السلامة عليكم ورحمة الله وبركاته
صباح الخير او مساء الخير للجميع .. مابي اطيل عليكم بخش في الموضوع ع طول
طبعا الجود من الموجود كل لاعب له امكانياته وقدراته والحمدلله لاعبين الهلال هم الافضل.بلا منازع
عندنا ماشاءالله الكل محلل والكل ينتقد صحيح محد اكبر من الانتقاد بس هل الانتقاد يفيد بشي او يغير شي
مايفيد صح بس يغير للاسواء لان انتقادك لاي لاعب في بداية موسم ماراح يغيرون الاعب ويجيبون بداله
اول شي لو الاداره والجهاز الفني مو مقتنعين فيه ماشفته يلعب في التشكيله ولا دفعو له فلوس من الاخر
يعني خفو شوي اشوف الاغلبيه. شادين حيلهم على سالم الدوسري وكم لاعب لكن سالم بتحديد مدري ليه
لاعب من افضل الاعبين وامهرهم على مستوى المملكه . جميع المدربين الي دربو الهلال ما اختلفو عليه
وكذالك المحللين هل الجمهور شايف شي حنا مانشوفه او هو من مخططات الانديه والاعلام الحاسد ؟؟
طيب نقول مستواه مش ولا بد ليه ننتقده ونعرف ان هشي مايفيد في غير وقته ندعمه وراح يتحسن
الجميع كان يلاحظ بعض الاشياء على جحفلي هدف واحد مهم كان نقطة تحول في مسيرته والان من افضل الاعبين
ناصر الشمراني افضل لاعب في اسياء وافضل صفقه محليه في السنوات الاخيره في الهلال وين راح ؟
الحاسدين حطو لنا طعم واكلناه ودمرنا افضل لاعب في اسياء الكل يعيب في ناصر العام الماضي طيب
ناصر يلعب بلحاله نيفز من افضل محترفين الي مرو على الهلال اختفا العام الماضي ؟
مانشوف الا ناصر كل الفريق في مرحلة ريجي سيء الاعلام وما حصل لياسر حصل لناصر وانجرفنا معهم
انا واثق ان ابو علي راح يعود عوده حميده واتمنى من الجميع دعم الاعبين بدون استثناء
ولا نفرق بين ياسر وناصر ومدري مين ومين كلهم يمثلون الزعيم
وباذن الله راح يحمل كاس اسيا مع الهلال والله يوفق الهلال في جميع البطولات