من زرع روح الانانيه لدي اللاعبين ؟؟؟؟؟؟

هل الانضابط كل شي ؟

جاب ضابط وانتهينا

صديقي ياسر انا ضد تغيير اي مدرب إلا في حالات ضيقة لا تنطبق على دونيس حاليا ولكن انا ضد اختراعات تضعف الفريق وتوجد فرصة للناقد والحاقد للنيل من الهلال وللاسف تتكرر مثل هذه الاخطا بشكل يؤكد اما انه لا يتم الرجوع ومشاهدة المباريات ومناقشة الاخطا التي وقع فيها اللاعبين او يتم ذلك وتستمر المشكلة وهنا المشكلة اكبر مثلا /
تكليف الشهراني بالظهير الأيمن وهو خمسة مواسم لم يصنع كرة خطرة من الجهة اليمنى ويقدم مستوى رائعا بالجهة اليسرى ويبقى بالاحتياط لاعب في خمسة أشهر صنع سبعة أهداف وسجل ثلاثة (البريك ) أمر محير والمحير أكثر أن ينزل كبديل درويش ليكلف بالظهير الأيمن أربع مباريات ويتسبب بأربعة أهداف وهو لا يلام لأنه يلعب بغير مركزه عدا هدف الخليج لأنه ليس له دخل بالمركز بل ضعف بمستوى اللاعب .
تكليف الفرج بالمحور طبعا يتسبب كل ما لعب بهذا المركز بهدف فلم استطع حفظها .
محاولة جعل السالم لاعب كرة قدم وبقاء ياسر وعزوز احتياط وهما يجيدون اللعب كمهاجم ثاني افضل مليون مره من السالم .
عدم منح عبدالكريم صانع اللعب الوحيد فرصة المشاركة مع الشلهوب ولو تجربته بمباراة .
اللعب بلاعبي وسط جميعهم أيسر إصرار على قتل مستوى الفريق واللاعبين .
إذا كان الشهراني والزوري مميزان و( مستحي ) المدرب منهم فليلعب بكل واحد مباراة أو كل واحد شوط ولكن بالجهة اليسرى وقد يستفاد من مجهود الشهراني بتكليفه بالمحور على الأقل سيكون أفضل من الفرج .
اتوقع ان مثل هذه الأمور يستطيع أي مدير فريق أو رئيس النادي مناقشة المدرب فيها واقناعه فقط بمجرد إعادة المباراة سيكون كافيا لاقتناع اي انسان عادي وليس مدرب بكارثية ما يحصل وعندها لن نحتاج إلى محاولة إقناع البعض بإيجابية بقاء دونيس

