إقتباس الرسالة الأصلية كتبت بواسطة B1ue نفس الاسماء وتبي نتجية مختلفة ؟ الغنام + كاستيلوا + كواك + الشلهوب اللي احترمه كثير واحترم تاريخه + يوسف السالم + البيشي + السبيعي لازم الموسم هذا يكون اخر موسم لهم سواء بيع او اعارة ويتم استبدالهم بلاعبين من الاولمبي وشراء بعض الاسماء الاتفاق والاتحاد مهددين بالهبوط واتوقع واحد منهم بيهبط اذا هبط الاتحاد فمختار فلاته وبعض الاسماء الاتحادية راح تمشي ونفس الكلام بالاتفاق واتمنى الادارة من الان تبدا بالتفاوض .. البيشي + الزوري + ياسر القحطاني + عزوز + السديري بدلاء وخيار اخير نحتاج لصانع العاب بجانب نيفيز وبالبرازيل اسماء كثيرة تتفوق على نيفيز بمراحل واللاعب البرازيلي تدفع له يجي ما يهم اي دروي يلعبون فيه اهم شي الدراهم واقرب مثال باستوس لاعب العين. هولك لاعب زينيت. وبيرنارد لاعب شختار الاوكراني كلهم يلعبون بالمنتخب البرازيلي وعندهم الفرصة انهم يمثلون اي نادي باروبا ومع ذلك رواحوا للي دفع اكثر

يأخي ركز مو نفس الاسماء انا قلت للموسم القادم تغيير بعض العناصر وعودة كثير من العناصر ..!
_
الغنام : لاعب خبرة والمبارياات الي لعبها حلوة ، كاستيلوا مشكلته كاس العالم حاليا ولا هو اول ما جاء كان مقاتل

كواك : لعب مبارتين تقريبا ومسجل هدف ..! الشلهوب قلت انه لازم يعتزل ويكون موسمه الاخير
يوسف السالم ، طالبت بتغييره ، البيشي احتياط ولعب مباريات جيدة ، السبيعي سيكون في الدكة بعد عودة شراحيلي وشيعان ..!
فكرة لاعب وسط مع نيفيز حلوة ولكن في اهم من ذالك ، بخط الدفاع وبخط الهجوم مع ناصر
_
شكراً لك ولتوآجدك ..

إقتباس الرسالة الأصلية كتبت بواسطة a55c ههههههههههههههههههههههه ذكرتني بنظام ناصر الجوهر شدو حيلكم ياشباب .. اعطيني شي مفيد بموضوعك أو حل طرحته خلال الموضوع !! كل الموضوع قاعد تعددلنا اسماء اللاعبين

وانت ذكرتني بعريف الفصل ، لما يهاوش ع قل سنع ..!
وش جاب هرجك الحين من فائدة ..!
اذا انت ما فهمت شي من موضوعي والاغلب انك ما راح تفهم
_
شكرا لتواجدك

إقتباس الرسالة الأصلية كتبت بواسطة سلمان شمر انت الان جايب نفس اللاعبين وقاعد تمدح فيهم !! الا ياسر ي خي من البدايه اكتب مابي ياسر وانتهينا ليه هالمشوار ،،!!

انا مدحت بعض منهم وبعض منهم انتقدتهم ..
يآسر زمان انتهى ولازم ما نكابر عشان هدفين النصر ^_^
_
انا اتكلم عن كل واحد بموسمه ما انتظر ع حساب الفريق
كم اهداف ناصر وكم اهداف ياسر ..!
كم قيمة عقد ناصر وقيمة ياسر ..!
_
الي ما يقدر يقدم اضافة للفريق يعتزل او يحترف برا بفريق اضعف من الهلال ..
احنى بعالم الاحترافية ، ادفع لك ، لازم تقدم لي فهمت ..!

إقتباس الرسالة الأصلية كتبت بواسطة شعشقون من دون مجامله السنه القادمه اول خطوه البحث عن مدرب على مستوى عالي حتى وان دفع فيه مبلغ ظخم البحث عن لاعبين اجنبين بدلن من كواك وكستيلو تدعبم الفريق ببعض الاعبين امثال الجبرين وتصعيد بعض لاعبين الاولمبي وخاصه خالد الكعبي والعمار وسلامتكم

_
موسم ما انتهى والمدرب لم يتم تقييمه ...!
مدرب بدون عناصر مميزة ماذا يصنع ..!
مدرب بالاجانب والمحليين الي جلبهم اصبحوا مصابين ماذا يفعل ..!
_
ناصر + نيفيز + كاستيلوا : سامي جابهم صح ..!
كلهم متميزين ونختلف ع الاخير بثقله ف الفترة الاخيرة ..
والبقية مصابين ..! ولم يشاركوا كثيرا
_
لا نريد تصعيد الآن نحتاج للمندمجين واصحاب الخبرة ..

