وسم المحبّه



قالوا حبيبك ضايقْ، وقلت وش فيه
اللي ليَا من ضاق له خاطري ضاق
قالوا زَعَل باسباب... ودّك.. تجافيه
قلت الجفا ماهو بطبعي وانا اشتاق
قالوا: يقول.! وقلتْ نرجع نراضيه
نطلب لقاه، ولا يجي طاري افراق
الغالي.... اللي جعلني فدو عَينَيه
اللي يرُوق الجَو لا من هَدَا وْرَاق
هو تَوق فكري كَيفْ ماني بناسيه
هو ذَوق عيني جامع الزّين واخلاق
هو شَوق قلبي.. بالمَلاَ من يحاليه
هو عَوق ضحكي جعل ماعَنه ينعاق
وشْ لي بدُونه كان قفّى وانا ارجيه
عمْر الجفا ما كَان (بالدّرب) ينطاق
قولوا له اني بينه.... وبَين اياديه
يَامر على ما يطلبه شَمْس الاشراق
وان كان يجهَل شَيْ مَانِيْ بمخفيه
قدّمْت له عذري وشعري بالاوراق
والاّ الغَلا، مغليه... مغليه.. مغليه.
((وَسْمْ المَحَبّه)) بَيّنَه كثْر الاشواق

BandarHabobبندرهبوب



آخر المشاركات.. عمل صوتي ممنتج على اليوتيوب
http://vb.alhilal.com/t1180717.html

وسم رائع

ننتظر إبداع قادم

الله يسلمك اخوي خالد

كل عام وانت بخير اخي بندر

ويعطيك العافية يا مبدع ،،،

وانت بخير وصحّه وسلامه.. أشكرك

يا هلا بك

هلكني طول تفكيري
سهير وحالتي صعبه
وصمتي فيه تأثيري
وحظي منكسر كعبه
وحزني وجه تعبيري