ههههههههه اخوي انت تصف الناس بامور انت اول من وقع فيها ودربيت رأسك تعال احسب معي
دونيس خسر من اهلي الأمارات بالإمارات وتعادل بالرياض وطلعنا من آسيا بعقاب غريب لشراحيلي عاقب الجمهور والنادي بأبعاده مباراة واحدة خسر الفريق تأهل اهلي الإمارات للنهائي عاقب شراحيلي قدام الاتحاد اكلها رباعية هههههه فعلا داهية يحب الانضباط الله يجيرنا من انضباطه اللحين لو عندك موظف مبزوط تخصم عليه وتخليه يداوم ويحضر وهو ما يشوف الدرب ولا تقول له لا تجي ريح في بيتكم وراتبك كامل ولا ينقص ريال ههههه.
فعلا داهية عاقب فريقه وطلعه من آسيا
تعال احسب معي بالدوري على مين فاز
فاز على النصر والنصر هالموسم لو اجيب شيبان استراحتنا بدون حارس فازوا عليه وبطولتين قدام النصر حققها اي فريق يسويها.
الداهية دونيس خسر من الاتحاد رايح وجاي برباعية آخر عهدنا فيها أيام الدعيع .
وانهزم مرتين منذ سبع سنين ما صارت للزعيم بالدوري قدام الاتحاد خسر من الأهلي وخسر من التعاون وتعادل مع الفتح والقادسية والشباب اللي التعاون معطيه رباعية وفي آسيا تعادل مباراتين وفاز بمبارتين على فرق متهالكة الجزيرة أبو نقطة والأوزبكي المتواضع .
بطولة كأس ولي العهد قدام الأهلي ضغط عليه الرئيس تخلى عن ثلاثة سناترة شال الفريق ناصر الله يديمه لنا بآخر الشوط الثاني خبصها الداهية ولولا ستر الله كان علوم لكن الوقت لم يسعفهم
آخر مباراة دونيس الداهية ملعب الشلهوب محور
تمدح عزوز اوكي امشي معك لكن ما شفت كورته اللي بالسطح وحسنته الوحيدة التمريرة لاعب من كم سنة ضايع شباب الأولمبي اولى بالفرصة التي منحت له تمدحه علشان تمريره ههههه وليتنا طلعنا فايزين
حبيبي شفت من اللي يدربيها .
يعني دونيسك لم يفز على الفرق الكبيرة سوى الشباب الدور الأول والتعاون لو اعتبرناه كبيرا هذا الموسم
أما النصر تراه من فرق المؤخرة هالسنة وكل السنين باسثناء موسمي الدفع الرباعي
لا وباقي حدود اربع مباريات والله العالم وش تاليتها
اخوي الناس تفهم كورة واللي يبي يغصب الناس على قناعته وفكره مثل ما قالوا عنز لو طارت هو اللي يدربيها جته الفرصة خمس او ست مرات لتوسيع الفارق مو قادر بل العكس منح الأهلي دونيسك فارقا قدره ثلاث نقاط .
ودربيها يا مدربي

^^^^^^^خلص برشلونه راح يقيل انريكي تعادل مباراه وخسر مبارتين ع التوالي وقرب المنافسين منه من عشر نقاط الى نقطه ، هذا منطقك الغريب


ياخي لمتى متمسكين بـ فكركم العقيم هذا
كل المدربين اللي مرو ع الفريق كلهم سباكين قريتس سباك جورج ليكنز مدرب منتخب بلجيكا سباك ماشالله انتو بس الصاحيين العاقلين الفاهمين كوره غيركم مايفهم




انا ما ادعي اني فاهم كوره ،، لكن بالمنطق كل هالمدربين كل واحد له اسمه الكبير ف اوروبا يجون هنا ببركاتكم يسيرو سباكين
مانتو راضيين تعترفو ان عندكم لاعبين مهلهلين فنياً وانضباطياً وفكرياً
بدليل حال الكره السعوديه حالياً من انديه والى للمنتخب كلهم منتهيين
كل هالفرق والمنتخب كلهم مدربين سباكين !؟!؟!
كل سنه نفس الازعاج اللي تمارسونه سباك وفاشل واداره مفلسه ونفس المطالبات الغريبه






عندك بالهلال مثل الشمراني يا العب يا اخرب ،
عندك مثل شراحيلي حارس بمباراة نصف نهائي ببطوله اسيا يحضر اخر التمرين لا وبحاله غير طبيعيه وبالتمرين الختامي للمباراه ، وتقول مدرب !؟!؟


اش ترتجي من لاعبين وهو يضيع الفرص يفتح فمه ويضحك وهو باخر عشر دقايق بالمباراه وهو مطالب بالفوز !؟!؟


قسم بالله ورب الكعبه لو جا جوارديولا ولا مورينهو قسم بالله انكم راح تطلعونه سباك
لان مخكم مافيه غير السباكه


وجمهور الرياض اخ بس اسوء جمهور في تاريخ الزعيم لا حضور ولا دعم واذا حضر سبب ضغط هذا اذا حضر اصلا وهي حالة نادره تحدث كل خمس سنوات مره
لا يجي واحد يفقع قلبي يقول وضع الفريق ماياهل انك تروح ، ياخي ماتبي تروح تحضر تدعم طيب سد حلقك واسكت ماحد ضاربك انك تروح بس فك الناس من شرك
وهذا الوضع مو هالسنه شوف حضورك الجماهيري اخر خمس سنوات بالرياض شوف كم
جبتو لنا الفشيله الاتحاديين بوضعم المزري المتعنت بيحضرون ولا قالو مستوى مخيس محنا حاضرين ، وانتصرو لكلامهم انهم يقولو احنا محتاجين ملعب كبير ونثبت اننا الجمهور الاول بالمملكه وللان اثبتو كلامهم من فتح ملعب الجوهره انهم رقم واحد للان


قسم بالله ان الادارات مدلعينكم ، خل الخصخصه تجيكم وتنقلب الامور استثماريه عشان تعرفون معنى الدلع اللي انتو فيه تذاكر مجانيه يترجونكم تحضرو ولا تحضرو


جمهور فوز بس حتى والهلال فايز برضو ماتحضرون ويجيو يفقعو قلبك هنا وبتويتر




والله اكتب الموضوع وانا مقهور من شيئين الاول جماهير الرياض وثانيهم من اللاعبين

نعم سباك نمرة وستمارة اللي يرجع الشلهوب محور ويطلع عطيف بعدين جمهور الرياض اللي تطقطقون عليه طلع سامي ويوسف ونواف والنعيمة والتيماوي والتخيفي والمصيبيح
جمهور راقي
نسيت قصيدة
امتع ناظري بهلال نجد
واللي اسسه من الرياض
لو اجيب لكم أي بزر من الرياض علمكم كورة يا جيوردلا انت وياه
على فكرة انا من سكان الغربية لكن الحقيقة تقال شف اندية الغربية والشرقية والشمالية والجنوبية حاليا باستثناء الأهلي واسحب سيفون على الباقي .
والله ما عرفت الناس كورة ومتعة إلا ببروز اندية الرياض .
نسيت اقول لكم ابن سعيد الله يرحمه دعم اغلب اندية المملكة ذاك الوقت خصوصا اندية الغربية وترأس بعضها ابن سعيد من الرياض .

دونيس ابخص دونيس ابخص دونيس ابخص

إقتباس الرسالة الأصلية كتبت بواسطة توتو الشمري اخي الحوت الازرق مع التحيه.. اولاً لا تقهر نفسك على جمهور الرياض.. جمهور اغلبهم ما يعرف اسماء اللاعبين.. تبيهم يحضرون..! ثانياً.. جميع من يطالب باقالة المدرب.. ختى و الفريق منتصر يطالبون باقالته.. فالمساله انهم نفسيات.. لا اقل و لا اكثر.. هل راءيت واحد منهم و اخص من يطالب بالاقاله.. وضع موضوع او رد يوضح فيه الاخطاء الفنيه..!! خالد شراحيلي اخطاء خطاء اخوي الصغير ابو 14 سنه علمني و قال المفروض شراحيلي ما يتحرك على الخط بشكل جانبي المفروض يطلع الى الامام.. و يلقطها يعني حارس دولي و تخطي هذا الخطاء البجيح و الرد منه ادهى و امرّ.. يقول ما شفتها كل هدف يقول ماشفته حتى ان المذيع قالها له قبل يقولها .. كلمه حفظها و بكل هدف يرددها زاوية الرؤيا..!! يعني ماهو عارف كيف يتحرك للكوره فيه حارس بالله عليكم يتحرك على جمب بوسط خط السته.. اي كوره عرضيه بالعالم كله ما تروح لها على جمب الا بعد خطوتين او ثلاث للامام و يجيك هالعالم يدربون روسهم المدرب والمدرب نعم فيه اخطاء و فيه امور مشتركه بين المدرب و اللاعبين لكن نحمل المدرب كل الخساير انا ماعندي مشكله يروح دونيس لكن لن نقبل ان نكون حقل تجارب في ظل الشح المادي الحاصل يعني نجيب مدرب ثاني مايدري وش الطبخه عند اللاعب السعودي الفاشل و يالله شيل و جيب و اقعد على هالحال عشر مواسم.. فلا .. لا دعم لخزينة النادي بالحضور و لا دعم معنوي من الجمهور و في ظل هالشح المادي نطالب باقاله.. فهذا جنون.. قبل تطالبون باقالة المدرب.. انتقدوا لاعبينكم الي حرام عليهم اللعب بنادي قاري زي الزعيم. حارس يستعرض بسناب و تويتر و مزعج اهلنا بالزمان زماني و المكان مكاني و بالاخير ما يعرف ياخذ خطوه للامام.. و لاعب زي الفرج يدور على نفسه و حالف انه ينكبنا و ظهير ايسر يلعب له اكثر من عشر سنوات مايعرف متى يسدد و متى يعكس..! و اتعب و انا انتقد لو بامشي عليهم واحد واحد.. و في الاخير جاي تطالب باقالة المدرب .. احضر و ادفع من جيبك قيمة التذكره ثلاث مباريات فقط مابي كل مباراة احضر ثلاث مباريات و تعال ازعجنا هنا بالاقاله لا تتعب حالك اخوي الحوت خلهم يطالبون بيديهم و رجليهم الاداره فاهمه شغلها زين و هي الاحق بالابقاء و الاقاله دامها تدفع من حر مالها.. اذ حضروا الجمهور ذيك الساعه لهم الحق يطالبون.. عموماً اذا لاعبينا رجااال و يقدرون ناديهم و الكيان يدقون الاهلي بجده حتى لو فازوا بمباراة الشباب الدوري لا نستحقه الا بالفوز و دق الخشوم و هذي تبي رجااااال ماتبي مبزره يضحكون قدام الباب دمتم بود..

إقتباس الرسالة الأصلية كتبت بواسطة wdrago وهالمبزرة من الي مفروض يدق خشومهم ؟ الجمهور ولا ادارة تقطيع الاظافر مدرب ضيع نقاط سهلة باخطاء مايقع فيها مدرب حواري فمابالك بمدرب درب في الدوري القبرصي ويجي يبربس في الزعيم

اللي يبربس بالزعيم وانا أخوك ماهو دونيس
اللي يبربس لاعب يمرر 90 تمريرة منها 80 مقطوعة وخاطئة
اللي يبربس لاعب مفهي وفاقد التركيز المرمى امامه وهو على خط الستة ويسددها في المدرجات
اللي يبربس بالزعيم لاعب يلعب سنوات في الهلال لا ومحترف ولايعرف يعرض عرضية صحيحة
اللي يبربس بالزعيم لاعب مستواه كويس ورز خشميه وسوى نفسه ميسي على غفلة
اللي يبربس بالزعيم لاعب بارد وعديم احساس تلاقي الاف الجمهور يغلي وهو يضحك في المباراة بكل برود
اللي يبربس بالزعيم حارس ضمن ان ( الزمان زمانه والمكان مكانه ) فاصبحت تدخل فيه الاهداف بابسط صورة
اللي يبربس بالزعيم لاعب يرى ان الهلال على هيبته وسطوته وتاريخه يراه مجرد فريق حواري ويتعامل
مع مدربه ومع ادارته ونظامه بمنطق وفكر لاعبي الحواري لاعبوني والا بخرب !


هؤلاء اللي يبربسون بالزعيم والشمس لاتغطى بغربال
كثير من لاعبينا يفتقدون لأساسيات كرة القدم إي والله يفتقدون لها ياعزيزي
لانضحك على انفسنا ،، كفاية ترقيع لأشباه اللاعبين الذي هم وليس غيرهم سبب مهم في خسائر الهلال او تراجع مستواه



دونيس جاء لفريق ( محبط + منهار نفسياً + لايوجد له دكة اطلاقاً + كثير من لاعبيه لايرتقون لملاعب الحواري ) ، واشهد بالله انه عمل واجتهد والان نرى فريقاً يحتاج للكثير لكنه بات فريقاً يقدم كرة قدم حقيقية ، اصبح كل لاعب فيه جاهز ليكون بديلاً في اي وقت ، لاتلاحظ عليه نقص ابداً بدليل ان كثير من المباريات لعبها دونيس والفريق يفتقد لخمسة لاعبين من الاساسيين ومع هذا جعل البديل كالأساسي



