ياسر ناصر سيكونون هكذا مادامت الفرصه لا تاتيهم كاملة لاستعادة مستواهم
الميدا فقط يتميز بتثبيت اي كره مهما كانت صعوبتها من الحارس او الدفاع لكنه يحتاج مدرب يستغل امكاناته فقط لتجهيز الكور لمهاجم مساند معه ما يفعله الميدا هو تثبيت التفاف ثم محاولة تخطي بدون مايرفع راسه وتنقطع وترجع هجمة علي الهلال
اذا بتجيب مهاجم جيب مهاجم مثل سيرجيو ولا علي الاقل مهاجم الفتح سلمون والله ابرك وانفع او وفر قروش الميدا
سعود كريري قلب الهلال النابض تحتاج محور في قادم الايام لاي اصابة او ايقاف لا سمح الله
سالم بعد الزواج انتهي
ديقاو من بدايه هلسنه من سيء لاسواء وربي ستر علينا اليوم من اتكاليته وثقته الزائدة
الدوري يبيله ثبات مستوي وحصد نقاط بثبات وتريح لاعبين لاتنسي كلها فتره وتبدا تداخلات اسيا للمنتخب والفريق وكاس ولي العهد وغيره

الحمد لله الحمد لله الحمد لله فزنا بعد ما احترقت أعصابنا

المباراة باختصار
1- الهلال مرعب
2- الشباب ضايع ونجا من هزيمة قاسية
3- التحكيم ضعيف

- مبروووك تأكيد الصدارة وبالتوفيق للزعيم

إقتباس الرسالة الأصلية كتبت بواسطة bader14 المدرب اشبه بالاحول العناصر اللي معه لو مع مدرب آخر كان فاز بالثلاثه افل شي وبعدين اللاعب اللي يبدع .. المباراة اللي بعدها مايلعب اساسي ... وش هالتحطيم كأنه يبحث عن الاقاله وش تبي بالميدا العاله تلعبه 87 دقيقه والشمراني مبدع اخر مباراة ليه تطلع ادواردو وتخللي الميدا وش هالتخبيص الوم الادارة والمتفرج على السكوت على هرطقات هالمدرب

انت قلت يبحث عن الاقاله وهو فعلا يريدها من بداية الموسم وهو مو تمام تشيكلات غريبه عجيبه وعلى قولتك اي لاعب متميز تشوفه ع الدكه

امامنا مباراة الاهلي الهلال افضل عناصريا لكن عندنا مدرب مدري وش اقول ما ابي اقول كلام مو لايق في منتدانا

لو لعبنا بنفس تشكيلة الخليج لسجلنا اكثر
وجود ناصر مهم جدا
الميدا المهاجم
وادواردوا هو اللي يسجل
دونيس دايم يخبص بالتغييرات ويسبب كارثة
اذا كان ادواردوا مصاب فالبديل درويش هو الخيار المناسب
دونيس ابخص لكن لا يخبص

اللي تنتقدون المدرب
وش تبون بالضبط
فريقنا مرعب يهاجم ويدافع ويضيع فرص مؤكدة المدرب غير مسؤول عنها

خطأه الوحيد هو التأخير في تغيير الميدا

يازعمااااء مبروووك الف مبروووك صداره وبفارق ثلاث نقاط
ومستوى الحمدالله قوي يازعماء ترى الشباب من الفرق الي
عندها طموح المنافسه وراح يعطلون فرق واجد
افرحووو وحتفلووو ودعمو الفريق تكفون اعرفو كيف تفرحون
وان شاءالله البطولات من نصيب الزعيم ودوم أفراحنا ان بإذن الله

إقتباس الرسالة الأصلية كتبت بواسطة HAKEEM2 حارس الشباب العويس في تصريحه الميدا كشف الزاويه لي بكل وضوح

بكل صراحه اول مره اشوفه لكنه حارس مميز يمكن اربعه او خمس اهداف محققه صدها وليد عبدالله راحت عليك دفي الدكه اجل ما يرضيك تجلس احتياط

بالنسبه للبلنتي تمنيت ادوادو هو افضل وللامانه افضل من يشوت بلنتيات في الهلال الشلهوب الله يرجعه بالسلامه