إقتباس الرسالة الأصلية كتبت بواسطة غيث المسردي الآن تنسف كل ماقدمه ياسر هالموسم!!!!!!! احذف الموضوع ..واكتب موضوع جديد واكتب عنوانه مانبي ياسر ي جماعه ولا تكتب ف الموضوع شي.. خلك سيده ياستاذ.. لا تتعب على موضوع فارغ وبدون طرح حلول وجيهه..

انسف ما قدمه ياسر ..!
ياسر مهاجم فيجب ان نرى سجل ارقام تهديفية له
او يجب ان نرى صناعة اهداف بدلا عن ذالك
وان كانت متواجدة فهو لم يقدّم شي ..!
_
نجامله لأنه ( كان ) يقدم ..!
كآن :- فعل ماضي منتهي ..
موضوع فارغ بالنسبة لك وبالنسبة لي وممكن يكون لكثير من فهموا فكري انه مهم
_
اتقبل وجودك مهما كان وشكرا لك

المشكلة ليست باللاعبين
المشكلة في القدرات الفنية المحدودة لمدرب الفريق
33 مباراة رسمية ولايزال يخترع كل مباراة خطة وتشكيلة بالإضافة إلى أن قراءته للمباراة 0%

إقتباس الرسالة الأصلية كتبت بواسطة Abdulaziz alhajri الاحظ الكثير منكم زعل عن كلامه لياسر؟ ياسر اللي سواه هالموسم شي ينعد ع الاصابع كافي مجاملات ع حساب الكيان السنه الجديد تغير طاقم الاداري لان تعبنا من بن مساعد ونتمناه يعطي فرصه لغيره وتغير سلم التدريب كامل مكمل وان بغى سامي يمسك الالمبي حياه غيره الله يستر عليه لاعب كبير ونقدرة غير كذا مع اخترامي الشخصي له كافي مجاملات والله ي عالم اجل صغير الرياض اللي غايب له اكثر من 20 سنه عن البطولات يجي ياخذها وحنا نعاني ونحط قلوبنا ع يدنا لالعبنا قدام فرق صغيره خوف من الهزيمه او التعادل لابد من التفكير بالموضوع نحتاج طاقم اداري ممتاز وطاقم تدريب اوربي رجل له خبره ويقرا الخصوم اما سامي الجابر متدرب وهذا الحق والحق ماينزعل منه والله ي في اشياء بداخلي مكبوته ماراح يقدر هالشي الا اللي عاش زمن الهلال السابق

ياسر وياسر وياسر ...!
طيب إلى متى ..!
ياسر موسم 2010 سجل اهدافه بالدوري 11 ..!
موسم 2011 كان بالعين الاماراتي لديه 7 اهداف بدوري المحترفين
موسم 2012 سجل اهدافه 13
هذا الموسم 2013 سجل اهدافه 4 ..!
_
ناصر الشمراني / الشباب 2010 اهدافه بالدوري 17
موسم 2011 / 21 هدف مع الشباب
موسم 2012 / 10 اهداف في ظل وجود سبيستان اساسي مع الشباب
موسم 2013 / 16 هدف مع الهلال
_
يوسف السالم
موسم 2010 / 14 هدف مع الاتفاق
موسم 2011 / 11 هدف مع الاتفاق
موسم 2012 / 8 اهداف مع الاتفاق
موسم 2013 / 0 ولا هدف مع الهلال
طبعا انا اتكللم بالدوري وهو مع الهلال ما لعب غير 286 دقيقة
_
المجموع :
ياسر خلال اربع مواسم : 35 هدف
ناصر خلال اربع مواسم : 64 هدف
يوسف خلال اربع مواسم : 33 هدف
ويوسف مثل ما ذكرت هالموسم مع لعب الهلال كثير يعني كان ممكن يسجل اكثر من ياسر
_
شفت الفرق يا اخي ..!
عندنا اسماء وبلا ارقام
ياسر هبط مستواه من قبل اربع مواسم
11 / 7 / 13 / 4
يوسف هبط مستواه من اربع مواسم
14 / 11 / 8 / 0
ناصر مستواه جيد جداً ويعتبر ممتاز جدا ع ياسر ويوسف
17 / 21 / 10 / 16
_
الاداراة انا ذكرت فيها من يقف خلفها هذا الموسم ومن عاد اليها من شرفيين ادارة ابن مساعد واجهة فقط الآن
_
المدرب واه يالمدرب
الموسمين الماضيين جلب اربع مدربين وكان ممكن احد ينجح
ولكن ما احد اخذ فرصته او ممكن ما نجحوا
ايفان هاسيك + توماس دول بموسم واحد 2011
زلاتكو + كوامبوريه بموسم واحد 2012
وسامي الجابر لم يكمل موسمه ونتائجه افضل منهم
_
وان كانك ع النصر يستاهل والله ليه الحق ما ينقال ، الفتح اخذها من قدام عيون الفرق الكبيرة كلها
والشباب اخذها بعد من قدام عيونهم وهو كان منهم
والنصر يا رجل له 18 سنة غايب
والادارة لها 5 سنين ، الموسم الي راح كانوا جماهير النصر يتظاهرون قدام بيته وقدام نادييه يبونه يستقيل واليوم يتغنون فيه ..!
_
انا بتكون عندي احصائيات للهلال بس ابي الدوري ينتهي وراح احصائيات للمدربين وللاعبين

