بعد اجتماع اعضاء الشرف واتضح الانقسام تركوا الامر بيد رئيس النادي عبدالرحمن بن مساعد
فماذا فعل ابن مساعد
صرح بان النادي سوف يصدر بيان رسمي بعد اتخاذ القرار. وكانت حركة منه ليرى ردت فعل جماهير الزعيم اتجاه هذا الموضوع وكانت النتيجة ان معظم الزعماء اظهروا سخطهم من هذه الطريقة فما بالك لو تمت اقالت الكوتش سامي (وربما تكون مناورة من الهلال لابعاد الانظار عن صفقتين من العيار الثقيل محلية ولاعب اجنبي)
فاعتقادي الشخصي ان الكوتش مستمر باذن الله مدربا للزعيم الموسم القادم
وهذا تحليلي وتوقعي الشخصي

آخر الاخبار تقول الكوتش مستمر
الله يوفق الزعيم في قادم الأيام

إقتباس الرسالة الأصلية كتبت بواسطة يا الله التوفيق آخر الاخبار تقول الكوتش مستمر الله يوفق الزعيم في قادم الأيام

من كلام الجاسر البارح بروتنا احس انه بيقال سامي لانه قام يضرب مثل بمدرب الشباب وان الشباب شاله رغم تحقيقه بطوله

العلم هو ان المدرب الروماني جاي والتوقيع بعد 72ساعه في الرياض وتم الاتفاق ع اللاعب الأجنبي







المصدر @mutaiwee

والله انا لست من جمهور سامي ولاهو لاعبي المفضل ومن بداية الموسم مابغيته يدرب الهلال مو كره له او في نظري انه بيفشل مابيهم يحرقونه واول الموسم وبطولة العين غيرت كلامي ونظرتي واول مباريات الموسم كويس في نصف الموسم مدري شجاه اتوقع بعد لقاءه في برنامج ياهلا خربت امور كثيره وصرت يعني اعطيه سبعين ستين بالميه بس عارف ان سامي راح ينجح لانه ذكي من يوم كان لاعب وطموح واذا حظر الطموح والذكاء في أي شخص راح ينجح وفي نهاية الموسم اقتنعت في سامي ميه بالميه واسلوبه اسلوب المدرب الي يفكر في البطوله مايفكر في شي ثاني وباذن الله راح ياخذها اذا اقالوه فلاهي غريبه عبدالرحمن بن مساعد حبوب وخدم الهلال في اول فترته بعدها صار يشطح شطحات غريبه اقالة سامي وربي حرام المدرب طلعت بصمته وتعب واشتغل ويوم قرب يجني ثمار تعبه يقال .. مايعقل والله مايعقل والله ماني من جمهور سامي وانه عندي الاعب رقم ثلاثه او اربعه في نظري لعيبه افضل منه بس هو في نظر الجميع اسطوره ولحد يختلف عليه سامي ذكي ويستاهل ياخذ الفرصه ست مبارايات ولا هدف دخل في الهلال متى حصلت وفي اسياء من متى ماشفنا هالروح في العيبه والله اسلوبه اسلوب المدرب الي يجيب لك بطوله قاريه

أن بقي ماراح يسلم من اعضاء الشرف وحربهم عليه

وإن رحل لن يرحم الجمهور اعضاء الشرف و الأداره

ضعف عبدالرحمن بن مساعد هو من فتح علينا كل هالأبواب وجعل اعضاء شرف لم نراهم من سنين يحددون مصير المدرب وهم ليسو فنيين مختصين

مع أن أغلب المختصين الفنيين "اللي فاهمين كوره صح " اجمعوا ع ابقاء وحاجة الفريق للإستقرار الفني لأنه مقبل ع مرحلة حسم آسيويه
لأن سامي لايسمح بتدخلات الشرفيين في النادي ونقل الاخبار للتمصدر ع حساب الكيان حاربوه ويسعون لإيقالته

مقبلين ع مرحلة مهمه في آسيا تحتاج للإستقرار الفني وصفاء الذهن للأعبين والمدرب وهم يشوشرون ع الفريق هل هؤلاء اعضاء داعمين أم مخربين ؟!!

للاسف رئيس النادى وأعضاء الشرف كلهم اخطئوا بحق الهلال حتى لو استمر سامى لانه صارت هزه بكل ارجاء النادى كنت اتمنى بما ان الفريق ماشى بالطريق الصحيح الاموال اللى بيدفعها المعارضين لسامى كان دفعوها بجلب معاذ ولاعب عالمى خاصة ان الاسيويه فعلا هذى السنه قريبه من الهلال اكثر من السنين الماضيه لكن الان افتكر ضاعت بعد هذا الانشقاق ..... الله يكتب اللى فيه الخير للهلال قادم الايام ونشوف اتحاد اعضاء الشرف متحدين كما كانوا قدوة لجميع الانديه

حصل هزة وثقة نزعت

ان بقاء الاسطورة او رحل
ولا اعرف من السبب ولماذا ؟

الحقيقة إدارة الهلال تقود الهلال إلى الهاوية ، كل عام تخاف من الفشل وتقع في الفشل ، غير مؤمنه بدورها غير مؤمنة بامكانيات من حولها لم تقنع بعمل دول فأقالته لم تؤمن بعمل زلاتكو فتركته وحيدا يفترسه اللاعبون ، سلم الجابر الفريق وسلمه المسئولية وتركه لعبة بين اللاعبين والشرفيين مما أثر على النتائج مشكلة الهلال رئيسه يعتقد بأن الادارة الدعم المادي فقط... ويتعامل مع النادي كما يقرأ عن الثقافة الأوربيية وهو الضعف بعينه ...

بصراحه اول مره اشوف هالحماس في لعيبة الهلال وودهم يقدمون شيء خصوصا في مأس اسياء لعب حماسي الشقرديه ناوين البطوله وللاسف إقالة سامي راح تقلب الموازين