اشوف في رد بعض الاعضاء شيء غريب وانقسام كبير ..... ونواف العابد طلع مافيه جعبته لأنه اكيد عانا من سامي الجابر.... على العموم نبي نطوي صفحة سامي الجابر رجاء خاص ياجمهور الهلال ترى والله راح نعاني مثل ماعانا غيرنا نتذكر نادي الاتحاد وش صار فيه بسبب محمد نور صار ياكل بالخمسه وبالاربعه .... ياناس لايصير عندنا انقسام الان مدربنا ريجي ولازم ندعمه ونواف الكلام يخصه ومن حقه يتكلم ونواف نجم كبير ومبدع ويكفي اندفن في عهد سامي .... ياناس انتبهوا والله اتكلم جد الهلال في خطر لازم نتدارك الاوضاع سامي سامي سامي سامي سامي . سامي صفحة وانطوت ماتبغون تفهمون هـ الشيء...؟

أتمنى من الاداره انها تحاول تنتشل الجمهور من هـ الانقسام والا تتنحى جانبا لأداره قادره.... والله الموفق

وراكم شابين على نواف نواف ماقال سامي هو اللي سبب في تراجع مستواي

يمكن يقصد شخص ثاني والله يستر عليه

احد نجوم هالموسم بلا منآزعع نواف العابد

نواف نجم كبير وله مستقبل ممتاز متى ما حافظ على التركيز داخل الملعب ،،
هذا التصريح ما كان لازم يظهر للناس ،،
اعتقد انه فتح باب من الصعب اغلاقه ،،
تمنيت ان ما يطلع مثل هذه التصاريح الا بعد نهاية الموسم ،،
نتمنى من جميع اللاعبين التركيز داخل المستطيل الاخضر ،
رسالة لكل عاشق ومحب للهلال //
((,, يجب علينا مؤازرة الكيان ولا ننظر للامور الخارجيه وان يكون دعمنا لمصلحة الكيان ، وليس من اجل اسماء معيّنه ,,))

سمعتوا انه قال سامي الجابر ؟

ولو افترضنا انه اختلف مع الجابر لن يكون اول ولا اخر لاعب يختلف مع مدربه
في التوظيف للاعب او طريقة اللعب اوفي التمرين او مايمربه اللاعب من ظروف عائليه
لا يكون بالحضور المطلوب امر عايدي مع ان العابد قال شخص وما اكثر الاشخاص في الهلال


العابد الان يخدم الهلال ويحقق الأفضلية وهذا ما يجب ان نركز عليه

وترك اساليب حمالة الحطب

السلام عليكم ورحمة الله وبركاته
أتمنى أن نواف لم يخرج ويتحدث هذا الكلام سواءً لسامي أو غيره وإذا نواف يقصد سامي فأكتب على نفسك السلام يا نواف لأنك لن تدوم بالملاعب وبالأخص في ناديك الذي سيتخلى عنك يوم من الأيام لسبب الذي لقنك الكلام وأرسلك لتتحدث مثل هذا فالله يعينك، أما سامي فالله يجزاه خير اللي خلاك توصل للمواصيل هذي وإلا كان أنت في الحضيض صمك وأعطاك الكبتنيه ساندك يبيك تلملم نفسك وإلا هو ما هو بحاجك لك فأنا أقول هذا الكلام ما هو دفاعاً عن سامي لا بل من المفترض أنك تشكر سامي لعدم ضياع موهبتك.

هههههههههه حركاتك يالادارة التعيسة ماتمشي علينا


مطلعين تصريح نواف بهالوقت عشان ننشغل بنواف عن تخبيصكم بالنادي انتم وبندر السوسة الناخرة بجسد الهلال؟


مو علينا هالحركات

العابد لاعب ننتظر منه الكثير وسعيدين جداً بعودته لمستواه ولو من الناحية المعنوية ،
لأنه في الحقيقة لم يقدم إلى الآن ما يشفع له باللعب كمحترف في أكبر أندية آسيا..!!
لذلك أرى أنه لم يكن موفقاً في تصريحه
ولا أعلم ماذا كان يهدف العابد من خلال هذا التصريح الذي لم نتعوده من لاعبين الهلال؟!!
فكل ما يتعرض له اللاعب في ناديه يجب أن لا يتعدى حدود النادي
لا أعلم ما الذي يحدث للهلال !!
فلأول مره أشعر ان الهلال يسير في طريق بلا معالم ...
ع العموم ننتظر ما تخبئه الأيام !

إقتباس الرسالة الأصلية كتبت بواسطة ابو خالد 2012 لاحول ولاقوه الا بالله ياجماعه النادي في خطر. الحين العابد سجل هدف على اليمن وأخذ افضل لاعب بكأس الخليج يحسبه خلاص شاف نفسه جالس يسب سامي وليلمز ويهمس وين ابن مساعد والاداره عنه الله واكبر بالعابد اقسم بالله انه مأخذل سامي الا انت وأعطيك الكابتنيه وما خسرنا ولي العهد الا منك تكسر رفيق دربك شائع علشان سامي ما يحقق بطوله ما هذا التفكير وانت تغيب على التمرين وتجي للتمارين وضعك الله اعلم فيه وش الإنجازات الي حققته للنادي الحين هدف ع التعاون احسبك خلاص من ضمن الأساطير صدقني يالعابد انت لانت تستمر بالملاعب وهذا تفكيرك

hangover

أصبت كبد الحقيقه

وش عنده حمود الفشقه

استعدت مستواي ..الاخ كان هداف اسيا وفي كل نهائي يسجل ويصنع
بس حاربوه واستعاد مستواه بهدف في اليمن وهدفين بالرائد

فعلا ما يحدث في الهلال غريب عجيب كأني في حلم كان الهلال مضرب للمثل في مبدأ الثواب والعقاب كانت مصلحة الزعيم فوق كل المصالح كنا محسودين على المثالية وحل اﻻمور بالشورى ولملمة ما يستجد من امور داخليا ولا يتجرأ اي لاعب او اداري على السير خارج المسار والا سيجد نفسه ﻻ يمثل الكيان
.. لا هذا ليس هلالي الذي اعرفه وارجو الله عز وجل ان يجمعني مجددا بمحبوبي الذي أعشقه .

والله يالعابد واضح انك بديت تشوووف نفسك لكن حط في بالك هالكلمتين :
1- اذا وصلت لنص انجازات سامي تعال تكلم
2- ترى الهلال ما يوقف على احد وخاصة امثالك وعندك الفريدي اكبر مثال

نواف ترى الأيام دول يوم لك ويوم عليك ..... انت اتكلمت على سامي وصدقني سامي ماهو حولك عارف ليش !!!
لأن الشخص الناجح ما يشوف اعداء نجاحه لأنهم كثر لكن يشوف المنقدين المحبين المخلصين له لأنهم يدفعونه للأمام عشان كذا يتقدم في حياته .
لكن انت الله يستر عليك إذا هذا اولها اجل آخرها كيف راح يكون .... الله يصبر الجمهور عليك.
حاجه أخيرة في خاطري ودي اقولك اياها ... ترا الإنجازات الشخصية مالها اي طعم لو مافي اي انجاز للكيان لأن هذه اللعبة لعبة جماعية ماهي لعبة فردية وبين قوسين (( تعلم من الخلوق الشلهوب ))