ادارة الهلال اياكم ومسايره اطفال تويتر والمنتديات
 

ما نبي بعض الاطفال يقودون القرارت المصيريه والهامة ..

مثل المطالبه بإقاله المدرب لمجرد خساره بطوله او بطولتين ..

اذا الهلال يبي يمشي صح لازم يكون له استراتيجيه طويلة المدى .

بعض اللي يغردون بتويتر اعمارهم وان لم يكن اغلبهم بين 13-19

تلقى خويه يطقطق عليه بالواتس ولا تويتر ثم يجي مشحون واطردوا المدرب تقول هذا المدرب جايب ثلاث بطولات وينافس بقوه يقول لا بكيفي اطردوه ..

والله اذا اقلتم المدرب بسبب ضغوط بعض عصافير تويتر فارتقبوا الكوارث الحقيقيه ..

النصر اقال 3 مدربين وصار التاسع ..

وسبب الاقالات ضغوط عصافير النصر ..

اسمعوا كلام المحللين الكبار وكلهم يشيدون بدونيس والعمل اللي قاعد يقدمه ...


اما يكون نادينا مرتهن للمراهقين فهذه سقطه بحق الزعيم ..



اسمعوا كلام العقلاء والكبار فقط لا غير ... وانا والشريحه العظمى راضين عن العمل الاحترافي والله يتمم على خير ..

هذه رساله للاداره الهلاليه وانا اثق تماما بخبرتهم الاداريه ...

الله يوفق الهلال ويحقق الدوري وكأس الملك ..

هههههههه الهلال بدون مدرب ما يتجاوز الثالث
للأسف ما لقيت إلا النصر تضرب فيه مثالك
ولا زعلان لإنه صار التاسع
النصر شايله الدفع الرباعي سنتين ولا هذا وضعه من عشرين سنة بل من أيام رمزهم وكل فترة يشتغل لهم الدفع الرباعي لحفظ ماء الوجه .
ولو تنازلت معك بمثالك الفقراوي
العام الماضي غير الفقراوية المدرب وسط الدوري وحققوا الدوري .

كلام سليم وطرح عاقل
تحياتي لامثالك لمن يرون ماهو ابعد من انوفهم

مشكلتنا اننا يااقصى اليمين او اقصى اليسار
هناك من يطالب باقالة المدرب مثل من تصفهم بأوصاف لاتليق لمجرد مخالفتهم وجهة نظرك
وهناك مثلك من هو معجب باستراتيجية ادونيس كما تزعم
ولا ادري ماالوصف الذي ستطلقه على مجموعة الوسط الذين يرون ان المدرب لديه اخطاء وقناعات يجب مناقشته فيها فهو ليس نبي مرسل لايخطئ وليس اقالته
لكل شخص الحق في طرح وجهة نظره بدون تجريح
شخصياً انا مع مجموعة الوسط واضيف لها انه يجب البحث عن جهاز تدريبي متميز يبدأ مع الزعيم من نهاية الموسم

الله يسلمك ولأمثالك نكتب ..

معليش نحن لسنا باحزاب سياسيه حتى تقول يسار ويمين ..

الطرح الطفولي يجب ان يتوقف ماهو معقول مع كل تعادل يطلعون لنا بموضوع الاقالة ..

كلنا مرينا بمرحله الطفوله والمراهقه وتوصيف الحالة العمريه لا يعتبر وصف غير لائق .. مرحله الطفوله مرحله تتسم بالاستعجال وعدم النضج وعدم القدره على اتخاذ القرار المناسب ..

من اللي قال انه معصوم عن الخطأ . هذا نواف بن سعد يقول ناقشناه وتقبل النقاش بصدر رحب .

موضوع انه كل سنه اغير لمجرد التغيير ماهو عمل احترافي ..


طالما يحقق البطولات ما المانع من استمراره

انا اول واحد اعترف اني طفل
بشرط واحد بس
ما هو تعليق الرجال الموقرين ليس على المباريات السابقه بل فقط مباراة الشباب هل هيا يارجال يا موقرين تدل على ان هذا المدرب محل ثقه
وهو يشاهد العك الكروي ويزيده عك

شكرا على الطرح الرائع ..................................

على إدارة الهلال أن تنظر إلى الأمام بقوة , فالكيان الهلالي بحاجة لمثل دونيس وبقائه هو المهم , دونيس يحتاج للضوء الأخضر

من الإدارة ليعلن رسميا انه ليس بحاجة لبعض اللاعبين .... صراحة يجب ان نكون اكثر واقعية زمن اللاعبين الذين يقاتلون من اجل

الكيان انتهى ! نحن في زمن المادة وبعض اللاعبين الذين يبحثون عن شهرة ذاتية على حساب الكيان ... فاما المال فهو حق لهم

يقابله التزام تام ببنود العقد واما الشهرة فهي تاتي من اخلاص اللاعب واما ان تكون على حساب الكيان فهذا مرفوض تماما .....

إدارة الهلال ان أقدمت على اقصاء دونيس بسبب فقدان أي بطولة فقد قضت على الهلال نفسه ........

