|
يونس العليوي " يظلم في الهلال" .... وين العدل اللي يقوله المدرب دونيس! السلام عليكم عزوز الدوسري من بعد الاصابات ومستواه استحاله يرجع زي ماكان لكن مازال ياخذ فرصته في المباريات الرسميه ! يوسف السالم اخذ اكثر من فرصه وكل لاعب استقطبه الهلال لعب الا المظلوم يونس العليوي مهاجم جيد وطموح تعاقد معه الهلال وللاسف ومانعرف ايش اسباب عدم اعطاه فرصة الاشراك في مباراة رسميه للهلال! رغم ان يونس العليوي لاعب منضبط في التمارين ومحترم النادي ، وعمره ماتغيب عن تمرين لاصباحي ولامسائي! هو ماهو لاعب قادم من الاولمبي عشان نقول يمدي عليه ، يعني مثل عبدالكريم وغيره، هو لاعب مهاجم تم التوقيع معه ولكن الى الان لم يلمس كوره في مباراة رسميه! ومثل ماقرينا اليوم في الاخبار ان الهلال ناوي يعير يونس لاحد الانديه طيب بالله ماهو ظلم هذا ! وين العدل ياداراة الهلال اللي " ازعجنا فيه" دونيس! اثق في يونس العليوي انه قد الطموح ومهاجم جيد لكن هل من فرصه......! هل من عدل....!؟ بيجي من يقول الاعب قصير ترا ميسي افضل لاعب في الارض قصير اقويرو قصير القصر لايعيب الاعب .. وش شفنا من المهاجمين الطوال.. واكبر مثال سماراس..... لاتعليق.. يونس مكسب لاي فريق صدقوني وشفت له اكثر من مباراة قبل ينضم لنادي الهلال لكن ممكن يكون فيه اسباب لانعرفها عند الاداره وعند الداهيه دونيس! نحن كاجمهور الهلال نحتاج الى توضيح مقنع فقط.. رغم اني شخصيا ارى انه لايوجد ولاسبب غير انه تخبط وظلم.. تحياتي |
بعد التحية والسلام ( الْحَمْدُ لِلَّهِ عَدَدَ مَا خَلَقَ، وَالْحَمْدُ لِلَّهِ مِلْءَ مَا خَلَقَ، وَالْحَمْدُ لِلَّهِ عَدَدَ مَا فِي السَّمَاوَاتِ وَمَا فِي الأَرْضِ، وَالْحَمْدُ لِلَّهِ عَدَدَ مَا أَحْصَى كِتَابُهُ، وَالْحَمْدُ لِلَّهِ مِلْءَ مَا أَحْصَى كِتَابُهُ، وَالْحَمْدُ لِلَّهِ عَدَدَ كُلِّ شَيْءٍ، وَالْحَمْدُ لِلَّهِ مِلْءَ كُلِّ شَيْءٍ، وَتُسَبِّحُ اللَّهَ مِثْلَهُنَّ”)، ثُمَّ قَالَ:”تُعَلِّمُهُنَّ عَقِبَكَ مِنْ بَعْدَكَ” انا والله لست قريبا من دهاليز واسرار البيت الهلالي ولا اعرف وجهة نظر المدرب واسبابه الحقيقيه . ا لا انني اتفق معك على اللاعب يونس بأنه لم يعطى فرصة لكي نشاهده وبالتالي نحكم عليه ربي يوفق الزعيم الملكي وجميع محبيه فوق كل ارض وتحت كل سماء بكل زمان ومكان اللهم امين يارب العالمين وارحم جميع المسلمين الله يعطيك العافيه على طرحك هذا الموضوع وبنتظار جديدك دمتم بود Kh2001k |
مدربنا عليه استفهامات كثيرة البعض يسميها قناعات غريبة بعض اللاعبين لازم يأخذ فرصته اقل حاجة كبديل آخر 20 دقيقة يونس ليس منضبط بالتمارين وبس يونس ادائه في التمارين جيدجدا لاعب سريع مقاتل الاخبار المتدوالة حاليا ولا اعلم صحتها هي عدم قناعة دونيس بجميع لاعبي المحور الدفاعي كريري - القرني وهذا سبب اعتماده على الفرج طيب القرني نعديها لكن كريري ؟؟؟ اللي اشوفه من خلال المباريات ان الفرج اقل قدره من كريري في المحور قناعات غريبة ولا انسى ركنه للشمراني واعتماده على مهاجم وحيد ( الميدا ) ؟؟؟ |
ربي يوفق الزعيم الملكي وجميع محبيه فوق كل ارض وتحت كل سماء |
فعلا شي يستحق الدراسه لمعرفة ماهي الاسباب والا يمنح فرصه له مع فريق اخر |
لو تكلمنا بالعقل الميدا ياسر ناصر عزوز ادواردو رغم انه يلعب بشكل أفضل وسط أيمن هم الأفضل من السالم والعليوي والهلال يلعب بشكل دائم بمهاجم وحيد الميدا ومهاجم ثاني ادواردو ويكون بديل الميدا ناصر وياسر وعزوز بدلا لادواردو في حال غيابه لذا لن يستطيع السالم والعليوي تمثيل الفريق حتى لو لعب الهلال بمهاجمين إذن قرار الإعارة لصالح عليوي وقد يثبت نفسه ويعود للهلال أما السالم فأتمنى أن يكون هديه مع الحمد والبيشي للاتفاق |
إقتباس:
