السلام عليكم ورحمه الله وبركاته،،،
الحمدلله اشتريت تذاكر المباراه وهذه اهم النقاط:
1- ملعب استاد الشيخ هزاع بن زايد بالعين هو المصدر الوحيد لبيع تذاكر المباراه
2- يبدأ العمل ببيع التذاكر يوميا ماعدى يوم المباراه من الساعه 5 عصرا وحتى 11 مساء، بجوار بوابه رقم 1
3- تذاكر جمهور الهلال غير متوفره للبيع في شباك التذاكر والسبب ان عضو شرف الهلال الأمير سعد اشترى جميع التذاكر، عاد وين راح تتوزع ماعرف بس الاخ في الرد السابق وضح ذلك.
4- تقدر تروح وتشتري تذكره وتكون مع جمهور العين او في اي بي او عائله اذا معك عائله ولكن راح يطلب منك من شباك التذاكر بمنع لبس او حمل اي شي يخص فريق الهلال (ماحبيت هالحركه منهم) وسعر التذاكر يبدأ من 10 درهم الى 500 درهم.
5- العين تبعد بالسياره ساعه تقريبا سواء من دبي او ابوظبي والطريق سهل ورايق والملعب في مدينه العين جدا سهل الوصول له.
6- اعجبني جمهور العين اللي شفته في شباك التذاكر، قمه في الرقي والاحترام ويوم عرفوا اني من جمهور الهلال قدموني في الطابور. شعب راقي وجمهور ارقى
7- تكفون للي يبي يحضر انتبهوا بالطريق ولاتسرعون والله ماتسوى لا المباراه ولا الف مباراه غيرها دمعه من يغليكم وينتظر رجعتكم، وتكفون خلونا سفراء الوطن ونادي الهلال باحترامنا لانفسنا اولا وللبلد والفريق المستضيف ثانيا.
وعقبال ماخبركم ان شاء الله بمكان بيع تذاكر المباراه النهائيه سواء بسيدني او سيول
الوضع المتطور