اقول ادعموا الفريق
واحمدوا ربكم
ماهو طالع لي كم واحد يبي يطرد المدرب
اللهم لك الحمد والشكر على نعمة العقل والهلال
ساندوا بس وفكونا من الاصفر اللي بداخلكم
ياخوفي على الهلال في قادم الايام من اغلب جماهير هالجيل
وخاصه من كان يمشي مع احد الاصفرين او ساكن معهم
طبيعي يتاثر..
ياحلو ياهوه ياعسل شجع الزعيم ولا تقوم تنتقد في اوقات حنا في غنى عنها
ياخي فريق انت شايف من اول دقيقه لين نهاية المباراة مسيطر بكل شي
تبي المدرب مثلا ياخذ عقال رئيس النادي ويدخل بنفسه يمسك الميدا ويمحطه
ويحط الكوره قدامه ويقول سجل..
ياخي خفوا علينا شوي يالربع

نتمنى من الإدارة إحضار لاعب وسط (صانع لعب) من طينة التايب أو عموري تمريرتين ثلاث ويحسم لك المباراة ، وكذلك لاعب محور متميز ، وبذلك يكتمل الهلال .

مباراة الشباب ايجابياتها
عودة مستوى نواف العابد والله يوفقك لتقديم مستويات رائعة.
كل اللاعبين مستوياتهم رائعة باستثناء البرازيليين وان كان ادواردوا سجل هدف الفوز لكن الميدا كاد ان يضيعها على الهلال باضاعة البلنتي والانفرادية؟
مبارة ثلاث نقاط وكفى لكن الشيء المهم هو الاستمرار بحصد النقاط حتى يكون الفارق النقطي مع الثاني مريح للفريق.

الذين يلومون المدرب او يصفونه بالسباك مع احترامي لهم الكبير إلا أنهم هم والله السباكين

هل يلام المدرب على تضييع الميدا لضربة الجزاء ؟
هل يلام المدرب على تضييع الميدا لانفراده وهدف محقق؟
هل يلام المدرب على تضييع الشمراني لهدف محقق والباب مكشوف يضربها في الحارس ؟
هل يلام وهل وهل

كم هائل من الفرص لو جاء بعضها لكانت النتيجة 3 على الاقل



يوجد ملاحظات على المدرب والادارة على حد سواء

1 : لماذا الابقاء على سالم الدوسري للان في التشكيلة ؟

نفسي افهم وش الفائدة من هذا اللاعب ؟

2 : لماذا يترك ه الميدا يعربد ويلعب بكل انانية اصبحت تصيبنا بالضغط والسكر
واستغرب لماذا المدرب والادارة للان لم ينبهوا الميدا ليترك انانيته البغيضة

لا ابيك تسالهم لو كل الفرص تسجلت هدف
اتوقع بيقولون احسن مدرب في العالم
هذولي العينه من هالجماهير مع احترامي لشخصهم
الا انهم عاطفيين
ويسمعون بشي اسمه كوره ومدرب وطاروا في العجه
مير الله يعين مايروعني الا هم لا كثروا

إقتباس الرسالة الأصلية كتبت بواسطة (عـ الخـوي ـز) لا ابيك تسالهم لو كل الفرص تسجلت هدف اتوقع بيقولون احسن مدرب في العالم هذولي العينه من هالجماهير مع احترامي لشخصهم الا انهم عاطفيين ويسمعون بشي اسمه كوره ومدرب وطاروا في العجه مير الله يعين مايروعني الا هم لا كثروا

يارجال ماعليك منهم
صدقني اللي يشكك في دونيس كمدرب هذا انسان مايفهم كرة قدم
ونظامه مع كرة القدم طقها والحقها


نعم دونيس مثله مثل غيره من المدربين له اخطاء
لكن القول بأنه ليس مدرباً جيداً بل مميزاً قول اصحاب طقها والحقها

نحن لا ننتقد دونيس فنيا بالعكس دونيس داخل الملعب ممتاز جدا
لكن عليه مراجعة نفسه في التغييرات