بياخي نبي النادي يسوي حساب بنكي عشان الجمهور يقدر يساهم ويخدم النادي
ياخي نص السعوديه جمهور الزعيم والله لو فيه حساب للنادي ويقدر الجمهور يدفع للنادي لو كل مشجع يدفع 20 ريال كل شهر او مره بالسنه كلن واستطاعته قسم بالله م يحتاج النادي لاي شي ويقدر يجيب اي لاعب تكفوون ي ادارة النادي سوو حساب وشوفو جمهور الزعيم كيف يتفاعل
محب الكيان
فيصل الشمري

إخواني كلامي خارج الموضوع اعذروني ، ابغي تردد قناة الهلال

ابي الجمهور يتفاعل مع هالموضوع والله محتاجين انه الادارة تنظر للموضوع بجدية

هلا بك يازعيم بالنسبه للحسابات الي تفتح باسم النادي وتكون لجمع تبرعات صادر فيها قرار بلمنع

وانا معاك كلنا نتطلع لدعم الزعيم والوقوف معاه وهذا ماتعمل عليه الاداره بسبب المطالبات الكثيره من عشاق
الهلال وجمهور الكبير مثلك وشرواك لذلك صدر بيان من المركز الإعلامي بهذا الخصوص موجود في المنتدى
وهذا الدعم سيكون نضامي من خلال بطاقة عضويه تكون متاحه لكل محبي النادي وفيها ايضا مميزات يستفاد
منها وستطرح حسب البيان خلال الأيام القادمه وسيتم اعلان ذلك عن طريق المركز الإعلامي
واتوقع يكون قيمة الاشتراك300 ريال وأقل لانه من الممكن ان تكون كذا نوع من العضويه اتوقع يكون اعلى اشتراك 300 وأقل 100 وتكون سنويه . وبتوفيق لعملاق اسيا الزعيم الملكي.

المنع من جهات عليا لان الانديه مقرات حكوميه

لو تمت الخصخصه بيفتح باب التبرعات

ممنوع من وزارة الداخلية

والي يهايط يبي يدعم النادي شهريا.. الان صار في عضويات وبإمكانه كل شهر يروح يشتري بطاقه عضوية

خلينا نفرض ان سعرها 100 ريال... اشترها 3 مرات في السنه

ولو تبي تلتزم بمبلغ ثابت 20 ريال في الشهر روح لملجأ واكفل يتيم أبرك لك من هالهياط والكلام الفاضي

تقدر تشتري عضوية النادي وهي دعم زي التبرع ونظامية ليه يفتحون حساب وتبرعات ومسموح وممنوع وعندنا شي رسمي
انا باذن الله يوم الخميس او الجمعه اروح للنادي وأخذ بطاقة عضوية واتمنى ان يتم تطويرها بحيث نحصل عليها عن طريق البريد دون الذهاب إلى الرياض

في كل دول العالم المتقدم تطرح تذاكر مباريات النادي طيلة الموسم وتستطيع شراءها كلها أو بعضها
ومحبي الفريق يشترونها ولو لم يحضروا وذلك دعم للفريق وأيضا عند شراءك من متجر الهلال تدعم
النادي كذلك عضوية النادي

السلام عليك ي زعيم
اولا انا من حايل وما اجي الرياض الا بالسنه حسنه او مباراة قوية للزعيم ثانيا انا اول مره اسمع بالعضوية اللي تقول عليها وغيري كثير اكيد م سمعوا عنه وموضوعي لاهو هياط ولا شي وهو نابع من حبي للنادي واذا انت ماتفرق عندك الثلاثميه ريال غيرك وده يسوي شي وم يقدر اشوف الحساب افضل كل شخص وقدرته وبدون تحديد للمبلغ وغيره التحويل اسهل بكثير من انه يتعنى الواحد وبالنسبه لي انا افتخر اني اكون عضو بالنادي وراح اجي الرياض مخصوص عشانه واذا فيه طريقة اسهل يا ليت تفيدونا وتقبل مني كامل الود