نعم هو يخطئ فهو ليس نبي ، هو مدرب مثله مثل غيره يقع في الخطأ كما يقع فيه اللاعب

نترك الذين هم في ارضية الملعب وهم من بيدهم كل شيء بعد الله ونعلق المشنقة لرجل اعاد كثيرا من بريق الهلال بعمله وجهده وفكره





احدهم غاضب على دونيس ويلهج لسانه بذكر المدرب العظيم سامي الجابر !!
احدهم غاضب على دونيس بحجة انه يلعب بطريقة 5/4/1 وفي ليلتها لم يعلم ان دونيس لعب بطريقة 4/4/2
احدهم غاضب على دونيس لان الذين حوله غاضبين عليه لأي سبب يدفعهم
احدهم غاضب على دونيس لأنه سمع ان بعض الجماهير غاضبين على دونيس
احدهم غاضب على دونيس لأن دونيس لم يخضع لمزاجية ناصر الشمراني وعنجهيته
احدهم غاضب على دونيس لأنه لم يشرك شراحيلي امام الاهلي الاماراتي بينما الاخير حضر بعد انتهاء التدريب وفي حالة يرثى لها !

إقتباس الرسالة الأصلية كتبت بواسطة wdrago وهالمبزرة من الي مفروض يدق خشومهم ؟ الجمهور ولا ادارة تقطيع الاظافر مدرب ضيع نقاط سهلة باخطاء مايقع فيها مدرب حواري فمابالك بمدرب درب في الدوري القبرصي ويجي يبربس في الزعيم

يدق خشوم المبزره اولا الحضور و الدعم
ثانياً اللاعبين ..
اللاعبين لما ادوا و استشعروا بمباراة ولي العهد حشروا الاهلي بنص بابهم

اما بالتمرين يادي و يحترق و بالمباراة يخذل الجمهور و الاداره و المدرب فهو ليس كفو بلبس الشعار..
لما تشوف فريقك بمباراة جالس يادي و بمباراة يتبسم و يستهبل
فالخلل بعيد كل البعد عن المدرب
المدرب وصلك للمرمى بكل الطرق و شوط و نص الشوط و انت تلعب على باب واحد
و تضيع و تتبسم فالخلل فيك ي اللاعب..
لكن صدقني المطالبات و رفع الاصوات
لن تعطيك نتيجه
و الجميع يعرف ان المدرب لا يمكن تغييره بهذه الفتره
اذاً الدعم هو المطلوب
و على فكره سواء فزت مع الشباب ام تعادلت
ان لم تهزم الاهلي فلا دوري نستحقه
و الدوري يبي جمهور و يبي مسانده و دعم
ما يبي تبديلات مدربين و صياح و اصوات تعلو هنا و هناك
الدوري مازال بيد الزعيم ان ارادوه
و ان لم يريدوه .. فهم بانفسهم لاعبين الزعيم ولا يستحقون ارتداء الشعار

اللاعبين تقول عنهم محترفين اذا طبقوا ما يطلبه المدرب
بأي خطه و بأي تشكيل
اما يلعبون بنفس الخطه و يبدعون مباراة و يستهترون في اخرى فليسوا محترفيزيهم زي الحواري
اذا اردنا الانتقاد فلنفند الانتقاد على الكل و سيوضح مكامن الخلل اين
الان المطلوب الدعم فقط ..
اما الانتقاد فلن يفيد بشيء
كلنا نتمنى الزعيم بكامل عنفوانه و عافيته
و نتمنى البطولات و افضل العناصر و افضل المدربين
و لكن الوقت ليس وقت مطالبات بل وقت الجمهور
نقف معهم و لن يخيبونا.. باذن الله

طيب أخوي .. إنت تكلمت عن إضاعة اللاعبين للفرص ..
أليس من أدوار المدرب بل من صميم عملية إيجاد حلول لهذه المشكلة ،،؟؟
أيضاً .. إنت تكلمت عن أخطاء اللاعبين .. والمدرب ماكانت تغييراته خاطئه ،،؟؟

أرجو أن تكون منصفاً وأنت تحكم ..
تبقى وجهة نظرك .. وعلينا إحترامها .. حتى وأن لم نتفق معك ..

