* مئات المرات حضرت مباريات الزعيم الهلالي لهدف التشجيع والمؤزرة لكن مع الأسف في كل مره تتكرر بعض المشاهد التي نلاحظها على بعض الجمهور الهلالي بالمدرجات وهي صنفين لا فائده منهم :

1 _ جمهور الفصفص : وهذا خاش جو مع الفصفص وتلقاه جايب معه كيلو بجيبه ، تجده ملتزم الهدوء على الكرسي ووجوده مثل عدمه .
2 _ جمهور التكية : والصنف هذا اخطر نوع بالمدرجات لانه مايسمح لك تشجع وتوقف وتجده كل مره يقولك : اخوي لوسمحت اجلس خلنا نشوف .. ومن كثر ماسمعتها حسسوني اني مجنون ويخلوني استحي واجلس وهكذا انا معهم في سجال حتى تنتهي المباراة ..

الان حان الوقت ان اقول لكم ياجمهور الفصفص و" لوسمحت اجلس خلنا نشوف " استريحو بمنازلكم هلالنا لايريدكم يوم السبت ابقوا بمنازلكم يابشر ..
الهلال يوم السبت بحاجة لجمهور يظل واقف طوال المباراة يهتف يصفق يزئر كالاسد ليرعب الخصم ..
الموقف صعب صعب جداً والتحديات من الاعداء تزداد فتكفون احضروا لتشجيع فقط مانبي جمهور يتفرج

ملاحظة وقت المباراة 90 دقيقة مهما كانت الظروف استمروا بالتشجيع ومايوقف


طلبتكم قولو تم

وانشروا رابط الموضوع بتويتر والوتساب للجمهور الهلالي

بسم الله والصلاة والسلام على رسول الله

الحمد لك ربنا على كل شيئ

اللهم لاحول لنا ولا قوة الا بك

بذل اللاعبون الجهد ولم يتوفقوا

وبإذن الله السبت القادم بإذن الله ربنا يكرمنا ونحقق السابعة بإذن الله

لذا لاتلتفتوا لفئة والله لاتريد خيرا بالزعيم وجماهيره وسيخذلهم ربي يوم السبت القادم وستذهب مجهوداتهم ادراج الرياح بإذن الواحد الأحد

واخيرا لاينقطع الدعاء
لاينقطع الدعاء
لاينقطع الدعاء
فأنتم تدعون رب كريم رحيم يسأل عن عباده هل من تائب فأتوب عليه هل من مستغفر فأغفر له
سبحانك ربنا ما أعظمك اللهم سهلها ياكريم يوم السبت
وفرح عباد لك يدعونك بالليل والنهار
اللهم اكرمهم بهذه البطولة يارب

انتم الأولى من جمهور الفصفص
اذا قالوا لكم اجلسوا لاتردون عليهم
واذا ماتزلزل استاد الملك فهد يوم السبت متى ناوين تزلزلونه ؟؟؟

ممنوع الجلوس وقت المباراة ... جاين نشجع مو نتكي ونقلبها سيلفي.

واللي يبغى يجلس في مقاهي وفي شاشة برا الملعب ... الله لايهينك حول عليهم وتكي وحط رجل على رجل

اي احد يقولك اجلس ... قله انا جاي اشجع مو جاي عشان احط رجل على رجل ...

والله يا الطيب هذا من حقهم ولا تقدر تمنعهم! المطالبين بالوقوف هم من حول الرابطة وهذا في كل الاندية محليا وخارجيا

شخصيا ودي الجمهور كله يتفاعل لكن اذا جاء احد وجلس ويبي يفصفص هذا احد حقوقه ما تقدر تقول له شيء

وواقعيا خلال حضوري لمباريات الهلال الجمهور الهلالي والرابطة يتفاعلون مع الاهداف واذا كانت المباراة لصالحهم او بداية المباراة لكن ان كانو خسرانيين يقل الحماس والتشجيع بشكل ملاحظ

وهذا يعود لعدة اسباب
- الحضور المبكر اللي ينهك الجماهير
- ضعف الرابطة واهازيجها ولا يوجد قائد فعال يحرك الجماهير من الرابطة

يعني اذا المباراة من صالح الهلال خذ لك تشجيع وحماس ولا اي نادي اسيوي يصير مثل قوة تشجيعنا

وكذلك جماهير الجحلط وهي الجماهير السلبيه من الاندية الاخرى المندسه نتمنى لهم مشاهدة ممتعة في منازلهم وعدم الذهاب للملعب لان الدبغ في انتظارهم

الله يعطيك العافية وبالتوفيق للزعيم

ياناس تدرون لو نفوز السبت وش بيصير فيني اقسم بالله بصيح بطامر بنهبل
ياااارب الكأس هلالي يارب فرحنا السبت ياررررب اني رجيتك لا تخيب رجاي