معليش ياثائر انت تركت العقل على جنب وانت ترد حبيبي راح اتفق معك اذا شفت العليوي لعب وشفنا اقل شي انه مايستاهل يستمر مع الهلال لكن الاعب مالعب ولاحتى دقيقه في مباراة رسميه!! للاسف بعض الاعضاء في المنتدى يقول رايه بدون تفكير |
بصريح العباره اذا لم يعود ياسر بعد اربع الى خمس مباريات الى مستواه وخطورته فالهلال لايوجد به مهاجم يملئ العين ناصر مهاجم جيد والميدا كذلك لكن فيهم نواقص اتمنى عودة ياسر لخطورته سيحفز الاثنان ناصر والميدا للاجتهاد اكثر اما السالم وعليوي نتمنى ان يتجهوا لانديه اخرى |
هذة حلقة من مسلسل هدر الملايين بلاعبين حتى احتياط يخب عليهم |
التعاقد كان خاطئ من البدايه مع الكابتن يونس فليس بمستوى الهلال وقدر الطموح |
إقتباس:
تمنيت ان تطالب يازعيم انت ومن سبقك بمساواة العليوي بغيره واعطاه فرصه عشان نشوف هو لاعب جيد او غير جيد لكن بعضكم حكم عليه حتى وهو عمره ماشاف العليوي يلعب مع الهلال اقلها مباراة ... |
إقتباس:
اتفق معك في الرؤية بضرورة منح اي لاعب فرصة المشاركة في مباريات رسمية للحكم على اللاعب ولكن كلنا نتابع الدوري ومباريات عليوي مع الشعلة قبل انتقاله فهو ليس بذاك النجم اللذي سيفرض بمستواه اللعب أساسيا مع فريق كبير مثلا المحياني أفضل منه ولكن لم يستطع المشاركة اساسيا مع الهلال والأهلي والشباب والاتحاد والآن يقدم مستويات جيده مع نجران اذن الموضوع يخص قدرات اللاعب تقبل اختلافي وتقديري |
يونس العليوي لاعب عادي من ايام الشعله والتعاقد معه كان خطا الهلال فيه افضل لاعبين اذا ماتجيب افضل منهم ريح لاتتعاقد وبس اتوقعها صفقه فاشله |
إقتباس:
اخي مهتم ولا يهونون باقي الاعضاء ارجع لجميع مشاركات ثائر (كبير المنتدى) ان قدرت تتابع 10% ممن ذكرهم من شباب وناشئي الهلال ومن لاعبي دوري الاولى ناهيك عن دوري جميل ان قدرت تتابع كل اولئك اللاعبين عندها رد على ثائر الهميجان ولا تنسى ترد بأدب |
يعني المدرب دونيس اللي تطلقوا عليه داهية ما شاف لعب عليوي يا حبيبي عليوي ما فكرت فيه كل الاندية الا الهلال لان من يتعاقد مع المحليين عنده نقص نظر المهم احسب عقد عليوي مع عقد السالم يطلع مبلغ عقد لاعب كانو في الكتبية الهلاليه وبخلت عليهم الادارة فخرجوا من النادي اسامه هوساوي الفريدي |
ماراح ارد بسطور كثيره ولكن .. ياسر القحطاني جا من القادسيه الشمراني جا من الوحده يعني ماهو شرط انه كان مع نادي صعير ماراح يبدع مع الهلال طيب المطلوب فقط " تطبيق الاحترافيه" وهو اشراك الاعب في مباريات، والا ليه تم التوقيع معه من الاساس؟؟ هذا السؤال وانا استغرب من ترديد دونيس والاداره " كلمة سنطبق العدل مع الاعبين وابعاد خالدشراحيلي في مباراة مصيريه بداعي تطبيق العدل بين الاعبين لكن اللي نشوفه عكس.. ماستفدنا من عدل دونيس الا الخروج من اسيا وين هالعدل ويونس العليوي مستمر في الانضباط والاحتراق في التمارين! واخرتها تنسيق بدون حتى تجربته في مباراه تكون رسميه.. .. |
إقتباس:
ماحد قلل احترام ثائر لكن ماهو شرط تكون ارائه صحيحه ولازم نقتنع فيها.. تحياتي لكم |
إقتباس:
اتمنى يلعب يونس العليوي مباراة رسيمه فيها كسب نقاط اتوقع هو اللي بيرد عليك.. وعلى من اتهمه بالفشل حتى وهو مالعب.. |
أولاً : الله يعطيك العافية على طرح مثل هالمواضيع المميزة والمهمة .. ثانياً : أنا أتفق معاك تماماً فيما تطرقت إليه فاللاعب يونس يجب أن يعطى الفرصة لإثبات نفسه حاله كحال ( السالم .. أحمد شراحيلي .. عزوز .. السديري ) اللي أخذوا الفرصه تلو الأخرى وللأسف أثبتوا بما لايدع مجالاً للشك بأن مستوياتهم أقل بكثير من طموحات فريق كبير .. كالزعيم .. يونس العليوي لو أعطي الفرصة فسينجح بإذن الله في خلخلة دفاعات الخصوم وإتاحة الفرصة لرأس الحربة التقليدي للتسجيل ( ألميدا أو الشمراني ) أو على الأقل