اللاعبين عندهم تحضير زايد بدون فايده

المدرب سباك هو سبب خساره

إقتباس الرسالة الأصلية كتبت بواسطة عبدالعزيز الثنيان يعني اللي فاهم كورة يقول ( المدرب لازم يتفرج على اللاعبين وهم يضيعون الفرص ويتلاعبون بأعصاب الجماهير ) !! أشهد إنك فاهم الكورة صح .. وش رايك بإقالة ريجي من تدريب الهلال ..؟ الهلال كان حاشر سيدني ذهاب وإياب وفرص بالكوم ضاعت .. ليه نظلم ريجي ويتم إقالته ،،؟ بسيرو تمت إقالته والفريق يتصدر الدوري ،،!! لهالدرجة حنا ظالمين ؟!!! إنت والله ماتنفع حتى تتابع مباراة في البلاي ستيشن هههههههههه

وش يسوي باللاعبين يعني وهم يضيعون بعد ما استنفد معهم ومعكم يا جمهور كل الوسائل
يعني تبغاه ينزل يلعب بدالهم !

بعدين ريجي استلم الفريق وهو في افضل حالاته وسقط بالفريق
وللتصحيح هو ماتمت اقالته بسبب مباراة سيدني إنما أُقيل بعد مافاز علينا الاهلي في كاس ولي العهد
وترى بالفعل في مباراة سيدني وبرغم الظلم العظيم الا ان اللاعبين ضيعوا الكثير

أما الدهيه دونيس فجاء لفريق محطم وانتشله واعاده للبطولات
يا اخوان اتقوا الله اللي حطه سباك واللي حطه مايفهم
يعني احس اني مع فيرقسون ومورينهو وقوارديولا

أما بالنسبه لكلامك الاخير فأحب اقولك ماطلبت رأيك وياليت تحتفظ به لنفسك
تحياتي

دونيس والمفرج والرئيس مسؤولون عن الأخطاء الواضحة والمتكرره.
الشهراني مميز بالظهير الأيسر ويكلف باليمين ليه ؟ خمس مواسم لم يصنع كرة خطرة والبريك نصف موسم صنع سبعة أهداف وسجل ثلاثة ويبقى بالاحتياط إرضاء لبعض صحفيي الجزيره والكارثة يلعب درويش كبديل أربع مرات ويتسبب في أربعة أهداف ولا يلام لأنه ليس مركزه يمكن هدف الخليج يتحمله لأن ضرب الكرة بالرأس ليس له دخل بالمركز .
إذا المدرب (مستحي ) من الزوري والشهراني يلعب كل منهما مباراة أو شوط وشوط!
الشلهوب يحاول ويجتهد ولكن للسن أحكام والكارثة البديل الوحيد عبدالكريم خارج التشكيل عدا شوط واحد بمباراة ودية وكلف بالظهير الأيمن!
الفرج تسبب بعدد كبير من الأهداف بالمحور وإذا غضب الجمهور تم إبعاده وإذا هدا الجمهور عاد للمحور ! يجب ان يكون عطيف أساسي والبديل كريري وقد يستفاد من الشهراني ودرويش بالمحور كلاعبي مجهود .
لدينا وسط أيسر الفرج والعابد والشهراني خيار ثالث يلعب أحدهما أساسي والآخر احتياط ولدينا سالم وكعبي ودرويش خيار ثالث وسط ايمن يلعب أحدهما أساسي والآخر احتياط
السالم ممكن يكون أي شي عدا أن يكون لاعب كرة قدم ولدينا ياسر وعزوز يكفون للعب كمهاجم ثاني
الهلال يمتلك الحلول ولكن اختراعات المدرب وسكوت الإدارة عن ما يحصل يستوجب المطالبة بالتصحيح.
سنقف مع الهلال بكل وقت ولكن طفح الكيل من الإصرار على بعض القناعات المضرة بالفريق

اللاعبين يؤخذ عليهم ،،،،، لان مباريات الهلال الماضية نفوز بواحد وآخر الدقائق نتجحفل
كلنا مستغربين على ضياع الفرص السهلة كل مباراة يتكرر هذا السيناريو ،، والمشكلة لاعبينا لايعرفون الباصات
فيما بينهم كلها اخطاء ،ولكن هذة المشكلة لم تنحل حتى الان ، ،، والمدرب اخر مباراة قام وخربط المنطقة الخلفية
والحمدلله على كل حال