الله يذكر ايامك بالخير ياوجه السعد اتمنى رجوعه

والله انا اشوف انكم كبرتوا الموضوع وهو اصلا سخيف

يعني انت الان ماتلعب مع اخوك النصراوي؟

ولد عمك النصراوي ماتطلع معه ؟ ولد أخوك النصراوي ماتاكل معه ؟!!!


قد تكون الصوره لنبذ التعصب وهي حاجه حلوه انهم يسوونها خصوصا انهم شخصيتين

معروفه للشارع الرياضي عام والهلالي والنصراوي بشكل خاص



انا بصراحه ماادري وش سبب الصوره
ولا ادري ان فيه مشاكل بينهم قبل كذا لاني سمعت وشفت تعليقات وضحت لي ان كان بينهم مشاكل قبل كذا والهلاليين الان زعلانيين شلون يصور معه !!!


ياخي بغض النظر عن هلالي ونصراوي

هذا مسلم وهذا مسلم والصوره جدا عاديه وبالعكس اذا هم متهاوشين من قبل والان مصورين مع بعض فالله يألف بين قلوبهم والحمد لله على كل حال

لكن اذا الشخصيات الرياضيه المعروفه تحاول ان تنبذ التعصب واحنا نصر عليه فالمشكله فينا وليست فيهم اي والله


اتمنى ان نترك التعصب الغبي اللي ماراح يودينا الا بستين داهيه


بغض النظر عن انه هلالي ونصراوي

حميداني ومريسل


اثنين يلعبون بلوت


فيها شي ؟!!!

الحميداني لا احد ينكر هلاليته ولكن للأسف لا يستحق ان يكون نائب للهلال على حساب اناس لها من الحكمه والمواقف الرنانه اكثر منه واخص بالذكر الاستاذ حسن الناقور رغم صغر سنه الا انه افضل بمراحل كثيره في ادارة الامور الهلاليه وان كنت افضل عودة وجه السعد الأمير نواف او اي شخص ذو خبره وثقل في التعاطي مع الامور مثل المهندس طارق التويجري كما اتمنى اعفاء الجاسر فهو اصبح عضو شرف اكثر من مدير مركز اعلامي والله من وراء القصد

لكم كل الود

وسطنا الرياضي تورط بعينات من كل شكل ونادي

يشحنون الجماهير بتغريداتهم وتصاريحهم ومقالاتهم وأكاذيبهم
ويسهمون بتغيير اجتماعي سلبي خاصة وسط الشباب الصغير !!

وبأخر اليوم يلتقون بملتقياتهم كأصدقاء ولعب بلوت وعشاء فاخر
ويقولون للعالم تراه كورة !!!

صحيح تراها كورة لكن الشهرة ولفت الأنظار....... تجعلهم يقولون ويفعلون أي شيء
وبالنهاية تراها كورة حتى يبرروا لشحنهم وأن الجمهور يبالغ !!!

ويظل الجمهور هو الملام وهم طالعين منها بريئين

أي عقل يقبل مثل هذا اللعب !!

تغريدات لهلاليين قرأتها

مجتمعين ومستانسين والضحية مشجع غلبان أشبعوه تعصباً حتى باتت ميوله تحدد هوية ارتباطه بالآخرين.

بإختصار.. كل يوم يجون يسوون مسرحية مبتذلة في تويتر وفي الليل يجتمعون ويضحكوا عالجماهير اللي تعزز لهم وبستعرضوا بالمقسوم



هذا هو بيت القصيد ....!!

متعب التركي @Mutebalturki
جمهور الهلال ..
جمهور النصر ..

كم من الذنوب اكتسبتم ؟
كم من حرب بالوكالة ..
خضتموها كلاً في صف
ضد الآخر .. ثم ماذا ؟

اذا كانت الجلسه لاتقاء شره والمصالحه فهو غباء
اما جلسه عاديه مع الاعلاميين كأنها طلعه عادي ما اشوف فيها شيء

بس من وجهة نظري هناك احق من الحميداني في مسك منصب نائب الرئيس

بعض الاخوه يجيدون فن الطبطبه والمثاليه أكثر من الحميداني نفسه ..!!

واحد يقول مسلم جالس مع أخيه مسلم .. وهو لو قلتلك أنت واطي يمكن يذبحك ..ويهجرك سنوات ..!!

أخواني الأعزاء نحن نتكلم في وسط رياضي لايعترف بالمثاليه الداعيه للسخخريه ..!!

أفيـقوا مما أنتم فيـه ... !!

من يشجع الهلال بحق وحقيقه لايرضى بما حدث ..!!

أستراحة إعلاميين !!

ويأتي الرجل الثاني في أكبر فريق وأعظم نادي في قارة آسيا ويلعب مع شخص أساء لكم كلكم لعبة بلوت ويوزع ابتسامات ..!!

المريسل كان يسيء له كـ نائب لرئيس الهلال وليس لأنه الحميداني ..!!
أين المريسل من الحميداني قبل؟؟

يقول جمهور الهلال واطي ويكون الرد لعبة بلوت وإعطاء هذا الرويبضه أكبر من حجمه !!


أقسم بمن أحل القسم أن هيبة الهلال تضيع بسبب هولاء الأشخاص الذين لايعلمون مايرتكبون من أفعال شنيعه جعلت من الهلال جدار قصير يتسلقه كل تافه وسافل .....!!!

أشك أن بعض الأخوه الذين يقولون (تراها كوره ) غير متابعين لمايفعله الإعلام الأصفر ولايعرفون قيمة منصب

((((نـائـب رئيـس مجلس إدارة نادي الهــلال السعـودي ))))

إقتباس الرسالة الأصلية كتبت بواسطة شاي نعناع والله انا اشوف انكم كبرتوا الموضوع وهو اصلا سخيف يعني انت الان ماتلعب مع اخوك النصراوي؟ ولد عمك النصراوي ماتطلع معه ؟ ولد أخوك النصراوي ماتاكل معه ؟!!! قد تكون الصوره لنبذ التعصب وهي حاجه حلوه انهم يسوونها خصوصا انهم شخصيتين معروفه للشارع الرياضي عام والهلالي والنصراوي بشكل خاص انا بصراحه ماادري وش سبب الصوره ولا ادري ان فيه مشاكل بينهم قبل كذا لاني سمعت وشفت تعليقات وضحت لي ان كان بينهم مشاكل قبل كذا والهلاليين الان زعلانيين شلون يصور معه !!! ياخي بغض النظر عن هلالي ونصراوي هذا مسلم وهذا مسلم والصوره جدا عاديه وبالعكس اذا هم متهاوشين من قبل والان مصورين مع بعض فالله يألف بين قلوبهم والحمد لله على كل حال لكن اذا الشخصيات الرياضيه المعروفه تحاول ان تنبذ التعصب واحنا نصر عليه فالمشكله فينا وليست فيهم اي والله اتمنى ان نترك التعصب الغبي اللي ماراح يودينا الا بستين داهيه بغض النظر عن انه هلالي ونصراوي حميداني ومريسل اثنين يلعبون بلوت فيها شي ؟!!!

ايوه فيها كيف الواحد يثق فيه وهو يحط يده في يد واحد يكره الهلال
مالنا دخل بعلاقاته مع الناس وهو حر لكن يظهر في مكان عام ويظهر انه نائب رئيس الهلال ويحط يده في نصراوي يكفي موقفه من سامي وتهكمه عليه يكفي انه في كل مكان يقول الهلال مراح يحقق كاس اسيا ويراهن على ذا الشي يكفي وضعه لجوائز بعدد الاهداف الي تدخل في المرمى الهلالي يكفي انه يحارب اي هلالي في موقع
الله المستعان
عمري ما شفت نصراوي يسوي كذا بالعكس يظهرون كرههم للهلال ولا عليهم من احد
يكفي تمزيق الطخيم لصور المنتخب عشان فيه صور لاعبين للهلال

والله الحميداني رجل نحتومه لكن السوال الان اذا خرج الحميداني من يكون النائب

تعبت قلمك والموضوع بسيط. بشر مع بشر والحمد لله.

الرئيس هوّن عنوان صحيفة الشرق
الكابتن ظهر مؤيدا لنقل مباراة النصر
النائب أكملهم رابعا في صكة بلوت يعني نخلق مشاكل والخسران الهلال عندك مبارتين في اسبوع واحد مع الاتحاد بعد اسبوعين من هنا الي نهاية الموسم فيها الف حلال