من الممكن أن يربك دفاعات الخصوم أو يكسب ضربة جزاء .. وأنا أشبه طريقة لعبه مثل الأدوار التي يقوم بها الراهب مع النصر .. من أخطاء دونيس إعتماده على لاعب واحد فقط في الهجوم ( ألميدا ) وتجميد البقية .. وكذلك في حراسة المرمى !! وعندما نحتاج إلى لاعبينا الإحتياطيين نجدهم قد فقدوا حساسية الكرة !! هناك مباريات مع فرق متوسطة المستوى أو ضعيفه مقارنة بالزعيم نتمنى أن تتاح فيها الفرصة لبعض اللاعبين لكي يكونوا في الفورمه ويكونوا على أتم إستعداد عندما نحتاج إليهم مثل ( الثنيان .. الحافظ .. درويش .. العليوي ) وكذلك بعض اللاعبين الشباب للوقوف على مستوياتهم مثل ( السواط .. عبدالكريم القحطاني .. وغيرهم ) أشكرك مرة أخرى .. كل التوفيق للزعيم .. دمتم بخير دائماً وأبداً .. :ba1::ba1: .. |
إقتباس:
|
اما اشوف اللاعبين الذين لم ياخذو فرصه بالدوري ولا باسيا لابد ان ياخذو فرصتهم بكاس ولي العهد فهي اقل البطولات مادياً وكسبها لا يؤهل لاسيا ولا ل سوبر مجرد عدد في زياده الرصيد البطولي فهيا فرصه للتدوير الجيد منها اراحة لاعبين ومنها تجهيز مصابين ومنها اعطاء الفرص للاعبين الذين لم ياخذو فرصتهم يكون فريق خليط بين النصف والنصف الاخر فالدوري واسيا ليس هنالك مجال لتجربة اللاعبين ف من المهم المحافظه ع استقرار التشكيله وتجانس اللاعبين لذلك اناشد الاداره بدراسه هذه الفكره بعين الجديه |
ياعزيزي اولا مافيه ربط بين عزوز والعليوي عشان تمرير موضوعك و وجهة نضرك ان مافيه عدل من دونيس استشهاد خاطئ الدوسري ماهو مهاجم لاعب وسط ومافيه علاقه بين اعطاءه الفرصه وترك العليوي ثانيا العليوي كيف تبيه ياخذ الفرصه ع حساب من انت شايف من بداية الموسم والهلال في مباريات ماتقبل التجريب من السوبر الي الاسيويه والدوري مباريات مهمه نحتاج النتائج في بداية الموسم سواء ع مستوى المنافسه الاسيويه او جمع نقاط بدوري التجريب واتاحة الفرصه يكون عندما يكون فريقك فارق بعدد وافر من النقاط تسمح للمدرب بإعطاء الفرصه وتدوير بين العناصر ع حساب مين يلعب ناصر وياالله اخذ الفرصه والسالم مو كثير يلعب وله الاحقيه والأفضليه ع العليوي لانه من كم موسم مع الفريق وكذلك منضبط مثل العليوي وأكثر خبره العليوي باقي صغير لمى اخذناه من الشعله كان يلعب كورقه رابحه ما كان اساسي الا في اخر الموسم وكان اول موسم له والحين بعد عندك ياسر جاهز ونطالب بمشاركته وهو احق لإمكانياته الكبيره مو معقول بعد بنقول وين العداله ليه يلعب والعليوي ما لعب الي ذكرتهم كلهم منافسين ع الخانه الي بلأساس فيه الميدا فالموضوع أساسا مايقاس بطريقه الي ذكرتها هي إمكانيات و نضرة مدرب وتقييم في التدريبات والاختيار فقط يقع ع عشرة لاعبين يرى المدرب انهم الأفضل وهذه مسؤليته ليس لها دخل بلعدل والانصاف الانضباط مطلوب من الجميع وليس مشروط بلعب أساسي التنافس مطلوب والبطوله لاتتحقق فقط بلاساسين بل بكل من يشارك في التدريبات اخيراً اجدني لا ارى في مو ضوعك اي فائده تعود ع الفريق. مع تقديري لشخصك |
بسم الله الرحمن الرحيـم الله يعطيك العافيـهـ اخـوي على ما طرحـت .. ولدي تعليق بسيط ارجوا أن ينال على قبولـك اولاً .. أرى الموضوع ليس لـه عـلاقـه ابداً بالوضع الحالي إلا اذا اردت بأن تبحث عن أي شيء تنتقـد فيه المـــــــدرب .. ثانياً .. دونيـس ذكـــر بأن الأجـدر والأميـز راح ياخذ فرصتـه بالتشكليه ولا نعلم ماذا يفعـل لاعبـك العلوي في التماريـن .. ثالثاً .. عبدالعزيز الدوسري يلعب لأنـه لا يوجـد إلا هـو اللاعب البديـل بعكس العليوي امامـه ثلاث لاعبييـن مميزين وخبره .. رابعاً .. ذكرت بأن المدرب ظلـم العليوي لأنـه لم يعطيه الفرصـه طيب .. اين انت عن اللاعبييـن السابقين الي تعاقدو معهـم الهلال في السابق ايام جريتس وغيرهم من المدربين