اللاعب عبدالله سليمان . . . . مارأيكم فيه ؟ ؟؟؟؟ - نادي الهلال السعودي - شبكة الزعيم

بوهلالي · #1 11/03/2001, 08:00 PM

اللاعب الدولي عبدالله سليمان لعب بعض المباريات مع الهلال

ما رأيكم في هذا اللاعب ؟؟
هل هو مفيد للهلال في وجود الشريدة ، المفرج ، أحمد خليل ؟؟؟
هل الحكم عليه في هذا الوقت ظلم له؟؟

هل تلاحظون تدني مستواه منذ مجيئه للهلال ؟؟؟؟؟

مشفر · #2 11/03/2001, 08:09 PM

انا رأيي ان يعاد للأهلي و يعاد لهم نصف مليون بس يفكوننا منه ..

آآآ ه بس يالشريده و خليل ..

آآآه لو بيدي كان بأول طياره لجده

تعبان بمعنى الكلمة و مصاب الى اعلى رأسه يعني خساير على خساير ..

سلام

[عدلت بواسطة salman99999 التاريخ:11-03-2001 الساعة: 10:08 PM]

صقر مبرقع · #3 11/03/2001, 08:15 PM

من ناحيته مستواه فهو متدني .. بس نصبر لعلى وعسى انشاللة يرجع مستواه .. لين ينسجم مع الاعبين لين مباراة يلعب مع خليل الي بعدها مايلعب الي بعدها يلعب مع الشريده وعلى شان كذا اتوقع هبط مستواه ..

هلالي شقراوي · #4 11/03/2001, 08:20 PM

سبق و كتبت انا نفس الموضوع بعد مباراة الأتحاد و ماحد ردّ على ذا الشي ...

بس الحين يو تأكدتو من انه صفقه ما كان لها أي داعي.....

عرفتو انه ما ينفع الهلال ..بالعكس بعد ... يضرّهم اكثر ...

امووووووووت و اعرف ليش طقّها بيده !!!!!!!!!!!!!!!!!!!!!!!!!!!!!!!!!!!!!!

الله يسامحه بس ...

انا اشوف انه البلنتي اللي سبّبه سليمان كان نقطة التحوّل في المباراه

خالد الخالدي · #5 11/03/2001, 08:24 PM

انا اشوف ان عبدالله سليمان افضل مدافع سعودي حاليا بس المشكله في الاصابه الي فيه وانا اوعدكم ان عبدالله سليمان بتشوفونه باحسن مستواه عن قريب لانه لاعب كبير وتذكرو كلامي _____ ولكم اجمل تحيه وتقدير

صالح العلي · #6 11/03/2001, 08:31 PM

عبدالله سليمان لاعب كبير ومسواه جيد السوال من المسئول عن احظاره للهلال ......
الشريده . خليل. المفرج. الصويلح . الشمري .
كان من الاولى احظار ظهير ايسر بمستوى المولد او الصقري ؟؟؟
انا متاكد ان المجامله والصداقه هي المقياس الى بموجبه يتم احظار اللاعبين
رغم حاجة الهلال لظهير ايسر جاء عبد الله سليمان .

الحبيب · #7 11/03/2001, 08:43 PM

شف عبد الله سليمان خل الدفاع آمن خلاص مانخاف والله من الدفاع ماعندتا دفاع هو و الشريدة أفضل مدافعين في المملكة
[عدلت بواسطة الحبيب التاريخ:11-03-2001 الساعة: 08:48 PM]

المــalmojــوج · #8 11/03/2001, 09:10 PM

ياليته اراح واستراح !!!!!!!!!!!!!!!!!!!!!!!!!!!!!!!

لقد كان السبب المباشر في الهزيمتين وكان على المدرب عدم اشراكه لعدم جاهزيته 0

الحب المستحيل · #9 11/03/2001, 09:15 PM

اكبر مقلب شربه الهلال

شيروكي · #10 11/03/2001, 09:46 PM

عبد الله سليمان افضل من يلعب في مركز المساك (( مان تو مان )) والربع يلعبونه قشاش . يلعبونه في مركزه الرئيسي ويشوفون اللعب

جني الملاعب · #11 11/03/2001, 09:59 PM

ماابي أختلق الاعذار لعبدالله سليمان وانا فعلا غير مقتنع بمستواه ولكن هناك اسباب

اول شي تتذكرون اول مباراة لعبها عبدالله سليمان ؟؟
كانت قدام الاهلي وفي جدة وكان لاعب المباراة من اولها
هل هذا منطق؟؟؟؟ لاعب جديد على الفريق تلعبه من بداية المباراة وامام فريقه وجمهوره السابق!!!!!
الشي الثاني عبدالله سليمان شخصيا اعتقد انه ماعرف وضعه بالنادي يعني هل هو اساسي او احتياط او تكملة عدد؟؟؟
مالعب مباراتين على بعضه مع خط دفاع ثابت .. كل مباراة يلعب مع احد !!
واعتقد ان هذا جعله مايتأقلم حتى الان حتى تحس انه فيه شي من الارتباك وعدم التفاهم مع باقي اللاعبين مع انهم زملائه بالمنتخب بس ولو يبقى الوضع يختلف ...

الكونكورد-7 · #12 11/03/2001, 10:04 PM

الرد محذوف من ادارة الموقع
[عدلت بواسطة الكنكورد-7 التاريخ:11-03-2001 الساعة: 11:34 PM]

محب الفن الهلالي · #13 11/03/2001, 10:51 PM

أنا أقول ما ضيعنا الا عبد الله سليمان مبارة الاتحاد تسبب بالخساره
الهدف الأول واليوم تسبب بالهدفين ، فهو مكانه ليس في الزعيم
وأتمنى عرضه على قائمة الانتقال .