيل مر على
الكورة السعودية هم بالترتيب العابد عربجي زمانه عزوزي الفرج سلومي
اقسم بالله انزل ديقاو محور ولا انزل الفرج
لاعب شايف نفسه على لا شيء
اخيرا المدرب من العام الماضي بالصيفية
مو قادر يلقى له حل بالرباعي الخايس
انت الآن لو عندك عامل من نوعية العابد والفرج وسلومي وعزوزي
متخاذل جدا على لا شيء ترجع تعتمد عليه بعد ما استنفذت كل اساليب العلاج
ولا تبحث عن حلول بديلة عن مجموعة هالكرب
اخوي الأولمبي والبدلاء بكل عيوبهم اصرف من رباعي سنوات الضياع
تقولي ما عندهم فلوس ما نبي لاعبين بس يلتفت للبدلاء والأولمبي قسم بالله الدقايق اللي لعبها الشريد بموسم الفرج كله
وش فايدة الأولمبي متى بيأخذون فرصتهم
ولا تسوي فيهم سواة المؤشر تعطيهم الوحدة بلاش ويرجعون يمرمطونك بالدوري والكأس
القطام الشريد العمار البقعاوي الجمعان غازي بامسعود اغلب لعيبة الاولمبي تجاوزوا 19 سنة بالله متى يلعبون
مثلا احمد شراحيلي اخذ فرصته وواضح امكانياته دمار خلاص مسكه الباب واذا نجح مع غيرك تصير غير ملام لكن تسوي فيه مثل المؤشر لم يلعب الا كم دقيقة
وتعطيه الوحدة بلاش لاعب مثل هذا اقلها ابيعه لو بصدام ددسن
يا رجل وضع مزري لو تمعن التفكير
مدرب غير قادر على ايجاد حلول وقتيه فاشل جدا