ناصر الشمرانـي يقول : جدة كذا أهلي وبحر ! منذ ُ الأزل ونــادي الهـلال في صراع مرير وشرس معَ الإعـلام المعادي والذي حاولَ مراراً وتكراراً زعزعـة هذا الكيـان الشامـخ ببطولاته النادرة , والسامي بإنجازاته الفريدة , ولم يستطيعوا زحزحتـه مـن عرش الزعامـة والفخامـة قيد أنملــة . منذ أيام الشيـخ عبدالرحمـن بن سعيد رحمهُ الله تعالى .. والمكائد والدسائس والخطط لم تتوقف لحظة ً واحدة على هلالنـا وزعيمنـا لإسقاطـه والتخلص مـن بعبع نجاحـه وتفوقــه .. ولكن بفضل الله ثم رجاله الأوفياء والمُخلصين بقيَ هذا الكيـان صامداً وصلباً في وجه الأعــداء والكارهيــن . قبلَ قليل .. إنتشرَ في مواقع التواصل الإجتماعي مقطعاً لزلزال الهلال [ ناصر الشمراني ] , وهـو يحتفل بطرب ويُغنـي مُتباهياً ومُتفاخراً بفوز الأهلي وهـو يقول : طول العمر .. طول الدهر .. جدة كذا .. أهلي وبحر . أعلم أن الإعلام الكاره للهلال ولناصر لم يُبقي شاردة ولا واردة إلا وإستغلها أسوأ إستغلال وبأعفن وأرذل الطرق الرخيصة للتأثير على مسيرة اللاعب مع الزعيم .. وما إحتفال ناصر إلا رداً بسيطاً وتنفيساً يسيراً على بشاعتهم وحقارتهم وقلة أدبهم . لستُ معَ أو ضد تصرف ناصر ! ولكننـي سأؤجل ذلكَ بعدَ أن أقرأ وأرى وجهات النظر حيال هذا التصرف ! مارأيكم ! |
رسالة لناصر اهتم بفريقك واترك الفرق الأخرى |
الموضوع عادى وحرية شخصية للاعب ويمكن حب يستفز ويستهزئ بخسارة نادى النصر ويستاهلون جعل كل مبارياتهم خسائر وبالتوفيق لناصر مع الهلال وبالتوفيق لملكى الهلالى ماجد |
صحيح الزلزال لعب بروح قدام الشباب وسجل في مرمى ناديه السابق واخذنا ثلاث نقاط لكن تطقطق وتحتفل بفوز الاهلي وانت لابس قميص الهلال لا لو لابس تي شيرت عادي كان قلنا ممكن ومشيناها من متى لاعبي الهلال يحتفلون بنادي غير ناديهم ماسبق وحصلت ابداً لحد يقول الزلزال يغازل الاهلي السهم يوم اجتمع بلاعبي الهلال قال اللي مايبي الهلال الباب يفوت جمل وكلنا قرأنا هذا الخبر لو الزلزال يبي الاهلي كان هو اول من خرج للأمانه تفاجئت من تصرف الزازال !!! |
ناصر حتى يوم سجل هدف يروح للكاميرات ويسوي حركات هو يحب الكاميرات كثير يختلف عن لاعبينا الشلهوب وياسر وكريري هذولا ثقل ليته يثقل شوي |
ياااحبكم لسوالف العجيز فيه عالم ماعندها سالفه الا انتقاد لاعبين الهلال ولااا يجلس بالساعات على النت يدور اي خبر الي غابني ودي اعرف بس هذول هلاليين ولا .... |
بالعكس مقطع عادي وحرية شخصية له لكن الشي الخطأ أن يقول دوري وبحر فريقه وفريقنا ينافس على الدوري على ما أعتقد لحد اخر رمق الزلزال يحب يفلش ومن حقه |
وين المقطــع نبي نشـوفه ؟!! وانت قلتها اللي سواه بالمقطع رد بسيط وتنفيس يسير على بشاعتهم وحقارتهم وقلــة أدبهم !! وأنا ازيد اللي شافه من بلاويهم واتهاماتهم وتدبير المكائد له وتضخيمها لتشويه صورته ومحاولاتهم لينال أقصى وأكبر العقوبات ... مو قليله أبـدااااً !! ونفسياااً مثل ماقلت كتنفيس بسيــط جداًاًاً على اللي شافه منهم ومن قذارتهم !! لكـن عن نفسـي شخصياً ماكنت أتمنى انه يطلع ويسوي كذااا ... ألـــزم ماعليه وعلينـا الهــلال وبــس وينشغل فيه أما الفريقين وغيرهم بحريقه |
لابد من الالتفات على فريقنا وحده والتركيز على القادم من مباريات... |
ياسر الموسم الي راح دافع عن النصر وقال لازم يتوج في الرياض وينكم ما انتقدتوه |
لاعب جالس مع أصدقاءه الأهلاويين وحب يشاركهم فرحتهم ليس فيها ما يُعيب |
امر يرجع لناصر .. ما دام لاتوجد اساءة او تقليل لنادي او شخص معين وخصوصا الهلال .. لا توجد اساءة للهلال من خلال هذا التصرف او لاي احد |
هههههههه الزلازل ضغطهم حاولوا يؤثرون على السومه فكان رده بالملعب هاتريك ... ابو علي هذي الطريقة اللي تصلح معاهم لاتعطيهم وجه لا تنزل لمستواهم ... خلي ردك بالملعب .. انت افضل من السومه مهارة وخبره حاربوا سامي لكن سامي كان فطين ورد عليهم بالملعب والإنجازات والاهداااااااف يازلازل. |
خلهم يحسون بالخوف من الهلال في مبارتهم الاخيره ويدرون ان الهلال هو الي بيعطلهم ويحرمهم من الدوري بحول الله وهذي في حد ذاتها رح تنسيهم النوم .. وينك يا مرعي |
ما تمنيت أنه طلع وش دخله بالأهلي كلما أرادنا الهدوء طلع لنا عضو شرف أو لاعب ناس لا تقدر الكيان تريد تمزح وتطقطق مع أخوياك في جلسة لكن بدون نشرها على العالم !!! |
اتركونا من هالكلام هزيمه للنصر من الاتحاد والهلال وتعادل اخر يرجع لنا الامل ف الدوري |
إقتباس:
|
هههههههههههههههههه ... يعني تبي تكتب موضوع بأي وسيلة ههههههههههههههههههههآي والله شي مضحك .. وش عرفك وش يفكر فيه اللاعب وش يحس فيه وكأنك هو لما تتكلم دعوا الخلق للخالق جزاكم الله خير واكتبوا شي يفيدنا |
تصرف خاطيء من ناصر لا يليق بهيبة الزعيم |
طبيعي يحتفل فوز الاهلي يعطينا فرصة لتحقيق الدوري |
اللي صار عااادي واقل من عادي لا تصيرون مطفوقين وتطيرون بالعجه اللي قاله ناصر ما فيه اي شي يضر الهلال ولا سمعته ولا فيه كلام بذيئ لا تصيرون معقدين |
التفاعل وردة الفعل اخذت اكبر من حجمها والسبب لأنه الهلال طرف في الموضوع لا شك ان كل فرد من جماهير الهلال (بما فيهم أعضاء المنتدى) وجماهير الاتحاد كان يميل لفوز الأهلي على حساب النصر لان الموضوع بواقعيه.. تـأخر المتصدر من صالح الهلال والاتحاد وشعور ناصر مثله مثل أي مشجع للهلال او الاتحاد وهو نفس الشعور لما كانت جماهير النصر تتمنى فوز الهلال على الأهلي في اخر مباراه جمعت الفريقين بالدوري ولكن لأنه ناصر كانت هذه الضجّه وكنت أتمنى من ناصر ان يبتعد عن الاعلام بتاتا وعن كل اثاره ضده ولكن طبيعي ان يكون النجوم مستهدفين من الخصوم في كل شي داخل وخارج الملعب أتمنى من ناصر ان يعزل نفسه عن كل مايثار ولا يتفاعل معه وان يكون تركيزه داخل الملعب فقط .. ولا يتأثر بأي محاولة استفزاز وفي النهايه لانعطي الموضوع اكبر من حجمه كجمهور هلالي دورنا دعم جميع اللاعبين .. بما فيهم ناصر ناصر لم يحتفل بخسارة الخصم وفريقه لايلعب البطوله كما فرحوا بخساره الهلال من سدني |
الصراحة مقطع ماله داعي وتصرف غريب من ناصر |
بالعكس ماسوا شي غلط لاكن الهلال يوم انهزم من سيدني لاعبين النصر جالسين يطقطقون على الهلال |
منا من يقول مافيها شي ومنا معترض على هذا الفيديو لكن ان اقول المفروض من ناصر ماتوصل معاه لهنا صراحة لانه لاعب ومحسبه عليه اما لو كان مشجع نقول مو مشكله لكن لاعب لنادي وهو يفرح لنادي اخر مادري صراحه وش يعني يمكن شعوره نفس شعورنا بالضبط هو تعثر النصر |
اقل شي ناصر احتفل بفوز الاهلي بدون ان يسيئ الى احد لكن الفقراوي عبدالله العنزي لما طلع يستهتر في كيان كامل وهو لابس طاقيه ويسقط بشكل واضح وصريح على زعيمه وزعيم ناديه الفقر ماسمعنا احد تكلم عنه لكن انا اشوف طبيعي وش جاب لجاب هذا افضل لاعب في اسيا وذاك ماعنده الا الدجه |
ادعس الأصفرين يابو علي اقهرهم وامسح بكرامتهم الأرض |
لا نعطي الموضوع أكبر من حجمه ولكن .. من الأفضل أن لاينجَر لاعبي الهلال لمثل هذه التصرفات ، لأنها تجلب أمور وتفتح أبواب ، اللاعب والنادي الذي يمثله هو في غنى عنها .. # ملاحظة .. كما أن اللاعب يحتاج لتمارين لتطوير مستواه الفني ، كذلك العقل والسلوك يحتاج إلى تثقيف لـ ( يتطور ) |
إقتباس:
ناسي انه في الهلال الظاهر مهما كان كبير ... الهلال اكبر منه ومو الهلال اللي لاعبينه يتغنون بانجازات الانديه الاخرى بصراحه مقطع ينم عن قلة حيله من اللاعب ووقاحه.... ع الاقل احترم فريقك ياغبي !! اللي جابك يجيب اثنين برازيليين قدام ياناصر ... |
إقتباس:
|
أنا أقولها من الأن إذا لم تكتب بطولة الدوري للهلال وهي أمرصعب ومستبعد في هذا الموسم نرجوا أن نحتفل مع الكثيرمن الجماهيرومع ناصرالشمراني بعد عدة أسابيع بترديد جدة كذا أهلي وبحر من يأخذ البطولة بالتعب والعرق والجهد يستحقها ويستاهلها عكس من يأخذها بالحيلة والتهديد والوعيد |
موضوعك هذا اخي الكريم ما يفرق عن ما يكتبه منافسي الهلال موضوع يثير البلبله اكثر من انه استفسار ما يتناقله الاعلام المضاد لا يجب ان يروج له من قبل الهلاليين |
بالعكس انا اشوفها حركة حلوة انا اتمنى لو ما اخذنا الدوري ان الاهلي ياخذه ! صراحة الاهلي قدم هالموسم مستوى رائع وبدون دفع رباعي بالعكس هو من اقل الاندية الكبيرة تشكي من التحكيم. اشوفها كويسة اننا نبدأ صفحة جديدة معهم ,,بعد انت ما ودك تعادي الجميع ويعادونك. |
يعني وقفت على ناصر ومقطعه هذا !!! اللي نشر الاساليب الرخيصة وشعلل الحركات هذي هم الإعلام والجمهور النصراوي نحروا القعدان بعدما فاز سيدني على الهلال وأحرقوا الفلوس في مقاطع ابتهاج بهزيمة الهلال وساندوا فريق من أقصى العالم ضد الهلال والحين جايين يتكلموا ويضخموا مقطع ناصر !!! مع أني كنت اتمنى أن يهتم ناصر بعودته القوية للتهديف أكثر من مثل هذا المقطع الذي لا فائدة منه. |
وش دخلكم بالموضوع تصرف شخصي مالكم دخل فيه ثلاث نقاط جابها لكم قدام الشباب وش تبون اكثر من كذا |
أولاً : ناصر من مواليد مكة المكرمة وجده محافظه تابعة لمكة المكرمة يعني وش المشكلة إذا تغنّى بفريق من تابع لمدينته !!! أو لأنه ناصر ولأنه لاعب هلالي محسوب عليه كل شي لو كان لاعب من نادي ثاني كان ما تلقى أحد يفتح أفمه بالعكس تلقى جماهير ناديه تدافع عنه بكل قوّة ولو كان غلطان ثانياً : مشكلة بعض الجماهير أنه يدّعي المثاليه !! يا أخي في وقتنا هذا ضع المثالية خلف ظهرك لأنها ما راح تفيدك بشي وأكبر دليل نادينا الهلال شوف وصار فيه مع المثاليه الزائده وشوف الفرق الأخرى اللي تدافع عن حقوقها أصحوا يا ناس لاعبين فريقكم يتعرضون للضغوطات من جماهير الأندية الثانية عشان يأثرون عليهم بآسيا والدوري وأنتم للأسف تساعدونهم ضد لاعبين فريقكم |
خلينا نكون صريحين مع نفسنا جيب لي هلالي ما فرح لفوز الاهلي على النصر وبعدين اللي شافه ناصر من جمهور النصر في استراليا وهنا ماهو قليل بصراحه |
في فوز الاهلي مصلحه لنا ..وناصر من الغربيه من الطبيعي يتفاعل مع مباريات الدوري لا تكبرون المسائل وتخلون من كل حبه قبه .. |
اكيد تصرفه غير مقبول اطلاق وياليت يهتم بفريقه وكيف يقاتل للفوز الهلال زي الاهلي منافسين في الدوري وبالذات الاهلي هو المنافس القريب اللي ممكن نطيح به ونحتل الثاني ياليت يعي هالشي يعطيك العافية |
ناصر بطل وضاغط الفقراويه داخل وخارج الملعب والله انه كفو واقول المثالين من جمهورنا العزيز نسيتوا التعبئة العامة ضدنا في مباراة سدني وجماهير الفقر سافرت لسيدني والمبتعث اللي تلفظ عل ناصر هناك الآن ليست كوره داخل الملعب الآن حرب داحس الغبراء مع الفقراويه |
نادي يحارب ناصر بكل شارده ووارده حتى مع المنتخب حاربوا ناصر الاعلام م يترك شي الا وسلطه على ناصر أي حركه من ناصر جريمه واي قذاره اكرمكم الله من حسين عبدالغني تكبسل على قولة الجلاد عادل التويجري ردة فعل طبيعه من ناصر ارسلوا العنزي ليستفز ناصر مع المنتخب ووضعوا اللوم على ناصر وتجاهلوا كل ماقام به المشجع من سب وشتم ووصف للاعبين بابشع الاوصاف بتال القوس يتبنى القضيه ليظهر للملأ ان ناصر مخطئ والمشجع كان على حق انا مع ناصر جده كذا اهلي وبحر والسومه بعد وان شاءالله المباراه القادمه الزلزال بيزلزلهم ويدمرهم |
الاعب وهذي حريته بكيفه المشكلة عندنا نظام انت مشهور خلاصص راح تنمنع من اشياء كثيرررررررررررررة سلامات يابوي |
اللي منزل الموضوع ايش هدفك من هذا انت اول شخص الان يفتح باب للتئويلات وللهمز واللمز والتأمر ضد ناصر من خلال ردود لمندسين وياتي من بعدهم الغلابه اللي معك معك ضذك ضذك المقطع مضحك وعادي جدا واقارب ناصر فيه منهم اهلاوي واتحادي ولو جاء اتحادي وطلب من ناصر يرددها بيرددها له لكن الي فرق المره هذي ان فيه واحد يصور |
إقتباس:
بالعكس تمنيت النصر يسجل التعادل لانه في الاول والاخير من مصلحة الهلال تعثرهم الاثنين وبعدين اذا كنتم تشجعون الاهلي نكاية بجمهور النصر مشجعي الاهلي لا يقلون حسد وحقد عن النصراويين ضد الهلال لذلك لو هالناديين يلعبون ضد مين ما كان مافي امل نوقف ونشجعهم الا في حاله وحده ان كان فوزهم يخدم الهلال |
والله اعجبني ناصر بالعكس خليه يقهرهم ويضغطهم رد ناصر جاء من رد نور انه راح يهدي النصر الدوري وناصر راح يسوي شي بإذن الله مع النصر لحد ياخذها بحساسيه وكرهه او حقد ترا النصر الحين مضغوووطين مره وراح يسوون كل شي عشان بس جمهور الهلال يكرهه ناصر ويشتته وكل شي لكن تصدو لهالإعلام القذر النصراوي |
رســالة للأشخـاص اللي [ مطفين النـور ] ! أرجو ألا يكون فكركم وتفكيركم ضحل إلى هذهِ الدرجـة , فالمنتديات على أية حال ليست بشهـرة وتفاعل مواقع التواصل الإجتماعي معَ الحدث ! الموضوع أشبعَ طرحاً وفتلاً وتحليلاً في التويتر , والبعض هُنـا بعقليته القديمـة يأتي ليقول : أنت بطرحـك لهذا الموضوع تشعل الفتن والبلبلـة ! .. أرجوكم تخلصوا من عقليات عام 2004 .. فالزمـن تغيّر , وتغيّرت معه أساليب المُحاكاة والطرح والتواصل . لكل شخص حرية التعبير عـما جاء في المقطع بدون تجريح أو سب أو شتم أو تعدي على ذوات الأشخاص . لا يُضيرني من يخالفني في طرحي , ولكن عليه التأدب في توجيه رسالته , بدون التعدي الشخصي أو اللفظي ! أركد أنت ويـاه ترى نعرف نرد بنفس الأسلوب العقيم :alzaeem: |
بالعكس مقطع عادي وحرية شخصية له لكن الشي الخطأ أن يقول دوري وبحر فريقه وفريقنا ينافس على الدوري على ما أعتقد لحد اخر رمق الزلزال يحب يفلش ومن حقه |
ماشالله عليكم ساعدتو في نشر اللي صار الفتره اللي فاتت ماكان فيه ضغط على اللاعبين والمستوى ولله الحمد بدء يتصاعد والسبب انشغال الاعلام بغير الهلال الجميع يعرف ان الاعلام من صحافه وتلفزيون وانترنت هو اكبر عامل في الظغط على اي لاعب على الجمهور عدم تداول هذه المواضيع وخصوصا في المنتدى على الجميع انه يساعد في ابتعاد اللاعبين عن الضغط |
بضاعتهم وردت لهم في نهائي الاسيوية ارتدوا بنو فقر جميعهم قمصان سدني واولهم القذر المريسل اللي اعلن عن هدايا في حالة خسارة الهلال واستقبالهم للاعبي سدني في المطار وشفنا مقطع الحقير الفقراوي وهو يملي على حارس سدني ترديد العبارة الفقراوية لذلك استغرب من بعض الجماهير اللي تقول خلونا في نادينا واتركونا من الغير وهل هم لزموا الحياد عندما كان الهلال يلعب مباراة بعيدة عنهم ومع نادي بعيد عنهم ما اقاموا الافراح وانتشرت مقاطع الذبح والنحر احتفالا بفوز سدني ووزعت الحلوى والهدايا وعليها شعار سدني!!!!!!!!!!! والمشجع الفقراوي في استراليا يسب ناصر عيني عينك امام الجميع وبتحريض من كبار اعضاء شرف الفقر وشنوا على ناصر الحرب طويلا وارادوا ان يدمروه مثل مافعلوا مع ياسر بتأجيج الحملات المعادية ضده ناصر رد لهم شيء بسيط من افعالهم القذرة الجبانة كفوووووووو ياناصر اضغطهم واتمنى من جماهير الهلال ضغط هذا الصعلوك الاصفر الحقير |
ياعزيزي أبو راشد من ساعد على نشر المقطع هـو صاحب ناصر , وليسَ أعضاء المنتدى ! الموضوع إنتشرَ في التويتر , وتناقلته أيضاً بعض الصحف الإلكترونيـة وربما الورقيـة ايضاً , فطرحـه في المنتدى أمر طبيعي وصحي , ولن يُساعد على إنتشاره وتأجيج الصراع .. فالمقطع إنتشر وتشبّعَ نشراً :alzaeem: يجب التشرّه وإلقاء اللـوم على الذينَ ساعدوا في إظهار هذا المقطع , وليسَ على من نقلوه بعدَ أن شاهده الملايين في التويتر . لا نقلل مـن أهميـة المنتدى في الطرح والنقاش والنقل ! , ولكـن يجب أن نفهم أن هُنـاك صحف إلكترونيـة , وتويتر , وغيرهم ممـن تستسقي الناس منه الأخبار والأحداث وكل شيءٍ جديد |
تفضلوا ياللي مسوين مثالين ماصرح خبيلان انه رايح لجده ويجيب نقاط الاتحاد عبث وهذا التصريح من الاتحاد السعودي لكرة القدم اليوم الثلاثاء شرايكم الان اليكم بيان الاتحاد السعودي للفساد . رفض الاتحاد السعودي لكرة القدم طلب إدارة الاتحاد الاستعانة بطاقم تحكيم أجنبي لمواجهة الفريق أمام النصر التي ستقام يوم السبت الرابع من شهر ابريل المقبل على أستاد الملك عبدالله بجدة ضمن مباريات دوري "عبداللطيف جميل" للمحترفين معللة الرفض إلى ضيق الوقت للاستعانة بحكام أجانب ورغم وجود وقت كاف |
