السلام عليكم

كيفكم يازعماء ؟

فيه هاشتاق على التويتر مشعلل والزعماء راح يستقبلون الكوتش سامي في المطار

#استقبال_الكوتش_سامي_الجابر_بالمطار

يوم الثلاثاء الساعه 11:30 ظهراً والله يقويكم يازعماء الرياض والله الله بالأستقبال لـ نبين للإداره رأينا في بقاء سامي .. ان كانت الإداره تجاهلت رسائلنا بالتويتر وحملاتنا فـ سنريهم الزعماء في المطار ونستقبل مدربنا ان شاء الله

والله يوفق الجميع .

يستاهل الكوتش سامي من يستقبله

الله يوفقه مع الزعيم وإن شاء الله أنه مستمر

يوصل بالسلامه وبكرة راح يشوفون اعضاء الشرف وعلى راسهم بندر بن محمد كيف شعبية وحب الجماهير للمدرب سامي الجابر وايش ممكن يخسرون من حب الجماهير لهم على المستوى الشخصي عشان محد يجي يقول جمهور سامي غير جمهور الهلال

إقتباس الرسالة الأصلية كتبت بواسطة hp_sa يوصل بالسلامه وبكرة راح يشوفون اعضاء الشرف وعلى راسهم بندر بن محمد كيف شعبية وحب الجماهير للمدرب سامي الجابر وايش ممكن يخسرون من حب الجماهير لهم على المستوى الشخصي عشان محد يجي يقول جمهور سامي غير جمهور الهلال

طيب عنده شعبيه عارفين بس كلاعب اما مدرب ماعنده ماعند جدتي بصراااااااحه

بعدين بدل تروحو تستقبلوه وينكم مانشوفكم في الملعب ياجمهور الرياض العزيز

اضغط المضغوط اكثر
لن تغفر لهم الجماهير الهلاليه الا في حالة وفرو الدعم لسامي وجلبو لاعبين على مستوى نيفيز ،ناصر بدل الاستعراض الفاضي هذا فقط يرضي الشقرديه

إقتباس الرسالة الأصلية كتبت بواسطة ابوسعود1979 بعدين بدل تروحو تستقبلوه وينكم مانشوفكم في الملعب ياجمهور الرياض العزيز

انا كنت من اكبر منتقدين جمهور الرياض وعدم حضورهم .. بس الموسم هذا ماقصروا ابد وماشاء الله عليهم حضور وتيفوهات رائعه .. وبالنسبه لسامي المحللين الي دارسين تحليل اثبتوا تطوره وقالوا يستمر ! خالد الشنيف وخالد بيومي وغيرهم .. لذلك بلاش حكي فاضي

إقتباس الرسالة الأصلية كتبت بواسطة ابوسعود1979 بعدين بدل تروحو تستقبلوه وينكم مانشوفكم في الملعب ياجمهور الرياض العزيز

ههههههههههههه ذكرتني بسنفور غضبان

كفووو يازعماءءء

والاسطورة يستحق الدعم

إقتباس الرسالة الأصلية كتبت بواسطة ابوسعود1979 طيب عنده شعبيه عارفين بس كلاعب اما مدرب ماعنده ماعند جدتي بصراااااااحه

تعلم كيف تنتقد وماله داعي نسمعك كلام انت بغنى عنه


وبخصوص سامي الاعب والمدرب

هذا تعليقي على العبارة التفرقه بين سامي الاعب والمدرب

إقتباس الرسالة الأصلية كتبت بواسطة جرح المودهـ [ ما أريد قوله انه يجب التفرقه بين الاسطوره سامي كلاعب وشخص آخر جديد اسمه سامي بالتدريب

إقتباس الرسالة الأصلية كتبت بواسطة الملكي [ انا ضد هذي العبارة، واللي قال هذي العبارة هم اعلام الاصفر وللاسف الكثير هنا يردد مايقوله اعلام الاصفر ولكن نستخدم هذي العبارة في حالة وحده فقط وهي انتقاد العمل لاجل مصلحة الكيان اما في حالة الدعم لا .. ! لانها تناقض عبارات ( الاسطورة ، ابن الهلال ، وتناقض جميع عبارات اللي تدعم سامي ) لهذا الفقراوي بتال القوس يردد العبارة ! ولكن جمهور الهلال اذكى بكثيرررر وهو الداعم الاول لــ ابن الهلال والاسطورة يجب ان لانجحد تاريخ سامي مع الهلال لان هذا الهدف من العبارة الصفراااء اعيد واكرر.. العبارة تستخدم في حالة انتقاد العمل فقط ولا عزاء للمندسين والحاقدين بالتوفيق للزعيم

اتمنى من الهلالين الحذر من المندسين اللي هنا يحاولون التقليل من سامي بحجة الكيان

ولكن صدق من قال :

لو كل كلبٍ عوى ألقمته حجراً *** لأصبح الصخرُ مثقالاً بدينارِ




الاساطير مثل سامي والثنيان وصالح النعيمه هم من صنعو تاريخ الهلال

وهم سبب شعبية الهلال

والكلب اكرمكم الله ليس أوفى من جمهور الهلال


‫إبداع سامي الجابر أمام سامسونج وجابليو نهائي آسيا 2000‬‎ - YouTube

سامي " سامي " سامي "

لن نرضى بغيرك يا سامي انت حبنا

وانت إن شاء الله مدربنا

إن لم تتجاوب الإدارة مع الجمهور الغفير

فليجلس بندر بن محمد في المدرجات ويآزر اللاعبين

في الملعب الروح التي في داخلك من اجل الجمهور تلعب وليس المال

فنحن بعد الله لنا الفضل في تأهل زعيمنا للدور الثمانية

سام6 لن نرضى بغيركككككك

والله تمنيت اني بالرياض ... كان جيت وياكم و استقبلت سامي يستاهل ابوعبدالله

مساء الخير للجميع
والله الولاء والحب للكيان الهلالي وليس لسامي وسامي اكتسب الحب لأنه في الهلال ولكن نريد مدرب عالمي للهلال ويبقى حب سامي واحترامه موجود ولكن ليس على حساب مصلحة الهلال وسامي نحبه مثل مانحب صالح النعيمة وفهد المصيبيح ويوسف الثنيان ومحمد الدعيع ونواف التمياط وغيرهم ولكن يبقى الحب والولاء للهلال ولمصلحة الهلال

إقتباس الرسالة الأصلية كتبت بواسطة ابوسعود1979 طيب عنده شعبيه عارفين بس كلاعب اما مدرب ماعنده ماعند جدتي بصراااااااحه

يعني انت هنا تقلل من قيمة جدتك ،،، واللي ينتقد اعز الناس لديه ماعنده سالفه كيف ترجي منه ان ينصف الاخرين .