لازلت وأكرر على إدارة الهلال ان تضع الجمهور بالصورة وتقرر بكل شجاعة خطة لمدة ثلاث سنوات في اقل تقدير مع أهدافها المستقبلية ..............

كلامك صحيح ،،،،، بس بعض الأخطاء الي مالها داعي من المدرب تحتاج لتدخل الادارة

انا لم اذكر احزاب سياسية ويبدو ان اليمين واليسار مرتبطة لديك بالحزبية
اما وصفك للاطفال وانها لتشخيص حالة عمرية فهي تناقض موضوعك وانت تتحدث عن عمر بين 13-19 رغم ان اسامة بن زيد قاد جيش لقتال الروم وهو ابن 17 سنة
وللايضاح اذا كنت تقصد الفكر الطفولي فهو لايرتبط بالعمر فهناك من بلغ من العمر عتياً وهو يحمل عقلية طفل
فقط تعقيبي حتى لايكون هناك اقصاء لوجهات النظر الاخرى وفق مقولة مااريكم الا ماارى وقد عانينا في الشبكة من عبارات مطبل ومندس والان طفل وشايب لمجرد اختلاف وجهات النظر
اذا تم طرح وجهة النظر بالحجة و بالادلة والاثباتات التي تدعم الرأي فلن يحتاج احد للهجوم بالفاظ خارجة عن النص

صح لسانك صاححب الموضوع وانا اشيد بكلامك ومع المدرب والي يقول عنك زعلان انك بالتاسع اقل شي احترم راي الشخص ولا تنزل من قيمته ومو كل من ينزل موضوع كتبتو عنه انو اصفر لا ي حبيبي الوضع فعلا زاد بكثير وانتم تحطون المدرب السبب وانا اشوف اللاعبين هم السبب والي مو مقتنع يشوف استديو تحليل مابعد مبارات الجزيره وكلام الاماراتيين انفسهم بالمدرب والدوريات الخليجيه تفوقت علينا ب صبرها على مدربين عاهات لو عندنا ولا بقبله درجه ثانيه وانتهى زمن تطبيل اللاعبين ومع قراراته وناصر هذا يستاهل خلوه براا وتذكرو قبل يجي مع الشباب وبرودوم وش سوا من مشاكل !! يعني اصحو ي عرب وخلو شغل المدرب يكتمل وانا ارى من بعد كوزمين افضل المدربين دونيس ودمتم ب حفظظه ..

معليش بجاوب على صاحب الكلام الي يقول مبارات الشباب ؛. بكل اختصار ي عزيزي مبارات الشباب نواف العابد ومعه كذا للاعب جالسين يتعازمون على المرمى من يشوت وتذكر كم فرصه محققه اهدرت وبعدين وش تبي المدرب يسوي تبيه يجي مكانهم يلعب مثلا ويقول يلا عشان بعض الجمهور مايزعل تفوزون ، دونيس ي حبيبي بقناعاته رجع لك مستوى عزوز الي ب ازدياد ابعد العاهات عن الفريق اشكال السديري وجلس المهايطيه اشكال ناصر وعلم خالد شراحيلي ان مكانك مو ثابت ودرسهم تدريس انا مابي الدوري هالسنه خله للاهلي حلال بس ابي يدرس اللاعبين الي يلعبون وكانهم مغصوبين على اللعب وتذكر كلامي دونيس لو جلس موسم ثاني شوف كم للاعب بينزل للاول وكم للاعب بينزلهم دكه اشكال سالم الدوسري والفرج وخذ كلامي للمفضله

أخي عذب لايوجد الا فئتين
فئة اشرت لها تريد اقالة دونيس ولا غير الاقالة واصحاب هذا المنطق سكوتهم افضل لهم

الفئة الثانية والتي تطالب ببقاء الرجل ودعمه بكل شيء وتراه قادر على اعادة الهلال وجعله فريقاً لايقهر لاينكرون ابداً ان لدونيس اخطاء ولديه قناعات يجب ان يناقش فيها


انا من اشد الداعمين له برأيي ولدي اسبابي المنطقية وما اراه على الأرض وماحققه من انجازات وبنفس الوقت اقول انه يخطئ ولابد ان يناقش في بعض قناعاته حتى اللاعبين يستطيعون ان يغيروا قناعاته بالنقاش معه وافهامه ان طريقة 4/4/2 تناسبهم ويعطون فيها اكثر ويبدعون فيها ، تستطيع الادارة مناقشته بكل هدوء وانا اجزم ان الإدارة تناقشه فلن يقبل عقلي ان نواف بن سعد يحضر كل يوم يشرب شاي ويمشي ولا يناقش المدرب ، لكن من غير المعقول ان يخرج بيان صحفي يخبر محللي اخر الزمان بأن الإدارة تناقش المدرب كل فترة وبعد كل تعثر

كيف تطالب الاعضاء باحترام رأي كاتب الموضوع وهو يقمع الرأي الآخر امام نظرك!!!
نسميه انفصام شخصية مثلا!

جماهير المسيار عبت المنتدى