السلام عليكم

ألف مبرووك البطوله الـ 55 ومازال للمجد بقيه

احتاج احد يدلني في الرياض على محل يبيع اطقم الهلال لطفل عمره سنه و3 شهور
ابي احتفل بولدي كأول بطوله في تاريخه

مو مهم يكون الطقم اصلي اهم شي يكون مقاسه

ألف شكر والى اللقاء

متجر الهلال

طريق العليا تقاطع شارع موسى بن نصير غرب

والله يخليه لك ويتربى في عزك

روح متجر النادي وان شاءالله بتحصل اشياء كثيرة لولدك الله يبارك لك فيه وتحصل له بدلة الملكي

يعطيك العافية

شكرا لكم .. لكن متجر النادي مايبيع مقاسات صغيرة والا كان من زمان رحت له
يعطيكم العافيه

محلات الرياضة موجود طلبك لكن جودة سيئة ودامه ولدك صغير ما يهم الجودة اهم شي الشكل لانه ما راح يلعب

تلقاها في أسواق طيبة والعويس من ستة أشهر وأنت طالع - صناعتها بنقالية
صحيح مهيب أصلية لكن شعار النادي كبير في وسط الفانيلة وشكلها حلو
أنا شريتها لولدي عمره سبعة أشهر وصورته مع الملك الله يحفظه والكاس - طبعاً مع الشاشة

اهم شي تتاكد ان ما فيه مواد ضاره على الاطفال...
الخوف يكون صيني درجه ثانيه...
حنا كبار نتحمل لكن الصغار الله يحفظهم لازم ننتبه عليهم...
وإذا شريت وانت مب متاكد حاول تلبسه شي تحت اللبس + انتبه لا يحطه في فمه
والله يحفظه لك من كل مكروه يارب

إقتباس الرسالة الأصلية كتبت بواسطة مدرجات محلات الرياضة موجود طلبك لكن جودة سيئة ودامه ولدك صغير ما يهم الجودة اهم شي الشكل لانه ما راح يلعب

فعلا صدقت اهم شي الشكل الله يعطيك العافيه

إقتباس الرسالة الأصلية كتبت بواسطة أبو غالية تلقاها في أسواق طيبة والعويس من ستة أشهر وأنت طالع - صناعتها بنقالية صحيح مهيب أصلية لكن شعار النادي كبير في وسط الفانيلة وشكلها حلو أنا شريتها لولدي عمره سبعة أشهر وصورته مع الملك الله يحفظه والكاس - طبعاً مع الشاشة

بيض الله وجهك يا ابوغالية ماقصرت الله يحفظك ويخلي لك ولدك ويحفظه

إقتباس الرسالة الأصلية كتبت بواسطة hilalicanada اهم شي تتاكد ان ما فيه مواد ضاره على الاطفال... الخوف يكون صيني درجه ثانيه... حنا كبار نتحمل لكن الصغار الله يحفظهم لازم ننتبه عليهم... وإذا شريت وانت مب متاكد حاول تلبسه شي تحت اللبس + انتبه لا يحطه في فمه والله يحفظه لك من كل مكروه يارب

الله يحفظك ومشكور على النصيحه الله يجزاك خير ويبيض وجهك