مواقف جماهير الهلال دائما مشرفه رغم الظلم الواضح والذى اعترف به الحكم نفسه واقره خبراء التحكيم وصمت عن الاعتراف به المتخلفون
الا ان الجماهير لم تبدى تصرفات مسيئة للرياضه السعوديه
ولم تخرج عن تميز البيت الهلالي الحكيم
اثبتت الجماهير الهلاليه انها الاولى في كل شئ

إقتباس قوم عاقلون ام مفسدون ام خونه وهم يحتفلون ضد ممثل الوطن

لو هم عاقلين ماسوو هذا كله
هذوول شهاار يدور عليهم فاتح لهم دوور جديد "خااص لأصحاب الحالات الصعبه"
الله المستعاان
يعافيك ربي ياشقرديه

هم يفرحون أذا وقع الهلال
لأن أستمراره واقفا يذكرهم بأنهم أقزام
وهم يفرحون على خساره الهلال أكثر من فرحم بأنجازاتهم
فكوننا عشاق للكيان الهلالي
فبتأكيد أن عثرتنا مجد لغيرنا
فكلما أرى فرحهم إذا خسر الهلال
أقول الحمد لله أني هلاليه

بالنسبة لي...احلى شيء هو ماراه ان اكثر اطياف الجماهير الاخرى ضدي..هذا يعني انني متفوق عليهم والغيره والحسد يدب فيهم ليل نهار..هنالك مقوله شهيره..ان المجتمع الرياضي ينقسم الى قسمين..50% يشجعون الهلال و50% من اطياف الاندية االاخرى ضد الهلال...والحمد لله انني من القسم الاول..

إقتباس الرسالة الأصلية كتبت بواسطة هلالية متيمة هم يفرحون أذا وقع الهلال لأن أستمراره واقفا يذكرهم بأنهم أقزام وهم يفرحون على خساره الهلال أكثر من فرحم بأنجازاتهم فكوننا عشاق للكيان الهلالي فبتأكيد أن عثرتنا مجد لغيرنا فكلما أرى فرحهم إذا خسر الهلال أقول الحمد لله أني هلاليه

هذه التصرفات تبين جلياً حجم الحسد والغيرة في قلوبهم

زعيمهم رفيق الذهب وعاشق المنصات أحرقتهم إنجازاته

بينما نفخر بزعامتنا كان كثير منهم يدعي أنه لا يشجع أحداً

يخجل الاعتراف بناديه المتواضع

خير ما يقال عند رؤية أمثالهم

الحمدلله الذي عافانا مما ابتلاهم فيه

إقتباس الرسالة الأصلية كتبت بواسطة هلالية الشمال هل هم قوم عاقلون ام مفسدون ام خونه وهم يحتفلون ضد ممثل الوطن .

لم يكرهوا الهـلال إلا لأنه هو السبب بإبعادهم عن البطولات ..

مايهمنآ أن لا نلتفت لهم .. فـ أين هم وأين نحـن ..

ههههههههههههـ إيش الجديد ؟! ^~*

أنا صراحهـ من شفتهم دخلوا الدين بالرياضهـ ( بـ تحريفهم للقرآن + تشبيهم الهلال بالكفار "رفعهم علم
إسرائيل في مدرجاتنا" + تصميمهم الآخير الموسم الماضي اللي أساء لجميع العرب والمسلمين قبل ما يسىء
لسامي ) وأنا بعدها ما عاد صرت أستغرب آي شيء منهم !!!

إن لم تستحي ففعل ما شئت !! وبعدين بصراحهـ المجنون ما عليهـ حرج !! وهم مصابين بمرض إسمهـ " جنون الزعيم " !

عموما اللهـ يهديهم ويهدينا ،، واللهـ لا يبلانا ما بلاهم ،،و الحمدللهـ إني هلاليهـ ^~*

عوااافي ع الطرح ~

اختي تبين الجد هالشي موجود في كل الاندية هلال و نصر...... أتحاد و اهلي طبعا بسبب التعصب الزايد ......للأسف الأمور تغيرت كثير في السنوات الاخيرة والتعصب صار زايد مقارنة قبل عشر سنوات واسبابه كثير .....لكن السبب الأول والرأيسي الأعلام , ونوعية الاعلاميين الموجوديين في قنواتنا الرياضية اللي تسعي للأثارة وعلي رأسها برنامج وليد الفراج وبرنامج كورة في روتانا أغلبها تتعمد جلب اعلاميين للاثارة وهم في الحقيقة يغدو التعصب ...... وبصراحه ما الومهم لانهم اعلاميين ياخدو الملايين وكل ماجاب جمهور اكثر في برنامجه حصل علي اكثر الموضوع بزنس وطزززز في الجمهور و تعصبه

ادكر مره في احد حلقات برنامج وليد الفراج احد الاعلاميين بسخريه يتكلم عن الزعيم انه لقب مأخود من مسرحية الزعيم لعادل امام!!!! يعني شغال حقن في الجمهور و وليد الفراج ينقال يحاول يسكته....هزلت

برامج زي كدا ماعليها رقابه قويه....... ويمكن الأن نفهم ليش أقيل وزير الأعلام...... الأمور فلتت

العكس تماما ما راح تلقي هالشي في جماهير الشرقية في اي مباراة بين القادسية و الأتفاق ,,,,, لأن الأعلام ماتدخل كثير هناك أنديه بعيده عن الشوشره الأعلامية (فيه تنافس وتعصب خفيف بس لايقارن ابد باللي صاير بأندية الوسطى والغربية )

النقطه الاخيرة بخصوص جمهور النصر ومافعله وما زال يفعله تاكدي اختي أن فيه من جمهور الهلال مثلهم و أكثر والأسيوية قادمة وراح نشوف احتفالات من الهلالين بهزايم النصر ( بمسمى الطقطقة ) وراح نشوف هلاليين يشجعون أندية أيرانية ضد النصر تماما مثل اللي شفناه مع الهلال .....الخ
وهي ممكن تكون طقطقه بس ما راح ينظر لها الا انها تعصب وراح تزيد نار التعصب أكثر


هل ردة فعلنا بتكون صح ؟ .....نقدر نقول كلام جميل ونكون مثاليين ونوصي الجمهور الهلالي انه مايفعل مثلهم لكن هدا كلام في الخيال وصعب تضبطه ,,,, ممكن يستوعب هالشي مشجع هلالي واعي لكن هل سيعى مشجع هلالي مثلا عمره 19 سنة ؟؟؟ لا أعتقد وراح يعاملوهم المثل بالمثل وبيستمر هالشي في كل بطولة وتمر السنوات وهالتعصب راح يطال المنتخب لأنه ماظم لعيبة النادي اللي أشجعه ( اساسا وصل للمنتخب وصرنا نسمع كثير يقولو " هم ومنتخبهم " للأسف)

فعلا وضعنا مؤسف ولو نلف العالم كله مانلقى مثل العبط اللي صاير بوسطنا الرياضي .....وصدقوني راح نوصل لمرحله مانقدر نسيطر عليها الا ادا تثقف و وعى الجمهور ان الكوره مو كدا ولا التشجيع كدا ابدااا ,,,, وانا متأكد ان فيه فئة من المشجعين والجمهور عقلاياتهم ارقى كثير من عقلايات كثير من الأعلاميين اللي نشوفهم في القنوات


الزبده عزيزي المشجع الأصـــلاح يبدأ منك انت

تحياتي لكم

إقتباس الرسالة الأصلية كتبت بواسطة IM_A_SAUDI النقطه الاخيرة بخصوص جمهور النصر ومافعله وما زال يفعله تاكدي اختي أن فيه من جمهور الهلال مثلهم و أكثر والأسيوية قادمة وراح نشوف احتفالات من الهلالين بهزايم النصر ( بمسمى الطقطقة ) وراح نشوف هلاليين يشجعون أندية أيرانية ضد النصر تماما مثل اللي شفناه مع الهلال .....الخ وهي ممكن تكون طقطقه بس ما راح ينظر لها الا انها تعصب وراح تزيد النار زود ماهي مولعه نقدر نقول كلام جميل ونكون مثاليين ونوصي الجمهور الهلالي انه مايفعل مثلهم لكن هدا كلام في الخيال وصعب تضبطه ,,,, ممكن يستوعب هالشي مشجع هلالي واعي لكن هل سيعى مشجع هلالي مثلا عمره 19 سنة ؟؟؟ لا أعتقد وراح يعاملوهم المثل بالمثل وبيستمر هالشي في كل بطولة وتمر السنوات وهالتعصب راح يطال المنتخب لأنه ماظم لعيبة النادي اللي أشجعه ( اساسا وصل للمنتخب وصرنا نسمع كثير يقولو " هم ومنتخبهم " للأسف) فعلا وضعنا مؤسف .....راح نوصل لمرحله مانقدر نسيطر عليها الا ادا تثقف و وعى الجمهور ان الكوره مو كدا ولا التشجيع كداالجمهور ,,,, وانا متأكد ان فيه فئة من المشجعين والجمهور عقلاياتهم ارقى كثير من عقلايات كثير من الأعلاميين اللي نشوفهم في القنوات الزبده عزيزي المشجع الأصـــلاح يبدأ منك انت تحياتي لكم

أخوي لو سمحت ممكن تعطينا أو تذكرنا لمثال لتصرف من أحد جماهير الهلال سوا اللي سواهـ بعض النصراويهـ ؟!