هـذا الأمـر ليس بجديد على الهلال سبق وتم التعاقـد مع لاعبين كثـر ولم يعطوا الفرصه .. اخيراً .. ذكرت بأن ياسر اتى من القادسيـه والشمراني من الوحـده .. ولكن كيف اتـوا وماذا حصـل معهـم الأول .. لاعب مميـز واوصل فريقه إلى نهائي كأس ولي العهد من أمام النصـر وكان لاعب في المنتخب السعـودي وعـقـده تجاوز الـ 20 مليـون بسبب منافسه الاتحـأد بعـكس العليوي ولم يفكر فيه إلا الهـلال فقـط مجـرد صفقـه اسكات فيه الجمهور . الثاني .. ناصر الشمراني تـرك ناديـه الوحـده وهو هداف الدوري لأكثر من مـره ثم جاءت منافسات عليه وحظى فيه الشباب وكذلك اصبح هداف وتقارنـه بلاعب قادم من الشعله وهو في آخـر الترتيب مع كامل احترامي .. |
الموضوع ما يحتاج تدوير ممكن ان تعطي الفرصة لاي لاعب آخر 20 دقيقة من المباراه اذا كنت ضامن المباراه ومتقدم اللاعب صغير وراح يخدم الهلال مستقبلا انظروا لاعمار لاعبي الهجوم قبل ما تحكموا على العموم الاعاره مقبولة مثل تجربة البريك مع الرائد اهم شئ ما يفرطوا فيه |
الاعب كل يوم امام مرأى عين المدرب و لعب مباريات وديه كأساسي و لم يشفع له مستواه ان يدخل ضمن ال 18 لاعب الاساسيين الله اعلم ان الاعب مقلب و لكن نتأمل خير ان شاء الله و الله يوفقك الهلال |
أي لاعب جديد يحتاج فترة طويلة وصبر علشان يعرف طريقة لعب الفريق ويتأقلم مع المجموعة ويقتنع فيه المدرب قبل اللعب في مباراة رسمية ,,, لكن اذا اقتنع فيه المدرب خلاص صار اساسي او احتاطي يلعب الشوط الثاني ,, هذا غير انه الحين ناصر الشمراني احتياط يبي فرصته هو الثاني والمدرب يبي المضمون علشان ما تضيع النقاط اذا تم تنسيق اللاعب قبل التجريب في مبارات رسمية هذاك الوقت يحق لنا نطالب بتفسير واضح |
في مذكرات عمر الغامدي تحدث عن عيسى المحياني عندما قدم للهلال وكان وقتها واصل للمنتخب يقول عمر بعد كذا تمرين لعيسى مع الهلال قال عيسى لزملائه اللاعبين يبي لي وقت حتى أدخل أجواء الهلال ، وذكر عمر أن السبب أن تدريبات الهلال نظامية وصارمة وفيها من الجدية الشيء الكثير هذا على مستوى التدريبات فكيف باقتحام المباريات الرسمية . حمد الحمد وش اللي خلاه ما يأخذ فرصته مع أني أشوف أنه موهوب ، عندما سئل ريجي عن سبب عدم اعطاء الحمد فرصة أجاب أنه يحتاج إلى الجدية في التدريبات وكذلك تحدث عنه دونيس بأنه يحتاج لجدية . ياسر القحطاني ما أخذ فرصته بالسهل وعودوا لأول مواسمه مع الهلال كان يؤدي مجهود خورافي ويقاتل في الملعب حتى ثبت اسمه بالهلال . يوم كان الهلال يفرق عن الأندية الأخرى بهيبته وقوة لاعبيه كان المدرب بلاتشي في فترته الأولى مع الهلال عندما يضمن النتيجة يتيح الفرصة للاعبين الشبان الصاعدين . أما الآن فمع تقارب مستويات الفرق فمن الصعب إعطاء اللاعب فرصة في الدوري لذا أرى أن يمنح اللاعبون فرصة في كأس ولي العهد وكأس الملك أو لا بأس من جلب لاعبين وإعارتهم ومتى ما استدعت الحاجة لجلبهم يتم استردادهم . أتمنى من إدارة الهلال تفعيل الإعارة بدل من المخالصة النهائية لنكتشف لاحقا أن من خرج من النادي أصبح نجم مثل سلمان المؤشر لأنه وجد فرصته في اللعب . بدل القلق على العليوي وحده عليك أن تقلق الحافظ والقحطاني عبدالكريم وغيرهم من الصاعدين |
ليس يونس وحده من يحتاج إلى فرصة. . الحافظ في الدفاع و القحطاني في المحور و كريم والسواط في الوسط .. ربما لو حظي أغلبهم بالفرصة المناسبة لتكون لدينا صف أساسي و بديل بنفس الكفاءة في كل الخطوط و لما احتاج الفريق هدر المال في صفقات متوسطة الجودة . دونيس مدرب مميز و لكن يعاب عليه عدم إظهار و جوه جديدة في الفريق . |
كنت متوقع مصيره كيذا التوقبع معه موب بمحله ابدااا |
