نتمنى التوفيق للزعيم الملكي في المباريات القادمه

كنتو نبون حارس وجاكم الثنيان وفرحتوا والحين نبي العويشير ونبي فلان وفلان ع العموم بخصوص كلمك ع المدرب والرئيس الرئيس لازم يحترم كلام المدرب ولو ما احترمه ما يصر فيه احترافيه اما السديري صعب يلعب مباراه السد والثنيان بطل وقال اخطائي لان تتكرر

السديري السديري نصبر عليه ولو اخطا توه صغير ورده فعله سريعه ومركز ومتحمس طول المباراه

حسستوني ان السديري مستواه خرافي, حارس حرام يكون حارس في الهلال ما تلقاه في العرضيات ولا يملك قدم قوية,

بأختصار حارس عماره.

بنسبه للي يقول
المدرب يعاقب السديري على زيادة وزنه

السديري كان مع المدرب في المعسكر متى زاد وزنه!
وبعدين هو لعب الوديات وكان كويس
بس اخطا في مباراة اتلتكو بلباو وتسجل فيه تم عقابه
يعني مع احترامي للمدرب المباراة الوديه تختلف عن الرسميه
وبعدين كان السديري غير جاهز
لكن بعد المعسكر وكل هالوقت جاي يقول زايد وزنه
ماهو عذر ابد

اجل وش كنتم تعملون في المعسكر اذا اهم حارس غير منضبط وزايد وزنه
وش دوركم

‫عبدالله السديري V.s الاهلي الاماراتي | دوري ابطال اسيا 2014‬‎ - YouTube

عدم وجود السديري يطرح الكثير من علامات الاستفهام صراحة وأعتبر من المجازفة لعب الثنيان لمباراة السد لابد من تواجد السديري

السديري مستبعد بسبب وزنه الزائد ... والثنيان يبي له صبر لاعب جديد عالفريق وراح يبهرنا ابتداء من مباراه السد باذن الله

شوف نوير افضل حارس في العالم ترى هذي بدايته ‫مالودا VS نوير‬‎ - YouTube

مشكلة الهلال الأزلية .. إن اللي يتعاقد مع اللاعبين شكله ماله بالكورة ..
عندك مشكلة قوية في الحراسة .. تجيب الثنيان ! ..
الكسار قدام الهلال قدّم أروع مستوى يمكن لحارس إنه يقدمه .. هذا مهب اختبار له ؟ .. استقعد للهلال في سنتين متتاليتين .. حتى والهلال يفوز يكون الكسار نجم المباراة .. تجي تتعاقد مع الثنيان اللي أحبه وواضح عليه انسان طيب وعلى نياته .. بس الكسار كان أفضل بمراحل .. والأهم إنه هلالي وميوله هلالية و صرّح ولمّح بهالشيء مليون مرة ..

وخذ لك على باقي التعاقدات أمثلة ..
الهلال يحتاج ظهير أيمن .. حسن معاذ يقول أنا هلالي .. ويلبس شعار الهلال .. وماباقي الا يكتب معروض للإدارة .. أو يمكن كتب بعد
المفاوض الهلالي يتجاهله .. ويراكض ورى محور الرائد و لاعبي الاتفاق و مدري من .. ويقدم لهم عروض مليونية .. مع ان حسن معاذ براس خمس لاعبين من هالكديش اللي الادارة تلاحقهم .. بل إن الادارة كادت تسوي مصيبة عظيمة .. وهي التعاقد مع غامدي النصر .. تخيلوا .. غامدي النصر في الهلال ! .. ومبلغ يمكن يفرق خمس ملايين عن حسن معاذ ..

عبدالعزيز الدوسري لاعب انعطب من فترة .. واتحدى .. والأيام بيننا .. إنه يرجع لمستواه .. يمكن بمباراة أو ثنتين يقدم مستوى .. لكن مستحيل إنه يرجع لمستواه السابق وراح يكون صديق العيادة كالغنام .. يلعب مباراتين أو ثلاث بالموسم ممتازات والباقي غايب ..
مع ذلك الادارة تجدد له بمبلغ خمس ملايين بالسنة .. يعني بخمس سنوات 25 مليون .. تقدر تجيب فيها معاذ وانت مغمض .. أو تقايضه بمعاذ ..

