انا مستغرب من بعض الردود ينتقدون لاعب اجتهد وحاول ولكن اعينهم ابتعدت عن اللاعب الي لم يفعل شي ياسبحان الله
ياشباب انتم ملاحظين ان الهلال اليوم جالس يلعب بـ10 لاعبين فقط
تدرون مين الاعب الي وجوده مثل عدم في هذه المباراة
هو تياقو نيفيز
لايشارك في الكرات وهو صانع العاب ولم يصنع اي كوره ولم يمرر اي كوره صحيح ولا احتك مع اي لاعب استرالي ، مجرد تنقطع الكوره منه يتركهم يرتدون علينا ولا يفتح العب لزملائه مجرد يلعب ع الواقف وانا مستغرب من ريجي لي ماطلعه من بداية الشوط الثاني لان نفيز من نهاية الموسم المنصرم لم يفعل شي من المطلوب منه وحسب مكانته وقيمته المادية ولكن صبرنا عليه طيلة المباراة لعل نشاهد فاول ويجيب لنا هدف وينهي المباراة ولكن بالاخير حتى بالفاول كورته تصتدم بالمدافعين .
اتمنى من ريجي والادارة والجمهور ملاحظة الذي يحدث لنيفيز داخل المبااريات واذا كان وجوده فقط مجرد اسم لاعب بالملعب نطالب بلاعب اخر يحرك الوسط ونستفيد منه بكل كوره
انا من يوم شفته قبل كل مباراة يغرد بتويتر ويهايط غسلت يدي منه خص انه بالملعب مايسوي شي
لاننسى اخر مباراتين مع الشباب والحين وسترن كلها كان مجرد رقم داخل الملعب والاعبين مجرد 10 داخل الملعب استهلكوا طاقاتهم الا هو يلعب ع الواقف .
ولكن الاعبين والله الف الف الف كفو بيضوا الوجه بالمباراة وعملوا الي عليهم ولكن نقص الحظ وان شاءالله الرد بالرياض 3 - 0 بادن الله وانا اول الحاضرين بالملعب ومساندة زعيمنا زعيم اسيا
وشكراً لطرح هذا الموضوع

إقتباس الرسالة الأصلية كتبت بواسطة wdrago فقط تسأول عن نفيز مع سامي كان ينافس على الهداف ومع ريجي لاأعلم ماذا حصل له

انت تعجبني والف نجمه لتفكيرك العقلاني من جد
عند الهزايم الجماهير تروح بعيد بنقدها ويتركون الاساسي
وهذا الكلام الصحيح اين نيفيز طوال المباراة وهذا الموسم بالكامل ولاتنسوا انه محترف وكذلك قيمتة المادية
نتمنى من ريجي حل هذه المشكلة قبل النهائي او لا يلعب بالنهائي ونستفيد من غيره

إقتباس الرسالة الأصلية كتبت بواسطة طربان الزعيم يعني 3 - 3 من مباراتين يتاهل سيدني

لا يتأهل الهلال لان النتيجة تكون 3 - 2 ، واذا قصدك الهدف بهدفين هذا بس في حالة تساوي الاهداف.

اتمنى طرد نيفيز وجلب مهاجم اجنبي فقط

إقتباس الرسالة الأصلية كتبت بواسطة ياسر الجفالي الله لايرده فرص بالجملة وأنانية يجي الليأفضل منه بمراحل إن شاء الله

كلام سليم نرجوا من ريجي عدم مجاملة نيفيز على حساب الفريق وفعلن نفس الهبوط بالمستوى الي حصل لنيفيز قبل مايروح للبرازيل والان عادت له الحاله
هذا لازم يجرب دكة البدلاء الين يتسنع واذا ماتسنع غير مليون من المحترفين

صراحه كنت متوقع النتيجه من امس والفوز للهلال في الرياض بإذن الله
من ناحية المباراة الزوري تعب الفريق لاعب لايجيد ابجديات اللعب اتمنى نجد ظهير محلي افضل
اتوقع لو كان يوجد ظهير غير الزوري وحصل على نفس الفرص كان انتهت المباراة بنتيجه لاتقل عن ثلاثه للهلال
المدرب استغربت كيف ينزل الفرج واللاعب له تقريبا شهر مالعب ونواف كان جاهز وكان متأخر في التبديلات

أسأل الله العظيم رب العرش الكريم ان يوفق الهلال في تحقيق النسخه الحاليه لبطولة آسيا

مباراة الرد الفرج وناصر احتياط وفي حال تقدمنا وترك ملعبه الخصم ينزل ناصر فهو لايفيد الا بالمرتده والا وجوده مثل عدمه

إقتباس الرسالة الأصلية كتبت بواسطة دمي أزرق ! صدقوني لو يبيها ( قول وفعل ) لاعبي الهلال بيجيبون البطولة حتى من دون هالمدرب ـ بعد مشيئة الله .... بحتاج الهلال لخطف الكأس لإراحة سالم الدوسري ـ يكفينا عك كروي والإيقاء على نيفز في دكة الإحتياط والزج بالشلهوب كـ صانع لعب أو حتى العابد كجناح صانع وياسر خلف الشمراني مع عدم تقدم الأظهرة .....

ياسر !!!!!

ناوي تجلطنا يكفينا الزوري القنبله الموقوته

ياسر وزنه زايد مو قادر يشيل رجوله والحل مع الاستراليين السرعه ! صدقني لو لعب ياسر

اعتبره خامس مدافعي سدني !!

بالعكس
الزوري قدم مباراة ممتازة

يالربع فرص وضاعت

وباقي فيه فرصة كبيرة للهلال في الرياض
غير ذا الكلام مانبي نسمع

واذا خسرو اللفب الأسيوي سننقد وبقوة الجميع

والله ازعجونا بعض الي يقولون انهم متابعين الفريق الاسترالي
وخوفونا على الفاضي انا قلت فريق مرعب ولما بتدا الشوط
وشفت الاستحواذ لفريقنا عرفت انهم فريق فاشل بس من الي
افشل منه برايكم ...(ريجيكامب ) مدرب الفلته الي اقلقونا فيه ليل نهار يعني انت قاعد تشوف استهتار اللاعبين بتضيع الفرص
وقله المهاجمين دخل مهاجم ثاني ... لكن عبث مبسوط بالنتيجه
ولا غير الا اخر10 دقايق .

المهم البطوله بالنسبه لي طارت .. سيدني راح يجي الرياض
بعشرين مدافع مو 11

ارجوا عدم حذف ردي او شطب حسابي

متفائل في الاياب لكن اتمنى ان ريجي يفكر يزيل الضغط من الشوط الاول بالهجوم ولا غير الهجوم هي فرصه للعمر يا هلال

إقتباس الرسالة الأصلية كتبت بواسطة هلالي الهوى ..! ياسر !!!!! ناوي تجلطنا يكفينا الزوري القنبله الموقوته ياسر وزنه زايد مو قادر يشيل رجوله والحل مع الاستراليين السرعه ! صدقني لو لعب ياسر اعتبره خامس مدافعي سدني !!

يعني نفعوك أوزان الريشة أمثال سالم الدوسري
ومانفعتنا سرعته , ماشاء الله يسبق الكورة وياطاها بعد

مشكلة المدرب مايلعب الا بمهاجم واحد ويدور على الفوز

والله ان تكتيك بعض الجماهير افضل من تكتيكه

مستوانا صح مطمئن بس وين الاهداف !

ليش يرتبكون اذا دخلوا منطقة الجزاء !

ليش اذا وصلو لمنطقة الجزاء ما يقررون يشوتون الا اذا اجتمعوا عليهم الدفاع !

إقتباس الرسالة الأصلية كتبت بواسطة دمي أزرق ! يعني نفعوك أوزان الريشة أمثال سالم الدوسري ومانفعتنا سرعته , ماشاء الله يسبق الكورة وياطاها بعد

بالوقت الحالي شتان بين الاثنين ومقارنه ظالمه

ع الاقل سالم الدوسري بحركته بركه

يكفي يزعزع الدفاع وينرفز الخصم بمهاراته وتذكر الكرت الاحمر حق جيان

اما ياسر مستواه الحالي سيئ ثقيل ويقتل الهجمه

اتمنى من كل قلبي يرجع لمستواه او يقرر الاعتزال ويحفظ تاريخه المشرف