النصر ياما لعب بآسيا وطلع منها كالعادهـ قبل ما يوصل لا النهائي ولا لنصف النهائي ،، وما قد
شفت صراحهـ هلالي ذبح كم بعير عشان خسارتهم ؟! ولا قد شفت آي هلالي قطع فلوس ورفس
النعمهـ عشان خسارتهم ؟! ولا قد شفت هلالي سمى ولدهـ ع حكم المباراهـ اللي حكم مباراهـ
خروج النصر من البطولهـ ؟!!! بينما النصر يسوي كل هالأشياء كل سنهـ مب مرهـ ولا مرتين ولا
حتى ألف مرهـ !!!!

فـ عشان كذا انا ضد وبقوهـ إنكـ تقول إن الهلاليين يسون سوات النصروايين !!!!
فرق واللهـ بين طقطقتنا وطقطتهم ع قولتكـ !!! ،، الهلاليين واللهـ ما قد شفتهم بالغوا لدرجهـ الجنون نفس ما يسون النصراويهـ !!!!
بكل أمانهـ وبعض النظر عن إنني هلاليهـ ولا لا ،،، جمهور الهلال آرقى واللهـ بمليون مرهـ من
جماهير النصر ولا يوجد شبهـ نهائيا بينهم !!

أنا ما أعمم ع جميع النصراويهـ ولا أعمم ع جميع الهلاليين لكن أغلب النصراويهـ " متعصبين
بشكل كبير جداً جداً جداً " والعكس بالهلال الأغلبيهـ ما هو متعصب واللي متعصب ما هو
بهالطريقهـ المجنونهـ والمبالغ فيها نهائيا !!
والنصر بصراحهـ هو أكثر الأنديهـ تعصبا ويجرج كثير عن نطاق الرياضيهـ والتنافس الشريف ،،
أما باقي الأنديهـ مقارنهـ بالنصر واللهـ إنهم أخف منهـ بمليون طعش مرهـ !! ~

بالتوفيق إن شاء اللهـ ،، شكرًا لكـ ~

اخواني هذي حالة نفسية لدى البعض من الجماهير المتعصبة والحالة لها درجات متفاوته في منهم ( مزق النقود ) ( وذبح الحاشي كا قربان لسدني ) ليس تقرب لله لان التقرب لله بالفرح للمسلمين وليس العكس هذي حالة نفسية شديدة القوة -- لنفرض ان الهلال حقق البطولة سوف يحدث لهم صدمة قوية ربما تؤدي إلى الموت .
اما البقية حالة نفسية متوسطة يمشون حسب التوجيه دون التأكد من التصرف او مايترتب عليه التصرف ( مع الخيل ياشقراء ) لايعلمون ولا يفقهون شيئ انما معاهم معاهم عليهم عليهم ( إمعه ) فهؤلاء مساكين مغلوب على امرهم أعلامهم يغرر فيهم ويقودهم إلى ( المسكنة وانهم مظلومون ، وان البطولات سلبت منهم ..... الخ ) ليدفنوا فشلهم او تقصيرهم فيضعون اما جماهيرهم هذه الأسباب ليتناسوا موقعهم ووضعهم الطبيعي .
عموما تعتبر هذا المسالة خطيرة على المجتمع وخصوصا ( المراهقيق ) يبحثون على الشهره فيقومون بعمل اي شي حتى يقولون فلان سوى كذا وسوى كذا ماهمهم النتائج المهم انه فعل فعلته .

المراهقين -- لاتستطيع التحكم بهم سواء هلالي نصراوي اهلاوي اتحادي سيستمر الصراع والتحديات والتعديات على البعض باي وسيلة كانت ليطفئ ما بداخله ..... المجتمع في خطر بسببهم ....حمانا الله واياكم من الفتن .... ودمتم ..