الامر طبيعي جدا ،، و صدقوني ان هذا الامر كان بسبب الحملة الاعلامية الصفراء الكريهة ضده وضد كل ماهو ازرق . ناصر قبل ان يكون لاعب فهو بشر و مشجع و كلنا كنا لا نهتم ان خسر الاصفر الصغير من احد و حتى في الايام التي كان يصعقة الزعيم بالثلاثة والاربعة و الخمسة كنا نتصرف بشكل طبيعي فرحة بعد الفوز وطقطقة في اليوم الثاني وانتهينا ، لكن بعد ما فعلوه معنا في الموسم الماضي و البطولة الاسيوية اصبحت لدينا كجماهير ردة فعل قوية ضد تصرفاتهم و حملاتهم المتجردة من الاخلاق . وباذن الله مثل ما ناصر احرق قلوبهم بالمقطع يحرق قلوبهم و الكبد والطحال بعد في الديربي القادم . |
السلام عليكم احتفال ناصر كان شخصي وله حرية التعبير فقد كان مع بعض زملائه ولكن الاعلام الان اصبح للجميع وتم نشر الفيديو . واشكر صاحب المقال فقد كشف لنا العديد من المندسين الذين انتشوا بشكل رهيب بالمنتدى وليست غريبه عليهم بتطفلهم ووقاحتهم وسفالتهم والعتب على الاشراف في عدم متابعة هؤلاء وقطع دابرهم ووقفهم ماحدث من جمهور المسيار خلال سنوات مضت يفوق الوصف في القذاره بل حتى اعلاميهم وحتى احيانا ادارتهم لذا لاتعتبوا على الشهراني الذي يواجهه حرب لتحطيمه ووجد فرصه يرد عليهم وذكر من ضمن ماقاله ( هيا تعال هيا تعال ) وارجو ان تكون رساله واضحه ونستغلها لاشعال الدوري وخصوصا اللقاء المنتظر بمشيئة الله تعالى امام فريقهم من خلال وضع هاش تاق #هيا_تعال_هيا تعال وتيفو هيا تعال مناسب امامهم s13s:rg: ودوري وبحر :alzaeem: الدوري ازرق مفهوم هذه رسالة الشمراني |
خلوه مبسوط وكل الجماهير الهلالية مبسوطة بتعثر النصر ولها حق بعد ماصار في امل ولو بسيط بالدوري |
كفوووووو يابو علي ... نادي الانحطاط الفقراوي البقراوي حمير جحا لا يستاهل ذره احترام ... ناصر الشمراني احبك يا روح الهلال .. |
خصوصا المعفن المريسل خلوه ياكل تبن وينطم ومعه خبيلان هههههههه |
من يتذكر ما فعلوه في معسكر المنتخب في استراليا يعذر ناصر |
الموضوع عادي و له الحق يعبر عن رآئيه و آقوله آضغط آلمضغووط آكثر خله يلعب في نفسيآت آلفقرآوية شوي و يرد لهم آلفلم آلهندي |
الزلزال لاشك أنه أخطأ لكن التمس له العذر لانه النصر العام الماضي فاز ع الهلال بالدور الاول بالدوري وبنهائي كاس ولي العهد وفازوا على الهلال بالدور الاول بدوري هذا العام بالتحكيم والكل عارف هالشي والدفع الرباعي فمن الكبت والحرة طلع اللي بداخله ولو كل الحكام مثل حكم مباراة النصر والاهلي كان النصر الحين يراوح في السابع والسادس لكن خبيلان ارهب الحكام واللجان والاتحاد السعودي للاسف لذلك ودي يرئس الهلال رئيس قوي يقدر يرد على عشرة من اشكال خبيلان في الملعب وخارج الملعب |
ناصر يحتاج من يوجهه حاليا وكيف يتعامل مع الاعلام المضاد لانه لم يعش تحت الضغوط كما كان في الوحده والشباب ...متى كنا ننظر للفقر.. او الفرق الاخرى اعلاميا... |
الوقت المعتمد في المنتدى بتوقيت جرينتش +3.
الوقت الان » 08:15 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd