السلام عليكم ورحمة الله وبركاته

صباح الخير
صباح الكأس
صباح السابعة


في الحقيقة من خلال حضوري بمباريات الهلال الجماهيرية مجلس الجمهور لم يقصر
ويأدي ادوار جدآ جميلة ويشكر عليها ولكني اقترح عليه بالمباراة النهاية اقتراح بسيط
وسهل وهو من يجعل الجمهور في هيجان وتشجيع طوال المباراة:


توزيع عدد 300 من مجلس الجمهور او الجمهور المتعاون على اجزاء الملعب
بحيث يكون في الواجهة بالمدرج السفلي الرابطة ومعها جمهور لايقل عن 50
وفي المدرج العلوي على الطرف الايمن من 20 الى 30 مشجع متجمعين جنب
بعض وفي اليسار نفس العدد وخلف المرميين نفس العدد وبجنب المنصه من
الطرفين نفس العدد ..

ويكون هذا العدد المتوزع على ارجاء الملعب متجمعين في كل جزء جنب بعض
مثل الالتراس ويكونون واقفين طول الوقت تشجيع وصراخ وتصفير واقسم بالله
لكم ان كل جزء في الملعب راح يهيج ويقفون ...

هذي الطريقة سهلة وبسيط تطبيقها ... بدلآ من التركيز بس على الواجهة
لان الرابطة في الواجهه لوحدها لاتكفي امام حشد جماهيري لايقل 70 الف
ومن سلبيات هذا الشي يكون جمهور الهلال على الصامت طوال المباراة
لأن التركيز فقط على الواجهة..



اتمنى من كل اعضاء مجلس الجمهور الانتشار على اجزاء الملعب وتكوين
التراس في كل جهه ... والكل يتذكر ان لمن يكون مشجع واحد خلف المرمى
يقول ياهلال ويصراخ يتفاعل معه الجمهور فما بالكم بثلاثين بصوت واحد
واقفين طوال المباراة...


اطلب من كل الجمهور الهلالي الوقوف طوال المباراة مانبي جلوس
ولا احد يزعل لمن نقف ونغطي عليه.. للجالسين تبي تجلس يرحم والديك
تفرج بالبيت ولا تجي الملعب احنا جايين لتشجيع والوقوف طوال المباراة
شوفوا عندكم جمهور وسترن سدني رقم قلة العدد الا انهم طوال المباراة
واقفين محد قال اجلسو نبي نتفرج تفرج بمقهى بالبيت بي مكان الملعب
هو للموج الازرق وهدير الاسود والرقم الصعب وكنز الملاعب ..



وشكرآ لكم: