فكره مثاليه وياليت يطبقونها بصراحه انا اجزم بانها راح تنجح 100% وجمهور الزعماء صغار وكبار راح يحصلون عليها بكل سهوله والكل يتمنى خدمة النادي باي شي يستطيعونه اشكرك اخوي على الفكره الاكثر من راااااااااااااائعه

اشكركم جميعاً على المرور وتأييد الفكرة ولكن ارجوا ان تطبق

ولو بتعديل عليها اهم شي يستفيد النادي من القاعدة الجماهريه الكبيرة

ويستفيد الرعاة ايضا من الجمهور الكبير ويستفيد الجمهور الرائع من الرعاة

إقتباس الرسالة الأصلية كتبت بواسطة زيد الملكي فكرة ممتازة لكن المبلغ عالي جدا لو كان 400 ممتاز

المبلغ اللي وضعتة كان مثال فقط

فممكن تاخذ البطاقه بـ 1000 ريال وتكون مدتها 5 سنوات

اي مع انتهاء عقد الرعاة الحاليين


ويقل المبلغ كل ما قلت السنوات

يعني لو باقي على عقود الرعاة 3 سنوات

يقسم 1000 على 5 سنوات تكون السنه بـ 200 ريال

يعني الاشتراك مربوط بعقود الرعاة

إقتباس الرسالة الأصلية كتبت بواسطة ابو معلا الاحمدي فكرة ممتازة ولكن هناك صعوبات كثيرة لتنفذيها وخوصا موضوع الخصم للجماهير الحاملة للبطاقة لان ممكن الشركات تخسر وممكن تتطلب شروط لتنفيذ الفكرة الان #تطبيق_الهلال سينزل على الاجهزة نهاية ابريل على حسب كلام فيصل المطرفي وسيكون الاشتراك الشهري 13 ريال تقريبا وبإذن الله سيكون له مردود مالي للنادي بشرط عدم نسخ المقاطع ونشرها على مواقع التواصل الاجتماعي .. والتطبيق سيجعل المشجع داخل النادي

ومن يقولك ان الشركات تخسر بالعكس هي خفضت لك لكن بالمقابل راح تزيد المبيعات

والخساره اللي بتجي عليها ما راح تكون من راس المال الخسارة راح تكون من المرابح


مثلا : عبدالصمد القرشي يسوي عروض كل سنه

عروضه اللي يسوها لك سنه مره تكون على مدار السنه للمشجع الهلالي


وصحيح التطبيق بيزيد من دخل النادي القليل لأن او شخص ما راح يشترك انا

لأن فيه بدائل كثيرة عشان احصل منها اخبار النادي مثلا المنتدى







لكن سبب طرحي للموضوع


مو النادي لحالة اللي بيستفيد

جميع الاطراف راح تستفيد




أسلكم بالله وش عمركم استفدتوا من تشجيع الكورة

الجواب ولا شي

غير اللي سوتة موبايلي قبل اللي هي باقة الموج الأزرق


لكن بإقتراحي راح الكل يستفيد

النادي و الرعاة و الجماهير

إقتباس الرسالة الأصلية كتبت بواسطة ابوفيصــل اي محب وعاشق للكيان الهلالي لااعتقد ابدا بأنه ينتظر تخفيضا او اغراء لكي يحصل على عضويه انا مع الفكره ولكن لماذا لاتكون العضويه بـ500ريال سنويا ولتكن بمبادرة جماهيريه وبدعم جماهيري لخزينة الهلال والمطلوب فقط مقابل العضويه هوى اللعب بروح الهلال واسعاد الجماهير الهلاليه واعتقد بأن الأغلبيه يوافقني الرأي لأننا كهلالين لانبحث عن مغريات بقدر مانبحث عن ابداع وبطولات

معليش اخوي الغالي

انا لا اوافقك الراي

انا ما احتاج إغراء عشان احضر المباريات

لكني بحاجة لإغراء عشان ادفع للهلال


انا بدفع لكن وش بحصل ؟؟؟


بحصل روح لاعبين في الملعب ؟؟؟

بحصل بطولات ؟؟؟

هذي نحصلها بحضورنا و دفعنا للتذاكر

فبكذا انت تتكلم عن مدخول ثاني غير اللي اتكلم عنه انا



انا اتكلم عن عضوية هلاليه جماهيريه


يستفيد الجمهور من الرعاة بها



وشاكر لك طلتك الجميلة

إقتباس الرسالة الأصلية كتبت بواسطة mammam7 http://vb.alhilal.com/t1183679.html نفس اقتراحي

اعتبرة اقتراحك مطور

إقتباس الرسالة الأصلية كتبت بواسطة عذب السجايا الفكرة ممتازة لكن يجب اخذ تجربة الاندية الاوروبية والعالمية في هذا المجال اولاً دفع مبلغ مالي سنوي بدون ان تكون هناك خصخصة ورقابة على المصروفات وحساب للخسائر والارباح هو باب للهدر المالي اوالاختلاسات بدون حسيب او رقيب يجب ان يتم التسجيل بالسجل المدني وعنوان السكن حتى لا تحدث ازدواجية في التسجيل بين الاندية وحتى لا يسجل البعض كمندسين التسجيل بالسجل المدني كعضو في النادي يجب ان يتبعه درجات للترقية حسب الحضور وتكون الاولوية للاكثر حضور كما هو في الاندية الاوروبية فمايحدث عندهم ان حضورك للمباريات الصغيرة يزيد نقاطك فتكون لك الاولوية في حضور النهائيات والمباريات الكبيرة هذا اذا لم تقم بشراء كامل تذاكر الموسم الامر اكبر من مجرد بطاقة قد تكون مساوئها اكبر من مميزاتها

ليه ياخوي مكبر الموضوع
الموضوع بسيط جدا ابسط من ما تتخيل
وممكن النادي يسويها من عنده

لأنه فيه محاسب وفيه ادارة كاملة مهوب صعبة لو اضفت لهم هالمهمه
كلها طابعة خاصه بالبطاقات

وتجي تسجل في النادي وتدفع كلها ايصال تاخذه من النادي وانتهت ما يحتاج لها مصروفات وايرادات واختلاسات


وبعدين خل الازدواجية تجي يا مرحبا بالمندس اذا هو بيعطيني مبلغ وقدرة في السنه

مندس و يدعمني يا سلام سلم



وزي ما كانوا بنو الاصفر مشتركين في باقة الموج الازرق في موبايلي عشان يحصلون الخدمات

خلهم يدفعون للهلال مبلغ وقدرة وش بيضرك



اما من ناحية كلامك على العين و الراس وكلام جميل ومنطقي

لكن يحتاج إلى الخصخصه

إقتباس الرسالة الأصلية كتبت بواسطة بابادي في البد اية قلت هذا شكله مريض دام ولا شئ ولا أحد مستفيد منها بعد ماقريت بتركيز قسم بالله فكرة جهنميه بس يبي لك واحد يسمعك وتروح للنادي تعرض الفكرة على الحميداني بس حاول تروح على مكتبه وتسوي موعد معاه أنا أيام ماكنت ألعب في الهلال إذا جيت أبي أقابل أي أحد لازم أسوي موعد أو أنك تصيدهـ وهو داخل التمرين تناديه بكل جراءه مووووووفق

حياك حبيب البي

الفكرة ارجوا انها توصلهم لكن مسألة اني بروح ادورهم معليش

إقتباس الرسالة الأصلية كتبت بواسطة أزرق لباسه معليش اخوي الغالي انا لا اوافقك الراي انا ما احتاج إغراء عشان احضر المباريات لكني بحاجة لإغراء عشان ادفع للهلال انا بدفع لكن وش بحصل ؟؟؟ بحصل روح لاعبين في الملعب ؟؟؟ بحصل بطولات ؟؟؟ هذي نحصلها بحضورنا و دفعنا للتذاكر فبكذا انت تتكلم عن مدخول ثاني غير اللي اتكلم عنه انا انا اتكلم عن عضوية هلاليه جماهيريه يستفيد الجمهور من الرعاة بها وشاكر لك طلتك الجميلة

اخوي شكلك لم تقرأ اللفظ كما كتب اقرأه مرة اخرى واعذرك بأنك فهمت اللفظ بطريقة معاكسه

إقتباس الرسالة الأصلية كتبت بواسطة ابوفيصــل اخوي شكلك لم تقرأ اللفظ كما كتب اقرأه مرة اخرى واعذرك بأنك فهمت اللفظ بطريقة معاكسه

والله يالغالي ما اشوف في كلامك الفاظ صعبة الفهم


لكن اذا انت في بالك حاجه وما فهمتها تقدر تشرحها


عشان توصل الفكره مضبوط

إقتباس الرسالة الأصلية كتبت بواسطة ابوحرب منار الدرب هذا هو الكلام الصح وبكذا صدقوني راح تنحل مشاكل النادي بس ياليت التفعيل وانا أرى 500 ممتاز وكافي وحتى الرقم مميز

بالفعل راح تحل مشاكل كثيرة


المبلغ مهوب هم

ممكن تكون بـ 100 ريال في السنه


وبحسبة بسيطة :

راح يشترك فيها ثلث سكان المملكه 10 مليون
10 مليون * 100

100 مليون في السنه


ولو قلنا 5 مليون اللي بيشتركون نظراً لزهد المبلغ 100 ريال في السنه وتحصل على تخفيضات من الرعاة


يصبح مدخول الجماهير 50 مليون في السنه

يعني ممكن تخلي دخل الجماهير يبني لك ملعب خلال 10 سنوات بالكثير وانت تضحك