انا مستغرب من بعض الردود ينتقدون لاعب اجتهد وحاول ولكن اعينهم ابتعدت عن اللاعب الي لم يفعل شي ياسبحان الله
ياشباب انتم ملاحظين ان الهلال اليوم جالس يلعب بـ10 لاعبين فقط
تدرون مين الاعب الي وجوده مثل عدم في هذه المباراة
هو تياقو نيفيز
لايشارك في الكرات وهو صانع العاب ولم يصنع اي كوره ولم يمرر اي كوره صحيح ولا احتك مع اي لاعب استرالي ، مجرد تنقطع الكوره منه يتركهم يرتدون علينا ولا يفتح العب لزملائه مجرد يلعب ع الواقف وانا مستغرب من ريجي لي ماطلعه من بداية الشوط الثاني لان نفيز من نهاية الموسم المنصرم لم يفعل شي من المطلوب منه وحسب مكانته وقيمته المادية ولكن صبرنا عليه طيلة المباراة لعل نشاهد فاول ويجيب لنا هدف وينهي المباراة ولكن بالاخير حتى بالفاول كورته تصتدم بالمدافعين .
اتمنى من ريجي والادارة والجمهور ملاحظة الذي يحدث لنيفيز داخل المبااريات واذا كان وجوده فقط مجرد اسم لاعب بالملعب نطالب بلاعب اخر يحرك الوسط ونستفيد منه بكل كوره
انا من يوم شفته قبل كل مباراة يغرد بتويتر ويهايط غسلت يدي منه خص انه بالملعب مايسوي شي
لاننسى اخر مباراتين مع الشباب والحين وسترن كلها كان مجرد رقم داخل الملعب والاعبين مجرد 10 داخل الملعب استهلكوا طاقاتهم الا هو يلعب ع الواقف .
ولكن الاعبين والله الف الف الف كفو بيضوا الوجه بالمباراة وعملوا الي عليهم ولكن نقص الحظ وان شاءالله الرد بالرياض 3 - 0 بادن الله وانا اول الحاضرين بالملعب ومساندة زعيمنا زعيم اسيا
وشكراً لطرح هذا الموضوع

اتمنى طرد نيفيز وجلب مهاجم اجنبي فقط

صراحه كنت متوقع النتيجه من امس والفوز للهلال في الرياض بإذن الله
من ناحية المباراة الزوري تعب الفريق لاعب لايجيد ابجديات اللعب اتمنى نجد ظهير محلي افضل
اتوقع لو كان يوجد ظهير غير الزوري وحصل على نفس الفرص كان انتهت المباراة بنتيجه لاتقل عن ثلاثه للهلال
المدرب استغربت كيف ينزل الفرج واللاعب له تقريبا شهر مالعب ونواف كان جاهز وكان متأخر في التبديلات

أسأل الله العظيم رب العرش الكريم ان يوفق الهلال في تحقيق النسخه الحاليه لبطولة آسيا

مباراة الرد الفرج وناصر احتياط وفي حال تقدمنا وترك ملعبه الخصم ينزل ناصر فهو لايفيد الا بالمرتده والا وجوده مثل عدمه

والله ازعجونا بعض الي يقولون انهم متابعين الفريق الاسترالي
وخوفونا على الفاضي انا قلت فريق مرعب ولما بتدا الشوط
وشفت الاستحواذ لفريقنا عرفت انهم فريق فاشل بس من الي
افشل منه برايكم ...(ريجيكامب ) مدرب الفلته الي اقلقونا فيه ليل نهار يعني انت قاعد تشوف استهتار اللاعبين بتضيع الفرص
وقله المهاجمين دخل مهاجم ثاني ... لكن عبث مبسوط بالنتيجه
ولا غير الا اخر10 دقايق .

المهم البطوله بالنسبه لي طارت .. سيدني راح يجي الرياض
بعشرين مدافع مو 11

ارجوا عدم حذف ردي او شطب حسابي

بالعكس
الزوري قدم مباراة ممتازة

يالربع فرص وضاعت

وباقي فيه فرصة كبيرة للهلال في الرياض
غير ذا الكلام مانبي نسمع

واذا خسرو اللفب الأسيوي سننقد وبقوة الجميع

متفائل في الاياب لكن اتمنى ان ريجي يفكر يزيل الضغط من الشوط الاول بالهجوم ولا غير الهجوم هي فرصه للعمر يا هلال

مشكلة المدرب مايلعب الا بمهاجم واحد ويدور على الفوز

والله ان تكتيك بعض الجماهير افضل من تكتيكه

مستوانا صح مطمئن بس وين الاهداف !

ليش يرتبكون اذا دخلوا منطقة الجزاء !

ليش اذا وصلو لمنطقة الجزاء ما يقررون يشوتون الا اذا اجتمعوا عليهم الدفاع !

إقتباس الرسالة الأصلية كتبت بواسطة (أتاري) مشكلة المدرب مايلعب الا بمهاجم واحد ويدور على الفوز والله ان تكتيك بعض الجماهير افضل من تكتيكه مستوانا صح مطمئن بس وين الاهداف ! ليش يرتبكون اذا دخلوا منطقة الجزاء ! ليش اذا وصلو لمنطقة الجزاء ما يقررون يشوتون الا اذا اجتمعوا عليهم الدفاع !

اخوي قصه المهاجم الواحد كل العالم يبون يقلدون برشلونه المصيبه ينسون من في هجوم برشلونه
كل واحد يحسب عنده ميسي قدام

صدقني لو لعبنا بماهجمين حتى لو مزهريه كان فايزين ب5

لكن شنقول بهالمدربين

الفريق قدم مستوى ممتاز .. كلنا لاحظنا كيف الثقه بين اللاعبين ،،، تعودنا من لعيبتنا يضيع التركيز عندهم اذا قابلو الاستراليين !!!! ،،، ... المستوى ذا لو يستمرون عليه المباراه القادمه ،،،الاسباب وموجوده ماننتظر اللا التوفيق ،،،،. والتوفيق من عنده الله ،،،، واللا كيف نقول حنا موؤمنين بالقدر ،،،،،
شفنا بايرن ميونخ كيف راح عليهم النهائي 2012 من امام تشيلسي المتهالك !!!

النتيجة اعتبرها جيدة في ظل عدم معرفتنا بفريق سدني الكره الآن بيد لاعبين الهلال عرفوا الفريق الخصم احتكوا معه صحيح الفريق الأسترالي أجسام لاعبيه جيدة ولاكن لاعبي الزعيم يتفرقون عليه بالمهارة أن شاء الله القادم أحلا

إقتباس الفريق قدم مستوى ممتاز .. كلنا لاحظنا كيف الثقه بين اللاعبين ،،، تعودنا من لعيبتنا يضيع التركيز عندهم اذا قابلو الاستراليين !!!! ،،، ... المستوى ذا لو يستمرون عليه المباراه القادمه ،،،الاسباب وموجوده ماننتظر اللا التوفيق ،،،،. والتوفيق من عنده الله ،،،، واللا كيف نقول حنا موؤمنين بالقدر ،،،،،

هذا الكلام اللي يجيب العافية

الشمراني متكئ بين المدافعين يااخي اسحب معك مدافع عن المنطقه وضع الفرصه لنيفيز يدخل ويسدد ولا يعرف لهالاسلوب غير ياسر ان شاءالله اساسي في المباراه القادمه (القحطاني مطلووووووووووووووب)