ماعتقد ان القصر له علاقه ،،، ولو بنتكلم بمنطقية صعب يجد فرصة بوجود الثلاثي ( ناصر-الميدا-ياسر) لكن المُباريات الصغيرة أو الغير مهمة كمباريات ولي العهد فرصة لإعطاء العليوي الفرصة للمشاركة ، وانا ماشوف المدرب مخطأ إن أخذنا الموضوع بواقعية لإن لدينا أفضل مهاجمين عمالقة كيف بياخذ العليوي فرصة ! انا اقول ليه مايتم تحويله للأولمبي يأخذ فرصته أو يلعب بالمباريات الصغير ومباريات ولي العهد ! |
اخوي هوساوي والفريدي الأول خادع الاداره والثاني تطاول وتشرط على الإدارة والله ماأقول إلا ربي يوفق الزعيم الملكي وجميع محبيه فوق كل ارض وتحت كل سماء بكل زمان ومكان اللهم امين يارب العالمين |
انا مع اعطاءه فرصه لان حرام ينظلم و غيره مدلل |
انت وين شايف الفرصه المناسبة الي بيلعب فيها عليوي ؟ اذا كان تونا طالعين من معمعة اسياء وفي سباق محموم في الدوري وناصر الشمراني بالكاد لعب كم مباراة هو والسالم وياسر لسى ماطقها يعني مثلا شايف دونيس يتنازل عن كم مباراة في الدوري ونخسر نقاطها في سبيل انك ترضى بمشاركة عليوي ؟ ياخي حدث العاقل بما لايليق فأن صدق فلا عقل له المدرب ابخص مني ومنك ومن غيرك لو كان شايف من عليوي شي يفوق مايقدمه ناصر والميداء بيلعبه اتركوا عنكم اللقافه والتدخل في من يلعب ومن لايلعب وادعموا النادي والمدرب والاداراة واتركوا عنكم تحطيم الاعبين والمدرب وهالخرابيط الي تشق صف الفريق ولا تثمر عن اي شي |
إقتباس:
ليش بطووله سهله ومريحه ترفع بها رصيدك البطولي تبعدك عن مود الاجواء الاسيويه الصعبه الاخيره تحفزك على الدوري لن يتهاون فيها دونيس ولن يعطي لا ناصر ولا ياسر فرصه فما بالك بالعليوي الي يقوله اخونا الميداء مهاجم فذ يعاب عليه فقط اهدار بعض الفرص ولكنه مقاتل مجنهد لياقي سريع بلا شك انه الافضل |
مع احترامي للمدرب بس اتمناه يترك الهلال |
إقتباس:
شكرا على اطرائك وجميع الأخوة الأعضاء الكرام من نتفق معه ومن نختلف بالتأكيد لكل شخص ذوق ومزاج وينظر من زاوية معينه ويطرح مايراه أصلح من وجهة نظره وبالنهاية الجميع يكتبون والإدارة بالتأكيد أقرب واعلم منا كلنا وهي صاحبة القرار |
أفضل حل من وجهة نظري حتى نحكم على اللاعب هو منحه فرصة الإنتقال بنظام الإعارة لأي نادي لنشاهده فيمكن أن ينجح ويبزغ بريقه كمهاجم وعندها نعيده .. كما تم مع ظهيرنا الرائع البريك... أما وضعيته بهذا الشكل مع الفريق ودون أي مشاركة له فهي غير مجدية .. فاللاعب كما سمعنا عنه قبل قدومه يعتبر موهبة .. وأخشى أن نفرط فيه ويبزغ نجمه مع فريق آخر كما حصل مع سلمان المؤشر الذي نسقناه وبرز مع الطحالب. |
الله يحفظك إن شاء الله العليوي تعاقد الهلال معه كلاعب إحتياط وليس كلاعب أساسي المهاجم الأول هو ناصر ثم بعده ألميدا ثم ياسر إلا في حالة أن ياسر يعود مستواه قوي راح يقلب الموازين ثم السالم ثم عليوي في مقالة الكابتن الغالي عمر الغامدي قال أن فيه لعيبة وأعطاء مثال على عيسى المحياني وهو كان مهاجم المنتخب وهداف الوحده ومنافس هداف الدوري وقال عيسى لعمر بعد أسبوع التكتيك هنا صعب تطبيقة يبي لي وقت أتعود على مستوى تكتيك الزعيم بمعنى أن تكتيكهم قوي ولعبهم سريع هذا وهو عيسى المحياني جانا يوسف السالم وهو مهاجم المنتخب وثاني هدافي الدوري ولا قدر على إثبات نفسه العليوي لاعب متوسط المستوى او فوق المتوسط ومستحيل ياخذ مكان أساسي تحياتي |
إقتباس:
بالتوفيق لك و للأخ مهتم صاحب الموضوع و للجميع . |
اقسم بالله اني لم اشاهد جماهير اي نادي تهدم ناديها مثل ماتفعل بعض جماهير الهلال ايش هذا الضجيج وهل تريدون من المدرب ابعاد الميدا ويلعب العلوي ايش هذا النبش للمشاكل يعني مالقيتوا شئ غير تحرض الاعبين الي في الاحتياط على المدرب هل الاعبين 33 في الانديه الاخرى يلعبون في فرقهم مالكم لاترشدون ولاتحبون ناديكم مالكم تحبون افتعال المشاكل داخل الهلال هل انتم افضل من الاداره والمدرب هل صدقتم انفسكم انكم اصحاب قرار أو اصحاب دمار خذوا جماهير الاتحاد مثال ملقبين انفسهم صناع قرار وهم ساكتين على الاداره والمدرب يعبثون في الفريق اتركوا عنكم التعالي وفكروا في مصلحة النادي واذا فيه اقتراحات تكون بعد نهايت الموسم معذره لكن كثرت بعض المواضيع التي تتطالب بابعاد فلان وتلعيب فلان جعلتني اكتب هذا وشكراً لكم |
