بسم الله الرحمن الرحيم

العشر عليكم مباركه وتقبل الله صيامكم وقيامكم ..


انا والله ما عندي طاري اكتب موضوع لكن شفت بالتويتر وهنا بالموقع ضرب الهلاليين بالهلاليين عن طريق اجترار تصاريح الهلاليين وايقاد نار الفتنه من قبل النصراويين بالهاشتقات وبعدها جمهور الهلال يبداء بضرب بعضه بعضا وهم يضحكون علينا ..


مهما حصل يبقون الهلاليين اخوان .. يوسف وسامي عاشوا مع بعض وشفنا كيف سامي القمهم حجرا وقال ان يوسف الثنيان هو الاسطوره رقم 1 وتحدث سامي وهو المقال بكل طيبه وتمنى للهلال الخير والبطولات ولم يفكر بالانتقام ضد من اقاله ..


ونفس الشي مع اختلاف سامي الجابر مع بندر بن محمد وقبلها بيوم خرج بندر بن محمد وحمل سامي الاخفاقات وقابلها بوصفه الاب كما قال بندر عن سامي انه ابن من ابنائه ..


قبل الاستعداد البدني والنفسي قبل اقل من شهر يجب اننا كجمهور ما نلتفت لمن يوقد الفتن سوى نصراويين او هلاليين من ابناء جلدتنا ..


الهلال طول عمره قوته بوحده الصف الهلالي وتماسك البيت الهلالي ..


نبي كجمهور نعلنها مدويه لا للتحزبات او التفرقه وكل لاعب هلالي او منتمي لهذا الكيان محل تقدير واحترام ونتوكل على الرحمن والله يزيل هالشوائب التي عكرت صفو سماء الهلال ..


اذا استمرينا على وضعنا الحالي سنخرج من السد لكن اذا رممنا الجدار المتصدع واعلنها الوقوف صف واحد ونحترم يوسف وسامي وبندر وياسر الخ الخ ودعمنا الفريق ومنسوبيه ككتله واحده صدقوني بنتوفق ان شاء الله ..


ارجعكم يا هلاليين لموسمين لتعرفوا حقيقه كلامي
1- موسم 2004 كان الهلال متصدع من الداخل فريق عبدالله بن مساعد وفريق بندر بن محمد فريقين داخل فريق وانهزمنا من الشارقه بالخمسه وبعدها باسبوع خرجنا من المربع بنفس النتيجه امام الاهلي كان موسم كارثي


2- موسم 2005استقال عبدالله بن مساعد وجاء محمد بن فيصل .. واخذنا جميع البطولات لموسمين باستثناء الدوري في الموسم الثاني والسبب ان عبدالله بن مساعد دعم ولم ينظر بعين المنتقم والمخرب واثر المصلحه العامه على المصلحه الشخصيه ..


الحين يا جمهورنا العزيز اختاروا اي موسم تكررونه 2004 او 2005 ..الهلالين اذا كانوا على قلب رجل واحد يكتسحون بإذت الله والنصراويين خبثاء جالسين يحاولون بث الفرقه بين الجمهور الهلالي ويجب اننا نكون واعيين ومدركين ..


آسيا على الابواب لكن تحتاج الى التكاتف والوقوف صف واحد وبإذن الله جمهورنا واعي وسيفوت عليهم محاولاتهم القذره .


والسلام ختام ..

كلام رائع وجميل لكن اخي العزيز سامي الجابر اخذ عليهم الشو وصار الاعلام يتكلم عن سامي واختفوا هم من الساحه ولذا هم لا يرضون بهذا صحيح انهم هلالين لكنهم يحبون انفسهم ايضاً وكما حدث مع الاتحاد ومنصور البلوي سيحدث مع الهلال لان الفكر في المجتمع واحد بندر بن محمد ومحمد الفيصل لا يريدون ان ينساهم التاريخ فلو نجح ابن مساعد سوف ينتهون من وجهة نظرهم هم ولو نجح سامي الجابر سوف ينتهي الثنيان وغيره لذا هم كل مره يظهرون ليذكروا محبيهم بأنهم احياء حتى لو كسروا النظام الهلالي . مثل هذه المثاليه تحتاج رجل مثل الامير هذلول وعبدرالرحمن بن سعيد الذي هم الوحيدون في المجتمع السعودي والهلالي الذي يحب ان ينجح الاخرين حتى لو كان على حساب تاريخهم . متى ظهرة هذه التراشقات ؟ بعد ان ماتوا ظهرة هذه التحزبات والقادم أسوء اذا لم تظهر شخصيه قويه تلم الشمل وتحافظ على ماعمله ابن سعيد .

كل عام وانت والجميع بخير
بالنسبة لي قاعد اتمرن لمباراة السد
كل اللي نتكلم عنهم بعيدون عن مباراة السد
بندر بن محمد والثنيان وسامي
لاتعطون الموضوع اكبر من حجمه هي نقاشات طالما لاتحمل اساءة لأحد ولو فتح احد موضوع عن طريقة المدرب قالوا مهو وقته توه ماسك الفريق وان اقترح لاعب قالوا ماتفهمون مثل الادارة وان تكلم احد عن الطقم قالوا فيه شركات وش يعرفكم وعلى هالحالة
لذلك اي موضوع طالما هو في حدود قواعد المنتدى ولايحمل اساءة فهو متاح

كرم الله وجهك واسعدك
في هذه العشر المباركه
نعم لازم نبعد عن كل شي يضر الهلال
ومن هنا اناشد الادارين
بقمع كل موضوع
يشوش على الزعيم
بعد شوي شوف المواضيع
هزيمة وديه راح تقلب الطاولة
لا عدمناك
تحية ترافق روحك صباح مساء

