بسم الله والصلاة والسلام على رسول الله ... أما بعد .

الموضوع يا جمهورنا الكريم لا يحتاج الى مقدمات ولا يحتاج لتردد في دعم القرار .


( الدعم ثم الدعم ثم الدعم للمدرب دونيس ! )

يا أخوان والله ترى الواحد مايحس بالنعمه الا اذا فقدها .

فقط اتمنى من كل شخص يطالب بإقالة المدرب اذا تعثر في مباراة الخميس لاسمح الله ان ينظر من حوله ..

اقسم بالله ان كل اندية الدوري السعودي تخشى مواجهة الهلال ! بل ينظرون الى مدربنا بنظرة ابهار لما فعله في فترة وجيزة مع النادي وحقق بطولتين وأزال هموم وحزن الخروج الاسيوي بعد الله عز وجل وعقم البطولات اللذي امتد لموسمين متتاليين ! وهي ليست بعادة فريقنا الابتعاد عن البطولات !

أرجوكم لا تلتفتوا الى الاعلام الواهم والصحف المزيفة اللتي تهتم فقط لهدم كل شي يبنيه الهلال .
من المفترض ان يكون المشجع الهلالي على قدر من الوعي ومعرفة ماتركز عليه هذه الصحف والاقلام والابواق الهدّامة لكل ماهو ازرق ولا تتمنى الخير لفريقنا ابدا .

الأمر الاخر وهو المخزي للاسف .. !
أن يأتي أعلام الهلال نفسه ويؤثر على الفريق ويهز الكيان بتغريداته ومقالاته ويأجج الجماهير ويجعلها تسير مع قافلة الهدم لعمل الادارة بطريقة غير مباشرة وبدون اي تحمل لعواقب ماسيحدث للفريق من تخبطات لن تجني الادارة منها غير سوء النتائج والخسائر المادية والنفسية .

يظل الاستقرار اللذي يحصل في النادي هو نعمة من نعم الله علينا بل أجزم ان نتائج دونيس وعمله رغم الاخطاء اللتي تحصل الا انه افضل وبمراحل من مدرب الاهلي جروس اللذي يلاقي الدعم من اعلامه وجماهير عكس مايلاقيه دونيس من اعلام وجماهير الهلال !
وعندما تنظر في حصيلة المدربين تجد ان مدرب الاهلي شارف على العامين بتوليه تدريب الاهلي ولم يجني سوا بطولة !

ودونيس لم يكمل السنه حتى الان وجنى بطولتين وصنع من الهلال فريق ممتع وثقيل على ارض الميدان .

واكاد اجزم ان الاخطاء اللتي حصلت في الفترة السابقة يتحملها اللاعبين بنسبة 85% !

ماذا يفعل المدرب اذا المهاجمين يضيعون الفرص السهله ؟
ماذا يفعل المدرب اذا الحارس يخرج من مرماه بطريقة بشعه وتسكن في شباكه اهداف ميته ! ؟
ماذا عسى المدرب ان يفعل اذا اهدرت اكثر من ضربة جزاء !
ماذا يفعل المدرب اذا لم يلتزم لاعب المحور بالقيام بأدواره بكل جديه ويقوم بمهارات فردية تكلف الفريق غاليا !!؟


والله ان دونيس مدرب قدير وداهيه فقط دعوه يعمل ولاتحاسبوه الان اجعلوا الحساب اخر الموسم ..

الرئيس ملتزم الصمت وهذي صفة جميلة جدا وتحسب له ..

فأرجوكم كونوا مثل الرئيس التزموا الصمت وساهموا بأدواركم المطلوبة وهي الدعم والمؤازرة في السراء والضراء .



..

أرتقوا وثقوا جيدا بالله وبمدربنا وبقناعته ... واتركوا ( أهل القاع للقاع ) ..



بالتوفيق دائما وابدا للزعيم ... دمتم بود

المدرب لاعذر له ، يملك جميع ادوات التفوق ، وخصمه ليس بذاك الخصم القوي جدا، ولا الضعيف جدا ، اي خصم ممكن تتفوق عليه اذا رسمت التكتيك المناسب ووفقت باختياراتك في التشكيل والتغير وتسير المباره ، اللاعب غير المركز اذا كان بالمناطق الخلفيه او الموديه للمرمى لاتنتظره ينكبك بهدف غيره ولو من الدقيقه عشرين ، حتى يصحى فريقك ، وتلحق قبل خراب مالطه .

