شوف وأنا أخوك كلامك يمكن يكون صح ويمكن يكون خطأ،، إن كان صح أو كان غلط فالكل سيحترم رأيك
المهم مابغى اتفلسف بعطيك الزبده طوالي
انا بوجهة نظري اعتقد انك اذا جبت مدرب تعطيه كافة الصلاحيه دون ليه وكيف وليش ومدري وش
نعطيه كافة الصلاحيه بعدين نشوف الحصاد نهاية الموسوم دون الضغط عليه
يعني المدرب توه قال بسم الله نجي ننتقده ماهو منطق
اذا انا اجيب مدرب واجي اعلمه شغله سو كذا ولا تسوي كذا اجل ليه أجيبه
فالصبر الصبر الصبر

إقتباس الرسالة الأصلية كتبت بواسطة هلالي عاشق الكيان على اساس اني مشجع هلالي و اعرف لاعبين الهلال اكثر من ريجي و للمعلوميه ريجي ما بيطول لانه ضعيف شخصيه و مسير الحين من بعض اللاعبين

خف علينا ي مورينهو زمانه


قهر ي خي ليت الادارة جايبتك بدل ريجي أنت أعرف منـه


طيب ي مورينهو بتقنعني الحين الدعيع أو الحافظ أو شراحيلي أحسن من ديقاو بالدفاع


الاظهره بشكل عام تحسنت من نهايه الموسم الماضي وتجي الحين تعفس كل شيء وتجيب ظهير ما يحتاج


بتقنعني كريري أو الغنام أو عطيف أو الفضل أو القرنـي أو الفرج أفضل من بنتيلي

(ظهير سعودي حاليا يستحق يمسك الخانه بدل أجنبي ما فيه إلا إبراهيم غالب و النصر مستحيل يفرط فيـه)


الهجوم ناصر يوسف ياسر يكفون

ناصر ما يحتاج أتكلم عنـه

ياسر بديل كويس

يوسف ما أخذ فرصتـه عشان تحكم عليـه


الرئيس أعطى كامل الصلاحيات للمدرب وعلى الأقل نحكم عليه منتصف الموسم



عالعموم ريجي أعرف مني ومنك بشغله ويعرف اللي يحتاجه الفريق أكثر مني ومنك

لا تاخذ وضعية الي فاهم كوره , انا اقسم لو انك فاهم كوره ما كتبت الموضوع في هذا التوقيت
انا هذي اول مشاركه لي في المنتدى و اول رد لي و اخترته ان يكون لك و لاشكالك ( المستفهمه )
يا عزيزي انتهى الموسم الي راح والهلال في اعلى مستوياته الفنيه و الروحيه و الاستقرار مطلب مهم للابقاء على هذا المستوى
و التغييرات البسيطه الي اجراها المدرب ل الرفع من المستوى , و الهلال مشكلته في المواسم السابقه عدم الاستقرار و اتوقع من زمان الهلال ما ابقى على 3 محترفين اجانب ولعله خيره ان شاء الله .

خل يبدأ الموسم وعقب نحكم على الفريق

كلام رائع ولكن


لو حضر حسن معاذ أصبح لدينا خيارات كثيره ولكن للإسف رفض الإدارة الشبابية كان سبب قوي في عدم التغير في منطقة الدفاع .


البيشي وسلطان الدعيع مجتهدين ولكن الهلال يحتاج إلى الأفضل .


إما منطقة المحور المدرب طلب لعب يخدم نهجه والإدارة كانت ملزمه بتحقيق رغبة المدرب .



نطمح لمهاجم ولكن المهاجم لن يحضر إلا إذا كان دفاع الهلال بالعناصر المحلية قوي .



أسال التوفيق لنا ولزعيمنا .

..............

الهلال مايفلح لو استغنى عن احد القلوب الاجانب لا تقولي مهاجم وخراط فاضي الهلال الموسم الماضي مسجل 60 هدف في الدوري وش تبي اكثر.


وبعدين تبينا نعتمد على كريري طول الموسم طيب واذا انصاب مين يلعب بديل ,


ومن ناحية الاضهرة الادارة حاولت تجيب حسن معاذ ولا قدرت والزوري مستواه ممتاز في الموسم الماضي وخصوصا في المباريات الكبيرة.


على العموم أذا أنصاب او رحل احد القلوب معناتها اننا ماراح نحصل على بطولة هالموسم بنسبة 60% لازم اذا تبي بطولات والقاب يكون عندكك دفاع جامد لا تقولي دعيع وحافظ بدري عليهم توهم صغار على الهلال وشفنا كواك وديجاو لعبو 4 مباريات رسمية قوية ماجاء علينا ولا هدف ....