بسم الله الرحمن الرحيم

هي رؤوس اقلام وضعتها لكي اظهر ما بداخل الموضوع لكي اختصر عليكم المواضيع المبهمة و العناوين الكثيرة ..

كثرت المواضيع في المنتدى عن ريجي و عن مستواه في الفترة الاخيرة و عدم تسجيل اي انتصار او حتى تسجيل هدف واحد ..

ب اختصار شديد كل المدربين الرومان نفس الشكل و اللون و لكم في كوزمين اكبر مثال حيث كان دفاعنا صبة و هجومنا يكتفي بهدف او اثنين و بيتوركا مدرب الاتحاد نفس الطريقة فلم ارى الاتحاد يدافع بهذا الشكل امام الهلال من سنوات طويلة و انا متعجب ب اني لم ارئ اي هجمة على مرمى الهلال وقتها تأكدت ان هذا هو الاسلوب الروماني ..

ربما يتفوق كوزمين على ريجي لان كان يوجد صانعي العاب كثر في الفريق ( التايب من العمق و ويلهامسون من الاطراف ) و المهاجم ياسر فقط اما الان فلا يوجد ذلك لا اطراف ولا عمق

...................................


نيفيز مظلوم بسبب الظغط الهائل عليه و تحميله مسؤولية الفريق و صناعة الاهداف و التسجيل لوحده ، صدق المثل ( يد وحدة ما تصفق )

ايام جيرتس كان بجانبه ويليهامسون اللي كان شايل نصف الفريق و رادوي اللي مغطي ظهر نيفيز و شايل المحور لحاله بكل اقتدار و فوقها يسجل اهداف ، لذلك كان نيفيز يبدع لانه غير مراقب

اما الان فلا يوجد حل الا نيفيز ( اصنع يا نيفيز ، سجل يا نيفيز ، دافع يا نيفيز )


................................


ناصر الشمراني وما ادراك ما ناصر ( الزلزال ) المقاتل ، الحماسي ، الهداف ، الغيور ، نجم الهلال الاول بلا منازع في الفترة الاخيرة .

ناصر الان لا يوجد من يصنع له ف يضطر يطلع خارج الصندوق كثيراً ل يصنع لنفسه و تقل خطورته لذلك يجب على الادارة جلب مهاجم نار بجانبه.

ناصر و نيفيز مع سامي كانو نجوم و اختفو الان مع ريجي و السبب ان الفريق مع سامي كان حماسي و يهاجم بكل الفريق و يدافع بكل الفريق اما المدربين الاجانب يعتمدون على صانع الالعاب فقط و المهاجم الهداف ، لذلك ناصر و نيفيز اختفو تماماً بسبب الضغط عليهم .

........................................


الجمهور الهلالي مظلوم و انا اولهم ، فلا يسمع لنا رأي ولا يتم اعطائنا اي اهتمام مع العلم اننا الدعامة الرئيسية للفريق و لكن لا حياة لمن تنادي ..

ادارة نايمة ف العسل لا تحاسب المخطئ ولا المقصر ،، لا يوجد تعاقدات محليه قوية و هي اهم من الاجنبية ، يوجد مجاملات بشكل رهيب لبعض اللاعبين الموجودين ف النادي الئ الان و لو كانو في نوادي اقل منا لتم تنسيقهم ب أسرع وقت و لكن هي المجاملة يا هلال على حساب اسمك و كيانك و جماهيرك ....


....................

مطالب الهلال في الفترة الشتوية :

1- مهاجم اجنبي ما يعرف ابوه قدام المرمى ولا عنده يمه ارحميني ( بديل بينتلي )

2- ظهير ايمن محلي ( حسن معاذ ) هو الخيار الانسب فلا.يوجد افضل

3 - تصعيد لاعبين من الاولومبي على حساب ( الغنام ، الشلهوب ، الزوري ، القرني ، المسلم ، السبيعي )

4- الزوري و القرني و الغنام و المسلم و السبيعي و السالم اتمنى بيعهم لان مستواهم اقل بكثير من ان يلعبو للهلال مع احترامي لهم جميعاً


............................

و السلام عليكم و رحمة الله و بركاته

اشكر الادارة على الموافقة

بصراحة رؤيتك جداً صادقة وتحكي ما يعاني منه الهلال في الوقت الحالي ..

لكن هناك ما يعيب الفريق وهو فقدان اللمسة الأخيرة ، ولا ننسى الركلات الركنية ، فأنا أرى أن ذلك شيء مخزي أن لا يستطيع الهلال التسجيل منها ..

نيفيز الكل يتفق على أن مستواه هابط جداً والسبب مجهول ، خاصةً أن اللاعبين السعوديين المنافسين ليسوا كالبرازيليين بالسرعة والحماس ، أي معنى ذلك أن نيفيز يستطيع مجاراتهم بكل يسر وسهولة ..

ناصر بالتأكيد يحتاج إلى من يسانده ..

هناك لاعبين نجوم من الأولمبي يتفوقون على بعض اللاعبين بالفريق الأول ، لابدّ تصعيدهم وتجديد دماء الفريق ..

وأخيراً التغيير مطلب مهم في كل مجالات الحياة لذا فإن على الإدارة أن تسلم عهدتها ورايتها إلى من هم أفضل وأعلم بالنادي سواء ..

