الهلال اليوم رجّع جزء من مستواه بفضل الروح والتوفيق وخطة المدرب اللي اليوم أشوفه وفّق في هذه المباراة وهذه أفضل مباراة قدمها من يوم ماجا ولو إن فيه بعض الملاحظات على المدرب كتبديل الزوري اللي أشوفه ماله لزوم ومقدم مباراه جيده ورجّع سلمان للظهير الأيسر ومعه كرت ومعرّض للطرد ومع رجوع الفرج للدفاع قل مستوى الوسط واستلم الإتحاد زمام المباراة وحس بفراغ الوسط وعدّل غلطته ودخل الدعيع للظهير الأيمن ونقل ياسر الشهراني للظهير الايسر ورجع سلمان للوسط
أضف لذلك أخطاء الدفاع بالتمركز والدخول بتهور لكواك
من ايجابيات المدرب اليوم لعب الكرات الطويلة للهجوم واللعب من العمق وهو ماأجادها الهلال اليوم وسجل من خلالها الهلال وتحرر الظهيرين لمساندة الهجمة وهذا الهلال يبي هجوم مايبي يدافع
كل لاعبين الهلال ماقصرتوا وهذا ديدنكم
ناصر الشمراني بيض الله وجهك ماقصرت من أفضل صفقات الهلال
نواف العابد ماقصرت ولو إن الإرهاق ولعب المباريات كاملة من دون توقف مع النادي والمنتخب مأثّر فيك
سلمان الفرج لمساتك للكورة من ذهب
نيفيز أسوأ لاعب في الهلال ويجب تغييره لاعب مستهلك وثقيل واليوم أغلب كراته مقطوعة باستثناء تمريرة القول
سالم الدوسري يبيلك قرصة إذن أنانيّتك بتقضي على مهارتك وموهبتك
بنتلي مستوى لابأس به والأجنبي لازم يكون أفضل من اللاعب السعودي
سعود كريري قبله على راسك ياوحش قائد بمعنى الكلمة أنت رمّانة الوسط على كبر سنّك وتلعب لعب واحد بالعشرين وصناعة هدف سلمان الفرج ماتجي إلا من لاعب كبير
ياسر الشهراني ماشاء الله وين ماتحطه يعطيك ويبرد قلبك لاعب جوكر على الرغم من اصابته وقصر مدة تأهيله
كواك مستواك لابأس به ولو إني أشوف سلطان الدعيع خير من يشغل خانتك والنظر لخانات أخرى نستفيد منها بالعنصر الأجنبي
سلطان الدعيع أتمنى أن تعطى الفرصة وأراهن عليك واليوم مجهودك وانت في غير خانتك ممتاز وهذا ظني فيك
ديقاو صمّام أمان الدفاع وتكفيني فيك روحك وحماسك
الزوري يعطيك العافية على ماقدمت ولا ادري ليش المدرب أخرجك
عبدالله السديري خير من يخلف الدعيع وأبدعت اليوم والفضل لله ثم لك ولو إني أشوفك في العرضيات غير مباراة اليوم القريبة لك ماتظهر أتمنى ان تتفادى هذه المشكلة وتريح دفاعك
لاعبين الهلال يبون مدرب هجومي واحكم على مستواهم زي مباراة اليوم المدرب تخلى عن بعض قناعاته وحرّرهم
للهجوم وشوف كم الفرص اللي جت واللي ضاعت
نملك أفضل12 لاعب بالهلال ولكن نبغى دكة إحتياط مليئة بالنجوم تلعب فيها موسم كامل ولاتتعذر بالنقص
وتجيب بطولات وتنسيق أو بيع عبدالعزيز الدوسري وعبداللطيف الغنام ويحيى المسلم وسلطان البيشي ويوسف السالم وحمد الحمد
وتصعيد العمار والكعبي والقحطاني والبقعاوي والبريك
أتمنى أسمع الإستغناء عن نيفيز وكواك وجلب مهاجم وصانع لعب