i!i!i!i الحوار المفتوح i!i!i!i مابـعـد المباراة [ الهلال Vs النصر ] (تحليلكم و آرائكم ) - صفحة رقم 3 - نادي الهلال السعودي - شبكة الزعيم

أهم هلالي · #31 07/06/2015, 09:30 AM

السلام عليكم ..

الحمدالله على الفوز وتحقيق اللقب 55

أبدأ كلامي بدخول ناصر الشمراني اساسي بدل يوسف السالم

المفترض دخول يوسف السالم اساسي بدل من ناصر الشمراني

لجاهزية يوسف السالم باخر المباريات

أو المدرب وضع يوسف السالم ورقه رابحه الله وأعلم

نواف العابد بالمباراه مضغوط عليه من وسط النصر

وعدم السماح لنواف استقبال الكرة مما أثر علينا بالهجمات وصناعتها

بالمقابل سلمان الفرج اللي يعاني نفس الأمر

ولكن سلمان الفرج استلامه وتسليمه كان له تأثير سلبي على بناء الهجمات

وانقطاع الكرة اكثر من مرة وارتداد الهجمه على مرمانا

ومع هذا حققنا اللقب 55 ومازال للمجد بقيه

شكرا للاعبين والجهاز الفني والأداري شكرا من القلب

aljneral20 · #32 07/06/2015, 10:50 AM

الف مليووووووووووووووووووووووووون مبروك للزعيم وللجمهور الملكي هذا الكاس الغالي الحمدالله على كل حال

HAWK · #33 08/06/2015, 09:26 AM

الف مبروك للشعب الهلالي والحمد لله أولا واخيراً ..
يارب اجعل هالبطولة فاتحة خير ذهبية لنواف بن سعد ووفقه وكل من يعمل في الفريق لتحقيق الانجازات والبطولات .. واسعد هالجماهير الوفيّة
هذا رد كتبته في منتدى آخر بعد المباراة ما حبيت اعيد كتابته

إقتباس


	اللهم لك الحمد كما ينبغي لجلال وجهك وعظيم سلطانك .. مباراة تداوي الكثير من الجراح .. وتنهي ازمة صيام عن الالقاب صاحبها حالة يأس وارتباك من اللاعبين والجماهير .. مالي خلق اتكلم فنيا لأن الهلال كان يرقل في المباراة والنصر ما كان النصر المعروف .. مع هذا كنا نقدر نخلصها من الشوط الأول وبسبب الفوضى والاتكالية ومدري اسمية استسلام للضغط او مزاجيه من أكثر من لاعب كانوا المفروض يكونون نجوم اللقاء .. نيفيز وناصر كالعادة خذلان في المواقف الصعبة .. صاحبها مستوى عادي إلى سيء من نواف وسلمان مع ان هالرباعي هو ركيزة الفريق الاساسية .. ربي وفقنا ولحقنا على المباراة المنتهية .. وحالفنا التوفيق في ضربات الجزاء .. بخبرة وهدوء الشلهوب وكريري وكواك.. ورغبة وحماس جحفلي وشراحيلي الحارس والمدافع والبقية الي يشوف الشوط الأول والثاني يقول المباراة للنصر .. ولحق عليها جحفلي بتوفيق من رب العالمين .. والي يشوف اول خمس ركلات ترجيح يقول برظو الكاس للنصر .. ووفقنا ربي فالسابعة وخذنا اللقب الي ما طاع يجي .. لو نفكر في النصف الثاني من الموسم بالذات من دور الإياب في مجموعات آسيا حتى التأهل.. وكاس الملك نشوف اشياء ما كنا نشوفها من أول .. نكسب مباراة خسرنا ذهابها .. تسجل من ركنيات .. تنويع رهيب في اسماء وطرق تسجيل الاهداف .. نهزم الخصم والحكم .. ناخذ لقب مبطين عنه .. هالاشياء تثبت لك ان الهلال يمشي في طريق عنوانه مافيه مستحيل .. وكل شي مستعصي له حل .. باقي الاسيوية وكأنها تقول .. جيبوا مهاجم مميز وتعالوا .. تخيل بس ان الرئيس مستقيل في بداية الموسم وماخذ معاه البراده ريجي !! بس غمض شوي وتخيل .. الحميداني ودونيس يمشون الهلال بس من بداية الموسم .. الرئيس السابق كان يقول مافيه محلي يستاهل .. وبشكل سريع وصفقات سريه جبنا اسمين عاديين على فريق مثل الهلال.. بس واحد ساهم في ضربة الجزاء الي بفضل الله أهلتنا لآسيا .. والثاني لحق على نهائي الكأس .. ومدرب مغمور واجه كل الفرق وكل اشكال الظلم ومزاجية ركائز الفريق وارتباك الباقي .. وحط ثلاث اهداف قدامه .. وكأنه قسّم رصيد قليل من روح الهلال يوزعه على بعض اللاعبين في كل مباراة وحقق أهدافه .. كل هذا بعمل وإشراف رئيس مكلف .. يشتغل بهدوء وعقلانية وأمانه .. حط مصلحة الكيان ورغبة الجمهور قدام عينه وجاب ناس أمناء يحبون النادي اكثر من مصالحهم .. وتوج موسمه بلقب غالي طارق التويجري ويوسف الثنيان .. جنود مجهولة تعمل بصمت بدون ضجه ولا ظهور إعلامي لكن دورها المعنوي كان جبار خصوصا وان كثير من اعضاء القرف شحاذين الترزز اختفوا من المشهد وكنا نضنهم داعم لللاعبين .. وصاروا العكس .. متابعة رئيسنا الجديد لكل هالعمل وقربه من النادي يختصر كثير من أعمال الموسم القادم .. المدرب وجدد معه .. واللاعبين وعرف اماكن الضعف والقوة والمراكز الي تحتاج تعزيز قبل نهاية الموسم .. خصوصا وانه شاف بعينه واشرف على اكثر من اختبار صعب .. كتبت بعد فوزنا على الاتحاد .. الهلال مريض وعلاجه بطوله .. والحمد لله الي جابها وفرج علينا وفرحنا في نهاية موسم مرهق على كافة الاصعده .. مبروك لكم كلكم حبايبي الهلاليين .. ويارب جعلها فاتحة خير لرئيس ذهبي جديد فالهلال .. كلمة تذكرتها بعد ما ارسلت الرد .. سبق وان انتقدت وتجاوزت على اعضاء مجلس ادارة عبدالرحمن بن مساعد الي هم راشد العنزان وخالد المليحي .. حقيقة بعد استقالة مجلس الادارة شفت منهم وقفه كبيرة مع الحميداني والفريق وقفة مشجعين مخلصين رافقوا البعثه لجده ورجعوا معهم دعموا وهيئوا المدرج بشكل مميز .. يمكن خذلتهم سابقا خبرتهم في العمل الإداري خصوصا في فريق كبير مثل الهلال .. ويمكن رئيس مجلس الادارة ما قدر يستفيد منهم بالشكل الصحيح.. ودي اقابلهم واعتذر منهم شخصياً واشكرهم على الي سووه فالنادي وعسانا ما ننحرم شوفتهم ووقفتهم ..

هلالي حاتمي · #34 08/06/2015, 09:36 AM

ألف مبروووك الفوز .. والقادم أجمل بإذن الله

وأتمنى تصحيح أخطاء الموسم السابق
وجلب أجانب لهم ثقلهم بالفريق .. بالتوفيق لـ هلالنا