إقتباس:
|
للاسف جماهيرنا عقليتها ماراح تتثقف وتطور والمشجع السعودي دايم يشوف نفسه ابخص من المدرب مع ان المدرب هو اللي يشرف على التمارين يومياً وانت منبطح بالاستراحه ولا بالبيت وتجي تتفلسف .. فيه معلومه لازم تخاذونها بعين الاعتبار.. فيه لاعبين تتعاقد معهم الادارة لترميم الدكة فقط .. يعني مو شرط يلعب او ياخذ فرصه مثل حمد الحمد يوم كان ريجيكامب مايلعبه واذا لعبه يستبدله كنتوا تصايحون انهوو مظلوم.. ويوم جا دونيس اللي قلتوا عنه داهية شاف انه مايحتاج الحمد وباعته الادارة .. هذا دليل ان اللاعب فيه صفات ماتخدم خطة المدرب او التكتيك اللي هو يبيه نفس الكلام عبدالعزيز الدوسري.. حنا نشوف انه سيء لكن المدرب يشوف فيه ميزه تدعم تكتيكه .. يمكن التحرك يمكن صناعة اللعب! وهكذا يونس العليوي تراه كان يلعب بالشعله لا تعطونه اكبر من حجمه فنياً .. والفرصه راح تجيه سواء الان او نهاية الموسم.. اعيد واكرر المدرب ابخص مني ومنك فلا داعي للفلسفه بالامور الفنيه .. ليه ماتشرك فلان .. ليه ما تلعب فلان !! |
انقذو الاعب خلوه يشارك امام الخليج اعطوه فرصه... |
إقتباس:
يووووه وانت بعدك عندك امل ياسر برجع ! الله قادر على كل شي لكن الاصابات انهت ياسر وكملت برباط الصليبي الاخير اللي اضعف من قوة ياسر الهجوميه ، وشفنا الميدا قدام الاتحاد مانفعنا ، واول مره يفوز علينا الاتحاد بنتيجه ثقيله بوجوده مهاجم " اسميه مهاجم شكلي فقط. الشمراني رغم انه منضبط وافضل مليون مره من الميدا وجاهز الا ان دونيس " يشوف شي حنا مانشوفه في الميدا...ورازه مهاجم اول.. بدافع ثقه في يونس العليوي اشوف انه " بيخلخل اي دفاع وخاصه انه صغير في السن وسريع لكن يبقى دونيس " اخبص" عموما الجميع اخذ فرصته في الهلال وموضوعي كان السؤال فقط: الى متى يظلم العليوي في الهلال.. |
انا دوما استغرب من المشجع البسيط الذي يطالب ويطالب بأشياء والمدرب يخالف يخالف مطالب ذلك المشجع ومع هذا المدرب يرد في الملعب والمشجع يرد في المنتدى !!؟ |
لا اعرف عن اللاعب شيئا حتى لا اظلمه لكن للاسف تعاقدات الهلال في الرئاسه السابقه والحاليه فيها الكثير من عدم التوفيق |
اذا كان ادونيس يريد الفوز بالبطولات كلها فلن نفوز و لا ببطولة واحدة يونس العليوي يستحق ان يجرب في مباريات ولي العهد و معه السواط و الحافظ و عبدالكريم كفاية فرص لياسر و طقته العنيد |
مفروض يعطى فرصه قريبا عندما يضمن الهلال نتيجة مباراه ينزل عليوي في اخر ربع ساعه ليتم الحكم النهائي عليه اما اعارته وانت مالعبته فهذا اجحاف بحقه ، ومن يقول بان جلبه من الاساس خطا هل تعتقد ان لاعب فايف ستار يتعاقد معه الهلال ليضعه احتياط وهل اللاعب يقبل الاحتياط يونس عليوي انضم كلاعب احتياط لحين اثبات نفسه وكيف يثبت نفسه والمدرب لم يشركه في اي مباراه اعتقد والله اعلم ان هذا اللاعب له مستقبل كبير ولكن عيبه انه مايعرف عضو شرف فعال والا تلقاه الان اساسي في التشكيله هذي هي الحقيقه |
إقتباس:
بطولة ولي العهد تأتي رابعاً من ناحية الأهمية لنا كجمهور هلالي لإن الدوري أولاً ثم آسيا ثم كاس ملكنا سلمان ثم كاس ولي العهد وقد نختلف بالأهمية الأولى بين آسيا والدوري بطولة ولي العهد في بداية ادوارها ستواجه فرق متواضعه كالمجزل وحطين وأندية مستحيل أن تُنافس الهلال ، مثل هاذي المُباريات فرصة لـ العليوي ولغيره من اللاعبين الي ما أخذو فرصة إثبات أنفسهم بشكل طيب ومثل هالمباريات تكون بعيدة عن الضغوط والإعلام ويلعبون بإريحية أكثر الدوري مستحيل يلعبون فيه بحكم منافسة الهلال فيه ومسألة إشراك اللاعبين من عدمها أمر يعود لدونيس وهو أبخص لكن هذا مجرد رأي ولدونيس وللإدارة الهلالية الكلمة والرأي الأمثل في ذلك والله يوفق الزعيم في كافة البطولات المشارك فيها |
