أتركوا العاطفه على جنب وأحكموا بالمنطق والمعطيات ففي هذا الموسم نتابع كل مباراه للهلال وأيدينا على قلوبنا خوفا من الخساره !!
لم يقدم هلال سامي أي مستوى يذكر سوى في مباراتين فقط !!
كنا ننتظر استقدام لاعبين ذا تأثير قوي ولكن حصل العكس بجلب لاعبين من فئة رخيص ويسد خانه !!
لم يتم جلب أي لاعب سوبر ستار ماعدا ناصر والذي أتى بسبب مشاكله مع ناديه فقط !!
طبعا سامي كان هو المسئول عن جميع التعاقدات وله الصلاحيه في ذلك !!
إذا كابر الهلاليون وجاملوا سامي على حساب الكيان فانتظروا مواسم صعبه قادمه على الهلال !!
أحب سامي وأدافع عنه كثيرا ولكن الهلال هو عشقي الأول والأخير ولا أهتم بالأسماء في حضرته !!
نريد مدرب عالمي صاحب تكتيك عالي ويعرف توظيف اللاعبين ..

انا اللي اعرفه ان المدرب الناجح هو اللي يضع خطته على حسب امكانيات اللاعبين اللي عنده. سامي الجابر ماعمل هالحساب وشفنا كيف خطته والاندفاع للهجوم مع انه كان مستوى الدفاع ضعيف جدا في جميع مباريات الدوري المفروض تبني الخطه على حسب امكانيات اللاعبين وكلنا شفنا المدرب باكيتا اول ماحضر للهلال وكان معاه نفس اللاعبين اللي كان الجماهير يطالب بابعادهم ومنهم خالد عزيز بس عرف باكيتا يوظف اللاعبين توظيف صحيح مع انه اجانب الهلال كان وقتها يعتبرو رخيصين

إقتباس الرسالة الأصلية كتبت بواسطة barhumi طيب جاوبني ع سؤالي لو الشباب والأتحاد والأهلي والأتفاق كانو بأفضل مستوياتهم بأي مركز راح نكون الي الرائد هزمنا والشعله تعادل معانا والشباب مرتين هزمنا بالرغم انهم ماكلين هزيمه من العروبه الاهلي بالقوه فزت عليه الاتحاد لو اسعفتهم اللياقه بالدور الأول مافزت عليهم 5 والدور الثاني كنا بناكل هزيمه والله فكنا الاتفاق الدور الأول احرجنا النهضه بالقوه فزنا عليه العروبه بالقوه فزنا عليه التعاون ونجران وتقول لي احسن مدرب خليك منطقي وابتعد عن العاطفه سامي لسه يبغى له خبره سنوات عشان يصير مدرب ويعرف يتصرف بظروف المباريات المبااراه الأخيره كان من الأفضل يخلي الفرج مساند مع كريري او الغنام وينزل العابد اساسي بس ما ادري ليه الفهامه هذي مباراة الشباب الأخيره بالدوري ترى هي الي افقدتنا الدوري لو فزنا فيها كان يمدي نقاطنا 67 المركز الأول لكن مدربك الي ماحط تشكيله مناسبه وسوى فهامه

اولا م فيه فريق ما يخسر حتى وهو مقدم مستوى
في مباراة الرائد الي خسرناها مستوى الفريق جدا جدا ممتاز
م كتب التوفيق للهلال فيها
حتى مباراة الشباب الاخيره لاحظ كمَ الفرص الي ضاعت
وخطاء لاعب مفروض انه خبره في تخليص الكوره
مسئلة لو و لو ولو هذي فيها اجحاف!
موسم قيرتس الاسطوري خسرنا من النصر الفريق الرديئ وقتها
خسرنا من الاتحاد الي فزنا عليه 5-0 نقول لو لو لو
مع قيرتس اكثر من مباراة يفشل في قرائتها وكدنا نخسرها
اهمها الغرافه وهذا هو مدرب كبير و خبير
الاهلي نتقدم 3-0 الشوط الثاني ترجع 3-3 !
كل مدرب يخطئ واتمنى نعي هالشي م فيه مدرب م يخطئ
سامي رقميا في المواسم الخمسه الماضيه الافضل بعد قيرتس
لو بلنتي دلهوم محسوب ولا مباراة النصر مع الشباب فيها قليل من العدل
كان الهلال متصدر
الهلال هالموسم م قدر يسجل في مبارتين بس الشباب اياب و كاس الملك !
معدل تهديفي 2.4
سامي لهث اخطائه نععععععم لكن حاله حال اي مدرب يخطئ !
انصفوه وقيموا العمل بواقعيه لا عاطفة

سرد المباريات الي خسر فيها الفريق مو معناها الفريق كان سيء
او سامي اخطىء فيها
مباراة الشباب و مباراة الرائد الفريق كان ممتاز جدا فيها لو لا رعونة الهجوم !

