كلنا نواف العابد السلام عليكم يا اخوان حبيت اذكركم بالوجة الاخر من تعاملنا لان في كل مواضيع المنتدى جلد في نواف العابد واعتبره نحر لنواف ولد النادي من طفولته لابد ان نتفق ان لكل انسان سلبيات واحيانا يرى الشخص سلبيته ولكن لا يستطيع علاجه نواف قدم للهلال الشيء الكثير وهو لم يتجاوز 4 سنوات فلماذ بغياب يوم واحد نحرق كل سنواته مع الهلال لماذا كل هذا البطش في نواف كفاكم جلد لابد من رفع لافته لنواف لنحيي هذا اللاعب من جديد وصدقوني يا اخوان العنف لا يولد الا عنف وبالاسلوب الطيب يمحي البين بالاسلوب العكسي الذي لابد ان ننتهجها مع بعض الاشخاص بسبب الفروقات الفرديه يحتم علينا ان نكون بقدر كبير من الحلم وعلينا التحفيز اكثر من التنفير خبر ايجابي ان نسمع خبر ان نواف بدء تمرينه الانفرادي وهذا يدل على تقبله لقرار الاداره والان الواجب علينا ان نردد اسمه في الدقيقه 24 فهذا الاسلوب سوف يحرجه وبعض الاشخاص احراجه افضل من جلده بمواضيع منفره فربما يعود لنا نواف العابد السابق تحياتي لكم |
موسمين وحنا ندعمه وما شفنا منه شيء عطيتوه اكبر من حجمه الي ما يحترم الشعار الي لابسه الجمهور ما يحترمه |
إقتباس:
افرد ذراعك اذا عندك دكة بدلاء وكل لاعبيك حالة ممتازة شكرا لمرورك |
أنا معك في كل كلمه والله ان نظرتك مستقبليه |
انا معك اذا شاف الجماهير تسانده اكييييد بيزيد حبه للنادي و الشعار و بيتحمس |
وجهة نضر تحترم يازعيم نأخذها بشكل الإيجابي مغايره لتفكير الاغلبيه وانا منهم من السهل ان نقسو ع الاعب ونجلده ليل نهار حتى ينتهي طبعآ ولإعلام المنافس لن يفوت الفرصه الاعب له اخطاء وسلبيات سابقه ومع ذلك قد يكون التحفيز له اثر وردة فعل لدى الاعب ليتغير ولمى لا ستكون ايجابيه في كل الأحوال ولاتضر وتساعد الاداره ع العمل والمدرب كذلك فلاثاره والاحتقان تشتت التركيز فلمرحله حساسه وتحتاج ع اقل الهدو وتطنيش مع دعم الاداره ع مبدأ العقاب والحزم وبالاتجاه الاخر نحفز الاعب للعوده والانضباط وتطبيق العقوبه وتقبلها . |
إقتباس:
شكرا لمرورك |
انا معك اذا شاف الجماهير تسانده اكييييد بيزيد حبه للنادي و الشعار و بيتحمس |
كلام جميل جدا الاعب هذا مزاجي لاكنه على قولت ابوفيصل ((رجال)) متى ماكان الجمهور معه صدقني بيبدع |
انا مع عقوبة الاعب بالخصم من مرتبه لكن مو اريحه من المباريات والفريق حاليا بحاجته هنا انت تعاقب الفريق وتكافئ الاعب بالراحه من المباريات واذا ع التدريب الانفرادي هذا اختبار له واذا هو فعلا نادم راح ينتظم ويأدي تمارينه وكلها اسبوع او اسبوعين وراح يرجعه المدرب يعطيك العافية |
من جهتي انا احب نواف .. بس احب الهلال اكثر واكثر .. المطلوب من نواف االانضباط قسوتنا على نواف من اجل مصلحته والله أولا وأخيرا .. بيجي يوم بيصير فيه كابتن الفريق .. المفروض يعود نفسه على تحمل المسؤولية لانه راح يكون قدوه للجيل القادم . كيف حيكون كابتن وقدوه لغيره وهو بالوضع هذا غيابات وتاخر وبزوطه وهبوط مستوى !!!! جمهور الهلال لن يقصر مع نواف وغير نواف وراح ندعم نوااف اذا كان يستحق ذلك واذا خدم الكيان اللي أعطاه الكثير .. بس بالوضع هذا فلا والف لا |