لك كل الود والتقدير والإحترام ..
والقادم أجمل وأحسن بحول الله ..


..

بالنسبه للاخ king99 تقول جمهور الرياض هو اللي طلع جيل سامي ويوسف والنعيمه وووو
ع اساس الجمهور هو اللي كان يدرب هذول اللاعبين مافي اداره جابتهم ولا مدربين اشرفو عليهم ؟!؟!
وتقول القصيده اللي تقول متع ناظري بهلال نجد
اجل وش تبيه يقول متع ناظري بهلال جده ، مافي بالسعوديه غير هلال واحد
ونسبه للرياض عشان مقر الرياض مانسبها نسبه لجمهوره اللي بالرياض
يابو نمره واستماره انت ^_*


وبعدين لو بنمشي ع كلامك انت سويت مثل الفقراويين بالعالميه ساجين امنا فيها واخرتها محلك سر وانت تقول هذولا اللي طلعو هالجيل ، خلص طلعو هالجيل وبس ويجلسون في استراحاتهم مايحضرون مباريات ولا سارو شيبان مايقدرون يروحون للملعب ؟!؟!؟!


ياخي شف معدل حضور اهل الرياض في المبارايات اللي تقام بالرياض اخر خمس سنوات لو تجاوز ال 100الف هذه نعمه لكن بلاك ماوصلو لها
مباراه مصيريه باسيا حضوره 12 الف مباراه بالدوري مصيريه حضور 5100 طبعا هذا اجمالي الحضور مع الفريق الاخر ، وين دعمكم يابو دعم
مباراة الهلال بجده مع الاتحاد حضرها 61 الف في بدايه الدور الثاني


ودونيس اخطاء المباراة اللي راحت ماختلف معاك فيها ،طيب ليش ماتكلمت وقلت للاعبين انهم سباكين مع انهم هم اللي ضيعو الفرص ؟!؟؟؟ مع ان تخبيص دونيس جا اخر نص ساعه بالمباراه وينكم عن اللي اخطو ببدايه المباراه ؟!؟!؟


ع فكره ياللي تقول انك من سكان الغربيه ترا المعرف حق حسابك فضحك انك من الرياض يابو نمره واستماره لما تجي تلف وتدور احبكها صح ^_*

اخوي عبدالعزيز حياك الله وبياك

طيب اذا كانت هذي امكانيات لاعبينك ، ولا لاعبينك هم كذا مزاجهم يدورون جماليه الهدف وش تسوي فيهم اذا كل مره تنبه فيها اللاعبين ، دونيس صرح اكثر من مره قال نعاني من ضياع الفرص ونعمل ع حلها وركز على ( نعمل ) يعني جمع ودونيس لوحده مايسوي شي اذا اللاعبين ما تعاونو معاه وكذلك الاداره . يعني الرجل عارف مكمن الخلل وبيجتهد ويعمل وفق الامكانيات اللي عنده


اسالك بالله لنكن منصفين اذا هالنقص اللي حاصل عند دونيس حاصل بالمواسم اللي راحت كيف راح يكون وضع الفريق ؟!؟
انا اشوف الهلال مع دونيس مع نقصه احسه مو ناقص غير لاعب واحد ( ادواردو )
اعطاك 26 لاعب جاهز وخلصنا من لاعبين اشباه لاعببين ، هذا مايحسب له
اتفق معاك اتفاق كامل مباراة الشباب اخطاء بالتغييرات وتغيير وعطيف قالك انه كان مصاب
طيب قبلها طوال الشوط ونص مسلسل ضياع الفرص مين يتحملها دونيس ولا اللاعبين
اذا الشلهوب افضل لاعب عندنا يشوت فاولات ماقدر يجيب فاول واحد من بداية الدوري
تلوم المدرب ؟!؟!؟ حتى المباراه الاخيره رفعه وحده من الشلهوب صح مافي !!!
لكن هذا مايمنع دونيس اخطاء بنقل الشهراني لليسار ووضع دوريش ظهير
مفترض يضع دوريش محور ثابت والشهراني يبقى مكانه ويخرج الشلهوب وينزل ياسر صانع لعب مكانه


