السلام عليكم ورحمة الله وبركاته
تحياتي للجميع
الجماهير الهلاليه ليست غبيه لتطالب باقالة المدرب في هذا الوقت بالذات ان الهلال حصد نصف يطولات الموسىم
السوبر وولي العهد لكن سقف الطموح لدينا اعلا من ذلك ولكن الحمدلله هي كرة قدم ليس

ولكن قبل من مباراة الاتحاد بجده والاهلي بدبي ونحن نرى الخلل بالمدرب ونحذر ونقول ياناس المدرب يفتقد الا قراءة
المباريات والفشل بالتغيير الناجح
فالموضوع احد امرين

اما ان المدرب لايهش ولا ينش ولا عنده صلاحيات بتغيير اللعيبه او انه مفروضه عليه اسماء اللعيبه المحليه
مثل عبدالعزيز وسالم الفرج وسالم الدوسري
موقع لعيبه مهمين بالفريق ولم يستفد منهم الهلال
لو فرضنا استقطب الهلال بالانتقالات الشتويه نجوم محليين من القادسيه او الاتفاق
وغيروا اجنبي مهاجم بدل الميدا كان الدوري محسوم قبل اسابيع ولكن المكابره والغرور
كشف حال المدرب وادارته الضعيفه الي ماهي قادره تحل مشكلة الشمراني وهو رجل بعمر 33 عام
معناها هناك غلط
واما ان المدرب يبي يمشي لديرته
وجاته عروض
وبيستفيد من الشرط الجزائي

ياناس فيه مدرب يفرغ الفريق من محاور دفاعيه
ويبي يفوز ماصارت حتا مع برشلونه ومع الريال الي على فكره الريال تراه ناشئينه اكلو اربعه من نجوم الهلال
الجوعانين

المهم نواف ابن سعد اخطاء بحاجه وحده وهو البقاء على فهد المفرج وشغله اعرفه حضور وانصراف وحل مشاكل لاعبين ولفلفة الامور وتدليل اللاعبين

ولكن الامور الفنيه لو خبص المدرب مايدري وش يقول
والدليل ان دونيس نفس التخبيص يكرره مره في كل اربع مباريات

يعني هلال بدون شخصيه

مثل الي جايله ولد وله سنه والناس تنشده عن اسم الولد ويقول للحين والله ماسميته
يعني ماطلع له هويه

ماعلينا
الموسم خلص ومتا ماصحا الهلال من غفوته مع لمدرب والاداره الضعيفه ممكن يعوض ون طارت البطولات
معوضين خير وزين الحمدلله طلعنا بثنتين مع المدرب على فكره كاس ولي العهد الي جابه الشمراني بجنونه الكروي
للتذكير بس
المهم ماعلينا
الفريق البطل الي يبي امجاد لايتعب ولا يمل ولايكل ولا يقول انا حققت وحققت الفريق البطل هو الي لاعبينه احتياطه
اقوا من الاساسيين
الهلال احتياطه عواجيز

الشلهوب 33 القحطاني 34 الشمراني 34 كريري 35 كوك 34 الميدا 32

سالم الدوسري 37 بتقولون 23 ولكن لعبه لعب شايب عمره 60 ياخي شل العجايز وجيب من الاولمبي يكفي
مجاملات على حساب الهلال وجماهيره

نبي فريق يستاهل الملايين الي تصرف عليه
محترفين وفلوس وطايحين بافتتاح محلات وسنابات وزركشه
وتبون دوري

والله ماشفنا مسي فاتح مشروع بشارع لارامبلا ببرشلونه

لاعبين مصدقين انفسهم انهم مشاهير ياناس ياهوه والله بدون الكوره ماعرفناكم ولايعرفكم الا حنا ياجماهير السعوديه ويمكن الخليج

اجل لو الواحد منهم عاش مثل كرستيانو بالشهره ولا ميسي وش بيسون الظاهر بيلعب الكوره بالشراب وفوق الشراب قصدير

لكن اضل
اقول كرة قدم متعه وفن وذوق وروح واخلاص
وعشق للون الازق فانيلة الجمال والسماء والبحر


نواف بن سعد وجه السعد جهز للموسم القادم تحتاج
مدرب بنفس الوقت مساعد فني بجانبه
ولايحتاج لك وسيط بينك وبينه وابق على ادواردو وديقاو
والباقين انت ابخص
المحليين
مانبي مجاملات الشلهوب وياسر وعزيز وكريري والشمراني ماقصروا نجوم ولكن الهلال ليس وراثه مافوق الثنين الثلاثين مع السلامه العمرفي كرة القدم مثل السيارات له عمر افتراضي معروف من 18 الى 30
هذا هو الاحتراف شقيقتا نادي معروف ضاع كم سنه بسبب لاعب جاملوه على حساب النادي وضاع النادي

تحياتي للجميع

ياخوفي المدرب جاية شيء غير العروض.

مع احترامي لك اول ماقرات عباره ((الهلال حقق نصف بطولات الموسم)) ماكملت باقي الموضوع

ياخي بطوله كاس السوبر مباراه وحده ؟؟ وكاس ولي العهد مانببيه لانها بطوله ضعيفه ونفس قصير

كلمني عن بطوله الدوري اللي صار لنا خمس سنوات ماعرفنا نجيبه
ودوري ابطال اسيا اللي لنا 12 سنه يمكن ماااجبناه
وكاس الملك الي جبناه بعد 20 سنه بالبركه وبشق الانفس

صراحه الهلال ماهو الهلال اللي نعرفه كفايه مجاملات للاداره وللمدرب وبعض اشباه اللاعبين الي ماعندهم روح

لاحول ولا قوة إلا بالله. الميدا موعاجبك؟ دونيس مايعرف يقرأ المباريات. مشاء الله المفروض تستلم زمام إدارة النادي يا كوتش

الله يعطيك العافية
وبالتوفيق للهلال الزعيم الملكي

مانبي مجاملات الشلهوب وياسر وعزيز وكريري والشمراني ماقصروا نجوم ولكن الهلال ليس وراثه مافوق الثنين الثلاثين مع السلامه العمرفي كرة القدم مثل السيارات له عمر افتراضي معروف من 18 الى 30
..

من اجمل ماقرأت واوافقك تماما..رغم حبنا لاولئك النجوم