اعجبني في الموضوع عبارتك ( المنطق يقول...هل بعد ان اخطاء سامي مره ومرتين وثلاث واحتك بالميدان كثيرا..وغير وبدل واستفاد...وبداء بصقل موهبته التدريبيه والواضح انه سيكون داهيه تدريبيه قادمه نستغني عنه؟؟...وكاننا نجهز سامي للاخرين لكي يقطفوا ثمار صقل موهبته التدريبيه...)
يعني تعلم فينا وبيصير داهية تدريبية وماتبيه يروح لغيرنا

اقترح بماان عيال بن مساعد اشتروا نادي شيفيلد الانجليزي انهم يخلون سامي يدربه وبكذا نقلنا الداهية للدوري الانجليزي ومااستفاد منه غيرنا ضدنا ( وماصديقنا الا انفسنا )

إقتباس الرسالة الأصلية كتبت بواسطة عذب السجايا اعجبني في الموضوع عبارتك ( المنطق يقول...هل بعد ان اخطاء سامي مره ومرتين وثلاث واحتك بالميدان كثيرا..وغير وبدل واستفاد...وبداء بصقل موهبته التدريبيه والواضح انه سيكون داهيه تدريبيه قادمه نستغني عنه؟؟...وكاننا نجهز سامي للاخرين لكي يقطفوا ثمار صقل موهبته التدريبيه...) يعني تعلم فينا وبيصير داهية تدريبية وماتبيه يروح لغيرنا اقترح بماان عيال بن مساعد اشتروا نادي شيفيلد الانجليزي انهم يخلون سامي يدربه وبكذا نقلنا الداهية للدوري الانجليزي ومااستفاد منه غيرنا ضدنا ( وماصديقنا الا انفسنا )

مهما حاولت أن تقنع فلن تستطيع أن تقنع عقول غسلت بشغف حب سامي على الزعيم ومن يكون الزعيم في مكانة حب سامي هذا الشيئ اللي نشاهده الآن ومانبي
أحد يقول لنا عليه
فقط ياسامي أستلم مقدم عقد ولاتجهد نفسك كثيرا لسنا مطالبينك ببطوله فقط أصقل موهبتك التدريبيه في الزعيم
السنوات القادمه كفيله بأن تحقق بطوله أوبطولتين للزعيم وإن لم يحدث تفداك بطولات الزعيم

ديدن العاطفه صاحب الوجهين قالوا في البدايه أصبروا على سامي حتى النهايه وأحكموا عليه إن لم يحقق إنجاز
مرت السنه الرياضيه وخرجنا بصفراليدين وخرجوا لنا مرة أخرى نمنحه فرصة
فالسنه الأولى هي صقل موهبه والسنه الجايه راح نكوش على البطولات وكأنه بيننا
وبين البطولات هذه السنه هدنه لانقرب لها ولاتدخل دارنا من أجل حبيبنا سامي يحسن مستواه التدريبي في الزعيم

يعطيك العافيه وأويدك في كلامك

اخي الكريم تركي :

كتبت واجدت القوول
نعم هذا المشجع الحاب للكيان الأزرق
فوالله انك كتبت وابدعت ووضعت النقاط على الحروف

فوالله ان سامي لديه الكثير ولكن الحظ لم يخدمه ابدا ابدا وجميع الفرق وقفت ضده والأعلاااام لم يخدمه ابدا لانه سامي ابن الهلال
ولا يريدون له النجاح لكي يخافو من ثلاث كلمات تقال عنه وهي :
لاعب ــ اداري ــ مدرب
يخافون هذه الكلمات الثلاث تقال عنه لانها فعلا هيه قيلت عنه وهذا هو سامي ابن الهلال

اخواني :
رأيت بعض الردود وكأن الهلال كان مصخرة في جميع مباراياته فشككوني وكأني لم ارى للهلال أي مباراة وما كنت اراه فريق من الدرجة الأولى وكل من يلعب معه يمصخرة !!!
عجبا والله عجبا
لماذا تذكر الأربعات ايام كمبواريه ونسيت الخمسات هذا الموسم !!!؟
لماذا ذكرت ثلاثة الاتحاد وثلاثة النصر والشباب أيام كمبواريه ولم تذكر خمسة الاتحاد وأربعة النصر وأربعة الشباب أيام سامي !!!؟
فعلا جمهور لا ينظر الا بعين واحده فقط وللأسف جمهور الزعيم !!!

