شاعر وانا في خدمة الشعب والدار وامثل بلادي في اي خدمه بقلمي / عبدالله النامي - نادي الهلال السعودي - شبكة الزعيم

كريزي · #1 21/09/2014, 07:01 PM

السلام عليكم ورحمة الله وبركاته

جماهير الزعيم عذرا جماهير الوطن عامه بمناسبة اليوم الوطني ويوم الفرح والسعاده والامن والامان وعساه دايمه الفرحه يارب وعسا الله لايغير علينا وعلي الاسره الحاكمه وعسا الله يطول بعمر خادم الحرمين الملك عبدالله بن عبدالعزيز ويمده بالصحه والعافيه ويجعله خير قائد للامه الاسلاميه ويحفظ ولي عهده ونائبه ويجعلهم خير خلف لخير سلف
نعم انا في منتدايي شبكة الزعيم ومن الاعضاء القديمين المعمريين في الشبكه واعرف القوانين والانضمه ولا اتعدا عليها باذن الله ودايما ادعم ناديي من خلال هذا المنتدا العظيم واحاول بالي يقدرن الله عليه من تشجيع في بعض الردود او في بعض المواضيع والقصائد بقلمي الفوشي ولاكن هذا اليوم نحن مقبلين بالاحتفال في يوم كل مواطن يحب بلاده فيه يحاول رد المعروف والجميل لهذا الوطن الغالي وانا اليوم موضوعي هو عن وطني المملكه العربيه السعوديه وقصيده خاصه بالوطن وفضلة اكتب هذي القصيده بمنتداي ومنتدا نصف الشعب السعودي منتدا شبكة الزعيم واقول في القصيده

شاعر وانا في خدمة الشعب والدار ...
وامثل بلادي في اي خدمه ...

واكتب حروف قلته بعزم واصرار ...
واسطر حروفي له بكل ذمه ...

جندي وانا في خدمة الشعب مغوار ...
ويفدا الوطن روحي ويفداه دمه ...

حنا عيال رجال ابطال واحرار ...
حتي لو انه ماعلي الكتف نجمه ....

ايه الوطن حنا له دروع واسوار ...
ونحميك يابلادي بعزم وهمه ...

ومن حاول انه ياوطن يشعل النار ...
يشرب من الدله وقوده وسمه ....

دار السعوديه يادار الاخيار ...
دار لها في عالي المجد قمه ...

قال الجباري بالوطن غربه ودار ...
لا والله انه ماصدق في متمه ...

انا علي بلادي من روحي اغار ...
وادعيك بغلا شي واقول يمه

يادارنا لو صار وش صار ماصار ...
يبقي عدوك انت خاله وعمه ...

LOR][/SIZE]

20عاشق الكنق20 · #2 21/09/2014, 07:04 PM

صح لساااانك
كفو

ومن حاول انه ياوطن يشعل النار ...
يشرب من الدله وقوده وسمه ....

يادارنا لو صار وش صار ماصار ...
يبقي عدوك انت خاله وعمه ...

كريزي · #3 21/09/2014, 07:20 PM

صح بدنك وقلبك وروحك الله يحفظك ويطول عمرك

كفوك الطيب

المخلص دائما · #4 21/09/2014, 10:36 PM

صح لساانك
ويستاهل الوطن اكثر ,,وفقك الله وشكرا لك

ابوخالد2011 · #5 22/09/2014, 01:23 AM

صح لسانك وتسلم ياغالي .....................

كريزي · #6 22/09/2014, 11:55 PM

صح بدنك يسلم غاليك ومغليك ابو خالد

كريزي · #7 22/09/2014, 01:57 PM

المخلص دائما صح بدنك الله يوفقك ويوفق الجميع

الهلال الزعيم 100% · #8 22/09/2014, 02:04 PM

صح لسانكـ وعلا شانكـ ~

أبيات راقيهـ كالعادهـ خصوصا من هالبيت إلى آخر القصيدهـ ^~^

جندي وانا في خدمة الشعب مغوار ~
ويفدا الوطن روحي ويفداه دمهـ ~

ربي يديم الأمن والأمان ع الخليج عامهـ والسعوديهـ خاصهـ ~

وعقبال ما نشوف لكـ قصيدهـ مثلها بمناسبهـ حصول ممثل الوطن ع كأس آسيا ^~*

اللهـ يعطيكـ العافيهـ ،، وبالتوفيق للجميع إن شاء اللهـ ~

كريزي · #9 23/09/2014, 11:20 AM

صح بدنك اخوي( الهلال الزعيم )والله يرفع قدرك وشانك
باذن الله القصيد موجود ونحاول باذن الله جاهدين نرضي الذوق العام وان شاء الله بدعمكم وتشجيعكم لي اكيد انه يزيد حماسي عكس اذا مالقيت تشجيع احباط لنفسيه ولاكن انشاء الله. والا اكيد ان الهلال عشقي واكيد اني بتغزل بمعشوقي سواء للقيت التشجيع والدعم او العكس وان شاء الله احاول جاهدا بدعم نادي الملكي بالي اقدر عليه من حضور ومؤازره والله يقدرنا بالي نقدر عليه
الف شكر لك علی مرورك وكلامك الحلو اسعدني كثير الله يوفقك

ملكي عفيف · #10 24/09/2014, 08:48 AM

صح لسانك ي شيخ
أبوك شاعر وأنت شاعر
قصيدددة رائعة جدآ
كالعادة يعجبنا القلم الفوووشي و راعيه بعد
صح الله لسانك
استمررررررررررر ي مبدع

كريزي · #11 24/09/2014, 03:50 PM

صح بدنك ملكي عفيف الله يرحم الوالد ويرحم موتا المسلمين تسلم يالغالي

كلامك عسل واحلي من العسل وماهي غريبه وانت شيخ ولد شيخ

GLVAR · #12 24/09/2014, 03:54 PM

صح لسانك وان شاء الله نسمع شيء من شعرك اذا فاز الهلال باسيا

كريزي · #13 25/09/2014, 01:30 AM

صح بدنك جلفار ان شاء الله يارب الله يوفق الهلال