مانبي من المدرب يعمل معجزه نبيه بس مايخترع ويضع التكيتك المناسب في المباراه المناسبه واللاعب المناسب في المكان المناسب

يعني الكل يعرف نقطة ضعف الهلال في العمق ( المحور ) أي ضغط على الفرج يواجه المرمى استغرب ليش ما يحل هالمشكله بوضع محورين كريري مع الفرج ويلعب ب 4-4-2 واذا كان جبان يلعب ب 4-5-1 على اعتبار دخول ادواردو مهاجم ثاني يلعب 9.5

الحمدلله الاداره واعيه وعقلانيه حتى لو قدر الله وخسرنا وخسرنا وخسرنا لن يقيلون دونيس بسرعه وخصوصآ اننا نعرف أمكانيات دونيس بخصوص الاختراعات والتخبيص لايمكن لدونيس بالفتره هذي المغامره باللعب الهجومي وهو ماعنده محور بمعنى الكلمه طبيعي بيلعب بتوازن وإذ تأخر بهدف يضطر يغير الخطه بمعنى المغامره الفريق حاليآ يوصل للمرمى ماهو ذنبه لاصارو اللاعبين مايسجلون

لابد المطالبه بطرد المندسين من منتديات الهلال

الرجال جايب بطولة في اول الموسم
شخصيا ما راح اضغط في هالناحية حتى لو نزلنا للمركز الثالث
آخر الموسم سيقيم عمله من الادارة

ماودي احطم امالك

لكن انت ياغالي تنفخ ف قربة مخرومه وعلى قول المثل الشعبي
قال انفخ ياشريم قال من برطم

للاسف جماهيرنا سارو هم السبب الرئيسي لتدهور الفريق في السنوات السابقه
كل واحد مسوي نفسه ابو العريف وفاهم كوره وللي بالادارات كلههم للي مرو ع الفريق مايفهمون
بس هم يفهمون

المشكله تدِرِيےُ وين اكثر اللي مسوين ازعاج وصداع هم جمهور مايحضر ولا يساند بالمدرجات
مايطلع الا بالمنتدى ولا تويتر ويتحلطم هنا وهناك


المدرب له اخطائه ولكن بسيطه جدا ويتداركها وماهي هي السبب الرئيسي لخسارتنا

والمصيبه الاعظم ان جمهورنا اللي مادري وش اقول عنه للاسف زرع الخوف في انفس الفريق
بدل مايعطهم الثقه

مدرب نسبه نجاحه بالدوري للان تتجاوز 61% وهو فقط لعب 12 مباراة من اصل 26مباراة
يعني عدا مرحلة نصف النجاح قبل مايتعدى الدور الاول
ويجون هذول يقولون عنه مايفهم كوره ، صح مايفهم عشان كذا حاشر الفرق كلها بملعبهم


لكن مثل ماقلت لك لا تتعب نفسك معاهم
العمى ذابحهم

الاخ سعود الهلال يكون بخير ونعمه فى حاله وحده لو الله سبحانه وتعالى فكه من بعض الهلاليين المشجعين وبعض كتاب الهلال
اللى يهدمون اكثر مما يبنون بآرائهم وانتقادهم ومطالباتهم مع اننا نحسن النيه على انها مره او مرتين ثم يصلح الحال لكن للاسف يتمادون زياده
ام الآخرين فملاعيبهم اصبحت مكشوفه للجميع هم واعلامهم
موب عيب اننا نخطى لكن العيب اننا ما نتعلم من الخطأ

أرتقوا وثقوا جيدا بالله وبمدربنا وبقناعته ... واتركوا ( أهل القاع للقاع ) -- بارك الله فيك على هذي السيقه الجميلة التي سقتها .. فعلا انت ابن الزعامة وحرصك على غيرة فريقك وحبك الجميل .. والله يحفظ هلالنا ويحفظ جميع المسلمين الصالحين والحمدالله رب العالمين .

بالتوفيق للملكي ..

الملكي من وقت سامي و ريجي و دونيس ما هو ناقصه شي - دعم مادي - تجديد عقود - شراء لاعبين محليين - لاعبين اجانب بمبالغ طائلة .. المفروض الانجازات اكبر من كذا . لكن الحظ واخطاء المدربين وغياب النجوم عن المباريات المهمة او انخفاض المستوى في النهائيات كان له دور مهم .

لكن نقول ان شا الله انها سنة خير. وان شا الله نبارك لبعض بعد المباراة .