|
ناصر الشمراني والميدا كنا في فترات سابقة نعاني من الهجوم وقد خرجنا من بطولات كثيرة بسبب عدم وجود اي لاعب في المقدمة سوى ياسر القحطاني . بعد عدة سنوات ايقن الجميع بضرورة التعاقد مع لاعب مهاجم سواءا محلي او اجنبي فأتى المحنك والخبير بالشأن الهلالي الكابتن سامي الجابر وأحضر أفضل مهاجم في الدوري السعودي الكابتن ناصر الشمراني وقدم مستوى اكثر من رائع وتأهل الهلال معه بعد توفيق الله الى نهائي دوري ابطال اسيا وحصل على جائزة افضل لاعب لعام 2014م . استلم دونيس دفة الفريق بعد الخروج المرير من اسيا ولكنه اعاد الزعيم الى جادة البطولات ونظرا لكثرة ايقاف ناصر الشمراني لدواعي انضباطية اصبح دونيس لايعتمد عليه كثيرا واحضر المهاجم الميدا مع بداية التعاقدات للموسم الرياضي الجديد. ومع بداية انطلاق منافسات الموسم ظهر لنا اسمين كبيرين هما الميدا وادواردو.. ومع احتدام الصراع الاسيوي ظهر جليا ان الهلال بحاجة الى مهاجم اخر بجوار الميدا وخاصة بالمباريات التي تقام على ارضك ولكن للاسف ظل الهلال يعتمد على مهاجم واحد وهو ماأفقده فرصة التأهل من مباراة الذهاب امام الاهلي الاماراتي اذا علمنا بضعف دفاع الاهلي . اقولها بكل صراحة اذا رغبت بتحقيق البطولات وخاصة الاسيوية ومع اندية خليجية لابد الضرب مبكرا والزج بمهاجمين . لذا على الادارة الهلالية احتواء الموقف ومصارحة المدرب واذابة الخلاف بينه وبين ناصر الشمراني . وخاصه ان اللاعب منضبط في التمارين ولكن يعاب عليه انفلات اعصابه وهذه تحتاج الى جلسات متكرره مع اللاعب .s13sبالتوفيق للزعيم |
الله يعطيك العافيه وأعتقد أن وجود ناصر كان ضروري في المباريات اللي على أرضنا والفريق يعاني بالمناطق الدفاعية والحراسة بشكل واضح |
والله انفلات اعصاب الشمراني من زود الحماس والروح القتالية اللي قتلها المدرب المنضبط زيادة عن اللزوم الشمراني تمت محاربته ونجحوا في جعله احتياط والحين استبعاد عن المباريات المهمة وين ياسر مالعب رغم الجاهزية وين العليوي اللي ممكن يجبب لك بلنتي بسبب حركاته لما كان مع الشعلة والحين اختفى والاكتفاء بيوسف السالم اللي خلاص ماعاد ينفع يااخي المدرب معتوه او مريض نفسي سمح للخصوم التأثير على اللاعبين يعني نخلص من الرئيس المثالي ونطيح بالانضباطي ياقلب لا تحزن |
إقتباس:
بكل امانه وانصاف السيد دونيس مدرب قدير ومحترم , ولا يلام على بعض النتائج السلبيه لسبب وهو , يلعب بالمتاح من الادوات خصوص أن بعض اللاعبين خذلوه من جانب انضباطي او فني !!!! مثل ما تفضلت يالسهم 2020 , الاسطوره جلب الشمراني وكان معه المفتاح السري لخزينة ابداعات هذا اللاعب الكبير واهمها مسؤليته المباشره بوصولنا للنهائي الاسيوي , فا انا وكل هلالي محب للكيان اتمنى عودة الشمراني للمشاركه اساسي ويكون الميدا احتياط له او اشراكهم ثنائي وقت الحاجه حسب خطة المدرب . إن شاء الله تنحل الامور بين المدرب وناصر ويرجع هجومنا اقوى واقوى ز |
مدرب فاشل وراح ينتقل الشمراني للأهلي ويحطم مستوى شراحيلي وفي الأخير يرحل المدرب ونخسر نجومنا |
السلام عليكم اخواني أعضاء منتدى الزعيم من زماااان ما دخلت المنتدى لكن حبيت أقول ان الزعيم عالطريق الصحيح مع دونيس بس يبغاله اعادة النظر في مشاركة السديري واحمد شراحيلي والاستغناء عن السالم وعزيز اما الانضباط فأنا معاه فالانضباط منهج وحتى تؤسس عمل مثمر لابد من الانضباط فأنت صحيح تخسر مباراه ولكن في النهاية تكسب فريق محترم وعظيم الهلال امس قدم مستوى ممتاز لم نره من فتره وكان يستحق الفوز لولا سوء التوفيق والأخطاء الفردية أتمنى دعم المدرب في هذا الوقت |
المدرب مصمم على مهاجم واحد للأسف |
ياخوفي يتكرر سيناريو كمبواريه مع حسن العتيبي وربي يوفق الزعيم الملكي وجميع محبيه فوق كل ارض وتحت كل سماء بكل زمان ومكان اللهم امين يارب العالمين |
اشغلتونا بالانضباط الانضباط ممتاز اذا عدلت بين اللاعبين كبرتوا قضيت ناصر وشراحيلي كانهم مسووين جريمه ناصر اول سنه مع الزعيم هداف الدوري ثاني سنه مع الزعيم افضل لاعب في اسياء ثالث سنه مع الزعيم يحارب من الجمهور والاداره |
بالتوفيق للهلال في قادم الايام لو بنعد الاخطاء ماتكفي جدوله كامله لازم الاداره تجلس مع المدرب وتصارحه فاللاعبين اللي يرى انهم متخاذلين وعاله على الفريق حتى يتم التصرف من وجه السعد والاداره بشكل اجمع انتهى |
إقتباس:
اشهد بالله ان هذا الي مخوفني اخاف بعدين نندم على ناصر ولا ينفع الندم ذاك الوقت |
نعم الشمراني مع الميدا قوه هجومية .... وضع كريري محور سلمان الفرج محور متقدم وللعب بخطه 4/5/1 وفي حالت الخساره تغير الخطة بدخول الشمراني على حساب الوسط 4/4/2 وستبعاد السديري |
المدرب لازم يير قناعاته لايلعب بثلاثه دفاع العب بمهاجمين ناصر والميدا والعب بمحورين كريري والفرج كريري يرجع بغطي الدفاع والفرج يتقدم للامام |
هالمدرب قتلنا بالانضباطيه الزايده الا يعلم ان المثاليه لزائده تعتبر مرضا لابد من علاجه فقدنا العالميه والاسيويه والان المحليه بسبب طرده شراحيلي |
مع رجوع ديقاو وتأهيل الثنيان للحراسه ورجوع ياسر ك صانع العاب موب ك مهاجم واشراك الشمراني اللي ماحنا عارفين بالضبط وش مشكلته مع المدرب؟؟ يكون الفريق مكتمل ديقاو وكواك يرجعون لوضعهم الطبيعي الشلهوب مع ياسر وادواردو ..الزلزال مع الميدا بالاضافه للبريك والشهراني والفرج يرجع لمكانه الطبيعي بخصوص القناص كلنا شفناه في مركز صناعة اللعب مع سامي كيف كان يرسل كور ماركة انت وضميرك اعتقد مع الخبره الكبيره للقناص هذا مكانه الطبيعي واللي راح يبدع فيه بغض النظر عن الاصابه وفترة توقفه لكن مسألة اللياقه تاخذ وقتها وترجع لياقته بالشكل اللي يساعده انه يعطي من شوط كامل الى شوط ونص https://youtu.be/voHkJ6u1UDk |
| الوقت المعتمد في المنتدى بتوقيت جرينتش +3.
الوقت الان » 03:23 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd