احنا نحتاج الى مهاجم وصانع لعب

ترى العب كله لنا بس مو عارفين نرفع كور صح

يكفي تطبيل واعذار واهيه

الهلال يحتاج ترميم والبدايه باقالة الجبان ريجي

فترة التوقف كانت بعد خسارة الاسيويه

فآين الارهاق المزعوم ..؟؟

اول مره اشاهد مجموعة يذكرو التطبيل كله عشان يرجع سامي لحول ولا قوة لا بالله
فعلن الهلال مرهق بس يبي له ادارة جديدة فقط

الزعيم بحاجه لمدرب كفو وجريئ وشجاع

اتفق معك ان الإرهاق جزء من المشكلة وليس كل المشكلة
لكن هل سوء التغيرات سببها الإرهاق ؟؟
حينما تعاني من العقم الهجومي في كل مبارياتك القوية فهل السبب الإرهاق ؟
حينما يعاني لاعبيك من الارهاق والضعف اللياقي والموسم لم ينتصف فهل المسئلة ارهاق ام سوء اعداد ؟؟
حينما يحرم حمد الحمد من اللعب ويفرض علينا المنتهي فنياً عبدالعزيز الدوسري فهل هذا ارهاق

الارهاق حله بتدوير الاعبين وهذا لم نشاهده في الهلال
لم نشاهد لاعبي الاولمبي يلعبون حتى في المباريات الاقل فنياً فهل هذا سببه الإرهاق ؟؟

هههههههههههههههه بس صفو النيه والله العظيم يرجع هلال النعيمه والثنيان وسيامي لاكن من الاداره الا اصغر مشرف بالشبكه كل واحد مايسوي الا شي يبرد قلبه ولا يفكر بالفريق الهلالي الاداره اقالت سامي بي حق وجابو لنا خزان الماء ضيعنا واحبط لاعبينا واذا قلنا كلمت الحق عطونا انذار حتى منتدانا صار ضد المشجع اقسم بالله لو يحطونك انت بداله ريجي ياصاحب الموضوع شرطانك تغير احسن منه تبديلاات . بالله عليك.. احدخسران يطلع مهاجم ويدخل افشل لاعب ولازال مقتنع فيه ولاعب وسط لاحول ولا قوة الا بالله عسا العوض في مقبلات اليالي اهم شي لاحد يضيق صدره مع ادارة الاستثمار وسعو صدوركم زي ماهو موسع صدره يتبجح من دوله لدوله وتارك الفريق يصارع الامواج لحاله ومخلي ريجي يسمسر على كيفه بالفريق وبالاخير يشيلون خياش فلوسهم ويادار ماطبك شر انا ما طالب باقالة المدرب انا اطالب الاداره بكبره تدور له مكان غير عشقنا وتروح تستثمر على كيفه لا تستثمر على حسابنا نبي اداره تفكيره بالبطولاة وبس اخررر زمن حتى الفقر صار منافس لكبير اسياء

الي يتكلم اننا مع سامي او نبي عودته تراه غلطان

كل الي نبيه عودة الهلال و مع هذه الادارة و هذا المدرب

لن نحقق شيء ابداً

الفريق مسروق

المشكله واضحه يا اخوان
اسال لجنة المسابقات الي جدولت مباريات الهلال
كل ثلاث ايام مباراة بعد كاس الخليج والاجهاد الي صار قبله وبعده لحد ما جينا جاهزين للفقر
والدليل اخر مباراتين الهلال يلعب الشوط الاول فقط والشوط الثاني يظهر اثار الاجهاد على اللاعبي ويفقد التركيز
كان يفترض الاداره ترفض هالجدوله وتبين الهدف منها كله لعيون الاصفر الصغير ياخذ الدوري
لكن انشاء الله بعيد عن خشومهم وياخذه الطحالب ولا ياخذونه الفقراويه

هههههههههههههههههههههههههههههه مرهق مافي حظ ممتاز استمرو نبي نشوف اخرته مع هالداهيه الهلال مرهق لاعبين مصابين بس نبي هدف ماشفنا ولاهدف طيب قبل الأرهاق الأهلي والشباب وش سوا معهم؟؟؟

هذا يدل علي ان لاتوجد لديك دكة احتياط اعذار في مباراة مع منافس علي الدوري غير مقبول

يا اخوان وش دخل سامي بالموضوع

حتى ايام سامي كان هناك من يطالب باقالته

هل يوجد مدرب يريد الخساره او لاعب او اداري او حتى عامل نظافه


الموضوع وقفوا مع هلالكم بمن فيه ليتجاوزوا هالمرحله فقط

واغلب ماقلتوه صحيح لكن ليس وقته وانما وقت الشدايد تبان معادن الرجال

حط نفسك محل اي نصراوي بعد فوزهم امس

وبجد ..... هل انت مقتنع بفريقك؟؟؟؟؟؟؟

وش هالتناقضات في الارآء والمواضيع ومحتوياتها

لا أقصد موضوع بعينه ولكن صدق من قال إذا طاح الهلال كثروا المنتقدين


سبحان الله يوم كان سامي مدربا سمعنا وقرأنا هنا.... من يطالب بابعاده- من يعتقد انه يحارب النجوم ـ من يقول ماهي مؤهلاته ليدرب الزعيم ـ لماذا تجامل اداره بن مساعد سامي على حساب الهلال ،،،،،، الخ

واليوم - أين سامي - أين الاسطوره - أين ولماذا وكم وكيف وياليل ياعين.


انا اقول الحمد لله عندنا رئيس عاقل لا يلتفت الا لما يصلح للهلال ومدرب الافضل في بلاده ولاعبين الافضل محليا

ولو خسر الهلال فلايوجد فريق لايخسر ولا يوجد فريق لايكسب وهذي حلاوه الرياضه

وهلالنا وان كان سيء في زمن فهو الافضل في ازمان وازمان


لا استبعد روائح النصراويين في اغلب موضوعاتنا هنا.

الهلال يحتاج رئيس
هذي العلّه
وهذي المشكله
الرئيس لا لا امراء المنطقه يحطون له وزن
ولا اللاعبين يهابونه
لو فيه رئيس ماشفت سالم ينطل وكعبات ويتميلح بالمباراة

إقتباس الرسالة الأصلية كتبت بواسطة الهلالي بأمر الله الهلال يحتاج رئيس هذي العلّه وهذي المشكله الرئيس لا لا امراء المنطقه يحطون له وزن ولا اللاعبين يهابونه لو فيه رئيس ماشفت سالم ينطل وكعبات ويتميلح بالمباراة

إذا الهلال قوته في سطوه رئيسه فلن اشجعه ....... ودمتم