بسم الله الرحمن الرحيم



صبحكم الله بالخير والله من زمان عن كتابة المواضيع والفيسات وهيك مير اني من بعد اقاله سامي
وانا ماني بطيب ماغير يروشوني اهلي بسدر ومن شيخ لشيخ صرت ادور الشيخ اللي قرا على نادي النصر وصار ياخذ بطولات زمان ياالمجلس ماعاد فيه مواضيع زي العالم يا واحد كاتب عن احوال الطقس شوفوه بالموضوع اللي تحتي طالعين منتدى الاحوال الجويه باشراف حسن كراني وعبداللطيف العشماوي والانتل حق الرادو
وان قالو باتسر عج جاء مطر وان قالو مطر صار الجو شمس تسلخ ظهرك
تصدقون جلست اراجع المواضيع اللي كتبتها ف المجلس كلها كاتبها الفجر زي هالحزه يعني لو بروح اخطب وشافوا اوقات كتابه المواضيع هونوا قالو سربوت راعي سهر المهم ياحبايبي لازالت معاناتي مع الاسنان مستمره شلت التقويم قبل 10 شهور تقريبا المهم هالتقويم كان راكب بخشتي 4 سنين الظاهر لو الواحد مقسط له سياره كان خلص وانا للحين مافكيت التقويم شلته وارتحت وتعدلت خشتي
افتكينا منه وياسبحانك يارب طلع ضرس العقل صار يرقل يبي ينشال ومعروف ضرس االعقل من اشرس الضروس لاجيت تشيله المهم ف البدايه اثر علي الالم على العصب ثم وصل الالم للراس صرت في عز نومي اصحى من النوم
من وجع الالم كاني وحده تقوم ترضع ولدها مابي اروح عيادات ولاشي عندي عقده اسنان اكلت مسكنات الاسنان كلها واكلت حبوب حمل وكل شي وجع و صامل انه يطلع وينشال هالضرس ومير اني قررت اشيله وخذت موعد ورحت لدكتور وسويت اشعه وحالتي صعبه وقال نشيل صليت استخاره ف العياده وقلت نتوكل على الله ويجيب ابره بيطريه جايبها من الاسطبل الابيض الظاهر وها ها حمدلله خلصنا الابره احس خشتي تبنجت جالس اقرص واقبص نفسي اتاكد واقرا حصن المسلم كله واانا منسدح مفوشح رجليني وفاتحها كاني وحده بتولد وحمدلله زراديات وشد وجذب ويسحب ضرس العقل كان قلت زين ماطلع المخ مع الضرس
وحمدلله من بعدها اموري طيبه
الهدف من موضوعي فرشوا اسنانكم 3 مرات باليوم

إقتباس اكلت مسكنات الاسنان كلها واكلت حبوب حمل وكل شي

إقتباس واانا منسدح مفوشح رجليني وفاتحها كاني وحده بتولد

ههههههههههههههههههههههههههههههههههههههه


سبحان الله نفس معاناتي والله ... انا كان عندي تقويم لمدة 5 سنوات .. وفي اخر سنه قرر الدكتور يشيل لي ضروس العقل الاربعه وهي بعد ما طلعت ... وعمل عملية وتخييط وبنج وحالتي ذاك الاسبوع حالة ومن أسوء الاسابيع بحياتي .. لكن الحمد لله بعدها فمي صار وسيع وزبطت اسناسي .. زي اللولو

يلا عقبال تشيل الضروس ال3 الباقيه وترتاح .. ضرس العقل ما وراه الا وجع الراس

ونصيحة أخرى .. لا تنسو تستخدمو خيط الاسنان كل يوم .. وتتمضمضو بموية وملح قبل النوم


شطحه : أهنيك ياخي ع اسلوبك بالطرح .. مممممممتع والله ولا يمل .. أقترح تألف كتاب وأنا أول مشتري والله .. فيحان وبدر ال زيدان وحسن عسيري مش احسن منك

لك قبلاتي

هلا ميشو

والحمد لله ع سلامتك يا صديقي

عاد اوجعني ضرسي مع موضوعك الانضراسي

لكن الفيسات مسوي شغل في المووووضوع

الا ع طاري الفيسات نبي تغيير احس خلاص صارت فيسات المنتدى كئيبة
نبي فيسات غير شكل تعطي الواحد دافع للمشاركة

تحياتي للجميع

ههههههههههههههههههه

الحمد لله على السلامه

إقتباس الرسالة الأصلية كتبت بواسطة @@almoreb@@ ههههههههههههههههههههههههههههههههههههههه سبحان الله نفس معاناتي والله ... انا كان عندي تقويم لمدة 5 سنوات .. وفي اخر سنه قرر الدكتور يشيل لي ضروس العقل الاربعه وهي بعد ما طلعت ... وعمل عملية وتخييط وبنج وحالتي ذاك الاسبوع حالة ومن أسوء الاسابيع بحياتي .. لكن الحمد لله بعدها فمي صار وسيع وزبطت اسناسي .. زي اللولو يلا عقبال تشيل الضروس ال3 الباقيه وترتاح .. ضرس العقل ما وراه الا وجع الراس ونصيحة أخرى .. لا تنسو تستخدمو خيط الاسنان كل يوم .. وتتمضمضو بموية وملح قبل النوم شطحه : أهنيك ياخي ع اسلوبك بالطرح .. مممممممتع والله ولا يمل .. أقترح تألف كتاب وأنا أول مشتري والله .. فيحان وبدر ال زيدان وحسن عسيري مش احسن منك لك قبلاتي

الا صدق خيط لااسنان وين القاه من حيني اشوف التلفزيونات وافلام الكرتون يستخدمونه
و ودي اجربه انا من حيني اشتري فرشاة اسنان لكن مشكلتي احك فيها ظهري
وشكرا على الاطراء حبي انا انزل موضوع يالله الناس ترد تبي اطلع كتاب واجلس بمعرض الكتاب لحالي

صبحك الله بالنور ومساك بالخير

العنوان جذاب وجذب ابو مقبل معه

ههههههههههههههههـ ونص مواضيعك فيها عراك انت وتقويمك .. اجل انا لاحقك وبكمل السنة الثالثة عليه ..
الله يعجل بها ونفكه .. المشكلة مع المدة الطويلة تنسى وشلون كانن سنونك .. وماتلاحظ الفرق غالبا

الله يزوجك ياصاحبي .. وان كانك شمالي خذن معك اشهد لك وتشهد لي

اضحكتني بهالموضوع الله يسعدك ..

انت باقي عندك ضروس يالشايب ههههههه ماشاء الله عليك