قلت الكلام الي بخاطري من جماهير الفصفص ولو سمحت اجلس

90 دقيقه هذي اخر جهد في البطوله الاسيويه وعلى النهائي اذا تبي تجلس وتفصفص برا الملعب

فيه شاشات اجلس وفصفص على كيفك ، بس داخل الملعب الجميع بيقلب الملعب زلزال واذا

واذا ماتبي توقف الاولى تخلي الكرسي طبله لغيرك

أسأل الله العظيم رب العرش الكريم ان يوفق الهلال في تحقيق النسخه الحاليه لبطولة آسيا

أسأل الله العظيم رب العرش الكريم ان يوفق الهلال في تحقيق النسخه الحاليه لبطولة آسيا

أسأل الله العظيم رب العرش الكريم ان يوفق الهلال في تحقيق النسخه الحاليه لبطولة آسيا

أتمنى من مجلس الجمهور اللي اثق انه بعد عوان الله يسعى الى اخراج المدرج اخراج رائع يكون كفيل بشحذ همم اللاعبين وجعلهم في تحدي مع أنفسهم وسعي في رد الدين للجمهور ...
فأتمنى كتابة تعليمات عن الطرق اللي بتتخذ في التشجيع مع تقسيم الوقت وفي الوقت هذا بنسوي كذا او ينقول كذا في ورق مطبوعة ووضعها على كل كرسي وتقسيم كل مدرج لمربعات وكل مربع له مسئول ويقود هذا المربع مع استخدام الجوالات ووضع السماعة في الإذن ويكون التواصل سهل بين قائد الرابطة وقائد كل مجموعة وقائد كل مدرج
لان في مدرجات بعيده عن الرابطة ما تدري ايش اللي يصير ما غير تسمع صوت

إقتباس الرسالة الأصلية كتبت بواسطة Riyadh Knight والله يا الطيب هذا من حقهم ولا تقدر تمنعهم! المطالبين بالوقوف هم من حول الرابطة وهذا في كل الاندية محليا وخارجيا شخصيا ودي الجمهور كله يتفاعل لكن اذا جاء احد وجلس ويبي يفصفص هذا احد حقوقه ما تقدر تقول له شيء وواقعيا خلال حضوري لمباريات الهلال الجمهور الهلالي والرابطة يتفاعلون مع الاهداف واذا كانت المباراة لصالحهم او بداية المباراة لكن ان كانو خسرانيين يقل الحماس والتشجيع بشكل ملاحظ وهذا يعود لعدة اسباب - الحضور المبكر اللي ينهك الجماهير - ضعف الرابطة واهازيجها ولا يوجد قائد فعال يحرك الجماهير من الرابطة يعني اذا المباراة من صالح الهلال خذ لك تشجيع وحماس ولا اي نادي اسيوي يصير مثل قوة تشجيعنا

لا مو من حقه
مباراة السبت للقتال والدعم وليست للفرجه
اللي بيتفرج يجلس في بيته ويشوفها وبتعليق بعد
الهلال محتاج جمهور داعم مو جمهور متكي وياكل فصفص !!!
الحضور مجاني يعني فيه الف واحد يتمنى هالمقعد غير الاخ اللي وجوده مثل عدمه
لا يحجز مكان غيره احق و ( انفع ) للفريق منه

واهم شي الجمهور يرتاح وياكل ويشرب اللي يبي لحد بداية المباراة
بعدها يطلع كل ذرة حب وعشق ودعم للفريق بداخله

هذا الكلام الصحيح كفووووو ياكاتب الموضوع وربي ماذبحنا غير لو سمحت اجلس بشوف وحقين الفصص
اللي ريحته تزكم الانوف وتفقع الرأس ...


نبي وقوف طوال المباراة مافيه جلوس اي احد يبي يجلس عندك المقاهي والبيت اجلس وتقهوى على راحتك
بالملعب لا..

1 _ جمهور الفصفص : وهذا خاش جو مع الفصفص وتلقاه جايب معه كيلو بجيبه ، تجده ملتزم الهدوء على الكرسي ووجوده مثل عدمه .

حرام عليك أنا مدمن فصفص
بس ترى اكل على حسب الدفعات هههههههههههه
يعني أكل دفعه وحده 10 دقايق اصفق واتنكس
و5 دقايق آوقف وأكل دفعةه ثانيه و10 دقايق أصفق

يعني لو الدفعة الاولى فيها 10 حبات ب'10 دقايق و5 دقايق دفعة ثانيه يعني 30 دقيقة أشجع و15 اوقف
وفترة الوقوف احسب طيحة لاعب دقيقتين وتأخر الحآرس بضربة مرمى 3 دقايق
وأحسب كم فاول بالشوط الاول تطلع 10 دقايق

يعني 45 دقيقة اشجع وانا اكل فصفص.

يعني أكل فصفص وغيري مآياكل ولا يصفق مثلي