اخي المشجع /

الهلال لعب ضد جميع الظروف التي وقفت ضدة
وأجد جمهور الهلال وبكل بروود يقول غيرو الرئيس وغيرو المدرب !!!
الهلال لعب ضد الدفع الرباعي
وأجد جمهور الهلال وبكل بروود يقول غيرو الرئيس وغيرو المدرب !!!
الهلال لعب ضد الحظ الذي خانه كثيرا
وأجد جمهور الهلال وبكل بروود يقول غيرو الرئيس وغيرو المدرب !!!
الهلال لعب ضد التحكيم الموصى به على الهلال من اسير الشوك الفقراوي وشاكلته بالأتحاد السعودي الفاشل
يجب علينا أن نكون منصفين لما يفعل الهلال هذا الموسم رغم تدني المستوى الا انه طلع بوجه طيب
لعب النهائي بكأس ولي العهد وسرقت منه البطوله
الوصيف بفارق نقطتين عن المتصدر رغم النقاط التي اهداها الدفع الرباعي للمتصدر لخدمة هذا النادي للوقوف امام الهلال وسامي الجابر

اشكر اخي تركي على موضوعه الأكثر من رائع

اخوكم /

صـــ الود ـــادق

في اوروبا يقيمون اي عمل بالأرقام ومدى امكانية تطوره

الهلال من ناحية الأرقام في تطور مع سامي لا بد على الادارة إعطاء الفرصة لسامي للموسم التالي ومحاسبته فيها

لا ننسى تغيير خمسين بالمئة من جلد الفريق والهلال يقدم مستوى لا باس فيه فالهلال في مرحلة بناء ولو الغي عقد سامي سيهدم البناء وسيتم جلب مدرب جديد وبناء من جديد ولن يستطيع مواجهة الاهلي والنصر بسبب استقرارهم وبنائهم فريق قوي وسنكون في نفس الدوامه

أخيرا هناك إدارة وباعتقادي لن تتخلى عن سامي

سامي فاااااااااااااااااااشل

ولا عنده شيء هو والاداره

لو فيهم خير قدرونا

غبار وطريق و خطر ونحظر

ولا فيه احد يحس فيك

معك على طول الخط وتسلم ياغالي

يااخي سامي وضع تحت تصرفه كل شئ
اتى بنيفيز ....والشمراني وكريري والحافظ والكوري
واخرج من النادي كل مواطن وبقي لوحده حتى ابن مساعد لايريده في الدكه
لكن خطا واحد ارتكبه هو سبب نتائجه وخروجه خالي الوفاض ....ياسر منذ قدم للهلال لم نخرج اي موسم بدون بطوله ...ولكنه ابعده في الدكه وكانت النتائج متارجحه ...لان ياسر لاعب يستطيع يقودك للمنصه ...وهذا السبب الرئيسي في خروجنا من الدوري وتوالت النكسات من بطوله لبطوله

لو كان متواجد ياسر+ نيفيز = بطولات ......لكن سامي كان يريد نيفيز مع الشمراني وتضاربت الخطوط بينهما كلن يبغى الهداف

انا مع بقاء سامي الجابر لكن اذا كان يبي يستمر موب لازم فبعض المباريات المهمه يفاجئنا بالتشكليه والتغييرات اللي يسويها واكبر دليل مباراة الشباب الاخيره
وانا نتمنى سامي اذا اللاعبين ضيعوا هدف محقق ولا اخطوا فالتمرير انه يصارخ على اللاعبين او يعني يبين لهم انهم اخطوا موب اذا ضيعوا هدف صفق اذا اخطوا فالتمرير صفق سجل علينا هدف صفق للحارس !!
اوكي صح حلو انك تعطيهم ثقه لكن للاسف لاعبينا مايستاهلون الثقه
واذا كان يبي يستمر يجيب اجانب على مستوى عالي ومحليين على مستوى عالي بعد عشان يكون الاحتياط نفس الاساسي
مثلا نجيب شادي ابو هشهش فالمحور شفناه مع الفتح كيف يوم كان معهم خذوا الدوري ويوم طلع كذف صار مستواهم وشفناه مع التعاون قبل لايجي كان التعاون يصارع على الهبوط ويوم جا صار التعاون يحاول ياخذ المراكز الخمسه الاولى
ونجيب عمر عبدالرحمن او نجيب ظهير ايمن كوري جنوبي
ونخلي نيفيز وديجاو

انا ضد بقاء سامي لانه بصراحه المباراة المهمة والحاسمه يخبص بالتشكيله لايوجد لديه الخبره والله لو عندنا مدرب صح صاحب تكتيك ان الدوري ماراح منا ولا كاس ولي العهد ولا كاس المللك لان السنه ذي كل الفرق الكبيرة المنافسه طايح مستواها واحنا عندنا افضل العناصر بين الانديه بس التوظيف صفر كلنا نحب سامي لكن الهلال اهم من كل شيء نحبه

الحين اللي يؤيدون سامي بالله عليكم معجبكم مستوى الفريق ؟ ولاحظت بعضكم يقول خلوه عشان نقهر الأصفرين .. ياحبيبي الأصفر الصغير حصد من قدامنا بطولتين ولحد يجي يزعجني دفع رباعي ومدري وش من متى الزعماء يتكلمون عن التحكيم ..؟
بعدين اللي يقول الهلال بالأرقام ازين .. ياحبيبي افرض ان الشباب والأهلي والإتفاق والإتحاد بمستواهم .. تبي تحقق ( ارقامك ) الزينة ؟ والله ماغير تنافس على الهبوطططط ..