ياخوي القضية ماهي قضية اني احضر اول واحد بالتمارين وبناء عليها انفرض على تشكيلة الفريق المدرب له نظرة وتقييم للاعب والمردود اللي يقدمه في المناورات والتدريبات اللي يخوضها الفريق في النادي ودونيس لو شاهد مردود ايجابي للاعب اكيد بيعطيه فرصته لانه مدرب ويبحث عن سمعته اولا واخيرا ومن مصلحته انه يشرك اي لاعب يرى فيه القدرة على خدمة الفريق ويدعم خطته وتكتيكه داخل الملعب |
اعطو عليوي ومحمد القرني فرصه....تدخل يوجه السعد بذلك المدرب جبان يخاف التغيير.. |
لو كان اللاعب موهوب لنافست عليه الانديه الكبيره وهو في الشعله .......................بعدين بنيته صغيره مايكفينا الشلهوب والعابد وسالم وناصر وعزوز كلهم بنيتهم ضعيفه وقصار لكهم مواهب .. الانديه الخليجيه شاهدنا لاعبيهم بنيتهم قويه وصعب تكاتفهم في وسط الملعب ..يكاتفونهم لاعبينا ويبنطون هناك هههههههههه |
إقتباس:
s13ss13ss13ss13s |
إقتباس:
نعم نعم المدرب دونيس له نظره والدليل يمنع اهم حارس في السعوديه من لعب مباراة مهمه تؤهل الهلال لنهائي كاس اسياا.. انت تناقض نفسك يازعيم مع احترامي اذا المساله ماهي مسالة حضور تمارين وانضباط ليه مالعب ناصر الشمراني وخالدشراحيلي قدام الاهلي الاماراتي! ليه ترك الشمراني في الرياض عشان يفوز علينا الاتحاد برباعيه عمرها ماصارت الا في عهد دونيس! ليه يحرج السديري المسكين في اهم مباراة قدام الاهلي الاماراتي والسديري مالعب من سنه!!! اللي يقول الكوره تبي قوة تلاحم اتفق معك كثير نعم الكوره الحديثه والمدرسه الالمانيه هي الافضل الان في العالم وشفنا كيف مهارات لاعبين البرازيل ماعاد تنفعهم ... بسبب ضعف البنيه قدام المنتخبات القويه.. شي واحد عمله ريجي في الهلال وكانت الحسنه الوحيده رفع نسبة القوه البدنيه عند الاعبين وكنت اشوف الاعب الهلالي يكسب اي تلاحم لكن مع دونيس اشوف ان لاعبين الهلال يخسرون اي تلاحم وهذا اللي ركز عليه كوزمين ونجح سالم كان زي الطفل بجانب لاعبين اهلي دبي يسقط من ضربة كتف.. يعني الاعب القصير ممكن يكون قوي بنيه بعمل بدني مكثف يعتمد على التغذيه والتمارين الالمانيه.. |
اللي يقول الكوره تبي قوة تلاحماتفق معك كثير نعم الكوره الحديثه والمدرسه الالمانيه هي الافضل الان في العالم وشفنا كيف مهارات لاعبين البرازيل ماعاد تنفعهم ... بسبب ضعف البنيه قدام المنتخبات القويه.. شي واحد عمله ريجي في الهلال وكانت الحسنه الوحيده رفع نسبة القوه البدنيه عند الاعبين وكنت اشوف الاعب الهلالي يكسب اي تلاحم لكن مع دونيس اشوف ان لاعبين الهلال يخسرون اي تلاحم وهذا اللي ركز عليه كوزمين ونجح سالم كان زي الطفل بجانب لاعبين اهلي دبي يسقط من ضربة كتف.. يعني الاعب القصير ممكن يكون قوي بنيه بعمل بدني مكثف يعتمد على التغذيه والتمارين الالمانيه يقصد التحام .....لان التلاحم معناها مختلف للتوضيح |
إقتباس:
ياناس الرجال ذا مهو صاحي :s2: هالحين يعني لو العليوي لاعب قدام الاتحاد كنا بنفوز هههههههههههه طب منين جاك هالاحساس حتى الاعب كان مع الشعله لاعب عادي جدا ومدري الادارة وش تبي فيه جايبته يعني مهاجمينا كلهم مش عاجبينك لا المحترف الميداء ولا الشمراني ولا ياسر ولا السالم ومتشعبط في العليوي :s2: ونظام عطو الحر فرصه يرحم والدينك لا تكتب مواضع والله الي يطرح مثل طرحك يضيع وقت القراء |
إقتباس:
انا اشوف دونيس فعلا يعدل بين اللاعبين ويحب الانضباط لكن معليش ترا فيه لاعبين امكانياتهم اقل من المتوقع ترا يونس العليوي مايجي لعيسى المحياني من ناحية الامكانيات ومع كذا عيسى عمره مالعب اساسي معنا وفي الاخير تفهموا مدربي الهلال انه الفريق اكبر من قدرات عيسى |
إقتباس:
انت في منافسة شرسة على بطولة الدوري وترى مايفرق بينك وبين المركز الخامس الا اربع نقاط فقط والفريق محتاج اهم الادوات لتحقيق الفارق وحصد النقاط والابتعاد في صدارة الدوري والاندية الاخرى اللي حولك نفس النظام عندك الاتحاد ركن مختار فلاته بالاحتياط وجلب ريفاس المهاجم اللي يقدروا ينافسوا فيه على الدوري وانت تبينا نعتمد على العليوي على حساب ناصر وياسر والميدا !!!! واذا كان دونيس ما اعتمد على ناصر امام الاتحاد البديل كان موجود الميدا اذا كنت تطالب ببديل للاعب لازم يكون اعلى منه في المستوى او مقارب له على الاقل لكن تطالب بلاعب اقل منهم مستوى يكون هو البديل فهذا ماهو منطق ولك كامل التحية والاحترام |
موضوع جيد في غاية الأهمية فأنا من وجهة نظري الشخصية مايلي :- اولا : كل مدرب لابد ان يكون له أخطاء فقد يكون معك حقا وكلنا خطائين ولاكن عندما نقيم عمل مدرب لايمكن ان نقيمه على مباراة او مبارتين بل يتم تقييمه بناء على ماعمله فنيا للفريق وهل ترى انه استطاع ان ينجح في تحقيق ما يريده الفريق وبالنسبة لدونيس او غيره من المدربين له تكتيك واسلوب يفضل ان يلعب به ولهذا تجد المدرب لا يشرك الا اللاعب الذي يخدم خطته التي يلعب بها حتى ينجح في تطبيق نهجه التكتيكي مع الفريق وفي هذه الحالة وبالأخص بفريق يصارع على كل البطولات لاتستطيع إعطاء اللاعب الذي ترى انه لا يخدم نهجك في مباراة ولو واحدة لان خسارة مباراة في الدوري او التعادل قد يفقدك البطوله وكذلك أبطال آسيا و بطولة كأس ولي العهد وكاس الملك فجميعها مباريات خروج المغلوب للفريق الذي يريد تحقيق كل بطولة يشارك فيها . وعشان اكون منطقيا ..( س اسألك سؤل يختصر كل شيء ) ؟ ( كيف يكون ردة فعل جماهير الهلال عندما تخسر بطولة او تخرج منها ) ؟ هل تكون راضيه وتصفق للفريق والمدرب ،، !! لا بل العكس ... لماذا لانها جماهير اعتادت على الذهب ولاترضى بغيره ،، ثانيا: واخيرا : ارى ان دونيس من أفضل المدربين الذين اشرفوا على الفريق في المواسم الاخيره بل من وجهة نظري انه افضلهم لعدة اسباب اهمها ( انه حظر في الربع الآخير من الموسم وفي وضع حرج للفريق واستطاع ان يسير بدفة الفريق بل يحرز اول بطولة يقود فيها الفريق ويستطيع ان يتأهل في الاسيوية إلى المرحله التي تليها وحقق ما نحتاجه في 4 اشهر بالامكانيات المتاحه له حينها دون تغيير رغم ماكان يعانيه الفريق من غيابات فالميزة التي كنا نحتاجها وهي التوظيف الصحيح للاعبين وجاهزية البديل فلو لاحظنا انه سابقا عندما يغيب لاعب من اللاعبين الأساسيين يكون تأثيره على الفريق كبير بينما مع دونيس ( غاب ناصر وسالم وياسر والعابد وكريري) وتجد الهلال لم يتأثر كثيرا بل حقق كأس الملك . ومع بداية الموسم استعد جيدا للموسم وقام بطلب التعاقد مع الميدا ادواردو والذي من الواضح للجميع انهم يخدمون الطريقة التي ينتهجها المدرب بكل دقة والنتيجة كانت تأقلمهما السريع مع الفريق وتحقيق السوبر وثنائي يفهمون بعضهما جيدا مع العلم ان طلباته من اللاعبين المحليين لم تنفذ وذلك لعدم سماح انديتهم بالانتقال وماشابه ذلك ... وبالنهاية يبقى يونس لاعب جيد ولا يقلل هذا منه كلاعب ولازال الوقت امامه طويل. واعتذر منكم على الاطاله 😊 |
تحية طيبة للجميع،، اللاعب يجب علية أتبات نفسة في التمارين بما يخدم خطة المدرب و الفريق. واعارتة من عدمها يقيمها المدرب. والله يوفق الهلال في كل زمان |
| الوقت المعتمد في المنتدى بتوقيت جرينتش +3.
الوقت الان » 02:51 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd