السلام عليكم ورحمة الله وبركاته

اول شي هاردلكم جميعاً هذا المستوى الهزيل في المناطق الخلفية كالعادة

واقول مبروك والف مبروك لحكم المباراة المصون في قراراته ونرفزته للاعبين في كل الكرات

استلم الكورة بصدرك فاول عليك ؟؟

انا جاهل في التحكيم ولا افهم في الكوره ابد بس اني استقبل الكورة بصدري ياخذ فاول اللي وراي !!!

ترتقي معي بكورة تاخذ فاول وانذار شفهي شديد اللهجة عشان ارد عليك واخذ كرت : )

لاعب فريقك يطيح في الوقت بدل الضايع يروح يسولف معه وهو [ عند خط المرمى ]

------------------------------------

اول مره اشوف فريق متقدم برى ارضه ويندفع بجميع اللاعبين

لا وللمرة الثانية على التوالي

-----------------------------------

فايز السبيعي وما ادراك فايز السبعي

ما شاء الله فنان في لعب كرة الطائرة

صراحة لازم نحطه بمسمى [ صانع العاب للخصم ]

----------------------------------

سلطان الدعيع

صح انك صغير في العمر بس ما بخلي ضغطي يرتفع على حسابك

عندك اخطاء تتقدم وما تبي ترجع [ مشتاق للحس التهديفي ؟ ]

----------------------------------

ياسر الشهراني يا مبدع في عرضيات ارضيه

ولا عرضيه شفتها تقول وين راس ناصر او ياسر

----------------------------------

الزوري ي جمالية اندافعاتك اللي ما شفنا منها شي ..

ليتك جلست بمنطقتك ولا تقدمت لان كل الكور مقطوعة وتروح لبلحاج [ وهات انفرادة ]

----------------------------------

الشلهوب لاعب كبير ومحد ينكر هالشي بس يا كوتش تشوف ان الشلهوب مكانه وسط متقدم

تخليه وسط متراجع اي مدرب يفعلها !!

---------------------------------

الكلام صراحة حالياً طالع بحرقة خسارة وليس تعادل

جمهور يطق مشوار إلى قطر ونفس الاخطاء تتكرر

اقولها بالفم المليان يا كوتش سامي

[ اذا لم تستطع ان تعالج اخطاء الدفاع يوجد من هو يستطيع بالتدريبات الجادة والصرامه في القرارات ]


اعتذر على هالاسلوب بس جد الوضع صار خطر على حساب المجاملات

يا عمي طير ..
شوووووووووف فريقك انت اول شئ بعدين الس تكلم
لا تسوي حشششششره وصداع على الفاظي الله يخليك
لو انت شنبببب انتقد بعض اللاعبين انتقد الاداره غير جي أكرم خلق الله بسكوووووووووووووتك

وش تبي بالضبط
نتصل عل نجم والا كل واحد يصلج سيارة الثاني

اذا عند حارس يشيل الفريق كلمني اما يجيك حارس يصنع للخصم
وهنا اسكت ن الكلام المباح

شماعه التحكيـــم ، ماعاد تنفع ...

فريق بطل ... يخرج من القسم الاول بدون ولا فوز .. شماعه تحكيم؟ ولا شماعه خطا كم لاعب؟ دخل مرمانا 7 اهداف؟ مستوعب ايش 7 اهداف في ثلاث مباريات فقط ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

سامي متى الله يقلعك من النادي دمرت الفريق وهم يسلكون لك اخطاء تحكيم

إقتباس الرسالة الأصلية كتبت بواسطة طلال التميمي يا عمي طير .. شوووووووووف فريقك انت اول شئ بعدين الس تكلم لا تسوي حشششششره وصداع على الفاظي الله يخليك لو انت شنبببب انتقد بعض اللاعبين انتقد الاداره غير جي أكرم خلق الله بسكوووووووووووووتك

رجاء حبيبي اكتب زين واعرف وش تكتب بعدين رد الله يرضى عليك !!

إقتباس الرسالة الأصلية كتبت بواسطة reqelmy_8 شماعه التحكيـــم ، ماعاد تنفع ... فريق بطل ... يخرج من القسم الاول بدون ولا فوز .. شماعه تحكيم؟ ولا شماعه خطا كم لاعب؟ دخل مرمانا 7 اهداف؟ مستوعب ايش 7 اهداف في ثلاث مباريات فقط ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ سامي متى الله يقلعك من النادي دمرت الفريق وهم يسلكون لك اخطاء تحكيم

حبيبي انا بين لك ان الحكم كان منرفز في قراراته ,,

وضربت لك كم مثل

وانقدت بعض لاعبيينا اللي اليوم كانوا عاهة على الفريق

وانتقدت سامي لاني لا ارى اي تغيرات من اول تولية المنصب التدريبي في النادي

إقتباس [ اذا لم تستطع ان تعالج اخطاء الدفاع يوجد من هو يستطيع بالتدريبات الجادة والصرامه في القرارات ]

والله كلامك في الصميم بسس ياريت يفهمون

كلنا مقهورين والله تعادل بطعم الخساره ,
شماعه التحكيم مالها داعي بالموضوع ,
الهدف الاول بغلطه من الشلهوب في نص الملعب لاعب بنيتة الجسمانيه هزيله جدا وتقطع منه الكره بسهوله ,
نيفيز نجم المباراه بلا منازع ، ناصر الشمراني لم تصله كرات تشفع له بان يقدم مستوى بالملعب ,
اما الخط الخلفي + الحارس فحدث ولا حرج بغض النظر عن ديقاو فيد واحده لا تصفق ,
والله يصلح الحال في قادم الايام ,

الدفاااااااااع ونفس السيناريو يتكرر في جميع المباريات، فريق قاعد يسجل بس يخذله الدفاع اللي بحاجه لقائد داخل الملعب يعرف كيف ينظم الدفاع، اما خطة كشف التسلل هي اللي نكبت عفشنا

شوف عزيزي ننتقد ماننتقد
حنا والطوفه الهبيطه وواحد
ولاكان من بدايه الموسم تصلحت الاخطاء المتكرره لين اليوم
اللي علي انا واياك بس نروح نموت وكذا عرفت؟

صدقت والله في كل كلمة قلتها
بس ياسر الشهراني اليوم ابدع في واجباته الدفاعيه
المباراه شوطين شوط سداوي والاخر هلالي
بالتوفيق للهلال في المباريات الجايه

الفريق اليوم لا بأس به لكن قهرونا بالاندفاع ركنية ٩. لاعبين متقدمين مافيه الا لاعب في المرتدة ،، ومصيده التسلل ع أعصابي ،،،، خلك واثق من نفسك ولا تعتمد ع التسلل ،، الله يوفقهم بالرياض بس

الحكم شفته نذل

لكن فريقك يفشل بالله هذا مستوى زعيم اسيا

الله يصلح الحال بس للموسم الجاي والا هالموسم كارثه خروج من جميع البطولات وتذيل مجموعة اسيا اسوء موسم وبقيادة الداهيه سامي