الوكاد .. اللي شغال في الهلال واضح انه مهب راعي كورة نهائياً .. اللي غالبية الجماهير الرياضية تطالب بشيء وهو يتبيخص ويسوي شيء ثاني ..

الجماهير غالبيتها كبيرة و مدركة وفاهمة .. والاهم ان الشخص من يطلع من بطن أمه وهو يتابع كورة .. يعني لو هي دكتوراة كان أخذها .. يعرف وش اللاعب الزين واللاعب الشين .. 60 مليون تعاقدات فاشلة و تجديد عقود ماراح تستفيد منها .. والله فيها ثلاث لاعبين سوبر ستار يخدمونك 5 سنوات و أساسيين بعد بعد شخص التخبيص ..

مختصر الكلام إن الثنيان حارس مجتهد لكن مايستحق يمثل الهلال .. وان مثل الهلال فهو يستحق حارس احتياطي أو احتياطي ثاني

من الظلم الحكم على الثنيان من خلال مباراتين الحارس جديد بصراحة ماشفت اخطاء فادحة باستثاء الكرة اللي جاء منها الهدف اتمنى عدم الضغط على الكابتن في هذه الايام قدامنا مباراة آسيوية مهمة والمدرب اعلنها صراحة الثنيان هو الحارس الاول
تقديري لكم
دمتم بخير

جماهير عاطفيه خطا بسيط من الثنيان ينسف مجهوده
المشكله ممكن يتدارك الخطا بالمشاركات القادمه بكل سهوله

بدال ماتلوم الثنيان
لوموا الشهراني اللي اللاعب يمر من جنبه وهو جالس يتفرج
للاسف الشهراني لديه مشكله الزوري وهي الفهاااااوه
غير ان الشهراني سيء للغايه في الظهير الايمن ودائما ماينكبنا بالاحتفاظ بالكوره

لاتعليق بصراحة.

من اول مبارتين اساسية معنا حكمنا عليه !!! .... سلامات.

خطا واحد اللي خطاه طوال 90 دقيقه.

شوية منطق ياكباتن ...هذا بدل ماتدعمونه

الجهاز الفني اعتمد على الثنيان كحارس اول للفريق
وهم الاقرب والادرى بتقييم اداء الحراس

ولم يتبقى الا ايام ويشرع الهلال في كاس دوري اسيا الاهم

من المسؤول عن هز الثقه وزيادة الضغط على الثنيان وتفريق العلاقه بين حراس الهلال ؟

دور الكتاب الزعماء هنا الوقوف في وجه المصالح الخاصه
ودعم الفريق والسديري يحتاج الى شغل لياقى لتخفيف الوزن كما صرح المدرب
اذا الامر في يد السديري والمجاملات يجب ان تبتعد عن الهلال
رعاة كبار مطلبهم بطولات وجماهير لم تعتاد على الابتعاد عن المنصات
دعوة للجميع للالتفاف حول الجهاز الفنى والاداري لمصلحة الكيان
اوقفوا هز الثقه في الحارس الاول للفريق
لازم نتذكر ان الهلال لعب وعقله مع السد ومباراة حرص اللاعبين على الاحتفاظ بالجهد وعدم الاصابه والجميع يعرف صعوبة الفرق الصغار
في الملاعب الصغيره مباراة السد ستختلف كثيرا وليست مباراة الشعله مقياس ابدا وسترون المهم ابعدوا اهل المصالح والاستعجال من حساباتكم
الهلال سيكون في الموعد ان شاء الله

هذا وانت مشغول والهلال فاز واموره تمام
اجل لو فاضي والهلال متعثر
انا اقول الله يعينك على نفسك