الله يحي الزعماء الاصايل والله اني مرة على أيام ونا من موضوع لموضوع أشارك فيه ابحاول اانبه بعض الجماهير للخطاء الكبير زالخطير اللي مارسوه على العابد عجزةت ولوهو بيدي كان اشطب عضوية بعض الأعضاء اللي اشك انهم هلاليين من كثرة تهجمهم على الاعب فالاعب اخطى ونزلت عقوبه لايستحقها بسببكم ومن كثره ضغطكم على الإدارة والاعب امتثل للقرار وانتم مازلتو مشهرين رماحكم المسمومه على الاعب ماذا تريدون .وكل يخطي وانديه كثيرة عندها مشاكل تشيب الراس وتعالج مشاكلهم بدون لاصجه ولا لجه فالعابد ابن الهلال من يوم كان عمره 4 سنوات خدم الهلال وساهم في تحقيق بطولات اسعدتكم ونا الان مبتهج ومبسوط من ردود الغالبه في هذا الموضوع ماعدى القليل الله يصلحهم |
الله يعطيك العافيه على الموضوع المميز والذي اتى في وقته ،، سلمت أناملك ،، نواف نجم كبير ولاعب خلوق ، وننتظر منه الشئ الكثير ،، دمتم بخير .. |
إقتباس:
لم أرى في حياتي أغبى من الفقراويه ،،،، هل هذا كلام يصدر من شخص محب للهلال ،، هل يستحق نواف العابد ابن الهلال من البراعم كلام بهذا السخرية ،،، انقلع وذف لمستنقعكم النتن ولا مكان لك بيننا ،، موضوع جميل وعقلاني أخي أتاك ،،، |
شكرا إذا أخطأ الإنسان هل العلاج بزيادة الضغط والتوبيخ أم بالنصح وإظهار حسن النية كم ناصح يزيد النار اشتعالا وكم ناصح يدل على الصواب ويشعرك بالراحة إذا أخطأ ابنك ماذا تعمل لتلافي الخطأ مرة أخرى ألايعلم البعض أن للنادي أعدا يهمهم تفريغ النادي من أبنائه |
نواف العابد ماله مكان بالهلال سبق تغيب بدون عذر قبل نهائي الكاس مع الاهلي ولا عطوه كابتنيه ولا نفع معه وعطوه بلنتي سدده بكل رعونه وغباء واشك انه تعمد اضاعة البلنتي خلاص ملينا مجاملات الهلال ثاني موسم بدون بطولات اي لاعب يغيب بدون عذر ينقلع الله لا يرده وعلى راسههم نواف العابد وكل من يطبل له ويطبل لغيابه واخطائه ولما تقول الهلال بحاجة نواف فأنت غلطان نواف هو اللي بحاجة الهلال الهلال ما يوقف على اي لاعب كائن من كان انا لو رئيس الهلال نسقته مباشرة ومعه اثنين في بالي |
يبقى نواف ولدنا وحبيبنا وهذي ان شاءالله اخرمره ...واذا الله سبحانه يسامح عبده المذنب فما بالنا نحن البشر لانسامح ...مافينا واحد مااخطا وخير الخطاوون التوابون |
هههههه حلوه هذي... ترى كل موسم لازم يتغيب ويسبب مشكله مع الفريق... هو الي لازم يتعلم الانضباط عشان يكفي نفسه من المشاكل مع الجمهور... واصلا اول مره نحس انها عقوبه... كل الي فات عقوبات دلع... نبي خصم ثلث عقده مع النادي وليس خصم مرتب شهري... عشان نشوف تغيير حقيقي في اسلوب تفكيره.. |
انا مع عقوبة النادي للاعب اللاعب المستهتر اذا رأي الجماهير تقف معة ضد عقوبة او ضد الإدارة تمادى وركب راسة وكأنه يقول للإدارة انا محبوب الجماهير ولن اطيعكم خلوة شوي خلوة يحس فينا وفي الادارة نحن لا نكرة العابد ولكن لانريد ان يكون نسخة اخرى من خالد عزيز والدخي والجمعان |