هذا حال اللاعبين الحاليين مع كل المدربين وحرام نلصق التهم ع دونيس
الهلال ناقصه محور دفاعي صلب ولاعب طرف من طينه ويلهامسون وصانع لعب ومهاجم لا يرحم ويكتمل عقد فريق يعطيك خمس سنوات اكتساح لكل شيء

إقتباس الرسالة الأصلية كتبت بواسطة الحوت الازرق999 اخوي عبدالعزيز حياك الله وبياك طيب اذا كانت هذي امكانيات لاعبينك ، ولا لاعبينك هم كذا مزاجهم يدورون جماليه الهدف وش تسوي فيهم اذا كل مره تنبه فيها اللاعبين ، دونيس صرح اكثر من مره قال نعاني من ضياع الفرص ونعمل ع حلها وركز على ( نعمل ) يعني جمع ودونيس لوحده مايسوي شي اذا اللاعبين ما تعاونو معاه وكذلك الاداره . يعني الرجل عارف مكمن الخلل وبيجتهد ويعمل وفق الامكانيات اللي عنده اسالك بالله لنكن منصفين اذا هالنقص اللي حاصل عند دونيس حاصل بالمواسم اللي راحت كيف راح يكون وضع الفريق ؟!؟ انا اشوف الهلال مع دونيس مع نقصه احسه مو ناقص غير لاعب واحد ( ادواردو ) اعطاك 26 لاعب جاهز وخلصنا من لاعبين اشباه لاعببين ، هذا مايحسب له اتفق معاك اتفاق كامل مباراة الشباب اخطاء بالتغييرات وتغيير وعطيف قالك انه كان مصاب طيب قبلها طوال الشوط ونص مسلسل ضياع الفرص مين يتحملها دونيس ولا اللاعبين اذا الشلهوب افضل لاعب عندنا يشوت فاولات ماقدر يجيب فاول واحد من بداية الدوري تلوم المدرب ؟!؟!؟ حتى المباراه الاخيره رفعه وحده من الشلهوب صح مافي !!! لكن هذا مايمنع دونيس اخطاء بنقل الشهراني لليسار ووضع دوريش ظهير مفترض يضع دوريش محور ثابت والشهراني يبقى مكانه ويخرج الشلهوب وينزل ياسر صانع لعب مكانه هذا حال اللاعبين الحاليين مع كل المدربين وحرام نلصق التهم ع دونيس الهلال ناقصه محور دفاعي صلب ولاعب طرف من طينه ويلهامسون وصانع لعب ومهاجم لا يرحم ويكتمل عقد فريق يعطيك خمس سنوات اكتساح لكل شيء

الله يحييك ويبقيك ي الغالي ..
بالنسبة لتغيير عطيف كان فني وليس للإصابة ،، والدليل تقرير صادر من ( بوبا )
اليوم بأن غرفة العلاج للهلال لأول مرة ( بلا مصابين ) بإعتبار إن إدواردو و ديجاو
إنتهت فترة علاجهم وهم الآن في المراحل التأهيلية .. المدرب حاول أن يخفي
بصمة ( غبائه ) بعذر الإصابه وهذي ( مابتمرؤ ) ي عزيزي ..
إذا بغيت أسباب تدهور الهلال بأختصار ( مدرب غبي .. لاعبين مستهترين ،، إداري مزهريه
لا يحل ولا يربط .. و رئيس على الصامت ) ..
هل يعقل بأن ناصر بالمدرج .. والسالم أساسي !!!! يا رجل !!
والله تبديلات أشم فيها رائحة ( شرط جزائي ) ..

يعطيك العافية ..

ناصر هو اللي جابه لنفسه مشاكله سابقته مع المدربين وخصوصا مع برودوم قبل يجي الهلال لاعب محترف لازم تحترم كل اللي يطلب منك لو اداره الشباب ماهي شايفه انه ماينفع مافرطت فيه حتى لو بالفلوس لاننا دفعنا بحسن معاذ يفوق اللي اندفع بناصر وماعطونا هو
رايك واحترمه ياغالي