إقتباس الرسالة الأصلية كتبت بواسطة SeMo KSA اتفق معكـ في كل اللي قلته ما عدا نقطة المحاور كاستيلو بصراحه ما ينفع بدورينا لان رتم الدوري سريع اسيا تقريبا نفس الشي الا اللهم مباريات فرق ايران .. وفعلا سامي اجتهد وجاب مدافعين اجنبيين لحل مشكلة الدفاع لكن قدر الله واصيب اكثر من لاعب مدافع ما بقى الا الحافظ والدعيع وكلاهما ضعيف خبره .. ويجيك واحد ويقول سامي هو السبب يا اخوي طالع بالفريق اول ثم احكم ع سامي .. اتمنى انكـ ما تتحطم من بعض الردود لان بعض الاخوان يقرا له نقطه ويرد عليها ما يرد ع كامل الموضوع .. ع العموم اجتهدت ووفقت يا محمود وبانتظار جديدكـ .. يعطيكـ العافيه .

حلوة وجهة نظرك ب كاستيلوا ، صحيح مثل سلمان الفرج محور وسريع او مثل رادوي برضوا قوي وسريع
سامي قدم نصف امكانيات ، ولو يشجع قلبهـ ، ويلغي بعض من اللاعبين الي اسمائهم وعقودهم ديكور فقط
انا انتقد سامي ولكن ع اخطااءه ولا انتقده ع مشيئة القدر
الخط الخلفي والحراسي ، جلب اثنين حراس واثنين اجانب قلبي دفاع وشاء الله ع ماهو الحال
انا ما اتحطم انا تكلمت بموضوع وانا اعرف شنو اعني وبالاخير انا لي وجهة نظري وفكري
وبالمواضيع القادمة انا راح اتكلم بلغة الارقام بالنسبة لسمتويات اللاعبين المتواجدين الان
_
الله يوفقك ياخوي ويسعدك ربي وشكرا لأسلوبك ولكلامك بس انا والله ما وضعت هالموضوع الا لذكر نقاط هامة ومفصلية حصلت مع سامي والفريق ، وتمنيت النقاش والحديث عن الموضوع اكثر من الاطراء او الانتقاد السلبي

إقتباس الرسالة الأصلية كتبت بواسطة برنس تورينو كلامك صحيح الهلال يحتاج الى مهاجم كبير مع الشمراني مثل طيب الذكر يوسف العربي الان هو من افضل مهاجمين أوروبا والدوري الإسباني او براده المهم مهاجم تكون لديه إمكانيات التحضير والتجهيز واستغلال الكرات العاليه والتهديف يعني راح يكون مهاجم غااااالي أيضاً يحتاج لجناح إمكانياته عاليه وأفضل دي كوستا لاعب شاختار دونستيك لان الأجنحة المحلية هي من خيبت الظن بسامي بعد ما اعتمد عليها من ناحية المحور كاستيلو مقدم مستوى جداً ممتاز لكن يعاب. عليه ثقله وهنا تكمن الصعويه في اتخاذ القرار هل تحتاج لمحور دفاعي او هجومي او بمعنى اخر من تراهن ان يكون أساسي سعود كريري او سلمان الفرج اي هل تحتاج الجرئه الهجومية او التنظيم الدفاعي انا من ناحيتي أودّ بجلب محور هجومي مثل نذير بلحاج أو رامسي يعطي الفريق جرئه عاليه في الهجوم ولا يهاب اي فريق منافس ًًو كريري جيد دفاعيا في الأخير أتمنى التوفيق للهلال وتخطيه للدور الثاني في بطولة اسيا

نعم عندنا خلل كبير بالهجوم ومفروض هالموسم كان عندنا اهداف اكثر
ولو تلاحظ بالمباريات انو توصل الكرات للـ 18 وتنتهي في ظل وجود ناصر فقط لحاله
_
المحاور لو يلعب بسعود كريري وسلمان يكون عندنا سلمان محور وصاحب نزعه هجومية وخلفه سعود يساند الدفاع
_
والجناح مفروض واقتراح مميز لأنو العرضيات سيئة جداً
_
اشكرك ع تواجدك وع كلامك ونقاشك المفيد

إقتباس الرسالة الأصلية كتبت بواسطة ساحرني الزعيم المشكلة ليست باللاعبين المشكلة في القدرات الفنية المحدودة لمدرب الفريق 33 مباراة رسمية ولايزال يخترع كل مباراة خطة وتشكيلة بالإضافة إلى أن قراءته للمباراة 0%

_
خلل هام كان عند سامي الجابر ف مسألة التدوير وأظن هذي تكون ف المعسكر للتعرف ع قدرات اللاعبين او تكون امام الفرق الضعيفة
_
شكرا لتواجدك ولكن لا تنقص نسبة فوز سامي وانقاذه من مهزلة تعدد المدربين مثل المواسم الماضية