بسم الله الرحمن الرحيم
السلام عليكم ورحمة الله ::p
كيف حالكم ياشباب
قريت مواضيع وتصريحات بعض الشباب عن الاحداث اللي حصلت الايام هاذي واحب اتكلم عنها باللي اشوفه انا وكل واحد له وجهة نظر طبعاً _(والاختلاف في الراي لايفسد في الود قضية) والا ياشباب
أولاً:
ART وما صاحبها من هالة اعلامية:
الكل يعرف ان art قنوات رياضية متميزة والاخراج رائع والتحليل لابأس به والتعليق (لا تعليق!!!!) غير عدنان حمد وحازم الكاديكي والبقية اشباه معلقين
ولكن الجود من الماجود فلو افترضنا ان art صدقت التوقعات وحصلت على حقوق الدوري الاسباني والشامنبيز ليق ستكون هي المتعة الحقيقية صدقوني لماذا؟ لان الدوري الانجليزي والاسباني والالماني وكأس ايطاليا والبطولة العربية والبطولات الافريقية والشامبيز ليق سيكون في اشتراك واحد فقط والمعروف ان ارخص باقة لل art بـ79 ريال وسيشترك الشخص لمدة سنة (79*12=948) ريال فقط لاغير يابلاش يعني لو قلنا ان اقل دخل بين العاملين عندنا الطالب الجامعي يستلم اقل شي 1000 ريال يقدر يجيبه زي السلام عليكم
والآرتي صراحة شهادتي فيهم مجروحة أسأل مجرب ولا تسأل طبيب.
لكن ولكن ولكن
أذا لعب صالح كامل بذيله وطلع قناة متخصصة للدوري الاسباني وقناة متخصصة لابطال اوروبا والتصفيات الاوروبية والبطولات الثانية (بالعربي زود قناتين ) وقال الاشتراك خاص ورسوم خاصة وشفرات ومادري ايش من الخرابيط هاذي الله يستر يسويها سكيا)
والعتب على art من ايام كاس العالم بانقطاع البث لازم يطورون الاشتراكات عندهم لان كاس العالم والله ياشباب خمسة ايام راحت بلاش.
وفي الاخير اتمنى من كل قلبي ان تصدق التوقعات وتاخذ art الاسباني والشامبيز ليق.
ثانياً:
انتقال بيكهام وما ادراك مابيكهام الصراحة من اوله انا ماقتنعت باللاعب
هذا احس لاعب عادي على ايش شهرته مادري مانكر ان احسن مافيه رفعاته والفاولات لاكن مهارات عـــــــــــــــــــادي بدرجة كبيرة وبحق انا وياكم اللي يجيبلي موقف لبيكهام سحب بلاعب من مهارات مو حظ يامر باللي يبيه وانا جاهز وفيقو مثله
نفس الطقم ماشوفه الا مثل بيكهام واردى وعلى الاقل الاول يجيب اهداف من فاولات والشكل يشجع انك تناظر لاكن الثاني اللهم لاشمأت وانتقاله لريال مدريد العدو الاول لي لاكن قهر عليهم زيدان احسن وابرك علشان يطلع مانشستر بشكل احسن وشوفو المان الموسم المقبل ان ماهستر بالعالم والقيمة اللي معروضه لبيكهام كثيرة عليه بالعكس هاذي قيمة (الساحر رونالدينيو) وسلامتكم
نقاط هامشية :.;)
1/ الامل كبير بقناتنا الارضية بنقل الدوري الايطالي
الموسم المقبل مباشر مو تسجيل ويفكونا من ابوظبي ونار الشوتايم وياحسافة على علي حميد وعلي الكعبي
2/ الاوربت:p قناة فاشلة بكل المقاييس وياليت حمادة والشتالي والاحمد يطلعون باسرع وقت لart !!!!!!!!!!!!!!!
3/ بطولة القارات هذه المرة بطولة ضعيفة جداً جميع المنتخبات تفتقد لاعبينها الكبار ويوجد منتخبات سياحية درجة اولى بدون ذكر واتوقع اقوى المباريات البرازيل وتركيا والنهائي البرازيل وفرنسا والبطولة للبرازيل بضربات الترجيح مجرد توقع شخصي .
4/ وفي الاخير اشكر الجميع على القراءة ولا تنسون هذه وجهة نظري انا وكل واحد له وجهة نظر ولا تزعلون من بعض الكلام وسلامتكم.
ART وحقوق الاسباني وابطال اوروبا وبيكهام لريال مدريد 
الوضع العادي
