السلام عليكم
اخواني اللي اشوفه الان هذا ما هو الهلال اللي نعرفه هذا النصر بس لابس ازرق ما غير تركيز على الحكام وقرارات اللجان وتصاريح رئيسهم ولاعبينهم وتركيز في مباريات ما لنا دخل فيها لانديه اخرى ولاعبينا يشجعون اندية غير نادينا نفس اللي كان يسويه نادي النصر اول والان حنا انتحلنا شخصيتهم وهم اخذو دور البطل .
واول ما الوم في هذا الموضوع الاعلاميين الهلالين التويجري و الروقي وغيرهم صار الواحد يتكلم عن النصر اكثر ما يتكم عن الهلال وحنا نطير بالعج معه .
اذا حنا ما قدرنا نغير في الهرم من فوق خلنا نبدا بانفسنا لازم كل واحد فينا يتعهد بينه وبين نفسه انا ما له دخل غير في الشأن الهلالي فقط مهما كانت المواضيع المطروحة على الساحة وينشر هذا الفكر الى ان تكبر القاعدة وينتشر هذا الفكر والتركيز على نادينا .
غير كذا ما اعتقد انه في حل اذا بنستنى التغيير يبدا من راس الهرم اعتقد راح نطول وحنا ننتظر ، الخلافات في مجلس الادارة وعدم الاتفاق على قرار صارت امور واضحة حلها لين يتفقوا مع بعض وقتها يكون الوضع توجه للاسوء عشان كذا اقل شي نكون مستعدين مجهزين قاعدة كبيرة بهذا الفكر
نقاط سريعة :
* الحميداني جلس مدة طويلة بدون اي تصريح للاعلام وكنا نرى النتائج في الملعب .
* الاندية المنافسة واعلامهم تتمنى ان تخرجك من المستطيل الاخر على الساحات والمنتديات وقروبات الواتس اب والاعلام فركز بالهدف ولا تركز كثير في الوسيلة .
* سلاح الاعلام القوي هو الذي يدعم ناديه وليس من يهاجم الاندية المنافسه .

وفي الختام الكل سيسألك عن الغاية ولن يسألك احد يوما عن الوسيلة

هذا ما اعلمه عن نفسي والله اعلم