الضواطير والصوارير والفيران
الكلبه روزي مؤخرا
وعامل البلديه
وكلهم إلى يومنا هذا اخاف منهم ..

عاد ماشاء الله علي يومني صغيره اقوم من 6 الصبح واقعد في الشارع قدام بيتنا اتفرج على الرايح والجاي ومعي كل العابي انثرها .. الاهل في سابع نومه .. وجدتي يا عمري ماتدري عني تجلس في المقلط تقرا قرآن وجدي عندها يفطر ..
وكل ما شفت عمال البلديه ادخل لبيتنا بسرررررعه واسكر الباب واروح للبلكونه إلي فوق واطل عليهم ..
بس مدري ليش اخاف منهم بالذات ؟.. على إن الشارع يكون مليان عمال أوووول إلي يغسلون السيارات ..
والله ربي ستر علي إظاهر امي داعيه لي

موضوع حلو ..

أنا ماقد خفت كثر ماخفت يومني في رابع ابتدائي .. أو خامس ..

المهم كان يدرسنا دين مدرس عميان ومعه خيزرانة .. واللي يخطي في تسميع آية أو حديث أو حتى يشاغب .. لازم ياخذ علقة معتبرة .. كل يد أربع مرات مع انه عميان الا انه يتيوقع صح ويطق اليد حتى لو يحركها الطالب .. لدرجة كان فيه بعض الطلاب يقولون تراه نصاب .. يشوف بس مسوي فيها عميان ..

أذكر من القصص المخيفة .. كان في الصف الآخير طالب لعاب من الدرجة الاولى اعتقد اسمه الدعيلج - الله من زين الذاكرة - الشاهد هالطالب كان يقوم في اخر الفصل من مكانه ويمشي على اطراف اصابعه ويوقف في آخر الفصل ويطلع لسانه باتجاه هالمدرس العميان .. الشي المخيف اللي ماكنا نشوفه حتى في افلام الرعب ان المدرس يقول : يادعيلج يامشاغب .. جبه يالعريف عندي !!
وفعلا ياخذه العريف ويوديه عن المدرس وينطق طقة من النوع اللي يشفي الغليل
الى يومك انا مدري وشلون يدري .. لدرجة اني في احد الايام ايقنت انه يشوف بس ينصب علينا
واعتقد انه كان يخمن تخمين وتضبط معه .. لان هالطالب لما يطلع لسانه كنا نضحك .. وبالتالي المدرس لما يسمع الضحك يعرف ان مصدره الدعيلج

عموما انا قد انجلدت كل يد اربع مرات لان اخطيت في تسميع حديث مع اني دافور كنت الثاني على الفصل .. بالله احد شاف الثاني على الفصل ينجلد قدام الطلاب <<<< كسر خاطره بنفسه
لا وفوق ذا كنت ولد المدير بعد ههههههههه يعني انسى .. واسطة مافيه .. - وينك يابو فاس -

الله يذكره بالخير المدرس اسمه : غصاب الغصاب مدرس دين في مدرسة الفاروق الإبتدائية
ويقال انه تقاعد قبل خمس سنوات ..

انا اشوف قلبتها سالفة .. بس والله ماكان شي في صغري اخاف منه كثر ما اخاف من غصاب .. ومنى حياتي اشوفه الحين قدامي لاني حافظ الاحاديث الى الحين من اللي درسناها في الابتدائي

ايييييييه .. ايام <<<< تحس ان عمره سبعين سنة

والله كنت اخاف من شي اسمه شرطي

كل ما سويت شي غلط قالو يجيك الشرطي الحين

الين الحين اذا وقفت عند تفتيش قمت انفض .. ينزلوني سبع مرات في كل تفتيش .. من النفضه

أرق تحيه أبعثها للاعضاء على هالمشاركات الروووعه ..

وبالفعل تبقى اشياء في البال ما تنسا ابدا ..

الشكر كل الشكر لــ :

جمجمة الهلال .. يزيد9 .. كيفي كويتيه .. سام البطولات .. برق الزعيم .. ملتاع .. هلالي الجوف .. الماسة .. الاعصار .. ابو سعد66 ..

مشاركتكم أسعدتني كثيييير .. يعطيكم العافية ..

مع تحياتي ..
أسيرةالزعيم;)