ما نبي بعض الاطفال يقودون القرارت المصيريه والهامة ..

مثل المطالبه بإقاله المدرب لمجرد خساره بطوله او بطولتين ..

اذا الهلال يبي يمشي صح لازم يكون له استراتيجيه طويلة المدى .

بعض اللي يغردون بتويتر اعمارهم وان لم يكن اغلبهم بين 13-19

تلقى خويه يطقطق عليه بالواتس ولا تويتر ثم يجي مشحون واطردوا المدرب تقول هذا المدرب جايب ثلاث بطولات وينافس بقوه يقول لا بكيفي اطردوه ..

والله اذا اقلتم المدرب بسبب ضغوط بعض عصافير تويتر فارتقبوا الكوارث الحقيقيه ..

النصر اقال 3 مدربين وصار التاسع ..

وسبب الاقالات ضغوط عصافير النصر ..

اسمعوا كلام المحللين الكبار وكلهم يشيدون بدونيس والعمل اللي قاعد يقدمه ...


اما يكون نادينا مرتهن للمراهقين فهذه سقطه بحق الزعيم ..



اسمعوا كلام العقلاء والكبار فقط لا غير ... وانا والشريحه العظمى راضين عن العمل الاحترافي والله يتمم على خير ..

هذه رساله للاداره الهلاليه وانا اثق تماما بخبرتهم الاداريه ...

الله يوفق الهلال ويحقق الدوري وكأس الملك ..