العشر عليكم مباركه انشالله ارجو من الاخوان لايطيرو بالعجه من الان والمتربصين للهلال كثير والكل يعرف ذلك خلوكم مع فريقكم فقط الفريق وبس والمدرب اوقفو صف واحد ولاتهتمو بالاخرين . مبارات اليوم اشوف المدرب يلعب دفاع والكورة تصل بين المدافعين وكانهم خشب على الواققف كل اللعب اليوم في ملعبنا وين تنظيم الهجمه من الخلف وين الوسط والاظهرة شكل المباراة تمرين على نص الملعب تحياتي للجمبع

كرم الله وجهك واسعدك
في هذه العشر المباركه
نعم لازم نبعد عن كل شي يضر الهلال
ومن هنا اناشد الادارين
بقمع كل موضوع
يشوش على الزعيم
بعد شوي شوف المواضيع
هزيمة وديه راح تقلب الطاولة

.. انا أقول نخلي عنا هـ السوالف .. أنت عارف و أنا عارف .. الزعيم داخل على منعطف تاريخي .. خلونا من القيل و القال

ننتبه من الحساد و المتربصين و العواذل .. ناخذ بالنا من نجوم الزعيم و ندعمهم بقوة و أكثر من أي وقت مضى ..

ندعم مدربنا و طاقمه الجديد و نهتف بـ إسمه و بـ إسم زعيم آسيا عالياً و نفتخر فيه ..

الأسطورة يوسف الثنيان <<< لا يعرف و غني عن التعريف .
الأسطورة سامي الجابر <<< لا يعرف و غني عن التعريف . نعرف أساطيرنا و نفنخر بهم و كفى~ .
.
كلـ عامـ و أنتمـ بخير

أصلي ياكابتن.

ودك تجمع كل الزعماء والزعيمات .... وتفهم يبعدون عن الهاشتاقات اللي الهدف منها ضربنا ببعض.

وكل الإعلاميين السفهاء .... وعدم الرد عليهم .... احقروهم. مع نفسه .. خليه يبربر مع الجدار.

بعض المرات نحنا اللي نكبر الموضوع ... نظرا لكثرتنا في تويتر والفيس ....

لازم يكون العمل منظم في تويتر خاصة ... بمعنى الهاش هذا ننتشر فيه الهاش هذا مع نفسه .. وكذا

الشخص هذا نسوي عليه حملة سبام ... ونخفيه من الموجود .... نرسل مجموعة تدعم أعلامي هلالي ... الخ

يعني حساب يجمعنا كلنااااا خاص بالمساندة ... زي الثكنة في لعبة " الترفيان ".

.....................................

في الاخير .... يعطيكم العافية.

نحن قريبون من اسيا واليها عائدون .....لنكن عونا ... ويد واحدة.

وحدوووووا الصفوف.

بيض الله وجهك

..............................

صح لسانك


الله يسعدك ويوفقك يارب

من ناحيه الجمهور... لابد عدم الشوشره على الفريق الاول.. لان امامنا كاس آسيا

اعضاء الشرف والادارة.. تصاريحكم متاخره.. وتقابلو وتكلمو وجها لوجه... انتو اكبر من هالحركات

الادارة... عليك التعاقد او تصعيد ظهير ايمن ممتاز.. يملأ المركز.. وعليك فك الارتباط مع اشباه اللاعبين.. والتعاقد او تصعيد لاعبين يستاهلون لبس شعار الهلال

*لاعبون سنين يلعبون في الهلال.. لايمكن باي حال من الاحوال الاتكال عليهم.. حاجزين مراكز بالفريق حرام فيهم.. إما لمستواهم الضعيف او لعدم انضباطهم.. اتمنى ان نستبدل هؤلاء بلاعبين افضل من ابناء النادي الصغار.. او بشراء لاعبين افضل..
*زمان تشوف الفريق الهلالي اساسي واحطياط مستواهم ممتاز.. الان تشوف الهلال صار مثل الاهلي والفقر زمان.. الاساسي ممتاز والاحتياط ضعيف
*اتمنى التعاقد مع محور الاتحاد جمال باجندوح.. الولد عظمه يابس وبنيته الجسمانيه انجليزيه.. ومستواه ممتاز في قطع الكور + توزيع

بالتوفيق للهلال يارب ونكتفي بعدم الرد ونترك الأمور لاصحابها فهم ان شاءالله يتداركون الامر ويعرفون الصالح من الطالح ويجعلو الهلال نصب اعينهم وخط احمر المساس به او التفرقه بينهم ... الشكر موصول لصاحب الموضوع

صراحه النصراويه خبيثين كل ماقرب الهلال من الاسيويه او من انجاز دخلو ع الخط ونافقو والمشكله ان بعض جماهير الهلال ومسؤولينه يسايرونهم مما ياثر ع الفريق وع الجماهير
بس لو يتركون يهايطون لحالهم ماضرنا هياطهم

تسلم والله كلام عاقل
بس ياليت المشرفين يهتمون شوي البعض المواضيع الي مالها فايده
زي موضوع يوسف وتصريحه وش فايده النقاش حوله ؟
لايوجد اي فائده غير اتساع الشق الهلالي
يجب ان نكون اكبر من كذا واي موضوع يتناول إسائه لاي نجم يتم تجاهله وتطويه الصفحات بدون فزعه مشرفين ..
تحياتي لك .