شكراً لك ..

شكراً لك اخوي


الهلال يجب تدعيم صفوفه في كل مركز

كلامك رائع خصوصا في نقطة اننا مالنا رأي مسموع للأسف مع ذلك اتمنى انهم يسمعون لنا وانا ودي اقولهم اذا بكره لاقدرالله وتعادل الهلال قدام الرائد يتحركون ويشيلون الاخ ريجي ويتصرفون مع نفسهم وكلنا نذكر لما انهزم الهلال الموسم اللي راح ايش سوا رئيس اعضاء الشرف وحطها حجه عشان يطير اللي ماكان عاجبهم

حبيبي اللي بين سامي و بين عضو الشرف مهو سوء تدريب

كلنا نعرف اللي بينهم و صدقني ماراح يجي عضو الشرف نفسه و يقول ابعدو ريجي لان ما بينه و بين ريجي شي.

كلامك صحيح اخوي دمي ازرق ربما يكون ريجي هو السبب و لكن لنغير التكتيك و نجلب مهاجم اجنبي بالانتقالات الشتوية و باخر الموسم لنا الحكم

الفريق مقبل على كارثه وضياع .. راح نعاني منها كثيرا
الفريق لا يملك احتياط
الادارة ضعيفه وفي تعاملها مع ملفات الهلال جبانه
فهمنا ورضينا ان اسامه هوساوي لم يحسب حساب لصاحب السمو الملكي عبدالرحمن بن مساعد لانه كثير الطبطبه ومثالي واخلاقي .. وراح من الهلال! ليش طيب نبيع عقد المرشدي ! من عندك دفاع الحين ؟
هذانا الحين جالسين ناكل ونشرب من فكر ادارتنا الفاشل اثنين قلوب دفاع اجانب كان ممكن الاستغناء عن واحد منهم.
في الصفقات المحليه الاداره لا تُحترم وتستغفل الجماهير عقود استثمار مرتفعه وتبخل ولا تدفع والناتج ولا لاعب في دكة الاحتياط (الشلهوب ياسر القرني الغنام عزوز الدوسري السالم ) !! اقسم بالله لن ينفعون الهلال مانفعوه امس ينفعونه بكره
بالله هذي دكة احتياط فريق مطلوب منه يستمر في زعامة اسيا ؟! على وين يا ادارة

نيفيز لحاله قدام .. معه سالم الدوسري مجهود على غير سنع .. والعابد .. كلهم لاعبين مايشيلون الهلال لوحدهم لازم اجانب يشيلون عنهم الضغط والرقابه حتى نستمتع فيهم مثل ماكنا نستمتع فيهم قبل ..

الادارة فاشــله وراح يستمر فشلها وتقرير الاعذار حق نهاية الموسم جاهز من الحين
من متى الهلال كان وديع بالصفقات المحليه وكل الفرق مطمئنه
من متى وكان جدار الهلال قصير بلا إلجام

ان شاءالله هالسنة غير بشرط التحرك في فترة الانتقالات الشتوية و استقطاب مهاجم اجنبي و تعاقدات محليه و ان لم يحدث ذلك ف سوف يكون موسم كارثي خصوصاً ان ناصر ما راح يلعب دور المجموعات ولا دور ال 16 في اسيا

لازم مهاجم من الان عشان يتكيف ع الاجواء و يتأقلم مع الفريق بشكل سريع

إقتباس الرسالة الأصلية كتبت بواسطة kddoosh كلامك صحيح اخوي دمي ازرق ربما يكون ريجي هو السبب و لكن لنغير التكتيك و نجلب مهاجم اجنبي بالانتقالات الشتوية و باخر الموسم لنا الحكم

ماقلنا له لاتجلب مهاجم من البداية
هو شاف الفريق قبل يستلم التدريب وقرر جلب مواطنه المحور
وحتى لو جلبنا مهاجم احتمال كبير يصر على طريقته ويلعب بمهاجم واحد !
ولو غير طريقته بعد ماتخرب مالطه ولعب بمهاجمين
نحتاج وقتها لصانع لعب مميز بدل نيفير
لأن نيفز شغلته بالهلال ماهي صناعة لعب , شغلته كور ثابته
ومهم بختار كم لاعب من الأولمبي يجهزهم بالتدريج ليكونوا بدلاء متى ما إحتاجهم
وكل هالأمور ماشفناها
وضاعت آسيا والدوري مسئلة وقت ويضيع
واحتمال كبير تضيع باقي البطولات
ومو شرط ننتظر لنهاية الموسم ... عشان نحكم على عمله
صدقني ليالي العيد تبان من عصاريها :/

مقالك رائع جداً ، مختصر ويحكي عما يحدث
المزعج صحيح الكم الهائل للركنيات اللي مانستفيد منها
وضع الفريق في خطر مع ريجي للآن لم يقدم مايشفع له بقيادة فريق بحجم الهلال
لك كل الشكر

اهنيك على موضوعم المميز , وفعلاً نيفيز لاعب كبير جداً ..

كلامكم ع العين و الراس نتمنى من الادارة التحرك و التفاوض،من الان قبل ان تبدأ فترة الانتقالات و يصير الوقت ضيق