الـلـه يـعـطـيـك الـعـافـيـه

يقدر أي شخص يبحث في ردودي القديمة .. كنت من أشد المؤازرين لعبدالله ..
لاعب واعد و كان أي شخص يشوفه ذاك الوقت يقول ماشاء الله هذا مستقبل الهلال ..
هذا الكلام قبل سنوات قليلة ..

الزوري كلاعب ما أحد ينكر تميزه بالإختراق .. لاعب يشق لك دفاع مدريد لو تبي ..
لكن بعد مايشق دفاع مدريد وش يسوي؟؟ ..
1- يدرعم شوي ويشوته بأقوى ما أوتي من قوة والكورة تشطف القائم القريب و تطلع برا ..
2- يعطيك أوفر مادري شالله قايلن به.. يا أرضي بوقت ماهو وقت أرضي وتصدم دفاعات الخصم .. أو كورة عالية لو تنط بصاروخ ماجبتها.

بعد العملية الطويلة و اختراق الدفاع و بعد ما خرّب جمالية اختراقه و فكره الكروي بشوته أو أوفر ضعيف جداً ..
تبدأ رحلة العودة للدفاع ..
عبدالله للأسف يحتاج 4 أيام و 13 ساعة و 3 دقائق للوصول لموطنه الأصلي في الظهير الأيمن ..
بطء شديد .. و ضعف تركيز دفاعي ..

أي شخص متابع و أنا متابع لعبدالله يقدر يقولك إنه ماعنده أي قتالية .. يتمشى بمنطقته .. يسوون ون تو من جنبه ويمشون ويخلونه

إذا كنت ناسي أتمنى تغمض عشر ثواني .. ومن الستارة السوداء اللي بمخك شغل المسرح و تذكر ..

عبدالله ما تطور .. بالعكس .. ترادا عن مستواه في بداياته .. كنت شخصياً متوقعه بيشتغل على نفسه و على أوفراته ..
وعلى تغطيته الدفاعية .. والتحاماته و سرعته ..
على طاري الإلتحامات .. كظهير أيسر مدافع .. متى آخر مرة شفت الزوري يتزحلق على لاعب خصم و يطلع الكورة ؟ ..
أنا عن نفسي ما أذكر بالضبط .. بس يزوّل لي إنه قد تزحلق مرة أو مرتين في حياته .. هذا وهو ظهير ..

ياسر الشهراني يمكن السلايدينق عنده قليل بس يجي منه مرّات ويغطي بالأساس بفضل سرعته ماشاء الله .. نشبة لأي جناح ..
وياسر لا تنسى إن له أكثر من تغطية بكل موسم .. و بكل موسم تلقاه مطلع لك كورتين ثلاث من المرمى .. كور أهداف ..

أنا أبي ظهير زي كذا .. مع إن ياسر و الزوري كلهم بالأوفرات صفر على الشمال

على فكرة المقطّع مسرّع حبتين ..