فعلا يجب ان نقف مع ولدنا والانسان مو معصوم من الخطأ |
مخطين على نواف جدد بمبلغ زهيد خمسة وعشرين مليون المفروض يجدد بخمسة مليارات ومن حقه يغاب ويسهر ويسافر ولايحضر التمارين واهانة جمهور الهلال ورئيسه ومدربه والله حرام عليكم جاحدين بحق نواف والله ياليت محبين نواف يذهبون الى منزله ويقبلون رجله اللي حسمت بطولات الهلال واخرها بطولة كاس اسيا |
الهلال فوق أي لاعب وأعظم من كل الاعبين من لا يريد أن ينتقيد بالنظام فمكانه خارج أسوار النادي |
نواف ولدنا ومنا عليه العتب ...وعودته ضروريه لقيادة الفريق نتمني نشوفه المباريات الجايه بأفضل حال |
اعطائه اخر فرصه ليثبت انظباطه . بعدها اعيروه درجه اولي ليعرف مكان الزعيم ... |
اعجبني الردود وهذا يعطي انطباع ان الجمهور الهلالي اصبح واعي ولا ينطلي عليه اويتأثر بمواضيع المندسين اللي همه الشاغل هو تدمير الهلال ويجيشوا الجمهور على لاعبي الهلال لانهم هم من تبقوا بالهلال بعد رحيل الادارة والمدرب فانا اقول لكم يا مندسين والله اصبحتم مفضوحين ومكشوفين وابحثوا عن طرق اخرى ربما تفيدكم بالنسبه لمن اراد تنسيقه نواف العابد في اسوء مستواه حصل على افضل لاعب في كاس الخليج وتفوق على عموري وهذا اللاعب مغري لجميع الانديه ولا نعلم عما يحصل له خلف الكواليس وما يحدث للعابد خارج الملعب فالكل يعلم ان ما يحدث للعابد ايادي خفيه تحاول خطفه او تخريبه ككل ما علينا ان نكون اكثر وعي واكثر حلما على تصرفاته وان نعطيه الفرصه اكثر حتى يرجع لسابق عهده فنوعيه العابد لا يستقيم بالعقوبات بل بالجلوس معه ومصارحته بكل ما يدور حوله وتلبيه رغباته ودعمه من قبل الجمهور يجب ان نردد اسمه في الدقيقه 24 ارجوا ان نتفق على هذا |
كلنا نواف العابد ؟ ـ كلنا عقوبة نواف العابد وأخرالطب الكي |
الله يعطيكم العافية وبالتوفيق للزعيم الملكي |
الجمهور الواعي هو اللي ينتقد بحدود وبهدف اصلاح وليس تهجم وتلفظ بالفاظ سيئة . نعم نواف العابد لاعب هلالي واخطاء وتم عقابه وهذا نظام ولكن نواف لاعب نعتمد عليه بعد الله والخطاء وارد لكن نتمنى عدم تكراره يانواف لو لم تكن لاعب وامال الجماهير الهلاليه متعلقه بعد الله فيك ماصار كل هالصخب الاعلامي والعتب والنقد. نحن كجماهير للهلال نشوف فيك شي افتقدناه من زمان في جيل سابق نتمنى من الله ثم منك الالتزام والتركيز والتفكير في كل خطوة تخطوها وثق تمام الثقه ليس كل شخص مقرب منك ومسؤول يتمنى لك الخير انظر بعين العقل قبل عين العاطفه وباذن الله ستكون من الاساطير التي لاتنسى الله يقويك ويوفقك وننتظرك يابطل |
تبي الصراحة... خذها .. نواف العابد لاعب امكانياته الفنية عالية. لكن امكانياته العقلية ضعيفة.. عني .. اتمنى بيع عقده وأخذ المقسوم. ويكفي انه ضيع بطولتين.. |
إقتباس:
