إقتباس الرسالة الأصلية كتبت بواسطة ThiagoNeves يا اخي انا اذا قلت دونيس افضل من سامي وريجيكامب مايعني اني امحي اللي سووه دونيس أفضل من سامي فنياً واللي يقول غير كذا اشك فاهم كورة ! ماحد ينكر الشغل اللي سواه سامي من تعاقدات واعادة نيفيز وجلب قلبين دفاع .. ولكن مع ذلك كان عنده أفضل فريق كأسماء من بداية الموسم ولم يحقق اي بطوله ! وأيضا ً هلال سامي كان من اسوأ المواسم اللي شفتها .. الفريق كان متذبذب جداً ويخسر النقاط متتاليه وامام فرق متواضعه دونيس افضل من سامي في ادارة المباريات و تهيئ الفريق نفسياً وتعامله مع اللاعبين .. سامي واجه ضغوطات كبيره بسبب كارهيه بالوسط الرياضي لذلك انا كنت مع قرار تغييره .. لانه لو استمر ما اتوقع راح ينجح ثانياً .. الكُل قسى على ريجيكامب والبعض وضعوه مدرب سيء وهو سبب خسارة الهلال لبطولتي آسيا وولي العهد ! وهالكلام غير صحيح .. لو تلاحظ من اتى ريجي كامب حتى نهائي آسيا كان الفريق يقدّم مستوى فني ممتاز .. حتى نهائي آسيا كنا حاشرين سيدني ذهاب واياب لكن رعونة بعض اللاعبين + الحظ والتحكيم هو اللي خسّرنا البطوله ونهائي ولي العهد ماله داعي اجيب لك الملخص عشان تشوف العكّ الكروي اللي قدمه ناصر الشمراني طول المباراة وتسديدة نواف العابد المُضحكه لركلة الجزاء .. زبدة كلامي النتائج غالباً هي اللي تقيّم العمل والأفضلية .. حتى الان دونيس لديه بطولتين وهو يقدم لنا هلال واقعي ومتصدر الدوري مع الاهلي .. وقاعد يقوم بتدوير ذكي للفريق اللي راح يفيدنا بنهاية الموسم وبنشوف حصاده

ماودي ارجع للنقاش البيزنطي مع من يطرب لزامر غير زامر الحي


يا اخي من شفتك تقول ان ريجي تمام وانا غسلت يدي من كلامك كله برمته

اجل السباك يلعب الذهاب بنفس التشكيلة وبمحورين دفاعيين مع افشل فريق آسيا بعد الفقر

وتقول فنان واللاعبين هم اللي خذلوه؟

يكفيني ان سامي هزم كبار الاندية بالاربعه والخمسه


سامي فقط خذلته النتائج في البداية مع الفرق الصغيرة

سامي خذلته اصابة كواك وتخاذل كاستيو

يكفيني انه فكنا من وجه النكبة المرشدي

يكفيني انه جاب ناصر الشمراني واصبح هداف الدوري وهداف التصفيات الاسيوية


اذا ماتشوف كل هذا فعمليش عالج نظرك وكرهك لسامي لانه ماراح يضره كلامك


الله يهديك اجل ريجي فنان اللي ما تأهلنا معه الا بشق الانفس وبفضل الله ثم بفضل ماتبقى من ريحة هلال سامي اللي هزم متصدر الدوري وهو ناقص لاعب من بداية المباراة وبالاربعه


وانتهى الدوري وبينه وبين المتصدر نقطتين فقط

الله يصلحك بس

أهلا بكم ..!

شكرا لجميع من شارك و أثرى الموضوع ..

بـ النسبة للأخوين تياغو نيفيز و أبو مشعل .. المشكلة ليست في سامي .. ولا في ريجي .. المشكلة في من كان فوقهم .. كيف ؟

إن شاء الله تعالى سأرتب موضوعا عن هذا الأمر قريبا ..

دمتم زعماء ..

خالد ,

شرح جميل ولكن

لكل مباراة يجب آن يكون هناك طريقة فعندما تلاقي الآهلي فلا تلعب بالطريقة التي تلعب بها آمام الوحدة ويجب آن يتعود اللاعبون على جميع الطرق والاستعداد لتغييرها حتى اثناء المباراة الواحدة

اخوي خالد بصراحة ابدعت واوافقك رأيك
ماشاء الله تبارك الرحمن مميز بارك الله فيك
التوفيق للجميع ان شاء الله ولزعيمنا

تقرير وموضوع رائع ربنا يوفق الهلال

شكرا على طرحك موضوع جميل جدا وشكرا على الشرح الوافي وبالصور

جميع الخطط اللى طرحتها اخي العزيز تحتاج لاعبين لياقه ممتازه ومهارات ممتازه

وهذا لاينطبق على عبدالعزيز الدوسري وكم لاعب معه انتهوا ولا يستطيعون تقديم الجديد الممتع للهلال

تحياتي لك وللجميع

يعطيك العافيه..

أعتقد انك اغفلت نقطه مهمه جداً، ألا وهي عدم توفر بعض اللاعبين لسد بعض الخانات بشكل ممتاز.
فعلى سبيل المثال ،، الزوري لاعب لا يجيد مهام الظهير الأيسر بشكل تام !
أيضاً عدم وجود صانع العاب، مما يزيد الثقل على الوسط وتتأخر النتيجة !
المدرب دونيس مدرب ذكي، ولكن مشكلته تكمن في اثنتين:
1- تغييره المستمر في المراكز ولا أقصد التدوير، أيضاً اختراعه في تشكيله غير مناسبه في مباريات مهمه.
2- لا يعرف الفريق واللاعبين كما نعرفهم نحن، نعم لديه خبره في التدريب ولكن خبرته في الفريق قليله.

الزعيم أكبر خصم له هو نفسه ..

اكثر من مباراة نكبنا فيها ديقاوهذة زبدة الكلام ان لم يتم افهامه وتوجيه حتى يتخلص من الاخطاء القاتلة.

أهلا بكم ..!

أتمنى أن تكون مباراة التعاون الأخيرة قد بينت كثيرا مما كتبت ..

لاحظوا .. حتى كواك ذكرته في موضوعي ..

..


دمتم زعماء

خالد