يبي يرجع ويعقل من نفسه وقتها المسامح كريم اما انا شخصيا لا اهتف باسمه واترك اللي يحترق من اجل الهلال ويستاهل تشجيعه مثل الفرج وكريري وشراحيلي وديقاو ونيفيز وغيرهم شكرا لك |
الادارة عاقبة نواف وانتهت قضيته يا اخوان ليش كمان الجمهور يعافب لماذا هذا الكره والبغض حتى في ديننا لو اذنب يعاقب على ذنبه ولكن يطهرة من ذنوبه فالرسول صلى الله عليه وسلم يكره الفعل ولا يكره الفاعل جمهورنا بالغوا في تجنيهم على العابد وهنا اقول كفاكم |
إقتباس:
كريري موقف والفرج لو انت صاحب شركة وعمالك اضربوا عن العمل لحاجتهم بزيادة الراتب فمن العقلانيه ان ازيد راتبهم حتى لا يتوقف الانتاج وامن عمال بدلا للذين اضربوا حتى اسرحهم هذه السياسه مطلب الان لانه لا يوجد بديل حاليا ومن ثم استغني عن من يرد الاستغناء عنك |
الله لا يرد اي شخص يكون هواه اهم من فانيلة الهلال كتبنا قبل 3 مواسم العابد موهبتك في خطر الهلال قادر على اخراج 10 أفضل منه الإنظباط والأخلاق اولا |
نعم كلنااا نواف وكلنا سالم وكلنا الزوري اعمدة الفريق لن نكسرها بأيديناااااااا |
مره ومرتين وثلاث يتغيب ولا فيه فايده يااخي الذي لايحترم فريقه عليك ان تعرف انه لايحترم جمهوره لعل العقوبات تردعه واذا لم يرتدع عليه ان يرحل غير مأسوفُ عليه |
ما فيه احد اكبر من الزعيم مع احترامي لك وللجميع والي ما يحترم الشعار ما له مكان فيه راحو نجوم كبار لعب واخلاق وبقى الزعيم الاعبين الي على شاكلة نواف عمرهم قصير اذا ما صحا وانتبه لنفسه بيضيع مثل ما ضاعو كثير قبله واسئل نفسك سؤال يالي تقول ان الهلال في حاجته هم وش يصيرون بدون الهلال الهلال ما هو في حاجة المترديه والنطيحه اما الانضباط ولا يمسك الباب راح الثنيان وسامي والنعيمه وغيرهم وغيرهم جت على العابد |
كلنا الهلال وليس أحد غير الهلال من تعالى على الكيان يجب ان نرمية خارجاً الانضباط اذا فقد .... تفقد كل شيء ولكم في خالد عزيز مثال |
إقتباس:
وقلت سابقا لوو علئ حساب النادي .. اصلا هالموسم كله اصابات وربما مانحقق شي فالافضل بهالحاله انك تكسب لاعب والموظف البسيط مايقدر يغيب لحظه عن عمله فما بالك بشخص بالملايين ويطنش وباوقات حرجه وهو يعرف ان النادي والجمهور ماينقصه الا الاسيوية بنسختها الجديدة وجهة نظر وكل الود لك علئ طرحك الراقي [emoji106] |
موضوع رائع لكن نواف هذا طريقه ومزاجي والايام بيننا اي لاعب يشوف نفسه على النادي ومزاجي وعدم انضباطية ما نبيه مهما كان اسمه مو واقفه عليه |
السلام عليكم ورحمة الله وبركاته اللاعب نواف العابد استهتاره زاد عن حده ، ويجب ان يوقف كل من عبث او يعبث بشعار الزعيم فالهلال اكبر وابقى من اي لاعب مع احترامي للكل اعتزل صالح النعيمة ولم يوقف الهلال وعاتزل البيشي ولم يتوقف الهلال واعتزل الفيلسوف واستمر الهلال لذلك لابد ان كل لاعب يعرف قدره ويقف عند حده الكيان الهلالي باقي فلا نريد لاعبين يشوهون جمال الزعيم الملكي |
ولنا بطريقة بيتروكا مع نجم الاتحاد محمد نور خير مثال لعدم انضباطيته استبعده تماماً هل الاتحاد وقف عليه؟ |
احب اذكركم من أمن العقوبة أساء الأدب |
بعض العقول هي من أفقدتنا الفريدي وهوساوي . النجوم يجب المحافظة عليهم قدر الأمكان وبشتى الوسائل فالمواهب في الكرة السعودية نادرة جدا وصعب الحصول على أي نجم لتمسك نادية فيه لذلك لا للتفريط في نواف العابد فالأدارة السابقة ارتكبت حماقة كبيرة عندما تركت الفريدي يذهب ووقعت بنفس المبلغ الذي طلبه الفريدي مع لاعب هزيل جدا في مستواه ( عزوز الدوسري ) كذلك عندما عاد هوساوي من اندرلخت ظهرت نغمة ( اللي ما يبينا ما نبيه ) وهي النغمة مع الفريدي عندما فكر من الخروج من نادي الاتحاد وتكلم مع احد الشرفيين لعودته لبيته الاول الهلال ولكن ظهرت نفس النغمة الغبية . يجب علينا أن نحافظ على العابد ويكون التعامل معه من شخص لدية القدرة على المعالجة النفسية وليس شخص تصادمي او يستخدم أسلوب التهديد والعقاب . يا أخوان انا عاصرت الاسطورة يوسف الثنيان منذ بداياته مع الهلال وقد عانى الهلال كثيرا من تصرفات يوسف وغيابه المتكرر عن التمارين وكذلك عن بعض المباريات الحاسمة هذا الكلام كان وقت أدارة عبدالله بن سعد رحمه الله وصدقوني لو كان نظام الاحتراف مطبقا في ذلك الوقت ما بقي يوسف الثنيان بسبب القسوة التي مورست ضده حينها رغم ان الكرة كانت هواية وليست احتراف . خلاصة الموضوع لا للتفريط بالنجوم مهما كانت الاسباب هناك حلولو كثيرة ومن يعجز عنها فهو غير مؤهل للعمل الأداري في نادي بحجم الهلال |
إقتباس:
نعم هذا مشكلة الاحتراف بعقلية السعودي لا يجيد الاحتراف بكل معاييره والمطلوب هو مسايسة بعض العينات وخاصة اذا كان يملك موهب يا اخوان الموضوع ليس للجدال نواف اتخذ فيه العقوبه وهذا متفق عليه لكن الان يجب ان نقف معه نواف لو تجاوز هذة المرحله فسوف يكون لدينا اسطورة جديدة |
طيب ليه نواف ما قدرنا نحن جماهير الهلال ؟؟؟؟؟؟ |
إقتباس:
لأن عقليته هكذا ويجب أن نتعامل معه بطريقة خاصة بالعامي ( نأخذه على قد تفكيره) ولكن اللاعب موهوب جدا ومفيد للفريق لاعب وسط أيجابي وفيه ميزة انه هداف وصاحب قدم قوية وهذي المميزات غير متوفرة في كثير من لاعبي الوسط |
مع نفسك يا شيخ قال كلنا نواف العابد هذا الي خلا اللاعبين يتمادون كل ما صدرت عقوبة ضد أحد اللاعبين طوالي يجيك احد الاعضاء ويفتح موضوع يدعم فيه اللاعب مع أنه يستاهل الي جاه وأكثر !! |
ليس لائق للعب لفريق كاالهلال سلوكيا بلاش مجامله يلتزم حياه الله مايبي درب عزيز بلاوي |
انا معك في كل كلمه قلتها تخيل فقط لو انتقل لنادي منافس مثل النصر اوالاتحاد وش راح يكون شعورك فرطنا باالفريدي كله من مكابره الاداره |
لاعب مستهتر وغير مبالي ويستاهل العقاب اللي جاه |
و الله ما خرب الهلال إلا عينة الجمهور العاطفي مثلك يا أخي و الله تغيبه عن مباراة فولاذ غلطة لا تغتفر الهلال كان بأمس الحاجة لأي لاعب مع النقص اللي حاصل له و مع ذلك و بكل بلادة يهرب و الله ثم و الله لهي الخيانة و قلة الخاتمة و اللاعب اللي يسوي مثل هذا الشيئ لا يوثق فيه أبدا. و سوف ترون إما ضياعه كما حصل للاعبين الأغبياء اللي ما قدروا النعمة اللي أنعم الله عليهم مثل عبدالله الجمعان أو سوف يخون الهلال و يذهب لفريق غيره. أشباه اللاعبين مثله و مثل سالم الدوسري لا مكان لهم في الهلال |
إقتباس:
بفكرك هذا راح تطير لاعبين الهلال كلهم !! ليس بهذه العقليات الأنفعالية تدار الأمور |
إقتباس:
مقولة الهلال لا يقف على لاعب ابعدنا عن البطولات حافظ على النجوم حتى تحقق البطولات |
وجهت نظر تحترم .. لكني ارى في ذلك مخالفة لقرار إداري وارى في ذلك ان الاعب قد يأخذها بأن الجمهور واقف معاه .. وبالعامي تقدر تقول انه بيكبر راسه ويقول يا إداره شوفوا الجمهور يرددون اسمي !!!!! |
قلتها و اكررها نواف لاعب غبر مبالي و غير منضبط و تخلى عن الهلال في احلك الظروف وماله مكان بالهلال والهلال موب واقف عليه ولا على عشره من اشكاله ولابد من بيع عقده فورا للاستفادة من قيمة انتقاله استغرب من بعض الردود حسسوني ان العابد ميسي يارجال خله يطس هو الخسران تبون الادارة تترجاه وتقبل قدميه عشان ينضبط بالذات انت يا صاحب الموضوع حسستني انه ميسي وانه جاب الآسيوية للهلال و ان الهلال بدونه راح يهبط للدرجة الاولى خله ينقلع واللي عاجبه نواف وتصرفاته يلحق وراه الجمهور الهلالي تعود ان فريقه ما يوقف على احد مهما كان اسمه وما عندنا استعداد نقبل اقدام العابد ونداري خاطره عشان ينضبط افهموا عاد فكونا من تمجيد لعيبة مبزوطين |
موضوع رائع من عضو اروع اشكرك على هالفكره الحلوه والايجابيه المستقبليه في نظرتك اهنيك واتمنى دعم العابد لكي يعود كما كان تــــــــــحــــــــيـــــــــاتــــــــــي للــزعــمــاء |
والله يا أخوان الحل في يد الإداره تجلس معاه لأنه ممكن يبي يزايد على النادي أو ينتقل لفريق منافس للمعلوميه من مصادر قريبه من أصدقاء نواف طايح في شلليه فاسده ولا هو بعيد عن خالد عزيز فإذا ثبت صحة الشي هذا الإستفاده من عقده وبيعه وكل اللاعبين الي خرجوا من الهلال كلهم خايبين حالياً لا ولد ولا تلد اللهم لا شماته |
انا مع عقوبة اللاعب يخرج في تصريح ويقول : انا مو لاعب سهل !!؟ لاعبين كبار واساطير ماقالوها انت ماذا قدمت ؟؟!! والله عيب |
كــــلــــنــــا الــــهـــــلال. |
ياسر بعد حرب الاعلام الاصفر عليه والذي كان يحاربه ليلا ونهارا خوفا من القناص هبط مستواه وتعرض لاكثر من انتقاد سب وقذف وشتم ولم نرى مواضيع تدافع عنه وهو الذي اشترى الهلال بالملايين والشيكات المفتوحه الان نواف العابد يرمي بشعار الهلال عرض الحائط ويتجاهل مباراه مهمه ومفصليه للفريق اسيويا ولماذا؟؟ لايوجد سبب لاعب غير مبالي همه الوحيد العقد وحطه بجيبه اذا نواف استمر على هالحال اتمنى بيعه بسعر ضخم والتخلص منه من لايقدر النادي ولايحترم الشعار لانريده |
الوقت المعتمد في المنتدى بتوقيت جرينتش +3.
الوقت الان » 03:20 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd